ممكن تلاقولي حل للمتزوجات ذوات الخبرة

الله يعينج

يمكن يكون الطلاق حل:01::01::01:

حبيبتي حالولي تغيرينا من نفسك رفهي عن نفسك شوي
يعني عدلي من لبسك من شكلك من ترتيب البيت
لاتهتمين فيه حطي نفسك مشغوله يوم يكون هو في البيت
يوم يكون برا ارتحي دللي نفسك تسبحي كلمي جوال اخرجي من البيت اجلسي ع النت
يعني لا تجلسين عندها كثير لا تبيني له انك تغرين منه لاتعطينه اهتمام اطبخي
سلي نفسك في ايش شيء العبي مع ولدك حالولي تشغلين نفسك
لاتشلين هم انه يكلم حريم لاحبيبتي بحكم عمله هو كذا صح
يعني عيشي حياتك لاتفكرين فيه بس لاتهملينه وايد حضري له الاكل والملابس متطلباته
تفربي من ولدك اكثر اكثري استغفار وصلاة الليل وقراءة القران
وراح تشوفي النتيجه باذن الله :086::086:
تاكدي انفي رب يستجب لدعواتك ويسخرالقلوب ويقلبه كيف يشاء

انصحك بكثره الاستغفار فانه يحل العقد والمشاكل سبحان الله وخاصه قبل لاتنامي حاولي انك تستغفرين الا ان تنامي والله انا مجربه واسأل الله بمنه وكرمه ان يهدي لكي زوجكي ويصخره لكي وانصحكي بكثره الصدقه بنيه ان الله يصلح بينك وبينه وباذان الله ستجدين النتيجه .

شوفي ياقلبي ..
ماراح ارتب لك الكلام وانصحك نصايح كلها اصبري واتحملي وكلميه ومن هذا الكلام اللي لايودي ولايجيب ..
نوعية الكلام اللي زي المسكن تاخذيه عشان يخف الألم في لحظته ومجرد مايروح مفعوله يرجع الألم .. ماينفع ..
انتي تبغي حل ؟؟؟؟ خذي الحل ...
حبيبتي.. المشكلة فيكي انتي ...
زوجك زي كل رجال الدنيا ..
الطريق اللي يلاقيه سالك قدامه في حياته مع زوجته بيمشي فيه ..
حسستيه ان شخصيتك قوية ولك رأيك و ارادتك وعقلك ورزانتك واثبتي له في عدة مواقف رجاحة عقلك ...
بيضرب لك ألف حساب ويهتم انه يظهر في عينك بافضل صورة ..
فتحتي له طريق للاستهزاء وهزأتي نفسك كثير وخليتي كرامتك وقيمتك ممسوحة قدامه ..
ثقي تماما انه ماراح يفوت فرصته وبيفرد سيطرته عليكي ..
وماراح يتردد في انه يثبت لك كل مرة انك ساذجة وماينفع تتخذي اي قرار لأنك غير مؤهلة ..
ويبدأ يتعامل معاكي بمنطق الذكورية السخيفة .. ولمجرد انه رجال .. اي قرار يتخذه حتى لو كان غلط هو صح في نظره ...
.وبيمسح وجودك تماما ويعاملك معاملة الجواري ..
خصوصا انه تأكد بينه وبين نفسه ان زوجته ماتدري وين الله حاطها وفرصة يسوي فيها ابو العُريف ..

وللأسف رغم طيبك و احترامك له و صبرك على تصرفاته ...
ماقدّر واحترم هذي الصفات فيكي .. ولاشاف فيكي الا زوجة ساذجة ينضحك عليها ..
بدليل انه مسوي فيها المطوع اللي يقرا على الناس
ويسوي الحركات اللي ماتنوصف بشي غير انها قلة حياء .. !!!
وانا متأكدة انك منتي مقتنعة بقصة القراية على الناس
وساكتة على اللي تشوفيه عشان ما تبغي تسوي مشكلة وتخربي بيتك .. وما الومك على خوفك على بيتك ابدا ..

اللي يعالج الناس بالقرآن يحترم كتاب الله اللي بين يدينه ويعمل به ..
يلتزم باخلاق الرسول عليه الصلاة والسلام وصحابته رضي الله عنهم جميعاً ..
يحترم حاله كرجل متزوج وعنده زوجة ممكن تزعل من تصرفاته اللي مالها داعي ..
ماااااااااايمد يده على حرمة ولا طفل رضيع .. وهذا سواها ..

زوجك ياحبيبتي لايقرا على احد ولا يحزنون
اذا يقرا شي فهو يقرا ديوان نزار قباني على الجوال مع اللي يضحك معاهم ...
اما قرآن ؟؟؟؟ ما اظن ..
اللي يحفظ كتاب الله ويعالج فيه مايسوي هذي الحركات ..
بالعكس الا يمكن يكون جاف مع الحريم اللي يكلموه اكثر من العادي وينهي المكالمة بمجرد مايجاوب على السؤال اللي انطرح عليه ...
مو ياخذ جواله ويخرج برا ويتكركر مع الحريم وياخذ راحته ..

غيري طريقتك معاه ...
صحصحي وشغلي مخك واتركي الطيبة الزايدة وحسن الظن اللي بيوديكي في داهية ..
وبطلي تسمعي كلام المنتديات كل ماصارت مصيبة قالوا سوي له ليلة حمراء وخضراء وبرتقالية
ترى مو كل المشاكل تنحل كذا ...
انتي عندك واحد يبغاله اعادة برمجة ... غيري اسلوبك كله معاه وبتنعاد برمجته ..
لمن تشوفيه ماسك الجوال ويكلم ويضحك
طنشيه ولاتسأليه عن شي سوي نفسك ولا فارقة معاكي ..
بس خليه يحس انك فاهمة كل شي ومطنشة بمزاجك ..
البسي واكشخي واهتمي بنفسك ولا عليكي فيه..
اذا انتقدك لاتعطيه وجه واذا بتردي عليه قولي له مو شغلك .. انا البس لنفسي مو لك .. لاتتلقف ترى محد طلب رايك ..

ومصروفك ماتصرفي منه الا على نفسك .. مصاريف ولده عليه مو عليكي
ولاتعطيه لمن يطلب منك .. اذا سألك فين فلوسك قولي ماعندي ..
حتى لو عندك قولي ماعندي لك شي .. دبر نفسك انت رجال واتصرف ..
خليه يضرب راسه في ستين جدار لاتعطيه ولا قرش ..
حتى لو كنتي موظفة .. هو مسؤول عنك وعن ولده وبيته ..

اغراض البيت اطلعي معاه روحي السوبر ماركت وخذي اللي تبغيه
واذا سوى لك مشكلة ومارضي يجيب شي والا تعمد يحرجك في السوبرماركت اسكتي ولاتردي
واذا رجعتوا البيت امسحي فيه البلاط سمعيه كلام في عظمه فشليه
واذا منتي من الحريم اللي تروح وتشتري اغراض للبيت مع زوجها
اكتبي له لستة بطلباتك وقولي له جيبها وانت جاي ..
لو سوى لك سين وجيم وبدا في الصوت العالي ومارضي يجيب شي ..
بهذليه وقولي له استحي على وجهك عيب انا لو اروح اقول للناس على اللي تسويه بتلاقي استحقار وكلام يهين رجولتك ..
ايش فايدتك رجال مالك لازمة ولا فايدة في بيتك تطلع روحي على اكل ياللي ماتستحي ..
هذي دناوة نفس وبخل وانا ما يلزمني رجال كذا ..
وروحي كلمي احد من اهلك يجي بيتك ويشوف ثلاجتك الفاضية و يتصرف معاه ...
صحيح مو كل شي ينقال للاهل وحلو الوحدة تحل مشاكلها مع زوجها لوحدهم ..
بس زي كذا حالات لازم يتفشل من اهلك ...
ماجابك من الشارع عشان يجوعك و يبهذلك كذا ..
.كله الا التقصير في الاكل والشرب عيييييييييب هذي دناوة نفس وقرف ...

سمعيه كلام جارح يا اختي ... زوجك ماتعود يسمع منك كلام جارح ..
متعود عليكي ساكتة ومتحملة واللي يعطيكي اياه ترضي فيه وتموتي له من الضحك على نكته البايخة
قوي شخصيتك معاه ووريه الوجه الثاني .. اتعاملي معاه بشوفة نفس ولاتعطيه وجه
لو جاكي يستخف دمه مسوي فيها طويل العمر ..
فشليه بنظرات تحسسه انه ثقيل دم على قلبك
ولو تقولي له كلمة تفشله يكون احسن .. كلمة من الكلمات اللي يستخدمها معاكي لمن يجرحك ..

ولمن يتواقح ويمد يده عليكي والا على ولدك اتصلي باهلك وخلي احد يجيكي ويتفاهم معاه ..
سوي له مشكلة وكبريها .. لاتمرريها زي دايما ..
وموضوع روحتك لأهلك من حقك مرة في الاسبوع تروحي لهم ..
وخلي عندك اصرار على حقك ..
لاتتنازلي عنه حتى لو وصلت معاكي تسوي له مشكلة تسودي عيشته
ترى زوجك من النوع اللي يبغاله دق على راسه زي المسمار ..
اذا انعطى وجه واحترمتيه سوى فيها زحمة ولكاعة
ولو جربتي قلة الاحترام معاه وطولة اللسان تشوفيه زي الفل ماشي لك على العجين مايلخبطه زي ماسوت معاه زوجته الاولى ..
بس انتي لاتسوي زي زوجته وتصير قلة الأدب وطولة اللسان طبع فيكي ..
بس كمان لاتقللي من قيمتك لدرجة تخليه يهينك كذا و يعاملك معاملة الجواري وانتي ساكتة له !!..
قوي شخصيتك ولاتخجلي من انك تردي عليه وتجرحيه لو جرحك ..
لو اتصرف معاكي تصرف غلط ردي عليه وازعلي وطنشيه بالايام ولاتسوي له شي من احتياجاته
لا غسيل ثياب ولا كوي ولا طبخ ولاشي يخصه
خليه يجي ميت من الجوع مايلاقي شي ياكله ...
يدور لبس مايلاقي شي نظيف ومكوي..
ولاتكلميه بالايام ولاتضحكي معاه ولا تعبريه ..
خليه يدخل ويخرج من البيت وهو زي الجدار ماله وجود عندك ..
خليه يحس بقيمتك .. علميه يعتذر منك اذا غلط ..
كله بيدك والله .. بس بطلي طيبة زايدة .. هذا الانسان بتعيشي معاه عمرك كله
مو معقولة تستمري على هذا الحال معاه من غير ماتحاولي تصلحي الاوضاع الغلط ..

للمرة المليون اقولها واعيدها واكررها .....
الزوجين اذا مابينهم احترام متبادل .. الحياة بينهم مستحيلة .. واذا استمرت بتكون جحيم ..
لاتفكري في الطلاق الا بعد ماتسوي كل الطرق عشان تصلحيه ..
اذا استعدل معاكي كان الله غفورا رحيما ...
ما استعدل .. يابنتي بيت اهلك ارحم لك من كذا حياة كلها اهانات وتجويع وقلة خير ..


اعذريني لو كلامي كان قاسي عليكي .. بس ماقلته الا لمصلحتك والله

الله يستر عليكي ويصلح احوالك ويهدي لك زوجك ..

ااختي اتفق مع اختي ديور بكل كلمة فية رجال من هذا النوع يبون وحدة متسلطة بعدين كلمية بالمنطق والدين خلية يطبق الدين ببيتة .


التوقيع:

اتطلقي منه احسلك قبل لا يبهدلك و يبهدل ولدك معاكي

السلام
شنوا الحاجه الإيجابيه الي تخليك قاعده معاه
!!
يضرب الولد عمرو 7 شهور !!!!
راجعي حساباتك ، المرءه عمرها ماكانت خادمه أو عبده ،المرءه ربي من سابع سماء كرمها ، موش في لخر بعد عزها و دلالها في دار بوها إيجي راجل ايهينها !!!!!!!!!!!!!!!!!

تكلمي معاه وما اقدر اقول تطلقي لأنها صعبة

الله يهدي الحال ويهديه لك ويصلحه الله قادر

الله يكرمك حبيبتى ويهدى زوجك

بس انتى استمرى برضه فى الرومانسية والدلع ولبس القمصان وغيرى من شكلك ومن شكل تسريحه شعرك ومش تتعصبى عليه

سلام اختي انتي قلتي انه مطوع وعارف كلام الله فهميه بطريقه حلوه انه انتي منزعجه من طريقة معاملته لك وقولي له انت ارف كيف كان الرسول صلى الله عليه وسلم يعامل زوجاته واعرفي منه السبب الرئيسي يمكن عين حسد سحر ارقيه وارقي نفسك وربنا يصلح الاحوال

انا مع الاخت ديور

أشكر كل من مرت صفحتي ونورتهها بردها الحلو أمنى لكل وحدة السعادة في حياتها العلمية والعملية والعائلية