لمة الليبيات الجزء 15 لشهر ربيع الاول

هنو الدلوعه;14574209:
عندك الحق ياحلا الواحد مفروض يكون منطقي ويحم بالعقل والي يشوفه وبعدين يتهم القنوات بالكذب مش عشان مصالح شخصيه

اه يا هنو وخلاص جيتى عالجرح

حياتي بدونك سلطه;14574241:
يارب اهلك الظالمين بالظالمين و اخرجنا منهم سالمين

اللهم امييييييييييييين

اهلا خفايا
اه معناها زي اللي نسمع فيه توا
بماانك من جهتنا

حلا 2011;14574284:
اهلا خفايا
اه معناها زي اللي نسمع فيه توا
بماانك من جهتنا

اه ريتي هلبه تعرفي في جرت بعض الطلقات

والله الشعب العربى كله متعاطف معاناااااااااا بشكل

توا كنا مروحين فى تاكسى لما عرفنا ليبين بدا يناقش فى اللى صاير ولما نزلنا مباش ياخد حتا قرش وهو مسكين ضروفه متملحة حلفنا حلفنا قال الله مانى واخد حاجة مسكين الله يبارك فيه ويرزقه ويوفقه فى حياته والله سخفنى

سلام للبلاد الي وراي خليتها

سلام للبلاد الي ماعمري نسيتها

سلام لكل مدينه عشت فيها وحبيتها

سلام الف سلام لليبيا الي بروح فديتها

Hayela;14574294:
والله الشعب العربى كله متعاطف معاناااااااااا بشكل

توا كنا مروحين فى تاكسى لما عرفنا ليبين بدا يناقش فى اللى صاير ولما نزلنا مباش ياخد حتا قرش وهو مسكين ضروفه متملحة حلفنا حلفنا قال الله مانى واخد حاجة مسكين الله يبارك فيه ويرزقه ويوفقه فى حياته والله سخفنى

بارك الله فيه وان شاء الله في ميزان حسناته

ههههههههه تاجورااااااااء مقلوبه وطلعووو
وربي يستر ع نساوينهم واللي قاعد فالحوش بس

ياااااااااااااارب سترك ولطفك ورحمتك ياااااااااااااااااااارب العالمين

قلبي يا بنات بيتفجججججججججججججججر


يارب الفرج

المشكله ياهايله مايبوش يفهمو أو يردو لي عقلهم أني الفئات هادي هيا الي ناخد منها موقف وبصراحه نشكك في ولائها لليبيا

يارب ستركوعفوك ورضاك اللهم اكفينهم بما تشاء وكيفما تشاء انك علي ما تشاء قدير يارررب

كيف حاكم يا بنات ليبيا

هايله انتي وين الله يبارك فيه صاحب التاكسي

اه والله من ضمن نقاشي امبكري ياعروسه قالي باهي ليش مايطلوبوش مطالبهم في اماكن معينه قلتله عيوو 42 سنه يطلبو مافيش حد يسمعلهم
بعدها قلتله هذذه نعتبرها حقوووق ليهم ولاززززم من توفيرها يعني معقوله البنت او الولد لما تطلب من بوها شئ يجي طول يضربها او يقتلها!!!!!
من الاول كان يتعاملو بالسلم
بس هما تعاملو برصاص الحي يتحملو مايحيهم
وان شاء الله العاقبه خير يارب

للاسف الشديد الشديد هلبه ناس قاعده راقده ع ودانها وماتبيش تعيش مع الواقع والشارع اللي عايشينه مش الجزيره!!
لاوالف لا
مع احترامي لكلللللللللل اهالي بنغازي والشرق عامه واسفه اني بنقولها
امس سمعت واحد يقول اصلا الشراقه من يوم يومهم يهود
واسفه اني قلتها بس وربي شاهد عليا اقسم بالله العلي العظيم من اول ماسمعتها خفت عليهم ودموعي طول نزلو ورقدت ودمعتي علي خدي قسما بالله

عَنْ أَبِي سَعِيدٍ الْخُدْرِيِّ وَأَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : ( إِنَّ فِي الْجُمُعَةِ سَاعَةً لَا يُوَافِقُهَا عَبْدٌ مُسْلِمٌ يَسْأَلُ اللَّهَ عَزَّ وَجَلَّ فِيهَا خَيْرًا إِلَّا أَعْطَاهُ إِيَّاهُ وَهِيَ بَعْدَ الْعَصْرِ )
بالله ادعو ادعو يابنات كثفو من الدعااااء

هنو الدلوعه;14574340:
المشكله ياهايله مايبوش يفهمو أو يردو لي عقلهم أني الفئات هادي هيا الي ناخد منها موقف وبصراحه نشكك في ولائها لليبيا

هيا الدنيا هكى ولت مصالح ,, ,, ,, والله حاجة تحرق الدم وخلاص