لمة الليبيات الجزء 15 لشهر ربيع الاول

لا إله إلا الله محمد رسول الله

مساء الخيرات حبوبات
حبيت انسلم عليكم

وعندي عتب كبير على اخواتي

ليش الحساسية وليش الزعل وليش التصيد في الماء العكر

عمره ما كان النقاش الحضاري والراقي يكون هكي

بالله عليكم خلوا الاسلوب في التجمع حلو وراقي

لسانك حصانك إن صنته صانه
بس طبعا هنا كيبوردك وايدك وكتابتك هي حصانك

بعدين احتراما لمشرفة التجمع اللي تعبت باش تفتح واحد ثاني بعد مخالفات التجمع الاول
لازم ما نحرجوها مع الادارة
وايضا مش لازم نعطوا صورة مش حلوة لاخواتنا اللي في المنتدى اللي يخشوا ويقروا في الكلام

سوري خشيت عليكم هكي بس بجد ما حبيتش الاسلوب اللي قريته في بعض الردود

عروسة انا صح جديدة عليكم بس مش حابة ان اللمة تتسكر

امييييييييين اميره يحفظنا كلنا من كل شئ ومن شر الفتن يااارب

عروسة انى شخصيا عمري مالمت عليك وربي يكون في عونك
بس عندي ليك سؤال لوممكن

تى فوتيلهم ياعروسه والله كلهم اعصابهم تالفه وتاعبه
تى قريب نتعاركو مع ارواحنا يابالك النااااااااااااااس

ربي يلطف بينا وبهم ياهنو ويطمننا يارب

عروسه نبيك تفتحي ياهو او نبعت علي الخاص

شوفو الليبيه والناس المؤيده في الساحه

حلا 2011;14563175:
روووووووووح شن اجواء غدامس؟
تتذكري مره قلتلك ع بحيره غادي؟ قلتلك بابا غادي ف مشروع ليها؟
اسمها عين دبان هههه توا تذكرتها

الحمد الله تمام والاجواء عادية وما بطلنا شي غير صح فيه شوية شباب داروا مظاهرة سلمية رافضين العنف في بنغازى هدا قبل يومين او تلاتة ....وفيه مخربين حرقوا مبني واحد (...)
لكنها زوبعة في فنجان وما حد ماحد اتعرضلهم لا امن ولا شرطة مع انها بدت قدام مبني الامن الخارجى .وكملوها قدام مركز الشرطة لكن الحق ماحد اتعرضلهم ولا سمعنا ولا طلقة رصاص وحدة لكن من ليلتها الشباب فازعين ويرقدوا في الشارع ويحرسوا في المبانى والحياش ومدايرين ديوتى عاالحراسات . والحمد الله ماصار شي غريب غير هكى
والمدارس ماصكرت ولا يوم والاعمال جارية عادى جدا . صح المصرف اول امس تمت منه السيولة تخيلي مليون ونص انسحبوا في يوم واحد .
واحنا مع العلم منطقة حدودية ...............................................يعني مخلطة علينا لكن الحمد الله تمام التمام ...المحلات مفتوحة والوضع طبيعي ................والخبزة عادى جدا
صح فيه ازمة بنزينة وازمة غاز باعتبارها تجينا من طرابلس او من مش عارف وين ....لكن كل واحد امداير احتياطه ......
ومن امس الناس كل شوية تسمعى الجماعة طالعين ويهتفوا . .............اجواء احتفالية يعني. لكن الحق ما حد قالهم اطلعوا يعنوا قروبات بروحها مش منظمة ولا شي . وحتى مع الظهرية نفس الشي انا قعدت نتففرج نحسابهم مدرسة لكن بعدين طلعوا لالالا لامين روحهم ناس عادية يعني ناس تعبر على رايها بشكل عادى جدا

وايه صح بحيرة مجزم ...........وا اسمها كانت اسمها عين الدبان ........تعرفي في العيد الصغيرة مشيتلها وانا من تالتة تانوى معداش مشيت لين توا ...اتغيرت بشكل مخيييييييييف.


وتعليقي على سيف الاسلام ....................راهوا انا كل اللى نتصل بيه يقولي امس فيه اطلاق
نار لكن في الهواء .................. ما يخوفش والوضع مستقر نوعا ما يعني كلامه عادى انا مصدقه ان الوضع مستقر ومافيش شي لكن الله اعلم مرات عمى شكوكو وعمى شوشو يتلاقوا يبهدلونا

الله المستعان وخلاص

اختي مها كلامك سليم
لكن لعلمك انى اتجاهلتها لحد مانقدر لكن لو كنتي في مكاني ووصلت في حد من اهلك راهو قدرتيني

هنو ربي معاك ويريحلك بالك يارب

هههههههههههه حاسدتهم عالجو اللي هما فيه ياعروسه
يتكلمو ووراهم بحر ايهببببببببل

واه يا بنات
اللى تشوفوا ان كلامها مش مقبول اخلاقيا وذوقيا
ديرولها مخالفة من غير ما اتفكروا

اميرة الحلوة;14563403:

استودعتكم الله الذي لاتضيع ودائعه
يااااااااااااارب احمي خطيبي حبيبي واحفظه وابعد عنه كل شر وارجعه لي سالما عاجلا غير اجل
ياااااااارب احمي كل شباب ليبيا واحفظهم من كل شر
ياااااااااربي استودعتك خطيبي يامن لاتضيع ودائعه يااااااااارب احميه واحفظه وابعد عنه كل شر آآآآآآآآآآآآآآآآآآمين يااااااااااارب العالمين امنوا معاي الله يبارك فيكم امنوا معاي ارجوكم امنوا معاي
ياااااااااااااااااااااااارب آآآآآآآآآآآآمين ياااااااارب العالمين

آآآآآآآآآآآآآآآآآآمين يارب ويحفظ الجميع يارب

هههههههههههههههههههه حتى انا ياروح سموحي يقولي لما نتصل به ونبكي ونقوله بيديرولنا ويديرولنا
انه والله الا اطلاق نار فالهواء باش ايخوفو ناس ومايحرقوش ويديرو مظاهرات بس
وفالاخر بعد ماهبلته قالي اسمعي راني مش سيف الاسلام تشكيلي والله ماعندي مانديييييييييييرلك كان بتصدقي الكذب والاشاعات صدقي هههه

أأأأأأأأأأأأأأأأأأأأأأأمين ياربي العالمين يأميرةةةةةةةةةةةةةةةةةة