¨°•√التجمع الرابع : للحوامل اللواتي سيلدن بإذن الله بشهر يونيو (6) 2011 ♥√•°¨

نيغار

برلينت

xxRosexx

والله فعلا لما افكر فيها يعوورني قلبي بس ايش الحل :(

اذا خليته عند امي رح اشتاق له وافكر فيه ومارح اتهنى

واذا خذته معي هم بعد مارح اتهنى من التغيير له ومواعيد نومه الملخطبة وبكائه

ومحتاجة للسفر حيييييييل من جد محتاجة اسافر واغير جوو من تعب الحمل :(

ادعولي حبيباتي

هلا حبيبتي نوارة الحياه
اعتقد ماراح تقدرين ترضعينهم الاثنين طبيعي
لان الطفل اذا وقفتي الرضاعه الطبيعيه عنه فتره بسرعه يوقف
فممكن اللي راح يظل عند امك ماراح يرضع طبيعي لان الطفل اذا مارضع 3 ايام ينسى ويتعود على الصناعي

هلاتوته الصغيرونه مبروك معرفتك جنس البيبي وعقبال مايكون بحظنك بالنسبه للسفر اذا كنتي ناويه ماترضعين طبيعي
فتقدرين تسافرين لان صديقتي سافرت بس يوم رجعت ولدها مارضى يرضع رغم انها ماتركته الا اسبوع فقط
بس انا افضل انج ماتسافرين والرضاعه الطبيعيه افضل خليها لما يصير للبيبي سنه وخذيه معاج بتكون عندج خبره وبيكون كبير ماراح يلعوزك
انا سافرت ببنتي وكان عمرها 7 شهور رحت المدينه والحمد لله ماتلعوزت

هلا ثلج ونار شخبارج وينج وحشتينا الله يعينك على الحكه والصراحه مافي احسن من زيت الزيتون انا استخدمت الكريمات احس مايريح الا زيت الزيتون
وان شاء الله تخف الحكه عنج يارب

هلا روز شخبارك ان شاء الله تمام والسفره تقدرين تسافرين مع البيبي لما يصير عمره 8 شهور او سنه لان مارح يتعبك
بيكون كبر وتعودتي على المسؤليه بس اكيد راح تحتاجين زوجك يساعدك

هلا هاجر حبيبتي شخبارج وشو عامله وين اختفيتي عنا ؟

هلا قمر الانجليزي ان شاء الله تمام ؟


هلارقة عروس هلا شخبارك احس صعب اثنين مع بعض وانا لو في مكان نواره نفس الشيء بسوي انتي شنو مفكره تسوين؟


هلا العهد شخبارك حبيبتي ماعليج شر وعوار الظهر كلنا نعاني انا اذا انبطحت وجيت اقوم اموت من الم ظهري
واوراكي اظل لازم اشوي على ماتعود واقدر امشي الله يعينا بدا الثقل علينا

هلا روبي شخبارج والعفو انا الصراحه جربت جونسن مع بنتي واهلي مايستخدمون الا جونسن وماعتقد بغير

هلا نيغار بالعافيه المشتريات اعتقد لازم توصين على الستاره بالوان نفس المفرش لان الستاره يبي لها وقت
وهي مهمه والسجاد روحي وشوفي السجاد واكيد بتلقين مطلوبك
اما تزين غرفة المستشفى حطيتي فكره او تدورين على افكار وحاولي تدورين فكره تكون مو مبالغ فيها
لان انا شفت الصور للمستشفى مبالغه مو طبيعيه طبعا احنا ماعندنا استقبال في المستشفى
وماحد يزورني الا اهلي بس
وفي البيت يجون الضيوف واقاربنا

هلا بنت سبتمبر شخبارك حبيبتي ماعليج شر راجعي وطمنينا ان شاء الله خير

هلا برلينت هو الالم بالعانه صحيح جانا مبكر شوي انا يوم كنت حامل ببنتي مابدا الا في السابع
ويومها كانت نازله وكان الرحم مفتوح بس الحمد لله ماولدت الا بالثامن والشيء الحلو ان يوم كنت بالسابع
وكانو شايفين الرحم فاتح عطوني ابرة الرئه فكانت امور بنتي تمام حتى يوم ولدتها بس ظلت يومين وطلعت معاي يوم طلعت
والله يعين على الالم انا حتى رجولي ماقدر ارفعهم من شدة الالم في عظمة العانه بس الله يهونها علينا ونولد بشهرنا يارب

هلا حبوبه زماني الف مبروك دخولك السابع وعقبال التاسع يارب
عندي موعد الاربعاء تحليل دم وبول والسبت موعد السونار ومالي مزاج اروح ياربي
اما بالنسبه للالم فمادري انا بعد يجيني نفس الحاله احيانا اقول من المشي او من الشغل لانه مايجيني الا اذا كثرت شغل بالبيت ومع بنتي

هلا توما شخبارج يالحلوه اجل وناسه شفتي صديقاتج وغيرتي جو
اما دمك فنازل انتبهي لنفسك :( انا ابي حل ابي حل بصيح ياربي كلا انسى ابلع حبوب الحديد وكنت اذا تذكرت ابلعهم مع الكالسيوم
والحين اكتشفت انا مايصلح لا مع الكالسيوم ولا مع الحليب ولا مع الللبن يعني متى ابلع
لان احيانا اشرب لبن على الغداء وفي الليل روب يعني ماقدر ابلع على كذا ودمي شكله راح فيها الله يستر
انا احس بزي البقع الضوء وزي الدوخه تصير لي هاليومين واختي تقول هذا يعني ان الدم نازل
مع اني من غير حمل الحمد لله دمي يكون كويس اجل ليش ينقص ؟:(

حبوبة زماني;14641800:
مساء الخيرات كروشات

انا اليوم احس بالم بنهاية بطني وظهري ذبحني مادري هذا من الثقل ولامن وشو

قمر عدلت التاريخ

هلا ثلج ونار اخبارك انتي ؟؟ احنا بخير فقدناكم واشتقنا لتواجدكم ويانا

هلا حبيبتى روحي شيكي على البول يمكن الكلى ,,,لانها نفس الاعراض الي كانت عندي واخر شئ طلعت كلتي اهي السبب ,,سلااااااااااااااااااامتج ,,وعقبال ماتعرفين جنس البيبى

انتوا كذا تصعبون علي الموضوع ><

بس ماااقدر اتحمل مسؤوليه 2 بالذات وقت النوووم

انا اسبوعيا ببدل بينهم وبحاول كل يوم اروح بيت اهلي عشان الرضاعه الطبيعي واتطمن

انا بجرب اسبوع اثنينهم عندي ان ماقدرت بخليه عند امي ويوميا اروح ازورة

انا من ناحيتي قلبي يعورني من الحين لتخيلت اني بترك واحد منهم

بس شسوي ماكو حل

نوارة ليه ماتباتين ببيت اهلك عند الماما لمدة 3 شهور ؟

ربي يعينك وادعيلي بالتؤام الحمل الجاي :)

بنات شرايكم بمنتجات مذركير للطفل الشامبو والبيبي اويل وجل االاستحمام والصابون؟

اختي تمدح جونسون .. وفيه من يمدح سيباميد للطفل .. وصديقاتي يمدحون بمذر كير فما اعرف كيف محتارة !

هاي

نواره صح كلام توته انتي اجلسي عند اهلك 3 شهور هذا افضل حل

ااااااااخ يا ام فاطمه ذكرتيني يوم اجي ارفع رجلي عشان البس البنطلون احس اني بموت من الالم

انا كمان الكل مستغرب يقولولي بكر والبيبي نازل ليه

يالله هانت باقي 3 شهور

الله يعين

حبوبة

اتوقع من الثقل الله يساعدنا وياج

هااااااجر

شخبااااج ياقلبي من زماااان عنك
اي سيباميد روعة احتمال كبير اشتري منه

زخت مطر

ان شاء الله تجين تبشرينا
وتحاليلك تكوون تماااام

توته

مالومك والله السفر حاجة ضرورية للراحة النفسية
شكلك حملتي من اول شهر
ليه مارحتي على طول من ثاني يوم زواج
انا سافرت من ثالث يوم في زواجي المفروض خططتي مع زوجك لهالشي

اما انك تسافرين وتضحين برضاعة البيبي
او انك تسافرين بعد سنة بس لا تخذينه معك
لان سفرتك شهر عسل .... بس حاسه فيك الله يساعدك على التفكير 

ام فاطمة

انا بخير الحمد لله
وصدق من انام واقوم خلاااص ارجولي و اوراكي ما اقدر اشيلهم مع انه ما حس الثقل في بطني احسه بظهري

روبي

الله يسمع منج نعرف جنس البيبي قريب

نوارة

حبيبتي سوي اللي يريحك انتواذا ولدتي بتقدرين تقدرين الامووور و الله يسهل عليك تربيتهم
بس طولي فترة نفاسك بيتك اهلك

توتة

ان شاء الله تحملي بتؤم بس سافري بالاول هههههه
بالنسبة لمذركير يمدحونه و ايضا مفكره اشتري منهم هم وسيباميد

برلينت

اي هاااانت بقى القليل
وش مقعدك اخر الليل ..... الارق نفسي؟

هاي كروشات

اخباركم؟؟

ومبروك للي عرفو جنس البيبي

ومبروك للي بداء عندهم العد التنازلي

ومبروك للي كمولو تجهيزاتهم

وعقبال مانقول مبروك للي ولدو يارب


بنوتات انا كتير خايفه اليوم عندي مراجعه

عشان نشوف البيبي نازل ولالا

انا احسه لسى نازل لان الم عظمة العانه عندي شي مو طبيعي

اغلب الحوامل يقولو مانحس بالم عظمة العانه الا في التاسع لما خلاص يصير راس البيبي بالحوض

ادعولي تكون بنوتي بالف صحه وسلامه

ما اتخيل اولد بالسابع وبنتي تكون بالمستشفى وانا بالبيت اموت اعتقد

الله يعين بس


برلينت لاتخوفيني لأني احس بالم فيها بقووووووووووووة حتى احس انها بتنكسر ...لكن لما سألت الدكتوره تقول لي عادي من الحمل مادري حسيتها مو مهتمه؟؟؟؟؟ تكفين طمنيني وش يقولون الك لاني نفس حالتك ؟؟؟؟؟

مرحباك كروشات أخباااركم مع التعب
الصراحه انا اول مره باكتب عن حملي
انا بكريه والصراحه الصراحه استحي اقول لاحد هذا يعورني او ذا
>>> طبعا غير زوجي
يعني لاحووول معذبه الرجال معي
المهم أحس بالم بظهري كأني شايله شئ ثقيل
واليوم اشتغلت غصبن عني لان زوجي جته سفره مفاجئه وقعدت اجهز الاغراض بسرعه وتعبت واحس البيبي بس يتحرك وحركته مو طبيعيه يعني بقوه بس اللحين الحمد لله احسبه شوي
ابسالكم يابنات هل فيه ضرر للجنين؟؟؟

هلارقة عروس هلا شخبارك احس صعب اثنين مع بعض وانا لو في مكان نواره نفس الشيء بسوي انتي شنو مفكره تسوين؟

...ام فااطمه


انشاء الله على الف خير يارب الاثنين بيكونون معاي واتوقع اني اقعد شهرين مع ماما ..مدري ع حسب الضروف بس مستحيل افرق بينهم

om eyas

الكل بيقول اي وتعب والمفروض راحه وهذا الكلام الصح

اني اتحرك واشتغل طبيعي واشيل اشياء ثقيله وانظف ووسسسوي كل شي وكل شي على الله ..الله الحافظ

لا ماتوقع فيه ضرر تجهيزات خفايف ..وع حركه البيبي بالعكس احسن انك تحسي بحركتها:)

صباحكم فل
شخباركم وكيف الحمال معاكم؟
يوم السبت كان عندي موعد والحمد للة طمنتني ع البيبي وقالتلي كل شي تمام عندج وخبرتني جنس البيبي بس بخلييها مفاجأه لكم حبيباتي

عاد أنا وطالعه من العيادة مريت السنتربوينت وخذتلي لبسة للبيبي لان ما عجبوني تشكيلات إلي نازله هالفترة وخذت من عندهم الكرسي الهزاز مريح للرضاعة

ToOoma ToOomy;14644741:

صباح الخير كروشات

صابحي كحة وحتى دم يطلع لين اكح صوتي يضحك والله كاني هبله :(

انه بعد احاول اشرب هالحبوب وماقدر عليها عند جد مادري شسوي غيرت لي دكتوره قالت لي هاي اخف واحد اقدر اعطيج اياه امس شربته احس روحي كاني ه مادري شنو اسوي انه لين اشرب البندول احس روحي في دنيا غير هالدنيا وايد اعاني من شرب اي حبوب:( واصير عصبيه عدل الله يستر بس ماينزل اكثر

انه كملت اغارض البيبي بس باقي علي جم شغله واشتري الفراشات وبس مو عارفه شنو اخذ

ما تشوفين شر حبيبتي حاولي تاخذين عسل وزنجبيل بتخف بإذن الله
مبروك خلصتي تجهيزات البيبي أنا بعدني أحس وايد أشياء ناقصة بحاول أشد حيلي وأخلصهم هالفترة

واشنطن / كشفت دراسة طبية جديدة عن أن تعاطي السيدات الحوامل لمكملات فيتامين (سي) الغذائية بصورة يومية، بعد دخولها في النصف الثاني من فترة الحمل، يحمي الجنين من مخاطر ومضاعفات الولادة المبكرة.

وأوضح الباحثون أن فيتامين (سي) يلعب دورا مهما في المحافظة على سلامة السائل الأمنيوسي والأغشية المحيطة بالجنين، وقد ربطت الدراسات السابقة بين المستويات المنخفضة منه، عند الأم، وزيادة خطر التمزق المبكر للأغشية الحامية للجنين، ولكنها لم توضح ما إذا كان استخدام مكملاته الغذائية قد يساعد في تقليل هذا الخطر أم لا.

ولتحديد ذلك، قام الباحثون في المعهد الوطني للولادة في مكسيكو سيتي، بمتابعة 120 امرأة حامل تعاطين 100 ملليغرام من فيتامين (سي)، أو دواء عاديا يوميا، بدء من الأسبوع العشرين للحمل، حيث أكملت 109 منهن الدراسة.
ووجد الباحثون أن البدء في تعاطي الفيتامين المذكور في الأسبوع العشرين من الحمل، زاد مستوياته بصورة ملحوظة في المجموعة التي تعاطته، وقلل خطر تعرض أفرادها لتمزق الأغشية المحيطة بالجنين، حيث تعرضت 8 في المائة فيها لهذه الحالة، مقابل 25 في المائة من الحوامل في مجموعة الدواء العادي.

وخلص الخبراء في المجلة الأمريكية للتغذية السريرية، إلى أن مكملات فيتامين (سي) قد تمثل وسيلة فعالة ومثالية للمحافظة على الحمل، إلى اكتمال مدته، وتقليل خطر تمزق الأغشية المسؤول عن 40 في المائة أو أكثر من حالات الولادة المبكرة قبل الأوان.