مشكلتي

و من قال لك الغموض صفة محموده يا اختي ... ليش ما تكونين عادية صريحة لكن تعرفين حدودج

انا ماتعودت على الناس لان ماعندي علاقات مع الناس
حتى لو اتكلم مع بنات عمي لما اطلع امي تسالهم عن الاشياء اللي سولفت فيه مهما كان
وانا على وشك زواج ومابي اخسر اللي ضحى بكل شي عشان اكون معه

حاولي تفكري في كل كلمه لاي حد قبل ماتقوليها ومع الوقت تتعودي وربي يهنيك

مافيش احسن من لما الواحد يحسب كلامه قبل مايقوله وموفقه اختي

الله يسعدك ياقهوة الصباح والرازجية

حبيبتي ابغاكي تعرفي شي مهم ...
المنتدى لاهو من بقية املاكي اتحكم في الكلام اللي ينكتب فيه
ولا انتي تقدري تمنعي رأي ممكن ينعرض لك في موضوعك
اللي انا قلته ثقي تماما انه مر على بال أكثر من وحدة .. مو انا لوحدي
يمكن انا الوحيدة اللي جيت وقلتها لك في الوجه وزعلتي من كلامي ومافكرتي فيه بعقلك
والدليل عدد الردود القليلة اللي جاتك ..
لأن اللي ماردوا شافوا ان ماعندك مشكلة من الأساس
ومامثلتي لهم غير فئة منتشرة في المنتديات وانتي عارفة هذي الفئة
الفئة اللي يتمسخروا عليها وينشروا كلامها على اساس انه نكتة وكلام حريم ..
زوجي قال وزوجي عمل وزوجي يحبني وزوجي وزوجي وزوجي وزوجي ..
كأن الحياة عندها وقفت على زوجها وكأنها مالها وجود الا بزوجها !!!!

بالله افتحي اول صفحة من موضوعك واقرأيها بتجرد .. كأنك وحدة ثااانية غير صاحبة الموضوع ..
وشوفي كلامك وتخيليه من وحدة ثانية .. خليكي حيادية واحكمي ..
اللي ظهر من اللي قلتيه انه ماعندك مشكلة ياقلبي ..
انتي جاية تتكلمي عن نفسك وبس .. جاية تحكي زوجك ايش قالك وايش قلتي له ...
بتزعلي من رأيي انتي حُرة ..
انا لا اعرفك ولاتعرفيني احنا هنا مجرد معرّفات مجهولة الهوية ..
وزعلك لابيأثر فيا ولا بيأثر في غيري ..
ان عجبك او ماعجبك .. هنا أو في واقع حياتك .. دايما فيه تعدد اراء ..
ناس تطبطب وناس قاسية ..
استفيدي من الكل .. من اللي يزعلك قبل اللي يرضيكي ..

ندخل في الموضوع ..
اتمنى تحطي في بالك اني اهتميت لأمرك وفصفصت كلامك لمصلحتك ...

انتي متناقضة عارفة هذا الشي والا لا ؟؟
جيتي في كل مشاركة حطيتي كلام يدور بينك وبين زوجك ماله علاقة بالمشكلة
على اعتبار فرضاااا انه عندك مشكلة من الأساس ..

يعني الكلام اللي انا اقتبسته في ردي اللي زعلك ... فهميني ايش علاقته بالمشكلة ؟؟
بنسخة مرة ثانية عشان توضح لك الصورة ..

نا متملكة من 6 شهور واحب زوجي حب جنوني
لدرجة اني احس فيه بكل شي اذا كان متضايق حتى لو مابين لي

ايش علاقة هذا الكلام باللي بعده ؟؟؟؟؟؟

هو من الطبع الكتوم ويبيني اكون مثله انا انسانه اللي في قلبي على لساني يعني لو احد يسالني عن شي اجاوب بكل صراحة وهو مو عاجبه وضعي كذا يقولي خليكي ثقيلة مااحد يعرف ايش اللي في داخلك وانا مو عارفة كيف ممكن تساعدوني كيف اكون غامضة ولكم مني كل الحب

مافي علاقة ابدااااااااا ....
يحبني واحبه حب جنوني واحس فيه ويحس فيا ...
وكلام المفروض انه يكون خاص بينك وبينه مايدري عنه أحد طالما ماله علاقة بالمشكلة ..
وبعدين دخلتي في سيرة ثانية بعيدة بعد السماء عن الأرض ..

كان بإمكانك تقولي انا مشكلتي ما اقدر امسك نفسي لمن احد يسألني في خصوصياتي ..
واجاوب بكل تلقائية بدون ما أحسب حساب للي اقوله
وتصير لي مشاكل مع زوجي اللي يتضايق من صراحتي المفرطة ... بس ..

ماله داعي الاستفتاحية اللي مالها دخل بالمشكلة ..

جيتي في رد ثاني على أول رد جاكي من وحدة من الأخوات وقالت لك من خلال كلامها عبارة جدا مهمة وما انتبهتي لها

ما عدا عنك وعن زوجك لاء يعني خط احمر

رحتي رديتي عليها ونشرتي الغسيل بزيادة

انا اخذت زوجي عن قصة حب اكثر من 12 سنه
واللي حولي يبون يعرفون السبب اللي خلاه متمسك فيني لدرجه انه رفض يتزوج اي وحدة ثانية
وانا من النوع اللي احب الناس بس اللي حولي يتكلمون فيني وانا ماتحمل هو يقول ماعليك منهم دام انا معاك حاولي انك تكتمين كل شي بقلبك

ابغى افهم ... ردك هذا ايش معناه وايش علاقته برد الأخت اللي ردت عليكي ؟؟؟
كأنك مستنية احد يرد عليكي عشان تقولي يحبني من 12 سنة وماااااارضي بغيري بديل ..
الله يهنيكي ويسعدك معاه ياستي ... بس من جد عبارتك في غير محلها على الإطلاق ..

جات ردت عليكي وقالت لك

دام عندك زوجك ويحبك كل هالحب طنشي الكل ولما احد يتكلم طنشي

رجعتي مرة ثانية وجبتي سلة الغسيل و بديتي في النشر ...

والله انك صادقة انا طنشت بس اهلي يقولون هو امك وحتى اخواني يقولون هو امك
احيانا احس اني ضايعة بدونه وفاقدته
احيانا لما اسمع صوته وهو يتكلم معي من جد اجلس ابكي يقولي لاتبكين قدامي احس ان يديني مربوطة مااقدر اسوي شي
انا مريت بمشاكل كثيرة وهو الوحيد اللي كان يوقف معي عشان كذا احس اني ما احس بالامان الا معهفهمتنيني

انا مااعرف اتكلم معه كلام حلو الا حبيبي قلبو عمري اقوله اشتقت لك يقول تدرين توي ادري
انا ازعل لما يشوفني زعلانه يقول اني ليش تزعلين انتي عارفه شعوري بدون مااتكلم
هو مايتكلم دايم بس دايم يتحداني يقول تتحديني اغلبك بحبي ومن هالكلام
انا اقوله انت ماتحس فيني يسكت بعدين يرسل رساله مين اللي يحس فيكي اجل

!!!!!!!
شوفي كلامك واحكمي انتي .....!!!
ايش دخل الناس اللي مرت على موضوعك عشان يعرفوا ايش يقولك وايش تقولي له ؟؟؟؟؟؟
احس اني ضايعة بدونه ...
لما اسمع صوته ابكي ... ولمن ابكي يقولي لاتبكي احس يديني مربوطة !!!
ما احس بالامان الا معاه ...
اكلمه اقوله حبيبي وقلبي وعمري واشتقت لك ..
دايما يتحداني يقولي تتحديني اغلبك بحبي !!!

خيــــــــــر ؟؟؟؟؟
ايش دخلللللللل أساس المشكلة باللي بينك وبينه وبالاحاديث اللي تدور بينكم ؟؟؟؟؟

بتخربي على نفسك بكثر الكلام ...
لا وحاطته في قسم المشاكل الله يصلحك ؟؟؟
تجي وحدة زوجها مبهذلها في حياتها وتشوف كلامك وتصقعك عين تخليكم في خبر كان ..
وساعتها انبسطي بنتايج الكلام اللي ماكان له داعي ينقال ..

شفتي الردود اللي جاتك ؟؟
كلهم قالولك قفلي فمك واسكتي ..
وانتي تقولي وتكرري ساعدوني .. مني قادرة اتغير ..
وتحطي لك في كل رد سطرين ثلاثة تشرحي فيها حالة من حالات الحب والهيام اللي تعيشوها ..
ولو ماشفتي ردي اللي زعلك كان كملتي موشحات .
. وماكنتي غيرتي عنوان موضوعك ..من مشكلتي مع زوجي ... لمشكلتي ..

محد يقدر يغيرك بالكلام .. كل اللي جاكي من ردود مفادها واختصارها ( اقفلي فمك )
ومع هذا مابتتغيري لانك مقتنعة بنفسك و تبرري اللي فيكي بإن امك كانت تمنعك من الكلام ..
شفتي التناقض ؟؟؟؟؟
المفروض ان وضع زي كذا لو كان حقيقي وانا بصراحة أشك انه حقيقي ..
المفروض انك تعودتي على السكوت والخوف من الكلام لأنك مُدربة من صغرك على السكوت ..
ابدا مو مقنع تبريرك ولا يدخل العقل ..

شوفي التناقض واحكمي

انا السبب في شخصيتي امي لانها كانت تسالني عن كل شي وكانت تمنعني اني اتكلم مع احد
لذلك احس ان الكلام هو المتنفس الوحيد اللي اهرب فيه من تحكم امي وسيطرتها علي فاتمنى مااحد يجرحني بالكلام

ورجعتي قلتي ...

انا ماتعودت على الناس لان ماعندي علاقات مع الناس
حتى لو اتكلم مع بنات عمي لما اطلع امي تسالهم عن الاشياء اللي سولفت فيه مهما كان
وانا على وشك زواج ومابي اخسر اللي ضحى بكل شي عشان اكون معه

امك تمنعك من الكلام !!...
وبعدين تقولي ان الكلام متنفسك الوحيد !! ..
وشوية رجعتي قلتي ماتعودت على الناس ومالي علاقات بالناس
و في سطر ثاني قلتي الناس قاعدة تتكلم عني وتقول ... !!
وزوجك يرسل مسجات كلها انزعاج من تناقل الناس للي تقوليه ...

كوني صادقة مع نفسك ... ترى كل رد لك يناقض الثاني ... واغبى وحدة لو تقرا ردودك بتحس ان فيه شي غلط ...

الشي اللي انا متأكدة منه انك مستمتعة بضعف شخصيتك ومتوقعة انك بتلاقي تعاطف من الناس اللي حولك
ومايهمك في الدنيا غير انك تتباهي بعلاقتك بزوجك وقد ايه يحبك و ايش يقولك وايش تقولي له ... !!!!
وماتدري ان فيه ناس هوايتها تصطاد في المويه العكرة ...
وبتخرب حياتك بكل الطرق اللي تتمكن منها..

شوفي ياحبيبتي ...
فيه مثل يقول يابخت من بكاني وبكى علي ..ولاضحكني وضحك الناس علي ..
تبغي تاخذي كلامي رغم قساوته من باب النصح لوجه الله خذيه ..
واذا شايفته هجوم و تجريح براااااحتك ..
بكرة تقولي ياريتني سمعت من اللي زعلوني وقالولي لاتتكلمي ...

نقي كلامك وانتبهي للكلمة اللي تقوليها .. لمين تنقال و ينفع تنقال والا ماينفع ..
ماله داعي تحكي في تفاصيل علاقتك بزوجك واحاديثكم مع بعض مهمااااااا كان لانه حرام ..
لمن تقولي وتحكي معناته قاعدة تهتكي ستركم ..
اللي بينك وبينه يخصكم لوحدكم مايخص الناس ...
زوجك يتضايق .. ومشكلتك انه يتضايق .. وقاعد ينبهك بكل الطرق وانتي ماتبغي تفهمي ..
وبيجيه وقت وبينفجر ...
ودليل قرب ساعة الانفجار المسجات اللي قاعدة توصلك ...
عاجبك وصفه لك (( بــالبــقــرة )) ؟؟؟؟؟؟؟
والله العظيم لو انا مكانك كنت اهلك نفسي بكاء على كلمته هذي ...
خليتي احترامك عنده يتناقص بدرجة انه كتب بيده كلمة بقرة متعمد وقاصد وارسلها لك ..
يعني ماهي زلة لسان ابدا ... شفتي فين وصلتي نفسك معاه ؟؟
وكملي في اللي انتي فيه وبتسمعي لك كلام جارح منه اكثر من كذا
و بيجي يوم يقولك انا ما ابغى حرمة ما تحفظ سري وفي الطالعة والنازلة تقول كل اللي بيننا ...
والله بتفقديه بأسلوبك ... وانتي حرة .. عقلك في راسك تعرفي خلاصك ...
الرجال غير المرأة .. الرجال ممكن يبيع و يرمي ورا ظهره ويمشي بسهولة ..
مخه كذا .. ربي خلق تركيبته وطبيعته كذا .. عقلاني حتى في رومانسيته .. بعكس المرأة
زوجك لو حس انك داخلة عليه بخسارة ووجع راس توقعي بكل بساطة يوم يجيكي ويقولك بالسلامة ..
ولاااااافارقة معاه .. ولا تصدقي انه بيتعب لفراقك .. يوم يومين وينسى ..
خصوصا لو صادف نموذج لوحدة عكسك تماما .. وحدة كذا مفصلة على مزاجه
بيندم عدد شعر راسه على الايام والسنين اللي قضاها معاكي ...
شغلي مخك وانتبهي لزوجك لايطير من يدك ....
قوي شخصيتك و خليكي رزينة ..
الرجة والتلقائية الزايدة بتجيب لك المشاكل ..
بكرة بتتزوجي ودائرة معارفك وعلاقاتك بتكبر وبتحتكي باهل زوجك و قرايبه ..
وبتضطري تروحي لزيارات فيها الحرمة الكبيرة وفيها الصغيرة
وفيها الحاسدة وفيها الحاقدة
وفيها اللي عندها مشاكل وفيها المطلقة وفيها الأرملة ...
وفيها اللي قاعدة لك على الوحدة .. بتسويكي تسلية المجلس وياااكثرهم ..
لو بتستمري على حالك خذيها مني ..
سنة بالكثير وانتي راجعة بيت اهلك بسبة لسانك اللي ماتعرفي تمسكيه ..

اعذريني على طول ردي ...
بس والله انا ماقلت اللي قلته الا لمن حطيتك مكان اختي الصغيرة
اللي لمن تغلط اعنفها و اسمعها كلام يزعلها من محبتي فيها ولأني ابغى نتيجة من كلامي معاها ..
ما اطبطب عليها واقولها خليكي زي ما انتي وسوي اللي تبغيه ..

الله يستر عليكي ويسعدك ويبعد عنك كل شر

انا دخلت عشان افهم ممكن انا من جد مااعرف اتعامل مع الناس اسفة على كل شي صار

استعينواعلى قضاء حوائجكم بالكتمان
فعلاترى الكلام الزايدبدون داعي مايجيب الاوجع الراس والحسد والمشاكل
فتعلمي فن الصمت مع الأخرين
ولاتهتمي بالعواذل وزي ماقالوامادام معاي القمرمالي ومال النجوم
الله يتمم لك ويسعدك

كلام اختي ديور صححيها كل شوي تغيري رايج اقري ردها بتمعن وطبقيه وخلج من زوج يحبني واحبه وهالقيل والقال والكلام اللي مايودي ولا يجيب زوجج يحبج وتحبينه ماخليتي فلانه ولا علانه ما قلتي لها وتبين ماتجيج عين تصكج وترفعج من سابع سما تنزلج سابع ارظ اربطي لسانج شوي واركدي

مشكورة ياقلبي

ما بزيد ع كلام الخوات .... فكري زين .. وإنتي برااايج