إعيال عايلة الزوج

بما اني لحين ماحملت بس بجاوب لاني بسكن في بيت عمي
اهو على حسب النفسيه اذا نفسيتي اوكي وتسمح عادي مافيها اشكال يعني يقعدون ويه ولدي شوي ويمشووون
بس اذا تعبانه ومريضه او فيني شي من اساس امهاتهم مابيرضون يخلونهم ايون فوق
واذا احس ولدي يستانس وياهم مافي اشكال تحت عيني وفي الشقه اجوف تحركاتهم

والله نحنا على هالحالة أختي قد ولد عمتي يقعد من الظهر أوبعد العصر إلى الساعة 12 أو 1 عندنا أيام الاجازات وإذا قلنالة اخرج مايرضى إلا إذا جا حد من أهله أخده أونزلناه بالقوة وإذا نزلناه يقولهم ضربوني وتعالي اتفرجي يجوا يسبسبوا ويتناحلوا معانا ادعيلي بس أرتاح من لقافاتهم وين رايحين مايسيبوكي الا لمن تقوليهم وإذا أحد سألهم من إخواني بالغلط أنت ايش لك صلاح ومن هالكلام

الله يعين والله صارت لي مشاكل لا تعد ولا تحصى من اطفال سلفتي
.المشكله يتكلموا ايش سويتي وايش قلتي.
خليها على الله بس

الاخوات ما قصرم

وبلنسبه لسوالك انا مستحيل اسمحلهم

والله يكون بعونج يارب..

بااختصار الباب اللي يجيك منه الريح سده واستريح

حاولي تمنعيهم بطريقة حلوة ودبلوماسية بدون ما يحسون , وشوي شوي اول شي حاولي تقللي جياتهم وحتى لمن يجوا سوي اي حاجة عشان ما يطولون الجلسة , ثم ابحثي عن الاسباب الي تخليهم يحبون يجون شقتك ؟ وشوي شوي لغاية ما تمنعيهم نهائي وموفقه

مثل ماقالت الاخت ::
الباب اللي يجيك منه الريح سده واستريح

الله يعينك علهم اختي لازم تكلمي زوجك بصراحة او تستعملي اساليب اخرى لما يجوا قولي انك تعبانة و كدا و كدا او ماتفتحي الباب ههههههههههههه

لاااااااااااااااااااااااااااا
والف لالالالالالالالالالالالالالا


رغم اني للحين ما تزوجت بس احسن لي من عوار الراس
بعدين بيتعودون وكل مره بيدخلون عادي حتى لو كان راسي مصدع او احتاج وقت في البيت وبصير انا الغلطانه وانا الي ما ابيهم اذا ما خليتهم يدخلون

هلا شكرا لأخواتي اللي ردوا على موضوعي

آنا ولدت ولدي وبنتي ورا بعض وفي غرفة في بيت عمي ... وبيت عمي ( اللهم لا حسد ) عندهم عيال وايد وكنت انزعج وايد اذا أطلع وأقعد معاهم
وفي الوقت اللي جهزت فيه شقتي وانتقلت حسيت بأني خلاص ما راح أتحمل ولا واحد من عيال أهل زوجي خصوصا وان اعيالي صغار ولدي سنه ونص وبنتي 3 أشهر
فاستبديت برأيي وأي واحد ايي يضرب باب الشقة أقوله روح آنا تعبانه لمدة سنه كامله وطلعت آنا الغلطانه طبعا وآنا طنشت ........................ وقلت أهم شي راحتي واستقلاليتي
وكنت متخرعة بالشقة وأبيها اتصير مملكتي الخاصة بي وبزوجي وبعيالي ...........
وياليت اعيالهم مب شياطين ايحوسون ويعفسون ويسوون شطانه ويتهاوشون ........ فما كان في مجال عندي ولا واحد بالمئة ...............

وطول السنه اللي منعت العيال فيها كان يأنبني ضميري بشدة على واحد منهم وهو يتيم
وعشت في عذاب بسببه ......... لأنه كان ايي يضرب الباب وأقوله روح....................

المهم بعد السنه فكرت اني اخصص وقت لعيال أهل زوجي وهو من طلعت زوجي للشغل لوقت رجعته من الشغل ............ وبس
كنت احس انه الوقت اللي فعلا يناسبني ......................ويناسب نفسيتي
وهذا كله عشان أكفر عن ذنبي بسبب اليتيم
فاللي صار ان الأمور مشت تمام الى أن جاء شهر رمضان والعيال كانوا بعضهم يتجمعون عندي الا عيال وحده من خوات زوجي الملقوفة ( وهي من النوع اللي اتحب انها اتقط عيالها ) كانت اتنومهم للمغرب .............
وكانت تعرف اني ما عندي مجال غير الوقت اللي آنا امحددته ..........
فصار ان أهل زوجي عزموني على الفطور ....... فاخت زوجي هذه اللي تنوم اعيالها للمغرب وهم مب اليتاما ( الله يخلي لهم أبوهم ) كانوا من أكثر العيال شطانه
واحنا جالسين على الفطور استغلت الفرصة واحرجتني وقالت لي آنا من ابتدا رمضان وآنا ما يبت اعيالي لج بخلي ولدي ايي بيتكم الحين ..............
وآنا كنت في بيت عمي وأساعدهم على تجهيز الفطور يعني أبي أرجع شقتي خلاص وارتاح .........
فقلت لها بنبرة قهر اشوي اني بطلع ...................
والله هذه كلمتي
ومن بعدها كانت اتصرخ على اعيالها اذا قربوا باب الشقة .... اتصرخ اصراخ قوي عليهم .......
ما تبيهم اييون لي .. واللي ما يدري راح يفكر اني امسويه شي في عيالها وخايفة عليهم مني
هذا كله عشان اني رفضت وقلت لها بطلع ....... وبعدها سكتت وطنشت وحلفت اني ما راح اخلي عيالها اييون لأنها اهي اللي منعتهم بعد ما تحملتهم وخدمتهم أكثر من 4 ساعات يوميا
..........
ويوم شافتني طنشت ,, بدت بعد فتره اتحايل علي وتبيني ارجع الذي كان ولكن هيهات أقبل
.........
و قالت لخواتها اني ما أبي اعيالها وهم بدورهم منعوا اعيالهم ومنهم اليتيم
وبعدها آنا ارتحت لأن اهم اللي منعوا اعيالهم مب آنا اللي منعتهم وخلاص منها مافي حد يا لي وضرب باب الشقة الا عيال هالملقوفة وكانت تشوفني ما أعطي اعيالها ويه وحتى انهم يبون اييون ويقولون لي جدامها نبي انيي شقتج نلعب وي عيالج وأقول لهم اذا تبون تعالوا وي أمكم ..........

حكموا علي هل آنا غلطانه في اللي سويته ......
وشنوا أقول لعيالي اذا شافوني أرد أولاد اخت زوجي الملقوفة هذه ..........
ومشكورين ...........

CRAZY ABOUT YOU;14445460:
بااختصار الباب اللي يجيك منه الريح سده واستريح

:thumbs_up:

احس لازم خصوصية بكل بيت يعني مابقبل بحد
يكون عندي بكل وقت وانما بأوقات معينه ومعقوله

شوفي باقولج لا تكرهين صورتج جدام اليهال و جدام أهل زوجج بأنج تحتجين علنا تره حتى اليهال يحسون و يحطون في خاطرهم و لا بينسون اذا اكبروا و بيتمون ما يحبونج انتي تقدرين في بعض الأحيان تمنعينهم بطرق ذكية مثلا تقفيلين الباب و ما تردين أو انج اتقولين لهم تعالوا نلعب تحت لأن اليهال راقدين وهكذا

ابله ساااااااامحيني خيتوو

احس اسلووبج خطأ لو ماااا يحبون عيالج وبيلعبون ويااهم جاان ما رااحوا لج الشقة

وواصلا اليهااال مالهم ذنب بالعكس خليهم يلعبون مع عيااالج الا هم مو كل يوووم بيوونج

وحتى لو عفسووا تقدرين بطريقة ذكية تقولين لهم لااا تسوين جذي او قعدووا اهني وطالعوا تلفزيوون واللي يعفس خزري عليه عشاان يقعد

على فكرة انا عايشة ببيت عمتي ولدي عمره 9 شهور وعندي حجرة وحده وعيال حميي كله يناادون ولدي واني افتح لهم البااااب لانهم يحبووونه ويبغون يلعبوون وياه ومشتااقين له مع انه اعماارهم 6 و4 سنووات

مملكة بلقيس : المزاج لعيال الغير يختلف من وحده لثانية
وآنا مثل ما قلت اني يبت عيالي ورى بعض يعني بلمره ما لي مزاج لعيال غيري ( بالمرررررررررررررررررررررره )
أذبح نفسي وأتعب نفسيتي عشان عيال عايلة زوجي وأمهاتهم يرتاحون
وهذا ومكان اجتماع اليهال موجود الا اهو بيت عمي اللي هو بيت جد اليهال كلهم
آنا أطلع عيالي هناك اذا يبون يلعبون معاهم في اي وقت
وآنا بالغصب أخلص شغلي في شقتي .........
اعيالي امشدده عليهم عشان لا يعفسون ويخربون اللي انا رتبته
ما أتحملللللللللللللللللللللللللللللللللللللللللللللللللللللللللللللللللللللللللللللللللللللللللل

سؤال لج يا مملكة بلقيس :

انتي اتدخلينهم حجرتج لولدج ؟؟؟؟

مملكة بلقيس;14452037:
ابله ساااااااامحيني خيتوو

احس اسلووبج خطأ لو ماااا يحبون عيالج وبيلعبون ويااهم جاان ما رااحوا لج الشقة

وواصلا اليهااال مالهم ذنب بالعكس خليهم يلعبون مع عيااالج الا هم مو كل يوووم بيوونج

وحتى لو عفسووا تقدرين بطريقة ذكية تقولين لهم لااا تسوين جذي او قعدووا اهني وطالعوا تلفزيوون واللي يعفس خزري عليه عشاان يقعد

على فكرة انا عايشة ببيت عمتي ولدي عمره 9 شهور وعندي حجرة وحده وعيال حميي كله يناادون ولدي واني افتح لهم البااااب لانهم يحبووونه ويبغون يلعبوون وياه ومشتااقين له مع انه اعماارهم 6 و4 سنووات

:thumbs_up:

ابله خيو انا من خلال قراءتي لموضوعش يمكن انه انتين من لنوع الي ما يحب دوشة يهال وما اتحبين لمة يهال وايد صح كن كلام الاخت مملكة بلقيس صح انا كاني عايشة في بيت عمي وبشقة بروحي فوق بطابق الثالث بس اتصدقين عيال خوات واخوان زوجي يجوني ويحبون اولادي ويحبون يلعبون معاي بس انا اعطيهم اوقات محدودةة للعب مع اليهال واذا على عفسة اليهال قولي ليهم من البداية بطريقة حلوة الي يوصخ ما نبيه ويانا جذي اليهال يبي ليهم مسايسة واليهال عقلهم صغير ويتبرمح بسرعة بس اذا انتي مو من النوع الي ما تستحملين اليهال هذا شيى ثاني وحبيت ما يجونش حبذا لو قلتي لحماتش بطريقة مسايسة بطريقة دبلوماسية انه اهي ما تضايق ولاتزعل واي وعلى سالفة اليتيم ترى يحط بخاطره اختي والمفروض ما اتزعلينه والمفروض اتبطلين ليه الباب صدقيني خيو انا عندي يتيمتين بيت عمي لكن والله اخدمهم بعيوني لو يبون يقعدون لليل ما اقولهم ال بالعكس اذا اطلع اطلعهم معاي صدقيني الازعل اليتيم ووووو سامحيني اذا كلامي مخربط بس حبيت اوضح رايي وسامحيني على الاطالة واذا تبين شيى امري او نصيحة قولي ترى ما فلت هالشيى الا لانه خوات

بالنسبه لي

ما اسمح لهم .. الا إذا وقتي وحالتي " العصبيه " تسمح..

وإلا اطلع بنتي لهم احسن لي من انهم يزعجوني بشقتي...


بإمكانك فرض شخصيتك.. عليهم.. وتحديد وقت الدخول .. والخروج

ام جنى