لمة الليبيات الجزء 15 لشهر ربيع الاول

عموما يابنات كل واحد برايه وقناعته مني انا انقوللكم
سلامات ربي يجمعنا ع الخير في ايام افضل من هكي ان شاءالله
وربي يحمي بلادنا من الفتن وان شاءالله اترد زي قبل واحسن
في امان الله

يا روح نبى نقولك ان الجزيرة وغيرها اكيد حيكون فى خطأ فى المعلومات لان لا عندهم مراسلين لا كاميرات لا قاعدين فى وسط الحدت ؟؟؟؟؟ مخلوهمش وهادا غرضهم وااااااااااضح باش الناس متعرفش شن صاير بزبط ,,,, يعنى حاجة عادية كيف مفهمتوهاش



الله ينصر الجزيرة يا رب

وينصر شباب ليبيا ياااااااااااااااااااااارب

شن اخر الاخبار يا بنات ؟؟؟

خطاب امس انا معاك عروسه ماقالش حتا انا كلي اسي وحزن زي ماقال حسني مبارك ماقالش الله يرحم الشهداء بل بالعكس اتهمهم بالكساد والسكير

والهلوسه وهدا خلا الناس تغضب منه مفروض تعاطف شوي مع اسر الشهداء حتا بالكدب كان هو يعرف ......... بل بالعكس قعد يقول النفط النفط هدا الي شاغله هو

بالله هدا شنوووووو يستخف بعقولناااا

عروسة ليبيا انتي كلامك روووووووووووووووووعة والله
اسمحيلي اتكلم تاني

يا بنات سيبكم من الجزيرررررررة
الجزيرة في يوم جمعة الغضب اللي قالو القتلى بالمئات
كانو بس يا دوب في اليوم ده القتلى ما وصل للمئة حتى
القتلى صحيح عددهم زاد
بس اقصد وقت العصر لما قالو القتلى بالمئات بالاسكندرية، عمتي ممرضة بالمستشفى الميري دي المستشفى العام اللي كانت المظاهرات عندها
بتقول ما وصل القتلى للمئة حتى يمكن ما وصل للخمسين كمان
لكن اللي بالعناية المركزة في تعداد الموتى، لكن ما يحسبوش اموات

سيبكم من الجزيرة خليكم انتم عدسة انفسكم
وشوف اهلكم اللي بينزلو المظاهرات بينقلولكم الوضع كمان صحيح
تواصلو مع بعض يا بنات وما يرهبكم الاخبار والاعداد المهولة
الجزيرة قناة مخززززززززززززية هما الوحيد شعللة الاخبار بس عشان تكسب شهرة
هو ده اساس عملها

بريق امل مرحبتيين بيك في اي وقت وصحيتي علي المشاعر النبيله الي عندك واكيد احنا كلنا عرب واخوات والله والله اني ايام توره مصر

نبكي بدموووعي قدام التلفزيون و ندعيلكم من كل قلبييييييييي

هايله كلامك صح فالحين يقولوا الجزيره كله كدب باهي هي ورونا الحق ابعتوا مراسلين و خلو الناس تصور التعتيم هدا شن معناه ؟ معناه مايبوش حد

يشوف الي قاعد يصير في البلاد والتشويش علي قناه الجزيره ليش ؟ كان هما واتقين من نفسهم و من المعلومات يخلوها تبت مفروض وهما يبتوا والناس الي تحكم

بس الحقيقه واضحه زي عين الشمس مهما يحاولوا يخبوهااااا

وقالو بيسموووو شارع ب اسمه بعديييييييييييييييييييييييييييييييييييييييين لان حما هلبا ناس


وف ناس حقوقيه ومن شيوخ المساجد وتقووو وسجلوو رسميا

الملاحم والحاجات الي صارت من بطوله او تخريب او حرق

وراح يطبع ويعتمد رسمي


لان الكلام بدا يخش ف بعضه والناس لازم تبي تعرف كل الاحداث

الله اكبر

اه ياربي معش متحملة قريب ننكلب:'(:'(:'(:'(:'(:'(

ياربي الصبر يارب الصبر يارب

:'(:'(:'(:'(

ياربي سترك ياربي

احمي بلادي ياربي

قهوه الصباح;14542827:
بريق امل مرحبتيين بيك في اي وقت وصحيتي علي المشاعر النبيله الي عندك واكيد احنا كلنا عرب واخوات والله والله اني ايام توره مصر

نبكي بدموووعي قدام التلفزيون و ندعيلكم من كل قلبييييييييي

هايله كلامك صح فالحين يقولوا الجزيره كله كدب باهي هي ورونا الحق ابعتوا مراسلين و خلو الناس تصور التعتيم هدا شن معناه ؟ معناه مايبوش حد

يشوف الي قاعد يصير في البلاد والتشويش علي قناه الجزيره ليش ؟ كان هما واتقين من نفسهم و من المعلومات يخلوها تبت مفروض وهما يبتوا والناس الي تحكم

بس الحقيقه واضحه زي عين الشمس مهما يحاولوا يخبوهااااا

حبوبة انتبهي لكلامك وياريت بدون غلط وتجريح
انا كنت بنطلع نهاااااااااااائي منها اللمة بس كلمتك هادي هيا اللي خلتني انرد

الله اكبر ..............

حبوبه لوءلوءه انا ماقصدتكش انت لما قت فالحين والله قصدت الباقي الحكومات والناس الي شوشت الارسال

تخيلو الليبين الي في بريطانيا بعض منهم جاهم ايميلات ماتفرجوش علي الجزيره احنا ماجاناش بس ناس واجده

تحكي قالو جاهم ايميل مجهول المصدر ماتفرجوش علي الجزيره طبعا لان مايقدروش يشوشوها هانا وطبعا مش قصدي انت

انت عارفه قداش نحترمك ونعزك و مستحيل نوجعك ومهما كان راينا مختلف احنا خوات اناهكي حاسباتك .......

تعرفو الناس حاله زحمه علي الدكاكين المفتوحه والكوش بجد الكل متلخبط

حرام عليكم وسعوا بالكم

انا خلاص كل رد يزيد فيا نقعد نبكي

ياربي الصبر معش قادرة معش فاهمة حاجة

الصبح كلمت بابا قال الوضع احسن تشوفي تلفزيون تنكلبي معش فهمت يارب

من فضلكم يابنات الله يربحكم بجديات اشويا كل واحد له وجهة نظر الي مش عاجبته

وجهة نظر مافيش داعي يرد والله مرات تردوا مش عارفين شنو تديروا في غيركم

مش شرط حد معين بس الكلام يوجع كلنا دمنا واحد ونحسوا ببعض

يارب الصبر يارب

ليبيه انت وين في طرابلس؟؟؟؟ والا وين بالزبط ؟؟؟

لولوة علاش تطلع ... باعكس اني ما نطلعش واني بنقول كلامي ..ز وحتي لو القناصة فوق راسي ........ معمر بونا ومستحيل ننسا اني ليبيه وننسا ابلادي ... اولا ... وكلمه لما احني مش مصر ولا تونس ؟؟؟؟ الان تونس بلد جعانة وكدلك مصر ............ وبعدين احني نفكرو المفروض في امان بلدنا وهدا الاهم ............... فكرو صح

اكيد تحكمني كلامك صح بس انا والله ماقصدت لوءلوءه سرت بكلامي

ولو ضايقت حد انا نعتدررررر ...... انتم في ليبيا ممكن حالكم احسن منا لانكم

حدا هلكم وفي قلب الحدت و تشوفوا في كل شي وحتا لو حاجه كدب في التلفزيون

ماتصدقوهاش لان الحقيقه حداكم بس احنا تعبنا نشوفوا في التلفزيون ومش عارفين الحقيقه

وبعاد عن هلنا و الشيطان لاعب في عقولنا كل شوي نقولوا توا شن صار زعما و تجيني تخايلات

ان هلي بيصرلهم حاجه تعبنا تعبنا تعبنااااااااا