انا في هم .......ساعدوني اتطلق ولا اصبرعلى زواجه

شوفي ياقلبي موضوع الاطفال بيد الله سبحانه مع اخذ الاسباب يعني تعالجي سواء طبيا او بالقران والله اعرف كثير حريم ماحملو الا بعد سته عشر سنه واللي تسعة عشر واكيد انه فيه مضايقات وكلام جارح تسمعيه من الناس طنشي وادعي الله دائما بالنسبه لزوجك نصيحه لا تخسرينه بكلام فاضي زي كذا بتتزوج او ليه تطلع وتخليني لوحدي والله اذا بيتزوج راح يعملها سواء عندك اطفال اولا وفي اي وقت هو عايز لا تخليه يزهق منك بكلامك وتصرفاتك معاه بالعكس عيشي حياتك وانبسطي معاه ولا يوسوسلك الشيطان حبيه يحبك اذا طلع مع صاحبه لبسي وروحي عند اهلك صحباتك اشغلي نفسك باي شي ولا عاد تساليه عن اصحابه وين رحتو فيش تكلمتو لا تنكدي على عمرك والله يرزقك عاجلا غير اجل بالذريه الصالحه اللي تملا عليك الدنيا كلها في امان الرحمن ياعسلF:

الله يفرج همك ياااااااااااارب
ويرزقك ويرزقني وجميع المسلمات الذريه الصالحه

الله يفرج همج ويرزقج الذريه الصالحة عاجل غير اجل انتي وكل الحرومين..

Princess Pearl;14509675:
اختي عالجي نفسك واذا مافاد جربو اطفال انابيب يمكن يصير
لو زوجك مفكر بالزواج كان اتزوج عليك قبل 5 سنوات انتي لا تنفعلين ولا تعصبين من يشوف صديقه
لان بطريقتك راح يمل منك ومنبسبب طريقة معاملتك له راح يقرر يتزوج عليك
صيري صبورة واتكلمي معه بالطيب واطلبي منه تتعالجين لان نفسك بطفل
لا تكررين قدامه كلمه راح تتزوج عليه لان يمكن مايفكر يتزوج الثانية لكن بطريقة كلامك واصرارك على هالمشكلة راح يغير رايه ويتزوج عليك
كثير ناس ما حملو ودام سنين 15-20 سنة يعني 5 سنوات مو كثير
انتي عليك قيام الليل والدعاء واكثري الاستغفار وعالجي نفسك مافي شي مستحيل
خلي ثقتك برب عالمين قوية

الله يفرج همك وتحملين باقرب وقت بطفل سليم

:thumbs_up:

حبيبتي عالجي نفسك أهم شي واهتمي بحالك ونسيه الأولاد كلها كوني انت طفلته
واياااااااااااااااااك ان تزوجيه انت لانك مارح تكبري بعينه ورح يبيعك اذا جابتله التانية أولاد
حبيبتي أنا بحذرك لأن خالتي راحت طلبت عروس لزوجها بعد زواج دام 13 من المحبة والمودة وبالأخير ما ثمر مع الزوجة التانية وعايرتها بعدم الخلفة بس رحمة ربنا واسعة وحملت بعد زواجه بشهر هي والزوجة التانية وهلأ عندها 3 أطفال والتانية عندها طفلين ولما تحمل خالتي بتعمللها مشكلة بحجة تنظيم النسل.تخيلي

الله يفرج همك ياحق عليك بلاستغفار فانه مخرج لكل ضيق:)

حازلي تتعالجي عند دكتور واثنين ومافاد روحي لشيخ العلم والطب ماخلوا شي وكل شي بيد الله سبحانه وفيه ازواج مايصبرون بدون عيال لا ماهو قال اهله اصدقائه الناس المحيطين فيه ربي يفرج همج

حبيبتي اولا اكثري الاستغفار انا كنت تقريبا عاقر و استغفر يوميا 1000 مرة اقول ((( استغفر الله و اتوب اليه سرا و علانية ))) و الحين الحمدلله الله رزقني بالعيال الله يحفظهم لي و هذا بسبب الاستغفار

الله يرزقج بالاولاد الصالحين اللي يملون عليج البيت عاجلا غير آجلا

ثانيا انسي موضوع الطلاق حتى اذا قال لج انا ناوي اتزوج لا تردين عليه خليج مسكينة و مكسورة الرجاجيل يموتوووووووون على المرة المسكينة و لا تقوليين طلقني عشان ما يحس انج بايعته و يسويها ( الله لا يقولها )

و حتى لو تزوج ( بعد الشر ) لا تطلبين الطلاق ولا تطلعين من بيتج ابداااا و لا تسمعين كلام خرابات البيوت و صدقيني راح يرجع لج في الآخر

و اسمعي كلام مجرب كنت بنفس موقفج و الحين انا الآمرة الناهية لأني افكر بعقلي و ليس قلبي

الله يفرج همك..ويرزقك بالاولاد عاجلا غير اجل

الله يفرجها عليك ان شاء الله الله يرزقك الذرية الصالحة

الله يرزقك يارب ويفرج همك

انتي قاعده بس تحاتين بيتزوج اولا بس صايرة جنج مخبر

عيشي حياتج لا تخلين حياتج فيهاا برود اشغليه باي شي

سوي مشاريع انتي معاه ..استفيدي من حياتج يعني بتجيبين الهم لج وانتي ماجاج شي

تعوذي من ابليس يمكن الرجال مافي باله شي ..لاتفتحين مخ الرجال على شي ..

لا تضعفين جدامه .. خليج قوية ..

استعيني بالصبر والصلاة .. استمري بالعلاج وان شاء الله ربي بيعطيج خير

مدام في امل انج تحملين لانج حملتي قبل هالمرة صدقيني ماراح يخليج

انتي شيلي هالافكار من راسج وراح تتغير حياتج

والله يوفقج

الله يرزقك الذرررررريه الصالحه عاجلا غير اجلا يارب العالمينF:F:F:

زوجك رده فعله عاديه وطبيعيه لاي رجال ...
يبي اولاد ..
وبما انه هذا رفيقه !!!:!!::-o:-oاكيد بيسولف معه عن الحرمه الثانيه ..وبيعطيه دروس بعد
...
غالبا ابو الثنتين هاذي سوالفه مسوي عنترر بن شداد ..........
بس انتي لا عاد تجيبين طااري له قدام زوجك..:-#
انتي لا تسوي شئ وتقولي شئ ..
ومصيره هو الي بيجي لعندك ويقولك وش يفكر فيه ........
لانوو لو ضليتي تتكلمي بذا الموضوع ماراح يترردد لو لحظه انه بسويها ........
ويكون حاط بباله انه سهل عليكي يكلمك بذا الموضوع..
لكثرره اسألتك :-#:-#:-#

انا اقولك خليها على الله


وان شاء الله تحملي عن قرررريب وتبشرررررررنا
واذا هو مافحص نفسه خليه يفحصصصصص:thumbs_up::thumbs_up:

اختي خلي اعتمادك على الله ممكن هل شهر تكونيين حامل
مافي شي مستحيل عند رب العالمين
والي الله كاتب يصير بحياتج

سلام اله يعينك صراحة مقدرة وضعك والتوتر الي انتي فيه
بس دام انك حملتي مرة عادي تحملين ثانية وثالثة بعد بس كثري دعاء وشكر له والله يستجيب انشاله بس الحين بطريقة او باخرى حاولي تزيلين كل اسباب البرود في علاقتكم خليه يحس بحبك له لا تكثرين عليه اسئلة وبالذات عن الزواج من ثانية بس اقولك فكريه بين فترة والثانية انه انتي تبين تتعالجين وخاطرك في العيال مو بس اهو روحي تعالجي اشتغلي على هذي السالفة على الاقل اذا حصلتين امل في الحمل بتخبرينه وهذا الشي راح يصبره ويخليه يتقرب منك اكثر ولا يفكر بالزواج عليك
الله يقويكي انشالله وشدي عزمك لازم تتحركين في العلاج لان هذي بداية بعون الله حتقربكي من زوجك بعون الله بعون الله

شوفي لك وحدة من الحريم الكبار اللي يفهموا في التمريخ وخليها تسوي لك تمريخ للرحم
بنت خالتي جلست 8 سنوات ماخلفت لين الله هداهم لوحدة جاوية في مكة مدري جدة
سوت لها تمريخ كم جلسة وسبحان الله حملت من بعدها
وجلست كم سنة ونفس الشي ماحملت مرة ثانية الا بالتمريخ
الحقي نفسك واسألي وسويه وان شاء الله ربي يرزقك
حالتك النفسية بتخرب عليكي ..
سيبك من الوساوس والتنكيش ورا زوجك ايش قال لصديقه وصديقه ايش قال له ...
مالك فيهم .. صديقه يقول اللي يقوله انتي حتى لو سمعتي بإذنك انه قاعد يقنعه
سوووووي نفسك ماتدري عن شي .. وقابليه بالوجه الحلو والنفس الطيبة
قلبة وجهك عليه وكل شوية تسأليه بتخليه يفكر جديا في الموضوع
لانه بيعتبر احساسك هذا استعداد لفكرة الزواج ممكن يستغله لصالحه وينفذ ..
بيقول هي اصلا حاسة .. ليه ما اسويها يعني؟؟؟
انتبهي من كذا ...
ولاتسأليه عن سوالفهم مع بعض .. ولاتعطيه مجال اصلا يفتح اي كلام معاكي عنه ..
انتبهي لنفسك ولبيتك و جددي في حياتك واهتمي بنفسك دلعيها على الآخر
ولو جاكي في يوم قالك انا قررت اتزوج .. لازم ساعتها تفكري بعقل
صياحك و قهرك وانهيارك ماراح يغير من قراره شي ..
الرجال من حقه يكون له اطفال
ان شاء الله ربي يرزقه منك ويصير أب قبل مايفكر يسويها
لكن لو لاقدر الله ربك ماكتب وقرر يتزوج ...
اصحك تتنازلي عن حياتك معاه .. بلا طلاق بلا جنان
بتتطلقي وترجعي بيت اهلك وتكملي حياتك وحيدة ومكسورة وتتركي لها كل شي وتمشي !!!
ليه من هذا كله ؟؟
ليه ماتكوني انتي الاولى وحبيبة قلبه و تكسبيه اكثر واكثر بانك تتفهمي احتياجاته
وتتحملي عشانه وتصبري ويمكن خلفته من الثانية تكون لك انتي خير اكثر من امهم ؟؟
حكمي عقلك ترى الامور كلها في يدك ..
لاتستبقي الاحداث ولا تقلقي نفسك..
شوفي حكاية التمريخ والطب العربي بأسرع وقت ..
وبطلي كلام معاه في اي مواضيع فيها حريم وزواجات وكلام يجيب لك الاحباط ..

ربي يسخر لك زوجك ويرزقكم الذرية الصالحة عاجلا غير اجل
يارب بحق هذا اليوم المبارك اجعل الدعاء هذا في ساعة اجابة
وارزقها وفرح قلبها وماتدور عليها السنة الا وفي يدها طفل معافى سليم واجعله قرة عين لوالديه
ولاتجعله الوحيد في حياتهم يارب عطيهم وزيدهم وبارك لهم في ذريتهم ..

الله يرزقك بالذرية الصالحة امين يا رب ويفرج كربتك حبيبتي انا مثلك 4 سنوات و7 شهور يعني قريبا على 5 سنين انا مضغوطة من كل نواحي بخصوص الحمل الكل يسالني من غير زوجي بس كل شى رزق وهذا ابتلاء من رب العالمين اذا احب عبده ابتلاه ما تتخيلين لاي درجة تعبانة نفسيا بس مع ذكر الله والدعاء صابرة ومحتسبة حتى اهلي ما يعرفوا شو فيني من الهموم بس الله كريم لا تجلسين تشككي باي شى بخصوص زوجك وكل شى بالدنيا نصيب وكوني صابرة مهما صارلك من مصائب ،الله يبعد عنك الهم وعليك بالاستغفار وصدقة وان شاء الله بتحصلين مرادك

الله يرزقك ان شاءالله بالذريه الصالحه وعليكي بالدعاء اخر الليل واللجوء الى رب العالمين قادر يحل مشكلتك ان شاءالله ياغاليه وقلبي معاكي

الله يصبرك و طمن بالك ...