غربه بلا روح;14466398:
الف مبروك للبحرينيات
حلوين يانجد حييل عجبوني
ملبوس العافيه يارب والله يسهل لنا حملهم وولادتهم
ويجعلهم من عباده الصالحين
شجــن;14466945:نجد حلوين الثياب بالعافية
ام حسون مشكورة ان شاء الله اذا قدرت بكره بروح وماادري للحين متحيرة اخذ السرير اللي حطيت صورته او لا
انتون شرايكم ؟
سُكر زيادة;14467658:
نجد+ أم شههوده
يتهنون البيبيات يا رب ..
بس نجد احس الملابس شتوييين ؟؟ ليش ؟
كنكوشه المنكوشه;14468645:
نجد تزنن ملابس البيبي يارب تقر عينك بشوفتو بحظنك
ومبرووووووووووووووك الف مبروك لخواتي البحرينيات الزيادة تصرفوهم على البيبيات بالعافية وعقباااااااااااااااالنا
شجــن;14470079:
شلون مايعطونهم لان ماعندهم اولاد :!!:
احنا عطونا علاوة الغلاء وماكان عندنا
خالي بعد كبير والله مارزقه بس يمشون له
** ام الحلوين**;14470195:
هالشهر رايحين يجددون تسجيلهم
قالوا ماعندكم اولاد ما تمشي ليكم علاوة الغلا
مع انه السنه اللي طافت منزلين ليهم :thumbs_down:
محشي عنب;14470295:
ام شهوده ونجد حلوين ملابس عليهم بالعافيه شجن من وين سوا كب كيك وطعمه شنو ومتي ولدت وسوت طلب بعد ولاده يعني في نفس يوم او قبل وشكرا
أنا الشوق;14456237:
مساء الخير بنات
شخباركم؟؟
شجونه
عليها بالعافيه الكتكوته وصار خاطري ارجع اروح اشتري ثياب :-#
اعتذر اني ماقدر ادخل من أمس بس طليت عليكم بالموبايل بس ما احب أكتب فيه ما اعرف اعبر عدل :D
خل أقول لكم تقريري لموعد أمس
طلعت من الشغل الساعه 2 تقريبا ويوم وصلت المستشفى حصلت رقم 6
تميت انتظر دوري حق الوزن والضغط، طلع وزني زايد كيلو و200 غرام اعتقد من آخر زياره
وظليت انتظر ادخل على الدكتوره للساعه 5 يمكن، دخت وانا قاعده :badly:
دخلت واستعديت للالتراساوند
يات الدكتوره وحطت الجل والجهاز وسألتني، تحسين بأن البيبي نازل؟؟ قلت لها أحس بالحركه نازل أسفل البطن
قالت لي ايه البيبي وايد نازل وراسه تحت
والوقت جدا مبكر على هالشي :!!:
أنا طبعا ماعرفت شلون أفكر ولا كانت عندي ردة فعل تيبست خخخخ
حتى ماسألتها من شنو هالشي؟
على طول قالت لي الجماع ممنووع
اي مشاوير مالها لزمه لا تطلعينها وراح اعطيج اجازه من الشغل
قلت لها يعني الجلسه لفترات طويله تأثر؟؟ قالت لي ايه الجلسه والوقفه لمده طويله لهم تأثير
بعدين سألتني اذا أحس بآلام في بطني
قلت لها شلون يعني؟؟ تقول لي مثل آلام الدوره، قلت لها ايه
فامت كتبت لي تخطيط عشان تجوف الآلام والتقلصات
وكتبت لي حبوب دفستون للتثبيت، مرتين في اليوم لمدة شهر
وعطتني اجازه من الحين لحد موعدي الياي، طبعا الموعد جدمته لي صار تاريخ 22
ورحت سويت تخطيط، وفي هالوقت انا احس دموعي متجمعه وابي اصيح
وانا منبطحه على السرير تميت اسولف مع زوجي بالمسجات ماقدر اتكلم كلش اذا تكلمت باصيح خخخخ وانا اكتب ودموعي تنزل
وبعدين عطيت الممرضه النتيجه وطلعت الممرضه قالت لي لا تخافين كل شي اوكي
وطلعت من المستشفى وانا في الباركات الا حماتي يايه ونزلت لي السياره وقالت لي ماتسوقين وتعالي شقتي ورحت معاها على اساس اني بنام عندها لأن زوجي في الشغل وبيتأخر
على الساعه 1 بالليل جيت ابي انام ماقدرت حسيت اني بختنق
ياتني ضيجه :'( انا ناقصه يعني؟؟ :lol: كلش توقيت غلط
ظليت للساعه 2 تقريبا
وقمت اتصلت بزوجي وجاني اخذني وطبعا مارضيت اروح المستشفى لأن بيطولون ومابي اقعد مده وسوت لي بخار في البيت واستعملت البخاخ والحمدلله خفت
الحين كل كم ساعه احس بضيقه وابخ لي من البخاخ
وبسسسس خلصت القصه
محشي عنب;14470295:
ام شهوده ونجد حلوين ملابس عليهم بالعافيه شجن من وين سوا كب كيك وطعمه شنو ومتي ولدت وسوت طلب بعد ولاده يعني في نفس يوم او قبل وشكرا
مني القلب رؤياك;14470324:نجد حلوين ثياب البيبي يتهني فيهم ان شاءالله ويلبسهم بالعافيه
امنيـــــــه;14465525:
دره 2002 سمي بااااسل ..ان شاء الله بسمي اذا كان ولد
انتظر ردك يالغلا..بنسبه للاسماء الي قلتي مشااري حلوووووووو
شجــن;14470982:درة حلوين عجبوني عجبتني حركة الارنوب في القبعة ؟
ممكن اعرف اسعارهم على والشباحات بكم اخذتينهم ؟
درة 2020;14471044:
حلو باسل بس لازم اسال زوجي وياخذ راي امه وبعدها تنزل الموافقه 8o|
alshegra;14471821:
دره حبيبتي انتي من وين. وأنتي عايشه في أوربا أو رحتي لندن أجازه حاسه في ألم في ظهري
** ام الحلوين**;14472197:
ليش انتين حامل فيهم بمشاركة زوجش وامه يعني
ووووووع يا شين لرجال اللي كأنهم طرارير 8o|
شكله فيه منهم وايد
الله يساعدش ... خاطري في باسل من زمان ... والحين بسمي
درة حلوين الملابس ... ويتهنى فيهم البيبي
نجــــد;14471086:
دررررررررة حمستيني كثير على ماركس ماشاء الله كلهم حلؤين
ربي يجيبه بالسلامة ان شاء الله