خواتي تكفن ساعدني تعالن

قسمي مهرك اولا حق كل شي واكتبي الي تبينه بدفتر وحطي بالعدد والمبلغ الي مخصصته وكل ماشريتي شي امسحي من الورقه


وحطي في بالك تخلين شي تحوييشه عمر على مايقولون يعني شيلي جزء من مهرك لك وللزمن لاتصرفينه بشي


ولاتكثريين ملأبس واغراض وااجد لأن السوق بيكون عندك متى مااحتجتي تروحين له ويمكن اصلا تحملين وماتلبسين اغلب الملابس الي شريتيها


هذا الي في بالي الان :)

أولاً ابدأي بالعناية بجسمك عناية كآملة .. وشعرك بعد ابدأي فيه من الحين ..

ومهرك زي ما قالت الأخت شفايف سكـّـر .. قسـّـميه على قد حاجتك .. ولا تكثري ملابس .. لأنك بعد زواجك أكيد بتسافرين ان شاءالله شهر العسل وقتها خوذي راحتك بالتسوّق والأسواق .. :03:

حطـّـي تقريباً ربع المهر أو نصفه ذهـب .. علشان ما يطير مهرك على اشياء تافهه وتروح بسنـة ..!! :057:

والباقي اشتري الاساسيات .. ملابس تناسب اول ايام الزواج للبيت والطلعات والزيارات .. مكياج بسيط ونآعم .. عطور .. أحذية .. هذا أهم شي .. بس طبعاً مثل ما قلنا لا تكثرين مررررة ..

الاكسسوار لا تحرصين عليه لأنك عروس وبأول الشهور لازم تلبسين ذهب .. :040:

هذا اللي عندي ..

:014:

ْ
ْ
ْ

ألف مبروووك الله يوفقك ويسعدك وتعيشي احلى عمر مع زوجك ياعروسة:032:
الله يسعدهم البنات عطوكي النصايح بالنسبة لمهرك ..
صح كلامهم لاتشتري لبس كثير لان الموضة تتغير وانتي كمان ممكن تحملي ان شاء الله
حرام تتكلفي فيها وفي الاخير ماتقدري تلبسيها
انا بجهز لك رد مفصل امخمخ عليه واجيكي :082:
استنيني :014:

الحـالـة النفسيـة

لاتقلقي .. ولاتفكري كثير ..
النوم مهم جدا والراحة لها تأثير كبير على بشرتك اللي يهمك تكون في احلى حالاتها دايما ...
لاتضغطي على نفسك ابدا ..
رتبي وقتك ونظميه وشوفي الأولويات خلصيها من بدري ..
عشان فترة قبل الزواج باسبوعين ضروري تقعدي في البيت وتبعدي عن الشمس والخرجات الكثيرة وتلحقي تهتمي بنفسك ..


شعـرك

اهتمي بشعرك اذا يبغاله قص اطرافه على طول روحي قصيه..
لمن تقصي الاطراف قبل ماتبدي برنامج العناية بالزيوت والكريمات تشوفي نتيجة مرضية جدا
بعكس لو تركتي اطرافه التعبانة ماراح تستفيدي كثير ..
فقصيها احسن لانها في كل الاحوال تلفانة وماراح يتغير حالها ..

لاتفكري تصبغيه الوان فاتحة ..
لو بتصبغي اصبغي لون بني شوكلاته او كستنائي وسط ..
لون يعطي انعكاس حلو تحت الاضاءة من غير ماتتغير طبيعة لونه الاساسي ..
العروسة حلو شكلها بالفستان الأبيض وشعرها لونه طبيعي خصوصا لو كانت بشرتها حنطية او سمرا ..

انا من عشاق السدر للشعر من يوم ما جربته ادمنته :032:
حطي سدر و زبادي وعسل
ماتضيفي عليه مويه ابدا ..
حاولي تحطي الكمية اللي تناسبك ولاتخليه سائل كثير
اذا حسيتيه ناشف ضيفي زبادي واذا سائل ضيفي سدر
والعسل زي ماتحبي .. انا احط اربع ملاعق كبيرة مليانة

يكون شعرك مغسول ونظيف وناشف ..
قسمي شعرك و حطيه ووصليه لفروة الراس وكملي باقي شعرك
غطيه ببلاستك واتركيه اقل شي 3 ساعات
وغسليه اول شي بالمويه ولاتحطي شامبو على طول
غسليه بالبلسم او كريم للشعر عشان ينزل السدر كله ومشطي شعرك تحت الدوش بمشط اسنانه واسعة لين ينظف تمام
وبعدين اغسليه بالطريقة المعتادة شامبو وبلسم ..

لو تقدري تسويه كل اسبوع لاتترددي .... من جد رووووعة

التغذيـــة

نظمي أكلك ..
ابعدي عن الدهون والنشويات قد ماتقدري حتى لو كنتي نحيفة
الدهون زي ما انتي عارفة تخرب بشرة وجهك خصوصا لو كانت دهنية او حتى عادية
استبدليها بزيت الزيتون افضل شي ..
ولاتطبخي بزيت الزيتون لانه بتتغير تركيبته مع الحرارة ويصير ضار
الافضل تخلي اكلك اغلبه مطبوخ من غير زيوت ..
وزيت الزيتون ضيفيه للسلطة..
كفاية ملعقتين على مدار اليوم اذا كنتي ناوية تخففي وزنك
وممكن تزيدي الكمية لو وزنك مو محتاج تخفيف
خلي اكلك كله أشياء مفيدة زي الخضار والفواكه
والرز والخبز قللي كميتها واستبدليها بالأسمر ...
الرز الأسمر تلاقيه في السوبرماركت وطعمه احلى من العادي اذا تعودتي عليه بتفضليه اكثر ..

بشــرتـك

نجي لبشرتك ايش ممكن تسوي ماسكات ..
سوي ماسكات طبيعية بعد ماتنظفيها عند اخصائية شاطرة
روحي يوم كذا وسوي تنظيف بشرة عميق بالبخار تخليها تشيل لك الزيوان
المفروض تروحي مرة كل 3 او 6 شهور اذا بشرتك عادية او جافة
ومرة كل شهرين لو بشرتك دهنية وفيها مشاكل
وباقي الايام انتي في البيت تهتمي وتسوي تقشير بكريمات جاهزة او ممكن تسوي التقشير بالسكر العادي
تاخذي غسول للبشرة اللي انتي متعودة عليه وتحطي ملعقة صغيرة سكر عليها
وتغسلي وجهك وتفركي السكر على جبينك وخدودك ورقبتك واكيد تبعدي عن منطقة العيون
هذي العملية سويها مرة في الاسبوع كفاية عشان تشيلي الخلايا الميتة
وتعطي مجال لبشرتك تتنفس وتنور وتستفيدي من الكريمات المغذية اللي بتحطيها وحتى الماسكات ..

مهم جدا تنظفي بشرتك من الميك اب وحتى لو ماكنتي حاطة شي يوميا بكريم منظف وتونك مناسب
لازم تكون نظيفة قبل ماتنامي عشان كريم الليل اللي بتحطيه تستفيدي منه بأقصى درجة
بالنسبة لي استعمل منظف جونسون 3 في 1
ومن من نيفيا .. تلاقي منظف للوجه و ومنظف للعيون و تونك

بالنسبة للكريمات طبعا كل سن له كريمات مناسبة..
تحت سن الـ 25 انتي محتاجة كريمات الليل والنهار تكون غنية بالمويه والدهون فيها قليلة
وهذي تلاقيها من لوريال في السوبرماركت مرة روعة .. ومن جونسون كمان .. ونيفيا
ولاتنسي تاخذي كريم للعيون
ابدا ماتحطي الكريم العادي على محيط عيونك عشان تركيبتها بتكون اثقل من المخصصة للعيون
وتسوي مشاكل تحبس المويه في المنطقة وتلاقي جفونك وتحت عيونك يتنفخ ويصير شكلها مو حلو ..
لاتفكري ان الماركات الغالية بتعطيكي نتيجة افضل من اللي سعرها معقول
بس اهم شي تكون شركات كويسة زي اللي قلت لك عليها ..

ابعدي عن كريمات التفتيح نصيحة لوجه الله وشيلي من بالك فكرة التبييض
ارضي بلون بشرتك واهتمي فيها احسن مليون مرة من كريمات التبييض اللي كلها مواد ضارة
مجرد ماتتركيها تدخلي في مشكلة البقع والشحوب والسمار الغريب تحسي لونك ضرب على رصاصي من تاثير المبيضات فيها ..
بلاش منها احسن ..
ربنا سبحانه وتعالى مايخلق شي مو حلو ..
العناية والاهتمام بيخلوا لونك الطبيعي حلو ومشرق ..

عندك الماسكات الطبيعية حلوة و تحسي بالفرق من اول مرة وطبعا لو تداومي عليها بتحسي بفرق شاسع بعد فترة
ماسك الزبادي والعسل ولاااااا اروع منه
وممكن تضيفي لهم السدر كمان احلى واحلى
عندك ماسك الشوفان مع العسل وموية الورد

فيه كثير ماسكات حلوة في المنتدى ممكن تسوي بحث وتلاقي اللي تحتاجيه حسب نوع بشرتك

جسـمـك

لو تبغي لونه يصير حلو اول شي تسويه تبطلي تلبسي في البيت شي غير القطنيات
الاقمشة الثانية تخنق المسام وتصير البشرة تدافع عن نفسها عشان تتنفس وماتقدر فتتحول بعض المناطق للون الغامق وبعضها فاتح وتصيري علبة الوان ..

سوي حمام مغربي مرة في الشهر ومن بعده ادهني جسمك بسخااااء بزيت اللوز او زيت السمسم .. صحيح ريحتهم بايخة بس فايدتهم ماتتخيليها ..
خلي في دولاب حمامك علبة فيها سدر دااايما اغسلي جسمك فيها بعد الشور جل والليفة
ابتعدي عن الصابون العادي واستعملي صابون الغار او شور جل من جونسون احسن بكثير من الصابون العادي اللي يجفف البشرة ويخربها ..
بتغييرك لنوع الصابون واستخدام السدر بتلاحظي لونك بيصير احلى بكثيرررررر
وبعد كل حمام استخدمي كريم فازلين بزبدة الكاكاو ....
احلى كريم مر على في حياتي بلا مبالغة ..
يجي منه سائل حلو بشكل عام
ومنه جامد شوية يجي في علبة مدورة رهيب لليدين والرجلين



نصائح متفرقة

زي ماقالوا البنات .. لاتكثري لبس وعطور
بالذات العطور.. كفاية تاخذي طقم او اثنين ( كريم وشور جل وبودرة وسبراي للجسم والعطر ) واحد للنهار والثاني للسهرات ..
وثلاثة او اربعة عطور فخمة وواحد منهم خذيه حجم صغير ينفع تحطيه في الشنطة ..

طبعا ماراح تنسي دهن العود والبخور .. خذي من عبدالصمد القرشي مسك العروس مرة حلو ..

الميك اب برضه لاتكثري .. خذي الاساسيات وبعد زواجك كل مرة تتعلمي شي جديد بتروحي تشتري زيادة ..
عندك موضوع قسم الميك اب روعة تصفحيه كامل واذا عندك سؤال البنات هناك قمة في التعاون
http://forums.3roos.com/showthread.php?t=573887

اشتري سشوار نوع كويس من محلات نزيه احسن شي twin turbo 2600
اذا مافي 2600 اسألي الموظف وخليه يعطيكي الموجود من نفس الشركة
نبهي عليه انك ماتبغي شي يحرق الشعر ..
بعض السشوارات حرارتها تخلي الشعر لونه مشهب وينكش ..
هذا النوع كويس وحرارته موزعة وتعطي لمعة للشعر ..

خذي كمان فيرعريض ينفع وقت الزنقات .. احلى شي براون satin hair


تقريبا كذا عندك معلومات ممكن تساعدك في اختصار الوقت شوية واذا في بالك سؤال اسألي وان شاء الله ماتلاقي الا اخوات يخدموكي بعيونهم ياقمر..:083:

البنآت مآ قصرو خصوصآ الآخت Dior Me اتمنى تستفيدين منهآ

الف الف مبروووووووووك ربنا يتمم ليك على خير والاخوات ما قصروا واعطوك نصايح من دهب

ماقصرتو والله يجعله في موازين حسناتكم ...

بس ابغى اسماء كريمات تنعم وتضغي البشره

الله يوفقك محد قصر