لمة الليبيات الجزء 15 لشهر ربيع الاول

انا خاطري نعرف ليش مش من زماااااان التحسن في الرواتب ليش من الاسبوع اللي فات بس

ليش القروض مش من زماااان

ليش مفيش حاجه من زماااان تنزل للعاطلين عن العمل

ليش التوقيت هذا ...

العاقل يدرك

من انـــا؟;14596582:
اي والله فيرونا

هو بس يطبق كلامه مانبو شيء تاني ؟؟؟

وين ثروة اللي في يد شعب ههه ماشفنا شيء

فى ناس حصلت الثروه هذى وفى الا وهذى مساله من زمان معروفه الفقير واللغنى فى كل مكان من ايام الجاهليه
وحتى فى النظام الجديد اللى تو حيصير لابد من ان اتكون فئه مظلومه ومحرومه من حقوقهم
هذى مساله طببعيه حتى فى دول الخليج عندهم فقراء

لكن نحن بس نبوا اصلاحات مش اكثر ونعيشوا قنوعين حرم خيراتنا كلها باره
ولو تلاحظى ان القائد صح عنده ارقام خارفيه فى ثروتها لكن هو من المنهج الصوفى يعنى ماايحيوش الاستمتاع بلفوس وصرفها والدليل انه دائما يعرض فى نفسه فى الخيام التقليده والصحراويه وحتى مكان ساكنه مقارنتا باغنياء العالم يعتبر عادى
الاموال فقط للتخزين ؟؟؟:!!:^o)

من انـــا؟;14596612:
تعرفي هداك اليوم شفت برنامج

يحسبو في دخل ليبيا كدولة ومصاريفها وقداش يفضل وهكي

قالك ههه ليبيا عددها شوية ونحي مصاريف الدولة .. قالك

اقل اقل اقل اقل شيء .. يسد يعطو مية الف لي كل شخص و معاها حتي البيبيات يحسبوهم .. كل شهر مية الف لي كل شخص هكي لا شغل لا شيء .. ويفضل فلوس لا تعد ولا تحصي
قالك لو يعطو مليون لي كل شيخص في كل شهر ويكفي ويفضل هلباااااااااااااا .. بما انه يعني مانستهلوش وجردان ف حتي مية الف لي كل شخص راضين


ياناس ليبيا تحت بحيررررررررررررررررررررررررررررة نفط .. وتقارنو في نفسكم بي اقل دول اللي ماعندهم شيء وتقولو حالنا باهي !

هههههه والله انى راضية حتا ب 10 الاف فى الشهر الباقى نعطوه صدقة عادى ههههه

انى سمعت ان اليومين اللى فاتو قالو هاتوا كتيبات العائلة بعيطو مبالغ توقعتهم 10 الاف ولا 50 الف ,, طلعوا 500 دينااااااااااااااااااااااااااااار يعنى حتا فى الوضع الحالى قاعدين قببببببضة ههههه

ليــــــــــــــــــــنا اللــــــــــــــــه

عاجل- قال الاعلامي الموريتاني القدير الزميل محمد الامين ولد محمودي وهو مراسل لقناة فضائية ان تغطية قناة الجزيرة الفضائية للاحداث الليبية بعيد عن الحياد والموضوعية والمهنية، وقال ان الفنيين في هذا المجال يدركون بكل سهولة ان الصور التي تعرضها مفبركة


وقال ان الصور التي تعرضها القناة في تغطيتها اليومية للاحداث في ليبيا من الارشيف وليست حديثة حيث كان على القناة ان تحترم مشاهديها وان لا تضللهم وتزيف الحقائق بغرض الاثارة وتجييش العواطف مشيرا الى انه من المهنية والانصاف ان تكتب لمشاهديها ان تلك الصور من الماضي.
هذا وانتقد صحفيون مورتيانيون عدم تدقيق القناة في التسجيلات التي تتحصل عليها قائلين انه في السابق كانت القناة تعلق على صور تفجيرات الدبابات بقولها انه لم يتسنى للجزيرة التاكد من صحة تلك التسجيلات من جهة مستقلة وهو تتجاهله هذه القناة في نطاق تغطيتها المغرضة والموجهة بكثافة وسوء نسية للاحداث في ليبيا.

Hayela;14596650:
هههههه والله انى راضية حتا ب 10 الاف فى الشهر الباقى نعطوه صدقة عادى ههههه

انى سمعت ان اليومين اللى فاتو قالو هاتوا كتيبات العائلة بعيطو مبالغ توقعتهم 10 الاف ولا 50 الف ,, طلعوا 500 دينااااااااااااااااااااااااااااار يعنى حتا فى الوضع الحالى قاعدين قببببببضة ههههه

تعرفي واللهي اني بروحي الا انجلط لما سمعت الرقم

حتي اني قلت باهي خل يحصلو شوية الناس .. اسمعت 500 متت ضحك ههههههههههههههههه

نحسابة رقم محترم

---


فيرونا .. اكيد في كل دولة في اغنياء وفقراء ..

بس دولة غنية كليبية مفروض نسبة الفقراء اقل .. نسبة البطالة اقل ..في مساعدات اكثر للفقراء ..

فيرونا 25;14596637:
ولو تلاحظى ان القائد صح عنده ارقام خارفيه فى ثروتها لكن هو من المنهج الصوفى يعنى ماايحيوش الاستمتاع بلفوس وصرفها والدليل انه دائما يعرض فى نفسه فى الخيام التقليده والصحراويه وحتى مكان ساكنه مقارنتا باغنياء العالم يعتبر عادى
الاموال فقط للتخزين ؟؟؟:!!:^o)

فيرو ... الخيمة اللى انتى هازية عليها ههههههه عندم علم ان تكلفة انصابها حوالى 200 الى 300 الف يورو !!!!!!!!!!!!!!!!!!!!!!

وقريت انه كل مل يمشى لمكان يبى يرفعها معاه ويطلب من الدولة اللى ماشيلها يديرولها مكان وكل الدول تتضايق منه لان بيطرو يدفعوا حق انصاب الخيمة فسببت هلبا احراج

لانها مش خيمة عادية فسطها فى اللوح وتريات كرستال وووووووو

فيرونا والله كلامك زين العقل

تعيش الجزيرة

هههه

عروسة ليبيا;14596681:

هالشعب الطيب ربي ح ينصفه بالخيره ليه

ولو كان مش توا

ربي عادل وعالم بكل شيئ

ان شاء الله ياااااااااااااارب

هههههه

يااميمة اسكتي

ياامية معاش تتكلمي

فوتي وخلاص

تنفس عمييييق ... ههه واسكتي ..

اسمعي من اهني طلعي من اهني ههه

هادي اني انحاول نقنع نفسي مانردش ع العوج ههه

لحسن الحظ اننا نشوفوا حتى في المركز اللي ترسل منه الصور للجزيرة والقنوات الاخرى


هنا في بنغازي


في مكان الاعتصام واعتقد شفتوه في تقرير ال بي بي سي


منقدرش نكذبهم ونصدق وزير الاعلام الموريتاني


وفي اشياء في التظاهرات موجوده في موبايلي الشخصي واعداد المتظاهرين بعيوني شفتها مش حد قاللي

تعرفوووو كرهت حاجة اسمها سياااااااااااسة

متضررون ينوون رفع دعاوي قضائية ضد قناة الجزيرة
قال ليبيون تضرروا من تغطية قناة الجزيرة الفضائية في الاحداث الاخيرة المفتعلة انهم بصدد دراسة دعوى قضائية ضد قناة الجزيرة وقال مستشار في القانون الدولي من لبنان احمد شندب ان النصوص واضحة في تجريم وادانة التحريض على اعمال الارهاب والقتل.

مشيرا الى ان ما تقوم به هذه القنوات منذ عشرة ايام هو تحريض الليبيين على القتل والقيام باعمال ارهابية، وقال الخبير الدولي انه على الدولة الليبية وكراما لمواطنيها وضحاياها ان ترعى هذه الشكوى ضد هذه القنوات الماجورة لما تقوم به من معارك اعلامية شرسة وطالب بان تقدم هذه الشكوى الى القضاء في الدول التي تستضيف هذه القنوات.
وقلل الخبير الدولي احمد شندب من جدوى القرار الصادر عن مجلس الامن بحق ليبيا وهو القرار رقم 1970 وهو يصادف تاريخ جلاء القوات والقواعد العسكرية الامريكية والابريطانية من فوق التراب الليبي.
وقال ان هذا القرار يخالف ميثاق الامم المتحدة الذي ينص على تجنب الشؤون الداخلية للدول كما اعمتد فيه المجلس كسابقة اولى على وسائل الاعلام الدولية وشهادات خصوم ولم يصدر نتجية للجنة للتحقيق والتي يتطلب تشكيلها اشهرا على الاقل.
وخلص الخبير الدولى الى ان هذا الحراك الذي تشهده المنطقة منذ بعض الوقت مؤشر على وجود اتفاق ايراني امريكي على تقاسم النفوذ في المنطقة.
وحذر الخبير الاشقاء في بنغازي من التماهي مع السياسات الامريكية قائلا لهم انهم مجرد وقود لمعركة امركية قادمة مع الصين من اجل الوصول الى منابع النفط والثورات الطبيعية في المنطقة.

فيرونا يعني الصوفيه من وجهة نظره هو معناها يجوع البلاد ويحرمها التعليم الكويس والعلاج الكويس والمواد الغذائية الكويسه !!!


وميصلحش البنيه التحتيه وميشوفش شئون البلاد ...


طيب والخيمة اللي ينقل فيها معاه هذي !! ميجتمع مع الناس في اي حته ويوزع حق نصبه الخيمة على الشعب !!!!!


مش احسن


فيرونا الحديث مش موجه ليك شخصياً ... ولكن للي قال الكلام هذا نقلا عن القذافي ...

بنات فى حد جرب الكريمة هادى ؟؟؟