شجــن;14630850:
:D عجيب خاطري اقص شعري بس زوجي موراضي
ماقلتين شنو اخذتين ومن وين
هلا خيوو
ترى اني نفس حالش ماكان راضي اقصه واني من قبل لانتزوج قلت بعد الزواج بقصه بس ماوافقني والحين خبرش قلت قبل لااولد بقصه عشاان مااتعب مع غسل الشعر هههه شفتين الخيابه .. هو نيو لوك وهو عن التعب ..
وبالنسبه للاغراض اللي اخدتها توني البارحه مطلعتنهم اجيك شنو اشتريت .. بكتب لش لستتي وبنات اذا شي ناقص خبروني :thumbs_up:
اخدت 4 شباحات نيو بورن
10 شباحات من 0_3
فصلت مفرشين للبيبي واحد من رياض المحروس في المنامه .. الفراش بالقماط والبساط ووياهم هديه قرآن ب10 دينار .. واخدت سلة البيبي اللي يحطونها فيه وسله حق اغراضه.. وصيتهم الاثنين اللي فات وقال لي بعد 10 ايام تعالي ليهم بيجهزون ..
المفرش الثاني من بيبي بورن بـ18 دينار
وابي افصل الثالث وشكلي بروح الرياحين الصغار ..
شريت مرضعتين صغار زجاج وحده للماي ووحده للاعشاب .. واخدت مرضعه كبيره زجاج للحليب لبعدين طبعا ..
القماطات خدت حالياا 5 وباقي لي 4 بحاول اشتريهم هاليومين .. عباره القماطات يستهلكون واجد..
شريت الاسفنجه وحوض الاستحمام وادوات النظافه .. مشط ومقص اظافر وسهايه
شريت ثلاث فوط كبار وفوطتين صغار لتبديل الحفاظ .. وطربال حق تبديل الجاهل ..
وخدت في حدود ال5 قبعات بقفازاتهم ..
ومريت تاب الويا ماكسرت روحي شريت بدلتين كشخه للطلعه حق البيبي :biggrin:
فيه اشياء باخدها من الصيدليه كريمات والحفاظ بس قلت اذا قريب بخلص الثامن بشتريهم ..
شريت جهاز للبيبي لقياس درجة حرارته .. وعن العين والخاطر خذت خرخشانه:D
خذت ثلاث الحافات خفيفه ..
ان شاءالله مااكون نسيت شي ..
اما بالنسبه لاغراضي :
خذت 5 بيجامات من ماكس وابي اشتري بعد 4 عباره نستهلك واجد من كثر التسبوح فلازم نكثر منهم ..
خذت قطعة الرضاعه .. وقطن للصدر ..
وباقي تقريبا اغراض حقي فقط .. وابي اشتري سرير ومترس وفراش للبيبي ان شاءالله الليله اروح اخذهم ..
ان شاءالله مااكون نسيت شي واذا نسيت ذكروني خواتي ..:)