يا ناش ابي امووت .... خلاص تعبت

"فلة" 17-02-2011 8 رد 1,367 مشاهدة
&
السلام عليكم ورحمة الله وبركاته
بصراحة إنـآ مليت من الحيـآة ..
تعبـت ..
راسي عورني
محد في هالدنيا يفهمني
الكل ضدي
محد مرتاح
كل شي صعب
كل يوم حزن وصياح
احاول افرح بس ماقدر
تعبـت خلاص
أبـــي .. امووووت ..!
أرجوكم طلبتكم طلبه اخيرة
أدعولي اني امووت وأرتـآح ! والله مليييت !! تعبت

















كلمـآت .. " أغلبية " الناس هالوقـت ., تتردد في لسانهم !
تمني الموت صار شي عادي .,
مجرد أنه انسان نزلت عليه مشكلـة .. قال خلاص ابي أموت !!
ليش ؟ الموت شي سهل يعني ؟ محد جرب الموت ., عسب تعرفون سهل ولا !
عبالكم بترتاحون فـ قبوركم ! .,
هل بعد الحياة ., حيـآة اخرى سعيده ؟!
حكمه فـ عين العقل : شوف بلاوي النـآس .. تهون عليك مصيبتك !
- شوفو النـآس فـ فلسطين ., العراق ., لبنـآن ., افغانستان ..
كل يوم متوفي شهيد أو شهيدين ع الأقل .,
كل يوم تدمر بـيت .,
كل يوم أسرو جندي عربي !
كل يوم عذبو طفل جدام امـه !
ومع هذا .. صابرين ومحتسبين لقضـاء الله .,
ومع هذا ., مؤمنيـن بالقدر سواء ( خيره وشره )
ومع هذا ., ماتمنو الموت !!
- شوفـو النـآس اللي في المستشفيـآت .,
النـآس اللي بين اليوم والثاني في المستشفى
النـآس اللي كل مايشفون من مرض يظهرلهم مرض ثاني
النـآس اللي مسجونين في سريـر مليآن اجهزة و أدويـة !
مع هذا ., عندهـم أمل في الشفاء .,
مع هذا ., عندهم ذرة أيمآن بالقضاء والقدر
مع هذا ., ما تـمنو المـوت !
- شوفو المعاقـين ., اللي ما يشووف
واللي يشوف الناس يرمسون وهـو مايدري وش يقولون !
واللي الناس يرمسونه بس مايقدر يرد عليهم !
واللي يشوف ربعه يركضون ويلعبون ., وهو يراقبهم بكل حسرة !
مع هذا ., مؤمنين لقضاء الله وقدره
مع هذا ., ماتمنوو الموت !!
- شوفو الأم .. ياللي ابناءها يموتون !
ولا تقدر تسوي شي !
شوفو المطلـقة .. ألأأرملـة ., الـمتزوجة البعيده عن زوجها
شوفو العانس .. شوفو المجنون ..
والنـآس مختلفهـ!
وأنتو .. ياللي عايشين بنعمة ..
يمكن عندكم أم .. أب ..
عندكم أخوآن ..,
عندكم بيـت .,
عندكم خدم .,
عندكم فل .,
عندكم أكـل .,
عندكم وعندكم فلووس.,
لكـن .. مع هذا ., تتمنون الموت .,
(لا يتمنين أحدكم الموت ولا يدع به من قبل أن يأتيه)
خلينـآ .. أقوآل الرسول صلى الله على وسلم
تركنـآ العمل بهم ..
اصبحت حياتنـآ .. نت تلفزيون اغاني لعب طلعات .,
نفعل المعاصي ( بالهبــــــل )
وندري باللي نسويه
ومع هذا ..
نقول ..
- مانـقدر نرقد .. الأرق يرهقنـآ
- أحس اني ضايق.. ماقدر اتحمل ..
- انا رفيق الحزن من صغر سني
- محد مرتاح في الدنيا
- لو الأنتحـآر مب حرام كان انتحرنـآ من زمان
- المووت اريـــــــح !
- كل ما فكرت في الموت ., كل ماحسيت انه قريب !
- ابي اموت .. واريح اهلي واريح ربعي واريح الدنيا مني !
- أحس انه عذاب النار اخف من عذاب هالدنياا
- دنيــآآ قويه .. ماترحم
بالله عليكم .. كيــف بترتاحون ..
وكتاب الله ما تدلونه ويـــن !!
-----> انـآ ماقصد الكل .. لكن اللي ع راسه بطحا يحسسها !!
القنوآت 24 ساعه ., رقص وحاله .!!
مواقع النـت اغلبيتهاا مواقع فاضحه .,
المولات دايما ممزورة بالشباب الصيّع .. والبنـآت الأصيع !
العبايات ضيقهـ .. الشعر نصه برآ الشيله .. البرج اللي فوق راسك!
شعر الشباب اللي لين ظهورهم بهدف .. تقــــــلـــــيد البنـــــــآت
المسترجـلات والـجـــنس الثـــالث والرابع والخامس قريبا !
الإفـلام الإبـاحية اللي صارت تارسهـ النت وقنوات التلفزيون بعد .,
الغيـبة والنميمة واللسان اللي مايسكت عن الرمسه في الناس والذم فيهم .,

كـل هذا .. وتبون ترتاحون .؟
تسون كل هذا ., وتبون الله يريحكم !!
إذا صابت أحد منكم مصيبة .. فليصبر !!
يمكن .. رسب فـ امتحآن .. أو جـآب درجة ماعجبته ..
يمكن .. سوا حادث والموتر تتدهور فوق تحت .,
يمكن ., أحد من قرايبه توفى .,
يمكن ., اصابتهـ الحمى !!
فـ قـآل أبـي آ اموت ..!!
سؤال بســــيط .. هل الموت سهل ..
لا والله .. الموت شي عظيم ..!!
خلونـآ نرمس عن الموت .. نقـطة نقــطة ..!!
(استعيذوا بالله من عذاب القبر )
أول منـأزل الأخرة .. القـــبر .,
سكرات الموت في حاله انتــــزاع الروح
انفصال الروح التي تأقلمت مع البدن سنوات طويلة
الأحتضـآر
وغيرها !
وفي آخر كلآمي .. تذكير لقول الرسول
( لا تقوم الساعة .. حتى يمر الرجل بقبر رجل .. فيقول .. ياليتني مكانهـ )!!

منقول
د
جزاك الله خير
ف
والله موضوع جاء في الصميـم ...,

بارك الله فيك واثابك خيرا .... على الموضوع الأكثــــــــــــــر من رائع ..،,
ص


الله يحفظ الكل في الدنيا ويسر اموردينهم ودنيتهم ..
ويرزقناويرزقهم حسن الخاتمة يارب ..
وربي يجزيج خير عالنقل
ل
مشكووررررره ع الموضوع
ش
مشكورة يا عسل على الموضوع الرائع
وللاسف هذا الشي منتشر
د
موضوع جميل مشكوووره
ف
جزاك الله خير
م
جزاج الله خير
X