زهرة الجنه;14475849:
الف مبرووووووووووووك لمصر والمصريين الانتصار على الظالم
اذا انتو حسني مبارك حكمكم 30 عام احنا خليفه رئيس الوزراء اكثر من اربعيييييييييين عام من الظلم والجور والفساد والنهب
انتقم الله من كل حاكم ظالم ظلم شعبه
يوم 14 فبراير من الشهر الجاري هناك مسيرات في كل مناطق البحرين للمطالبه بتنحي رئيس الوزراء
دعائكم لنا بالأنتصار
الله يبارك فيكى
وربنا ينصركم عليه اهم حاجه تبقوعلى قلب رجل واحد وهو ده كلمه السر;)
manyaa;14478086:
حبيبتي.. أحترم رأيك.. يمكن لو أنا مكانك كنت فكرت كدا.. و لكن حاولي أن تضعي نفسك مكان أم فقدت ابنها على يد النظام الفاسد.. مثل أم خالد سعيد اللي ابنها اتعذب على أيدي مخبرين شرطة...طيب..لو أحسنا الظن و قلنا الشرطة هي المذنبة..لان الرئيس لا يعلم... و لكن التلفزيون حكى الحادثة و الاعلامييون سلطوا الأضواء على هذا الفعل الشنيع... و ما زال الرئيس لا يعلم؟؟؟طيب فلنفرض انه لسة معرفش حاجة... الناس وقتها عملت مظاهرات جامدة عشان ترجع حق خالد سعيد هو و اللي زيه.. عشان الحكومة تحاسب أمثال هؤلاء الفاسدين ...برضه الريس مسعمش المظاهرات دي؟؟؟ !!!!!! طيب لو بعد كل ده هو لسة مغيب و مش حاسس بالفساد و الخراب و مش حاسس بشعبه.. إذا هو رئيس بلد تانية.. او عايش في عالم تاني.. و لا يستحق ان يكون رئيسنا.. أو على الأقل قد يكون تعب من رئاسة الدولة و صحيا لا يستطيع ممارسة مهامه فلنطلب منه التنحي بكل سلمية... كونه عاند و لم يستجيب لمطالب الشعب أو استجاب لمطالب كان الأولى يستجيب لها و يغيرها منذ زمن.. دي غلطته هو مش احنا...
دي مش أول مظاهرات تتعمل على فساد بيحصل في البلد.. و رغم كل ده ما اكانش بيتحرك و ما شفناش فساد اتعالج في عهده.. طيب طالما كدا يبقى سيب مكانك بقى لحد فيه روح يقدر يشوف شغله كويس..
تخيلي لو زوجك لا قدر الله فجأة اتقبض عليه و اتعذب عشان يعترف على حاجة هو ما عملهاش و كل ذنبه ايه؟؟!!! انه ملتحي........!!!!!!!!!!! و تم تعذيبه حتى الموت.. و دا كان في بداية يناير 2011 ...يعني بعد حادثة الشاب خالد ب حوالي 6 شهور... يعني مفيش أي فساد اتعالج برضه..
اللي حكيته ده مثال مايجيش واحد على مليون من الجرائم اللي بترتكب في حق الشعب... و ليس المجال متاح الآن لسرد كل سلبيات النظام...
كان ممكن من أول يوم في الثورة يقوم الريس بالتنحي حقنا لدماء الشعب.. و بالتالي كان حيحفظ كرامته و كانت الناس كلها حتى اللي ضده على الأقل تشكره و تحترمه لاستجابته السريعة.. و لكن بدلا من ذلك استمر في عناده و ترك أبناء الشعب يقتلون على أيدي نظامه... و لتتسع دائرة الموتى و القتلى ...و تسبب كذلك بتدخل أمريكا و غيرها في شؤوون البلاد عشان تقوله يرحل و للا ما يرحلش.. و بعد ده كله يطلع يقول مش حسمع لحد من الخارج يملي علية أعمل ايه و ماعملش ايه...!!!!!!!طب ما انت اللي وصلتها لكدا..
و أخيرا خروجه كدا ما زال غير مهينا... هو ولا هرب و لا اتحاكم و لا اتعدم ... فقط... تنحى عن منصبه...
عزيزتي أنت لم تشعري بالغربة المكرهة عليها..لم تشعري بالظلم ...لم تشعري يعني ايه شباب يتخرجوا من كليات مرموقة و أطباء براتب 300 جنيه و 500 جنيه في ظل غلاء الاسعار المجنون و ارتفاع اسعار الشقق و ازدياد البطالة و عزوف الشباب عن الزواج لانهم مش قادرين... لو الرئيس مش حاسس بكل ده .. رغم الاعلام اللي بيوصل صوتنا له و رغم الكوارث اللي بتحصل و رغم المظاهرات الكتيييييييييييييير اللي المصريين بيعملوها.. يبقى ما ينفعش يكون رئيس لينا...لما يسيب البلد غرقانة في ديونها و كل خيراتها و ثرواتها مش حاسين بيها يبقى ايه؟؟؟
طيب أنا عايزاكي تتخيلي معايا .. لو واحد من الشعب انسان عادي جدا يعني قد يكون مدير مؤسسة أو مدير هيئة أو حتى حد بسيط.. و لكنه ارتكب جرائم في حق الناس بدون وجه حق.. قتل ده و عذب ده و اعطى أوامر لحبس ده بدون أي وجه حق.. و سرق مال ده ...أو حتى ترك من هم تحت امرته انهم يفعلوا كل ده بدون ما يحاسبهم.. هل كنا حنفكر لحظة واحدة ان الانسان العادي ده يستحق العقاب و القتل كمان؟؟!!!!!! كنا كللللنا حنهاجمه و نطالب بإعدامه في ميدان عام... الفرق فقط ان ده رئيس دولة فالبعض أخدته به الشفقة و ده انسان عادي من عامة الشعب فمش مهم بقى و لازم ياخد جزاؤه.... و الرسول صلى الله عليه و سلم قال: لو فاطمة بنت محمد سرقت لقطعت يدها..!!!!!!!!!!!
لذلك لا أعتبر أصلا ان الرئيس السابق اتعاقب أصلا بما فيه الكفاية.. فقط تنحى عن منصبه... و لكن حسابه بقى عند رب العالمين...
أنا ضد اني أفضل أشتم و أهين فيه....عملا بالأخلاق فقط لا غير....قد أسامحه انا يمكن لاني لم أتضرر منه بشكل مباشر لاني أصلا مغتربة طول عمري منذ ولادتي.. و لكن هل سيسامحه ملايين من الناس اللي اتعذبت في عهده؟؟لا أعتقد...بس لو حطيت نفسي مكان أم فقدت ابنها وللا زوجها وللا اسرتها (زي مابيحصل في احداث غرق العبارات مثلا) وللا التعذيب في اقسام الشرطة وللا الترهيب لا أعتقد اني كنت حسامحه...
فقط.. ضعي نفسك مكان الطرف الآخر و حتعرفي اذا كان عندهم حق وللا لأ...
أعتذر عن الإطالة.. و أعتذر لو كلامي ضايق حد.. بس دي وجهة نظري..
كفيتى ووفيتى:thumbs_up::thumbs_up: