بنت سبتمبر;14650822:
بنات البحرين بكلمكم شوي عن موضوع حساس ..وقولوا لي رايكم
رحت لفهيمة الليلة وكان شيء غير متوقع
اصلا اني اول مرة اروح لعيادة كاني منزهقة ولان بيتنا صوب العيادة تقريبا فما تاخرنا ورحنا وقت الموعد
دخلت داخل العيادة الة اشوف ناس وقافية وصاير المحل قفصة واني ما ادري وش صاير@@ ماكان احد عند الكونتر ولا شيء قعدت اتمشى واشوف بيبان واجد امبي احصل احد اعطيه بطاقتي او شيء مافي
اخرشي دقيت باب ودشيت حجرة الة اشوف الدكتورة سلمت وقلت لها اني موعدي الحين ! الة تقول لي كان المفروض ادقين الباب قبل لا تدخلين !! خخخ فشلتني وحرجتني قلت ليها اني دقيت الباب بس ما احد سمعني وطلعت حالا جتني الصيحة
المهم رحت قعدت اتحلطم واعلم لي صوبي البننية الة تقول لي اني موعدي قبلش بنصف ساعة وللحين ما جا دوري!
و جوفي دلين قبلي كلهم وكانو اكثر من 4 كلهم قبلي وللحين ما دشواا اني انصعقت !
المهم رحت دورت بالغرف امبي اقعد في محل اني وزوجي مافي ! الة بالغصب حصلت اقول وين تودي فلوس العيادة خل تشتري كراسي بدل مو خالة يوقفون على رجولهم كانهم حمير موقفة خخ
المهم موعدي 8 وقعدني الى 9 الى ولا دشينا وقالت لي شربي 3 ماء بس ما شربت لان ادري بروحي حصورة ! وبعدها طقت جبد زوجي قال لي بروح اسال كم باقي قالت ليه الهندية الة مصدقة في روحها 6 قبلكم ويبغا ليها ساعة ونصف ...وااااااااه على هالحسبة بالنبيت عيل في العيادة الة يقول لي زوجي امشي تعالي بنمشي وقال للهندية نبي البطاقة مالتنا قالت لحظة قال ليها بعد جا موعدنا وطوف ولا دشيتونا الة تسوي ليه بنزارة هالهندية لازم بعد تنتظر مثل غيرك! وانقهر زوجي لان حدها منزهقة هالهندية واخلاقها رديئة الة يسوي ليها بالعربي لا الدكتورة ولا ممرضتها اخلاقها زينة جهنم تحرقكم اعطونا البطاقة خخخخخ وحدة تنرفز منها وعصب الة تسوي لحظة بسال الدكتورة وراحت حملت بطاقي وجت ومشينا
بعدين جتني الصيحة امبي اشوف وجه ولدي ماني سيدة اتصلت عيادة حكيمة وحجزت لبكرة موعد والله يستر بعد !
غريبة خيوو ان فهمية جدي .. خواتي راحوا لها قبل وااايد مدحوها لي واني بعد رحت اليها وكانت واااايد طيبة .. وبعد كنت مأخذه عندها تصوير ابو 45 دينار عشان اتصور لي وجه البيبي .. وصورته لنا بس كانت مغطية وجهها بأياديها ثنتينهم .. بس ما اخذت علي 45 اخذت بس 35 دينار قالت لي ان ما يبين وجهها .. وقلت لها عن الزلال اللي خوفوني منه .. وفحصتني مجان ..
يمكن صايدنها ضغط .. حكيمة يقولون وااايد زينة بعد .. الله يوفقش خيوو ..
أم مريم