لمة الليبيات الجزء 15 لشهر ربيع الاول

اصوات رصاص ماوقفتش من بكري

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

العيلة كلنا ندعو وصلينا ....اتصلت بصاحباتي كلهم تطمنت عليهم وقلت لهم صلو وادعو ........................ربي معانا وتفوت هالازمة علي خير

ربي يسترنا ويحفظ اولادنا وبناتنا وبلادنا

فيكي انتي وين ؟؟؟؟

اني في حوش اماليا في سوق الجمعة
المظاهرات فاتت قدامنا بكري

" اللهم إليك نشكو ضعف قوتنا وقلَّة حيلتنا وهواننا على الناس، يا رب العالمين، أنت رب المستضعفين، وأنت أرحم الراحمين، وأنت ربنا إلى مَن تكلنا، إلى بعيدٍ يتجهَّمنا أم عدوٍّ ملَّكته أمرنا ، إن لم يكن بك غضب علينا فلا نبالي. غير أن عافيتك هي أوسع لنا، أعوذ بنور وجهك الذي أشرقت له الظلمات، وصلُح عليه أمر الدنيا والآخرة، أن يحلَّ علينا غضبك، أو أن ينزل بنا سخطك، لك العتبى حتى ترضى، ولا حول ولا قوة إلا بك ".

طمنوني يا بنات بالله عليكم الي تعرف شن صاير في البلاد توا ......والله معاد عرفت من نصدق؟؟؟؟؟..........الي نسمعو فيه هدا صوت رصاص والا المؤيدين يحتفلو والا شنو ؟؟؟؟؟.....

يااااااااااااارب احمي شبابنا وبلادنا واحفظهم وانصرهم ااااااااااااااااااااااااااااااااااامين ياااااااااااااااااااااااااااااارب العالمين

نسمع في صوت دوشة مرة مرة ...وصوت ما عرفتاش رصاص والا فوشيك ....................ان شاء الله ربي يصبرنا ويكشف عنا ويحفظ اولادنا يااااارب

يارب انت اعلم بحالنا فانصرنا واحمنا واحم شبابنا اللهم ان شبابنا قد خرجوا عزلا فاحفظهم واحقن دمائهم

امنيتي نعرف شن صاير في الساحة الخضرا توا ولد يقرا مع اختي اتوفي قالو غادي

فيكي;14540194:
امنيتي نعرف شن صاير في الساحة الخضرا توا ولد يقرا مع اختي اتوفي قالو غادي

لاحول ولا قوة الا بالله العلي العظيم .....ربي يرحمه ...............زلكن والله ما فهمت ... من شوية يقولو ان الساحة كلها ناس تهتف ومؤيدين ....منو الي يقتل فيهم امالا ؟؟؟؟؟؟...والله انا عقلي خلاص ..ربي يصبرنا ويحفظ اولادنا

لالا مخلطة لكن هلبة متظاهرين غادي والله اللي فاتو من شارعنا الهتاف متاعهم يرعش ..ناس طالعة وتقول بالروح وتالدم نفديك يابنغازي وطالعين على احتمال يموتوا

الله الله

حياتي بدونك سلطه;14540206:
انا سلفي الصغير تو كيف روح من غادي
الحكايه خااااااااااااشه بعضها
قال رجعو المؤيدين و اللي ضد في الساحه و صار فيها الرصاص و الدنيا

و اتخيلي مع 11 او 12
خو صاحبتي واقف تحت العماره في المقريف
خاطمه سياره مسلفره و يضربو منها ف رصاص وليد معاهم جت فيه اتخيلي طاح مات قدامهم قريب يهبل خوها ع صاحبه وولد جيرانهم


ان شاء الله خير يااااااااااااااارب

الله يرحمه والله شي مايتصدقش ربي يتقبل شهدائنا مايصيرش منه الضرب العشوائي

اني مانعرفش ننعت كويس ياسلطة في بداية عرادة يسكنو قريب من النوفليين ماهو محولين جديد

ربي يستر معاش تعرفي من تصدقي الشبابية ولت تخدم عادي توا والجزيرة شوشو عليها

شكلك بنت جيران اماليا معناها
انتي وين بالضبط