كان موعد ولادتي المتوقع 20 /7 يوليو عدا الموعد دخلت العاشر ولا فيه أي بوادر ولاده لا مويه ولا دم وكنت مرره تعبانه :sick:لدرجة اني ماأقدر اتقلب عالسرير الا بصياح لان بنوتي كانت ضاغطه علي بقوووووه وكل ما أصيح يصحى زوجي يقول ها ولاده <<<<< مسكين شايل همي :086:
بتاريخ 24 يوليو يوم السبت كان عندي موعد طبعا اخذت من العاشر 5 ايام ويوم رحت موعدي تفاجأت ان المويه حول الجنين قلت مرره وكشفت علي من تحت طلعت مفتوحه 1 ونص قالتلي لازم تجين بكره ولاده الساعه 7 الصباح طبعا طلق صناعي :thumbs_down:
يوم الاحد تاريخ 25 يوليو الساعه 7 الصباح قمت اخذت شور وتنظفت وأخذت شنطتي وشنطت البيبي وجت معاي ام زوجي اللي هي خالتي وزوجي طبعا اول مادخلت قسم الولاده الا أسمع وحده تصيح قاعده توولد أنا هنا قلبي بدا يضرببببببب بقووه من الخوووووف :032::032:وبطني بدا يمغصني :confused:
اخذتني النيرس على غرفة الولاده وحطولي المغذي وجت دكتورتي الساعه 9 وكشفت علي من تحت طبعا مع كل كشفيه لازم زوجي يكون جمبي وماسك يدي:086: ولا ما أخليهم يكشفون عشان ماأخاف كثير .. وطبعا مفتوحه زي ماهو 1 ونص عطتني اول تحميله وقالتلي امشي وبعد 6 ساعات التحميله الثانيه ...
بديت امشي ولكن بدون اي الم ولا أي بوادر للولاده لا الم خفيف ولاشي مرت ست ساعات وجتني الدكتووره وكشفت علي من تحت طبعا نفس الشي 1ونص وانا متحططمه مره ..:'( قالتلي الحين لازم نفتح كيس المويه عشان يجيك طلق انا استغربت ليش ماعطوني التحميله الثانيه بس اتوقع لان بنتي كان ناقصها اكسجين وكانوا بيولدوني باسرع وقت لان النيرس كل شوي تقولي خذي اكسجين بقووه ..
طبعا جات الدكتوره بتفتح كيس المويه انجنيييييت لاني ادري انه يعوور من كلام البنات مسكت يد زوجي بقووه وبدت تفتح الكيس بغيت امووووووووووووووووووووووت من الالم وقعدت اصييييييح وزوجي مسكين حط يده على راسي ويسمي علي خاف يسير فيني شي لان الاكشن توه بدا :cool:الدكتوره طوولت وهي تفتح كيس المويه قام زوجي يصيح فيها يقول خلااااااااص شيلي ايدك كل هذا تفتحين الكيس قالت المويه قليله وماصدقت وشالت يدها وانا أبكي اقول لزووجي عذبتني وهو يسلم في يدي يقولي تحملي حبيبتي عشان بنتنا ...:086:
طبعا الموويه بدت تصب وبدأ الطلق من اوووووووله قويييييي ما بدا معاي خفيف مادري ليش بغيت امووووووووووووووت من الالم وبرضه ماسكه يد زوجي مو راضيه افكها هنا خلااااااااااااااص ما قدرت اتحمل قوة الطلق من البدايه وطلبت ابرة الظهر ... وكل ساعه تجي الدكتوره تكشف علي لحد مافتحت 4 سنتي عطووني ابره بالمغذي بعدها حسيت كأني ه:confused: وبدأ يختفي الم الطلق وارتحت عليها مررررررررره نمت شي ساعه بس بعدين صحييت الا والالم قاعد يرجع وبدييت اووووووون وكشفت علي من تحت الا مفتووحه 5 سنتي قعدت اصيييح وابكي اقول تكفوووووون عطوني ابرة الظهر زوجي يناظر فيني والدمووع في عيينه فديت رووحه يقول الحين جاي دكتور التخدير ...
وفعلا شوي وجا دكتور التخدير وعطاني الابره في ظهري والله يابنااات ماحسيت باي وخز الابره مررررررررره ماتعور وبعدها بديت افقد احساسي من تحت والآلآ م اختفت مررره مريحه الابره ونمت الى الساعه 8 :010:وجت فحصتني لقتني مفتووحه 9 سنتي وقامت تنادي عالنيرسات ولااااااااااااده وبدوا يجهزون اغراض الولاده الحمدلله ماشفت شي لاني كنت كاني سكراانه كل شي حولي زي الحلم ..:D
جاوقت الدفع و2 من النيرسات العسل مررره لان معاملتهم روووعه معايه .. بدوا يضغطون على بطني عشان يساعدوني بالدفع لاني ماحس بحاجه ابدا واول بووووش وثاني بوووش وثالث بوش طلعت روح مامتها وبابتها ** دييييييم القمر** :029:ولكن ماكانت تصيح ولا في اي حس لها على طول شالتها النيرس ونادوا دكتور اطفال وبنتي كانت شرقانه بالمويه وكانت شبه مييته بعيد الشر عنها الله يحفظها .. جا الدكتور وبدا يسوي مساج على قلبها ويقلبها ويضربها على ظهرها انا شفت المنظر وقلت الحمد الله وقعدت ادعيلها واستودعها الله واشوف زوجي حاط شماغه على وجهه يبكي:'( ويروح ويجي وخالتي تدعيلها بعدها سمعت صوت بنتي تبكي واااااااااا وفرحت وقعدت ابكيييي وجابوها عندي وبستها على خدها فديتها قمر :016:وزوجي جا سلم علي وخالتي وعلى طول خالتي ارسلت مسج لماما وكلمتني وهي تبكي حبيبة قلبي وقعدت ابكي معاها وارسلت مسجات لصاحباتي وقرايبي .. وكان فييلم حلو الله يرزق كل محرومه يارب ويسهل على كل حامل
:074::074::074::074::074::074::074::074:
جاني اليوم أحلى البشر عروسه مثل القمر
سميتها *ديم* اغلى البشر سبحان ربي اللي امر
سميتها *ديم* اغلى البشر سبحان ربي اللي امر
وعطاني هدية العمر
:074::074::074::074::074::074::074::074:
دعواتكم ان الله يحفظلي ديم ويبعد عنها كل عين ويحفظ زوجي ويخليهم لي يارب:086: