لمة الليبيات الجزء 15 لشهر ربيع الاول

روز خلاص عاد

لؤلؤه سرت

انت واهلك قدركم كبير عندنا ومعروفين وربى يحفظكم ويحفظ اهل ليبيا كله وانا نعتز بصداقتك

هنو واحشتينى وكيف حالك اهلى وضعنا اهو حال العزوات ولد خال بابا توفى وعندنا راجل خالت ماما توفى وقريبا فى نفس البلاد توفى عريس وهذى حال الدنيا اليوم كيف روحنا للحوشنا

وعلى فكره ام ادم تسال ليك واجد

حبيبتي بيشو هدي اعصابك وصلي علي النبي والله العظيم اني ماشوفت منك الا كل خير اسلوبك راقي ومحترمة وفي حالك والكل عارف هالشي صلو علي النبي يابنات
لؤلؤة سرت ناس سرت معروفين بطيبهم واصلهم وكلهم قدرهم محفوظ هو بس سوء تفاهم وساعة شيطان يابنات شهادة حق اني سألت قولت خيرها مصراتية ردت عليا اختي من انا قالتلي انها سمعت ان سرت بيمشولها وقالتلي مش اكيد يعني هيا مااكدتش الخبر هي خبر سمعاته و سألت تبي تتأكد بس
اتعوذوا من الشيطان يابنات الله ايبارك فيكم و صلوا علي الحبيب المصطفى
اللهم صلي علي سيدنا محمد وعلي آل سيدنا محمد كما صليت علي سيدنا ابراهيم وعلي آل سيدنا ابراهيم في العالمين انك حميد مجيد وبارك في سيدنا محمد وعلي آل سيدنا محمد كما باركت في سيدنا ابراهيم وعلي آل سيدنا ابراهيم في العالمين انك حميد مجيد

ليش انا اسكت

هي اللي سبتني وانا فهمتها اش قلت وماقلت شيء اصلا حتي تقولي هكي

حلوة هادي

اللي تبي تسبني عااادي كل يوم طلعتلي وحدة

مايحقلها تقولي وحدة ماتسواش وسكري فمك وماعرف اش ..

بنغازيه وافتخر ماتلوميش علي حلا راهي مسكينه ربي يعلم بحالها ياناس هما الي مش ليبين يقولونا ربي يكون في عونكم واحني بدل ما نكونو عون لبعض كل وحده تصطاد في الميه العكره وتصطاد في الاخطاء لغيرها شن هدا والله شوهتو سمعت الليبين

والله ياعروسة انى ماكنت مخفي لكن الحق قالولي والناس اللي تحبني هلبا

السلام عليكم يا بنات

خيرها خايضة الحكاية ههههه

مع انى مش فاهمة شن اللى صاير بزبط : بس نبى نقولكم حاجة خصوصا اخواتنا من سرت

حسيتهم متحسسين شوية من الموضوع وطبعا هادى حاجة طبيعية ,,, بس يا بنات حتا لو الواحد علق ولا قال حاجة مش معناها عليكم ولا على سرت كلها ,, كل مكان فى الشين وفيه الزين وحتا سرت بعض النظر ان معمر منها بس فيها خيرة الناس انى نفسى فى عيلة صحابنا هلبا ومن القدادفة زيادة والله نخمم فيهم شن صاير فيهم وواجعينى

وفكروا ان فى الاخير حنى كلنا ليبين مش مهم طرابلسى ولا عجيليى ههه ولا سرتاوى ومفيش حد خير من حد المهم كلنا دم ليبي

وربى يهدينا جميعا

عروسة ليبيا;14590639:
ان شاء الله يكون ربي هداه وشاف حقيقه معمر بعينه

ياااااااااااااااااااااارب والله نفكر فيها وفيه كبيده بيشو

الله يجعل له بصيره حق والنور والقلب الطاهر

الله يتوب عنه من اى رياء او نفاق او زيف لا علم له به او يعلمه

يارب نور له بصيرته ولي كبيده

واجعلهم يرون ويرون الحق والصدق والواقع

الله ارجعه لعقله

ولي دينه

ولي وطنه

فالله ربه ولا غيره حامي له وحافظ

الله ارجع في عروقه الاخوه

الشهامه والشرف

والكرامه للوطن

الله اجمع بينه وبين اخوته

فكل ربوع الوطن الغالي

الله اتمنى ان تهديه

فنحن لا نهدي من نحب انت تهدي من تشاء

انت عالم يا الله ان قاتل الروح

محروم جنتك محروم طاعتك محروم رضاك

ابعده ونظف يداه من كل دم ليبي

يارب ولو كان قد فعل لا سمح الله

فا انت تواب رحيم منصف كريم

قادر على كل شيئ

ابعد عن عيونه وعيون اخوانه من الامن والدوله اى غشاوه

اننا اخوه ونسامح ونتغاظي

ليس كل من حول الظلم هم ظلام

ياربي يارب يارب

ارجع عرق المحنه بينهم اولادنا

فالا مصلحه لهم فيما يحصل

انك تعلم انهم يجعلنا نتناحر من اجل وجوده

لكن الدوام لك يا مولانا

ولا وجود وبقاء الا لك

يارب حنن قلب كل جندي ضد اخوه

انزع من قلوبهم االظلم والتجبر

الغدر والتكبر

يا الله لا طاقه لنا بان نخسرهم

فهو مرتاح ويجعل من اولادنا وشبابنا دروع بشريه لحمايته

يارب ابعدهم عنه واصرفهم

انهم في عمر الزهور

لقد صبرنا لقد صمتنا

لقد عشانا مثل الصم البكم

وتحركت ريح الحق يالله

ولم تتحرك الا بي امرك

اني اعلم كل ماحدث هو بي امرك بي علمك

لاجل كلمة الحق

يا الله زلزل ب الظالم الارض وحده

وابعد عنه جنوده انهم جنودنا

رجالنا نحن ليس هوا

انصف كلمة الحق واعلي صوت العقل بينا

ارجع بيشو وخطيبته وكل انسان بينا مشوش او مظلل لعقله

ولو كان احنا ارجعنا نحن ايضا

واحفظهم جميعااااااااااااا ااااااااااااااااا يا مولاي العالي ف سماه

قولوووووووووو امين

بليز قولوها من القلب

اوكي روز ماتسكتيش ردي عليها خلي الدنيا تولع نار اكتر ما هيا والعه

عروووووووسة مش انتي المشرفة

ليش ماقلتي شيء ع كلام لؤلؤت اعليا

اتكلم معاك انا ؟؟

ولا انا عادي يسبو فيا ؟

فهميني هالشيء

لاني ماقلت شيء ع سرت

لولو(2011);14591302:
اوكي روز ماتسكتيش ردي عليها خلي الدنيا تولع نار اكتر ما هيا والعه

نار ولا اللي هو

هي سبتني

تبيني اسكت ؟؟ وانسي ؟؟؟

قوليلي شن رايك انتي

لو وحدة قتلك ماتسويش

وقتلك سكري فمك

اش تردي يلا قوليلي

والله يا ضيو مايحس النار الا اللي هو فيها
واللي برا يقولو اطلعو احرقو كسرو دشدشو تعالى انت احرق وكسر وتلقى الرصاص

اححححح يا بيشو و خلاص

بنغازيه اكبر دليل انك جاهله انتي جايه تكلمي فيا
باي حق انتي تكلمي فيا ياماما
بالله فكيني راه لان لو نولع فيك
نسمعك شئ ماايسركش لاني انا لما نتعصب معاش نعرف شن نقول فلهذا احدررررررررررررريني ارجوك

هيوله

كيف حالك حبيبتى والله تعرفى يومها ضحكتينى وانا فعلا كنت محتاجه نضحك
لما سالتى عن الاوضاع عندنا والله ان اتهبلى تعرفى حسيت كان صحفيه تبى تعرفى الاخبار
انت تو كيق حالكم وحال محى الدين والله مشغولين عليكم

بنات والله عيب الي ديرو فيه نهار أبيض أشبحو بعضكم راكبين في بعض والعرب يتفرجو علينا ياااااااااااااااااااااااااااااسركم

لؤلؤة سرت
روز...مانعرفهاش معرفه شخصيه باهى لكن كلمة حق
انها ماكانتش تقصد ان لازم يمحو سرت
هى قصدت وكلامها عباره عن توقع وتحليل ..(قصدها ان لو عرب سرت هجمو على مصراته حيكرهوهم) وهى اصلا نحس فيها فهمت المعلومه غلطت لانى اللى سمعته انه الجيش جاى من الكتائب اللى فى سرت ) يعنى كلامها مجرد تحليل
زى ماقالو المرتزقه يجيبو فيهم فى طائرات من سبها ..ومعظم الناس تتوقع ان الناس التانيه حتكره عرب سبها
يعنى الكلام كله تحليلات وتوقعات فقط

روز الي يدق الباب يسمع الجواب
الدوه مافيش فيها فايده يعني اني توا لو سبيت الي مع والا الي ضد شن نكون درت من فايده ولا حاجه
الافعال هيا الي تجيب الفايده
ربي يهدينا ياريت كل واحد ينتبه لكلامه ومش قصدي عليك مفروض كلنا ننتبهوا لكلامنا

فيرونا تسلمي ياحلووة والله انا اتشرفت بمعرفتك
عروسة لا مازعلت منك بالعكس عااااااادي وربي عالم
هايلة لالالا منو اللي متحسس والله مافي منه الكلام اهوا وعلاش عرب سرت بيتحسسو
وبعدين كيف ماقلتي ليبيا ناسها وااااحد وبلاش من القبلية اللي قاتلتنا