لمة الليبيات الجزء 15 لشهر ربيع الاول

حنونة عندك صغار قبل ؟ والا الاول هذا

تربى في عزك وعز بوه ياربي

كيف حالك مرج وكيف حال بنيتك


ايه عندي 3 بنيات

اه
خالوا الحمد الله هو وعمى ضو كويسن كل صبح انكلمو فيهم لكن هما طوارئ تو لكن معنوياتهم كويسه

ايه هيا اني


يا محاسن الصدف


فرحت بيك عقبال نتلاقو فيس تو فيس يارب

اني عندي اقارب في بنغازينا الحبيبة

ان شاء الله يوم من الايام نزورها وبالك نتلاقو

حي حي ياعروسة ماله اني هههههههههههههههههههه حاله جايتني ياله ندوش نظف روحي
الوحده معاش عندها نيه في شئ من الي تشوف فيه

بنات نبي ناخذ رايكم في قصة ...... صح هي مش في وقتها ..... لكن الله غالب لان صاحبتها حبيبتي وصحبتي ونعزها هلبة

المهم

هي متزوجة ليها سنة وما عندهاش صغار .... وراجلها بوه مطلق امه .. وهما زوز اولاد ... باهــــــــي
امه عايشة هي بناتها مع ولدها الاخر

والشيباني قاعد مع ولده ( يلي هو راجل صاحبتي )

هذا الشيباني مريض ( عنده البواسير ويبول على روحه (حاشاكم ) وراجل أحرف أحرف أحرف ومريض وصايع في نفس الوقت

طبعا راجل صاحبتي ما يخدمش عنده راتب متاع القوى العاملة ، وهي ياناري تعبت قتلي كل يوم نغسل في الحواج والبساطات لين ظهري تكسر وندير وندير .................الخ ( حتى في الماكلة خاش فيها الشيباني ) وقتلي لا تمتعت بحياتي لاشئ / لان معاهم في الحوش

مشت روحت لحوش بوها وليها شهرين ، خوتها نادهو قالولها تعالى نتفاهمو ، لما جاهم قلهم بوي ما نقدرش نسيبه بكل ، والحل عندكم ، على قد ما طرحوا من حلول يقلهم لا لا ما نقدرش ....... قالو شن الحل

قلهم ( الطلالالالالالالاق)

وهي ما تبيش تطلق ... وقتلها علاش ماتزوج بوه ,,,, قتلي قال لا ؟ مانيش نجيب مراة تحصل فيا ...... باهي اني شنو مش لحم ودم ................... وسلفتها ما تبش الشيباني لانها عارفاته احرف ،


يا بنات شنو الحل في رائكم ؟؟؟؟؟؟؟؟؟؟

والله يامرج الحمام لا مشيت ولاشئ شديتها على السخون وصح هيا عطلت عليا المره هادي بس الحمد لله وقفت وأن شاء الله خير المهم أنتي كيف حالك حبيبتي

بصرااااااااااااااحه قصه موسفه مروجه

اني نتوقف معاك عند كلمه صايع ولا مواخذه

يعني يضايق فيها ولا كيف


لان لو كل الحاجات تانيه وهي ماتبيش اطلاق نقولك الله غالب تصير وتحتسب امرها لله

ولكن الكلمه هادي شن تعني هل مضايقها


وبعدين لو الحياه استحالت مع راجل نفسه يعني هل راجلها كويس وشاريها ويحبها

لو راجل كويس يقدر يكلم بوه بحيث يديرو حل وسط

لكن ردي ع سوال فوق

بصراحة يا مرج مشكلتها مشكلة


شيباني بالمواصفات هادي صعبة الحياة معاه

لكن علاش راجلها اقترح حل الطلاق لو كان يبيها في حلول هلبا يقدر عليها وهيا انه يقنع بوه بالزواج على الاقل تكون مرته تعانيه وتكشف عليه عادي مش زي الكنة

ربي يكون في عونها

من رأي الحياه معاه صعبه لأنه هو بايع أصلا والواضح جايبها للمعاناة ووااااااااضح الشئ هذا
مفروض مدامه عرض الطلاق توافق وتريح راسها وتوكل أمرها لله
والله حال الولايه يسخف الناس معاش تخاف ربي

السلام عليكم ورحمة الله
كيف حالكم اليوووم

صايع ياعروسة قالت يشبح هلبا هلبا ، لدرجة مسكينة ديمة تلبس في طويل والغليط يعني زي العباية في الحوش لانه ديمة يقولها تعلي ياعريس بتسهويك قالت ....

راجلها هو براني عليها ومن منطقة بعيدة عليهم ماقلهاش على بوه عنده وعنده ..... لالا .... قالها بوي بيقعد معاي في جناح بروحة .... وهي مسكينة صدقت تسحابه الحوش قصر ... وخوتها مامشوش شافوا بعيونهم سامحهم الله ... لما تزوجت لاقته الحوش دارين ولايدة ..... يعني صغير بكل بكل .....

راجلها رافض كل الحلول ... ويبي يضحي بيها هي ...... وهي مسكينة زعلانة قالت مانسحابش روحي رخيصة عنده لدرجة هادي ......

لكن هو في ذاته الحق ياربي تشكر فيه ( طيب ، وكويس ............ والخ ) لاكن مايتنفس مع بوه .

تعرفوا قتلي عروسة لا طلعت ولا مشيت وكان طلعت وما روحتش قبل الساعة 8 يبدا الشيباني يعارك في ولده قريب يضرب حتى الضرب ( خلي من غير ضيوفه الشيابين ديمة عنده وكان ما درتيش الشاهي (متاع العالة عروفتوها ) و والغذاء والعشية ........ياويلك ياويلك

حتى بناته عايفينه وكرهوا وما مشيلاش حد منهم ، وهي مسكينة صغيرة وحصلت فيه ....................

رموووووووووووووووووووسه حبوبه كيف حال نورتي وأني حالي باهي والحمد لله

حتى اني رائ قلتها صح الوالدين ولازم الواحد يطيعيهم ( لاكن مش هكي عاد )
قلتلها الطلاق ارحم ( نعيش في حوش اهلي معززة ومكرمة .... خير من اني نقعد شغالة ) وبعدين هو واضح عليه يبي الطلاق

يحساب روحه بنات الناس لعبة ( خشوش الحمام زي خروجة) والله ياناري حالتها النفسية زي الزفت

هوا صح الطلاق صعب

لكن في حالتها هيا لو مادارش راجلها حل تاني الطلاق بيكون ارحم وخاصة انها ماعندهاش صغار معاه


ربي يعوضها احسن منه صخفتني يا ناري عليها

السلام عليكم ورحمه الله وبركاته

لا حول ولا قوة الا بالله ياناري حالها يسخف والله

ربي يكون في عونها ويصبرها ويعطيها الراي الي في خير لها