لمة الليبيات الجزء 15 لشهر ربيع الاول

نهاركم مبارك ان شاء الله

عروووستني اليوم صايمين انتو؟؟؟

بنات صايمــــين انتو؟؟؟؟

السلام عليكم
اول شي انى نبي نشكر اختي ملوكة لان قالتلكم على البرنامج وشوفتوه
لان بجد تمنيتكم تتفرجو عليه وتفهمو اللي نبي نوصلهولكم وعلى فكرة الشخص هدا كان من المعارضو وحاربو بنته عالنت بعد مااستقال منهم وبنته من حفظة كتاب الله
وكتبوا عليها كلام سخيف وهو تعرض لمحاولة اغتيال اكتر من مرة لكن قال انى فدا وطني
ولعلمكم في واحد من المعارضة طلع فالجزيرة ليبي صح لكن مسيحي ههههههه لاحول الله ربك موجود
وتاني شي بالنسبة لكلام الاخت روز على كلام خطيبها ان قامو الجرحى من المستشفيات وزوقوا الحيوط
للاسف نقولك مافيش منه الكلام هدا لان لو تتفرجي عالجماهيرية راهو شفتيها كلها المكانات المحروقة صوروها كله والتكسير والحرق اللي صاير فالمراكز الشرطة
وبكري في واحد شخص محترم قالو عليه اسمه الحاج الصادق عنده تشاركية نظافة تبرع بتنظيف وتصليح كل المكان المحروقة
وصورو الشباب بكري والله ناس عادية جدا ينظفو فالطرق ويصلحو فالرواشن متاع المراكز
ولعلمك كل شي قاعد قاعة الشعب جزء منها محروق قاعد ومراكز حي الاندلس متاع الشرطة قاعد محروق وكله مصور وباتينه في قناة الجماهيرية
يعني مافي شي مدسوس
وبالنسبة لتروة القايد لو قولتيلي الناس المحيطة بيه ممكن انصدق لكن القايد في حد داته شخص ابسط من البساطة ويكره الترف وهدا في طبعه
ولعلمك لوتشوفي حياته والبساطة اللي عايش فيها واكله اللي ياكل فيه تقولي مستحيل انتي ممكن عايشه خير منه هدا كلام من ناس تخاف ربي هيا اللي قايلتهولي مش من راسي ناس تعرفه كويس
وانى محتكة هلباااااااا بعايلات سرت تعرفي ناس بسطاء جدا والله انى نصرف اكتر منهم وناس طرابلس تقدري تقولي عايشين خير منهم
وانى ياروز مش ضددك احنى نتمنو انك ترجعي انتي واهلك لليبيا وتعرفي الاخ سيف دار دعوات الشهور اللي فاتو لهلبا عايلات ليبية طول عمرها فالخارج وقالهمهادي بلادكم وتعيشو هنا معززين مكرمين واولهم عمتي حياتها كلها في كاليفورنيا وجت هنا
وبالنسبة للااحدات اللي صارت من قتل وضرب رصاص انى صدقت ان مش كل شي الامن والعسكريين هما اللي يضربو
تعرفو ليش لان ولد خالي انضرب بالرصاص في ايده ورجله وشدوه اللي ضربه ولقوه جزائري
انى ممكن اول مرة نقول كلام زي هدا لان هادي امور خاصة وانى مانبررلكم تصرفات حد
لكن والله في ناس برا متاع المعارضة ناس مريضة ناس شوهت الليبيين
والله في ناس تتطلع في الجزيرة مطلوبة من الانتر بول الدولي والله يبونا نقتلو بعض مش اكتر
انى مانحببش فيكم فالقايد لكن والله ماهوش بالندالة اللي انتو تحكو عليها والله القايد شاد عليكم هم يا هم
والله لو يحصلو فينا طريق الزنادقة الكلاب مايديرو فينا خير كل شوية مكان يتفجر
وناس تموت
اختي هايلة والله القايد مايستاهل منك الصورة اللي حاطيتيها والله يا اختي القايد ماهو هكي
والله يخاف على ليبيا وعلى اهلكم الناس اللي حوله شوهت صورته
واهو المهندس سيف حيجدد البلاد وحنعيشو احسن من قبل ارجوكم خلونا نقهرو كل من يبي يفتن بينا
مافيش حد معصوم عن الخطأ لكن اهم شي الاصلاح
والناس اللي سرقت حتتحاسب بأدن الله
تفألو خير
وعلي فكرة اني نبي نقوللكم اني انسانه عاديه جدا وبوي شخص عادي جدا والخير اللي عايشه في من خدمة بوي وبوي عمره ماسرق مال حد فلوسه حلال ميه في الميه وربي شاهد علي كلامي
وتعرفو لو انى نتبع فالعربية والجزيرة وغيرها من المحطات التاعبة بس راهو توا انى من اعوان اسرائيل
وبأدن الله ليبيا للافضل وربي يرحم ابنائنا

وتوا الاعادة متاع البرنامج وتصبحو علي خير

تسـلمي يااميرة بـارك الله فيك

اللهم إني أعوذ بك من العجز والكسل والجبن والهرم وأعوذ بك من فتنة المحيا والممات وأعوذ بك من عذاب القبر

نستأذنكم يابنات ربي يتقبل صيامنا ودعائنا باذن الله ويحمي شبابنا ويحفظهم ويبعد عنهم كل شر آآآآآآآآآآآآآآآآآآآآآآمين يااااااااااااااارب العالمين

اللـــهم امين يارب

اللَّهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ

:-#:-#:-#:-#:-#:-#:-#:-#:confused::|:confused::|:worn_out::worn_out::worn_out:

اهلين سارة سامحيني انا مش في ليبيا بس الكل ايقول الوضوع تمام والحمد الله ربي يحفظ بلدنا

صباح الخير والورد

حبيبيتي سارة اطمني بلادنا بألف خير ورجعت الامور عادية والحمد لله

توة كنت نكلم في أهلي وطمنت عليهم
ياربي احمي بلادنا ياربي

اميرة اني وراجلي صايمين اليوم

وعليكم السلام ورحمه الله وبركاته

الله يطمن قلوبنا كلنا يارب تسلمي مروجة

انتي هلك في طرابلس.؟

ايه ياقناعتي في طرابلس في طريق المطار ( قصر بن غشير )
وقال خوي مشوا لاعمالهم واخواتي مشوا للجامعة ، وعندي اختي دكتورة مشت لطبي ، يعني الوضع عادي رجع

سارة انتي جديدة معانا في اللمة
اهلا وسهلا بيك حبيبتي بين اخواتك
سارة انتي وين عايشة توة
يعني هاتي بطاقة معلوماتك ، لان هذا سؤال لأي وحدة تخش جديدة ؟ ومن وين عرفتي اللمة ؟ قصقصـــــــة من الاخير