¨°•√التجمع الرابع : للحوامل اللواتي سيلدن بإذن الله بشهر يونيو (6) 2011 ♥√•°¨

مس بحرين
اهلين مس العفو وتقريبا ماباقي كثير ماعرفوا وعلىالجدول اسويه بس اول كل وحدة تقول اسم البيبي لان كثير ما اختاروا اسمائهم للحين ,حلو اسم سجى حييييييييييل كان خاطري فيه تفاهمي وياه وان شاء الله يرضى
انا بروح بيت اهلي لانه احس تعب عيالي في المدرسة والروضة صعب ومولود جديد لازم بحتاج مساعدة وللحين اناا مابرزت شيء عادة اخذ المستشفى بدلة لي وبدلة للبي لانهم مايخلون الا يوم واحد

العهد
وعليكم السلام والرحمة وصباح النور والسرور احنا بخير جعلك بخير
الكسل لابد منه بس بعد الشغل غصب عنا نسويه طبخ ونفخ وغيره خخخخخخ

ام فاطمة
يلا بعد نتحمل انا قلت بصومهم الشهر الجاي اللي عليا
ايوا والله فرحت بالحيل تاريخ عيد الام يصادف عيد الام الرسمي في 21 من شهر أذار >مارس<
انا ان شاء الله خواتي بيساعدوني في التجهيز مايقصرون دايما

صباح الخير بنات .............شو اخباركم ان شاءالله طيبين
وامور الحمل كلش تمام ....
ام فطومه انتي نفس حالتي ما جهزت شي .....بس الحمدلله ربي هونها علي خواتي قبلي كلهم جابوا اولاد وانا صورت قالوا ولد ....ما يحتاج اشتري شي لان خواتي رافعين ملابس اطفالهم وانا باخذها لحد ما يكبر شوي واشتريله لأنه بالاشهر الاولى يكبر بسرعه ...وماشاءالله الملابس جديده
انا بس بشتري له منظفات ومفرش وكم طقم استقبال ..........والله يعين الجميع:)

حبوبة يسلموا فديتج هاي من دوقج
انشاء الله يوافق وراح اخبركم يعني نقدر انقول 90% سجى ههههههه
لا ادا جدي تعب عليج انه لانه عيالي الكبار 2 في المدرسة والصغير بيكون عمره تقريبا سنة ونص بس المشكلة ان باصات عيالي ايون على شقتي وزحمة علي وانه ممن النوع الي احب اكون في بيتي بس انتي احس لا روحي بيت اهلج احسن واتدلعي اشوي عليهم

السلام عليكم جميعا

اهلين مس بحرين

اسم سجى رووعه ومقارب لأسم بنتك الثانيه

وماشاء الله اسماء عيالك كلها حلوة

انا بعد محتاااارة حيل في اسم بنتي

الولد خلاص اخترت له اسم رضا بس البنت محتارة للحين مو مارسيت على اسم

محتارة بين (جنان_ندى_حوراء_ريحانه_حوريه_ سجى_روئ )

ابي شي مناسب مع اسم رضا مالقيت الا ندى ولا سجى ولا روئ

وبما اني بكر ان شاء الله بروح بيت اهلي ^_^

والحمدلله خلصت تجهيزاتي ماباقي الا التوزيعات وادوات النظافه ومفرش لي

يسلموا نوارة هاي من ذوقج حبيبتي احرجتيني
عشان جدي اخترت سجى لانه مقارب لاسم بنتي
على فكرة انه لو كان ولد كنت بسميه رضا او علي وايد لانه حلو هالاسم
ليش ماتسمين سجى
عفية على الشاطرة يعطيج الف عافية
اي ادا بكر لازم بيت الاهل عشان يدارونج

اسم سجى حلو

وجنان بعد :)

شخباركم كروشاتت والله وصارت الكرشه تمشي قبلنا :)

انا زوجي كله يعيب على مشيتي وخصوصا كروشتي الحين كبرت واتوقع وزني وصل 60 ما ابي يزيد اكثر بس مدام فيه صحه البيببي مو مشكله انشاالله يوصل 90 انا انشاالله يوم الخميس موعدي وادا الاوضاع ضلت هادئه انشاالله بروح خصوصا اني تمللت من حبوب الحديد وابي خلاص اقطعها

على طاري التجهيزات ماشاالله عليها عمتي سوت لي الخلق الي ينحط فوق المفرش بصراحه ما اعرف اسمه واختها سوت لي فراش ارتحت نسبيا ان البيبي صار عنده من هالاغراض لاني ماشريت له منهم شي

وبس ادا وصلوني انشاالله بحط لكم صورهم

تحلى ايامك ^_^

يعني رضا وسجى لان فيني توأم ^_^

انا مرة قلت لزوجي عن اسم سجى مادري حسيته مو متقبله خخخخ بس بحاول فيه ولا بسوي قرعه على الاسماء اللي في بالي

طيب عندي استفسار >.<

انا لي يومين احس بأأألم قووي في صدري بالذات الحلمه

ودهنته بزيت الزيتون بس يتحسن اشوي ويرد يعور

تدليك بالغصب اقدر ادلكه

ودي اروح لدكتورة بس احس فشله

سؤالي هل مع التدليك يخف ولا بيتم يعور لين الولادة؟

حبيت اسم حورية او حوراء او في ناس تسمي (حور العين ) ثلاثتهم مع رضا راكب

كنة ماباقي الة الاسم وتولدي هههه الله يسهل يارب

زخت مطر يسلموا
انه عكسج هالمرة بالدات دبتي ماكبرت بس على فكرة من خلال خبرتي خخخخخخخ اكتشفت انه ادا وزنج وايد زاد في الحمل ودببج وايد كبرت البيبي يطلع صغير
والله العالم
عليج بالعافية وملبوس العافية لاحلى بيبي وانشاء الله الاوضاع راح اتصير احسن بس اليش للحين تاخدين حديد مو المفروض بس فيتامينات و كالسيوم

نوارة
الله يقومج بالسلامة احس وناسة توام وولد وبنت الله يخليهم لج
بس احسن شي سوي قرعة ترى عادي الصدر يعور لانه بيتكون فيه حليب بس لازم تدليك خفيف ولا تنسين اي شي يزعجك او اي سوال سالي الدكتورة عادي

مس بحرين انا الحديد يلعب وياي ولا مره عدل كله نازل من جدي الى حد الحين اتناول دواء الحديد :)

اناا انشاالله وادا الله كتب وجبت لصبي انشاالله بسميه حسين على اسم عمي ابو رجلي الله يرحمه
اما ادا شاءت الاقدار ووضح ان الي فيني بنت وان الدكتورة كانت غلطانه بسميها مريم

ما ادري ليش كله احس ان الدكتوره مو عدل؟؟

مو انها كانت واثقه بس كل شي على الله :)

نسمـ حب ــة
صباح النور والسرور الحمد لله احنا بخير وانتي بعد الحمدلله انك بصحة
وزين كذا عندك ملابس خواتكلو كانت جديدة انا عندي ملابس بنتي زهور بعضها مالبستها بس مادري اذا اللي فيني بنت ولا ولد

مس بحرين
ان شاء الله يوافق انا عيالي قاسم بالمدرسة اولى وهشام بالروضة وعلي 3سنوات وزهور سنة ونص يعني اكيد احتاج مساعدة لوعندي شغالة بقيت بالشقة بس ماعندي
وصحيح كلامك بخصوص الكرشةانا كل اللي يشوفني يقول تؤام وبالاخر اللي اجيبه عصفور هع

نوارة الحياة2
حلو اسم رؤى وسجى وندى راكبين مع رضا اختاري واحد منهم
الحمد لله خلصتي تجهيزات عقبال الولادة
الم الصدر عادي عشان تكوين الغدد اللبنية بس روحي احسن يمكن تعطيك شيء يخفف الالم

زخت مطر
هي بس متر قدامنا ابوي يسميني ام دبة خخخخخخخ
الله يعين ويتمم بخير ويروح الثقل احسه قاعد بكبدي فوق ما اقدر اتنفس
ننتظر الصور والله يرزقك اللي تتمنينه حسين احلى الاسامي ومريم بعد حلو

مس بحرين يسلمموو حبيبتي على ردك العسل

مشكله اني اتابع عند دكتور سواء في الحكومي ولا الخاص

عشان كذا احس احراج اسأل

قلت بصبر كم يوم اذا ماراح الألم بحجز عند دكتورة بس هم خايفه تقول فحص وانا مابي >.<

بنت سبتمبر خخخخ اي والله صادقه باقي بس اولد بالسلامه بس للحين احس مو مستعدة نفسيا كل ليله افكر

واحاااتي حيل خايفه من المسؤوليه والولادة

زحت مطر بالعافيه على النونو المفرش

وانا بعد للحين مو متطمنه من ناحيه جنس الجنين كلا اتخيل اني لولدت بيقولون لي جبتي ولدين @_@

توماااا

هلا فيك والله وحشتينا ووحشتنا سوالفك وضحكتك ان شاء الله ترجعون مثل قبل واحسن

ام فاااااطمة

ان شاء الله تعرفين هالمرة و تطمنين علىه وعلى صحتك

بنت سبتمبر

انا نفس الحالة في الليل يزيد كلشي
وعندي الشد العضلي اللي يجي في رجولي والله يعوووور واصيح منه

رقة عروس

ان شاء الله تعرفين هالمرة

حبوبة

تروح وترجع بالسلامة الوالدة

مس بحرين

هلا وغلا فكرتك حلوة بس اتوقع الاغلب ما استقر على اسم وانا افكر باسمين
اسم سجى وفاطمة حلوين

ام فاطمة

لا والله هاليومين قلت بكتب الاشياء اللي ابيها لاني ناوية بس اشتري حق الاربعين ماراح اشتري اشياء زياده جاية العطلة ورمضان والعيد اكيد بشتري مرة ثانية
وببدا ان شاء الله من هالخميس

العهد

هلا وغلا ... صدق الكسل كريه

نسمة حب

حلو والله لا تعبين نفسج بعدين اشتري على رااحتج

نوارة

حتى رؤى حلو وراكب على رضا

زخت مطر

احنا بخير اي والله الكروووشة حيل كبرت

مس بحرين

حتى انا الى الان اخذ حديد

شخبااااركم بناااات جميعااااا ان شاء الله بخير

اهلين روز احنا بخير جعلك بخير وسلامة

والله يسلمك من كل شر

بنات بسالكم

وش احلى سارة ولا دانة

امي تبي سارة

وزوجي ماعنده مشكلة بين الاثنين

احترت وانا ودي بدانة اكثر بس هم سارة حلو ولا ودي اكسر بخاطر امي لان هي اللي اقترحته