لمة الليبيات الجزء 15 لشهر ربيع الاول

طرائف اعجوبه وخلاص ..
توا حق زعما فلوس الناس فى المصرف شن بيصير فيهم ^o)

جمال انا شفت في الجماهيريه تعرفي المديع يسال فيهم يقولوله مافيش اي تعقيدات انت تجيب الكتيب ونعطوك الفلوس علي طول

وقاله والي متجوز جديد ومزال ماعنداش كتيب قاله عادي يجيب العقد متاع القران و نعطوه قاله المديع والي كتيبه طايح وقديم

قاله عادي يجيبه ومافيش اي مشكله او تعقيدات والله والله ريتهم بعيني

باهي سوال مهم يطرح نفسه ؟؟؟؟؟؟

كان هما يبو يعطو ليش مايقولوا كل واحد نزللناله في حسابه المبلغ الفلاني وخلاص ليش لازم يعطو كاش

وليش يعطلو في الاجراءات ويقولولكم صوروا ؟

انا نقولك ... بيش تبدي ماشيه جايه عليهم ولاهيه في الاجراءات ومعاش تفكري الا فيهن وتنسي حكايه الموت والمضاهرات

لعبه واضحه ومكشوووووووووفه

والله الواحد خاف علي فلوسه تخيلو كم يوم نمشو مقدرناش نسحبو غير21الف بس والباقي محجوز لا ويضحكو علينا وماما مسكينه تقلهم الي خاف سلم قتلها متعدليش عليهم لو طاعت الفلوس مش رح نلقوهم هدو الي يخدمو في البنك ربي يستر علينا وخلاص

جمال ماتخافي ربي ماينسا حد وهو العاطي

بالله يابنات اكترو من الاستغفار عشان ربي يزحزح عنا هالغمه الحرفه هادى
استغفر الله العظيم واتوب اليه
حسبي الله ونعم الوكيل فى الظالمين

بالله يابنات اكترو من الاستغفار عشان ربي يزحزح عنا هالغمه الحرفه هادى
استغفر الله العظيم واتوب اليه
حسبي الله ونعم الوكيل فى الظالمين



ياررررررررررررررررررررب يسمع منا ومنك

قهوة عاد انا شاهد عيان وهدا مصرف الامه حيه زعمه منطلعش زي شاهد عيان الجزيره هههههههههههههههه

اسمعي علي سيرة الحساب ماهو هيا مش هدكا عاد باش ينزلو في كل حساب الفلوس لولي الامر بس هلبا علي الجمعيه هكي عاد

بنات جاوبوني سئلتكم علي 500 شن بتديروا بيهم لو اعطوهملكم قبل 20 يوم
مني انا بنزيد عليهم وبناخد موبايل جديد

السلام عليكم جميعا احبتي


الحمد لله الحمد لله الحمد لله


اميمة الحلوة يارب تكوني بخير واهلك كلهم بخير ...


في عشي حبيبتي ان شاء الله اطمئن على اهلك جميعا هنا وبنغازي الحره تفتقدك للغااااايه ...


عروسه ليبيا الامورة ان شاء الله تكوني بخير ويكونوا اهلك جميعا بخير


الله اكبر .... الله اكبر


على الطغيااااااااان


على من ظن نفسه مجدا وشرفا لهذا الشعب العظيم


وما هو إلا اصغر من في مخلوق...........

هذا الملكوت العظيم ...


ما هو إلا جباااااااان ومهااااااااااااان وجرذ على حد تعبيراته الفوقيه لأسياده من شعبه ...

عروسه انا سئلت علي قبل الاحداث الي صايره يعني محاوله لتغيير الموضوع شويه والله الاعصاب تعبت

جمال الروح 1;14589473:
بنات بنحكيلكم علي اخر ضرائف مدينة طرابلس اليوم مشينا للبنك باش ناخدوا فلوسنا منه قالولنا منعطوش الا الف دينار لكل حساب قلنا نبو علي الاقل كشف الحساب قللنا لا اليوم زحمه وعلاش تبي الكشف قتله والله متعرفش شن يصير بالك يحرقو البنك والا حاجه علي الاقل يقعد عند الواحد اثبات للحساب قالي انتي متعلمه والا احني عندنا اوراقكم حتي في حياشنا انا سكتت بس في قلبي قلت هو قعد فينا عقل او علم الا وقالي كان تبي كل يوم اسحبوا الف قتلي قتله علي الحال هدا نقعد عام كامل ماشيه جايه عليك عازه وخلاص

2 اليوم ريت منضر غريب عجيب الناس طابور امام البنك قالو يعطو في 500 والناس تستني وقالو مجاش منشور باش يعطوهم لا ويناري الناس بعد توصل يقولولهم مش كتيب بس جيبي صوره رقم 1 و4 من الكتيب توا يناري ناس جايه علي رجليها من اماكن بعيده باش في الاخير يقولو صوري عليه تي هوا في مصور فاتح الا بعد وين لا ومع هدا يقولو مازال والله الطابور ايحشم والناس تسب انا قلت في نفسي هدا الي يقولك جي ايكحلها اعماها هههههههههه

بنغازيه كيف سالت عليك حالك باهي ؟

ربي يفرج علي الجميع

كان قبل الاحدات وعطوني الفلوس طبعا نفترشهن نشري دبش

بس توا كان بيعطوني مليار

ليبيه مساء الانوار
انا شخصيا سموني في الحوش نمله علي قد ما نلم وندس والله خوف راكبني علي الاخر
مع السلامه توا صبايا

عروسة ليبيا;14589631:

ليبيه

الحمدلله ليبيا فات عليها الشدايد ومن كل زمان

وح توقف ع حالها بينا ولا بلانا

وح تمر للامان الي تختاره

وكلهم راحلون وهي باقيه

اخواني نبي نتكلم عن سبها
أنا من سبها
النظر لسبها يقول أنها مع القذافي و لكن سبها أغلبها ضده بس الأرهاب اللي عايشة فيه سبها هالأيام غير طبيعي
المسلحين في كل شارع و كتيبة فارس تقريبا مكانها في نص البلاد
البعض تكلموا و تم القبض عليهم قبل ما يطلعوا و لكن الناس تغلي و تبي شرارة بس بس بس
...
بالنسبة للأهالي هم مع الثوار
و المقارحة و أولاد سليمان يستنوا في شعرة بس و ينقضوا عالمرتزقة
أنا من السكرة و أغلب ناس السكرة يغلوا
و اليوم طالب حرق صورة القذافي مسكوه طولSee More


هدا اقتباس لكلام واحد من سبها من موقع فيس بوك