ما ادري ايش مصيري بعد الولاده

قعدي مع زووجج ونااقشيه اذا هو مستعد يرعاااج ويهتم فيج وبولده ويسووي كل شي لج قعدي معاااه بالحجرة واذا احد بيجي يزورج نزلي تحت بيت عمج في مجلسهم وردي ركبي عشااان رااحتج وخبريه عن صياااح الياااهل طول الليل سهر عشاان يكون عنده علم

وبعد اقترحي عليه انج تناامين ببيت ابوج اول 15 يووووم او 10 ايااام والبااقي روحي بيت زوجج


الله يهدييه وتنصلح الامووور

حبيبتى ربى يقومك بالسلامة وربى يحفظلك امك ويباركلها فى صحتها انا اقرا وابكى امى متوفية الها 14 سنة الله يرحمها لاحضرت افراحنا ولاولاداتنا ولاشافت اطفالنا
انا فى بنتى الاخيرة ولدت هون بامريكا كان الوضع صعب مع طفلين اكبر منها من بيطبخ وبينظف وبيهتم بالمولود الجديد بالمنزل بالزوج صعبه
لكن انصحك بالاستخارة ثم الاستخارة استخيرى الله فى الذهاب لبيت اهلك ومع سياسة الزن والدموع بادن الله يحن قلبه عليك فكريه ان امه حرمه كبيرة وانك قاعده معاهم فى غرفة بدون ماتجرحيه وان شاءالله ربى يحنن قلبه عليك وربى يهديه وربى يقومك بالسلامة لطفلك وزوجك واهلك وابقى طمنينا عليك
اختك فى الله

عزيزتي ..

استفزتني رسالتك جداً ... وشعرت بمدى ضعف شخصيتك .. وخضوعك الغير مقنع....

يا اختي ... الوضع واضح جداً... زوجك ابدا غير مقدر ان عمليه الولاده متعبه وجسم الوحده يكون مهدود كأنها طالعه من حلبه ملاكمه كل ركن في الجسم فيه رضه... وفيه ألم..

وغير النزيف وغير التعب وما تقدر تشيل نفسها والسهر بالليل....

تكلمين زوجك بجديه ... وتقولين له اسفه .. ولدي ما أرميه شهرين بالحضانه .. والدراسه تتأجل .. ماهي مشكله بالنسبه لي .. واذا اهلك قراب منك ... مافي شي يمنع تخلين الولد عند اهلك... ( مهما كانت المشاكل ... هي بنيك وبينهم .. ما ندخل الولد فيها طرق )

هم اهله مثل ما اهلك اهله....... ومن ايش خايفه لو صارحتيه برغبتك وتمسكتي فيها... يا اختي الحياه زوجيه اخذ وعطا.. مايصير .. الواحد يمشي كلمته غصب... مافي شي بالغصب..

اسمعي اختي .. اتركي عنك ضعف الشخصيه.. وحطيه قدام الامر الواقع .. كلميه بهدوء وقناعه ..

واشرحي له الظروف .. وخبريه كلها 40 يوم ... وترجعين له ... وهو ما يصير يمنعك.. من حقك الشرعي..أو يجيب لك مربيه .. دامه طالع فيها كذا..

في ناس قلبهم قوي يرمون عيالهم بالحضانه .. انتي غير .. وهم بكيفهم..


خلك قويه وتمسكي برأيك..

تحياتي

ام جنى

الله يصلح احوالك وانا من رأى تكلميه براحه وفى اوقات يكون هادى فيها

مرحبا ياقمر


مالك الا ربك _وربي ادرى مني ومن خواتي ومنك على نفسك _ انتي بس كثري الدعوات اخر الليل
"اللهم ان تصلح بيني وبين .... وتقدره لي وتقدرني له وتقنعه واهله بي وتقنعني واهلي به

[SIZE=6]
اللهم يسر كل عسير .. اللهم سخر لي من اهلي واهله من ييسر أمرنا يا أرحم الراحمين" ولا تنسين عند الولاده تدعين لنفسك وتدعين لي بتحقيق امنيتي
[/SIZE]

Dior Me;14449464:
المفرض علاقتك بأهلك تكون بعيده عن المشكلة اللي بين زوجك وأهلك !!
قولي له انا مالي دخل باللي بينكم .. ان شاء الله تولعوا في بعض ببنزين ..
شي بينك وبينهم خلصوه بينكم لاتدخلوني ..
انا بنتهم .. مو عشان تزوجتك وانت تشاكلت معاهم تروح تقطعني من أهلي !!!
من غير ماتقنعيه .. هذا القرار المفروض تكوني قوية في اتخاذه ..
خلي اهله يتفاهموا معاه .. بالكلام الطيب والا بالنكد .. مو على كيفه !!
مشتريكي بالمهر اللي دفعه يعني؟؟؟
اصلا انتي غلطانة انك سمحتي له يتخذ الاسلوب اللي قلتي عليه انه مايخليكي تروحي لهم ولا تجلسي عندهم براحتك لمجرد انه زعلان معاهم
يحطك عند اهلك ويروح ومتى مايبغى يجيكي يتصل جوال يقولك انا عند الباب ..
وكمان تاركك طول الاسبوع رهينة في بيت اهله وفي غرفة في بيتهم !!!!
وفوق هذا مايجي الا خميس وجمعة !!!!!
وانتي ماعرفتي طول الفترة اللي راحت تسوي شي يخليه يتفهم هذا الوضع ويحترم نفسه ؟؟
لا تزعلي مني ... اللي يحصل لك تستاهليه انتي اللي عطيتيه وجه
فيه حدود المفروض انها تكون واضحة من بداية مشكلته مع اهلك ...
اهلي ما اقطعهم لو تطلع السماء وتنزل الارض .. لهم حق علي وانا لي حق عليك ناحيتهم ..
حبيبي وزوجي على عيني وراسي .. بس تقطعني من اهلي عشان مزاجك كذا ؟؟ لا والله
والله رفعتي ضغطي مرة قهرتيني ...
لاتدمري نفسك عشان احد ... بيت اهلك من حقك تروحي وتجلسي عندهم براحتك وتنامي عندهم وتنبسطي معاهم ..
يبغى يكون معاكم الله يحييه ..
مايبغى بسلامته يجلس في بيتهم ويستنى اتصالك لمن تكوني جاهزة يجي ياخذك لبيته مدري بيت اهله ...
والله عينه قوية مجلسك عند اهله ومسوي عضلات يعرف يقرر قرارات غبية !!
انا لو مكانك اقوله الفلسفة هذي تسويها لمن تكون مسكني في بيت لوحدي ..
عندي باب ينقفل علي في بيتي .. عندي مطبخي وغرفتي ومجلس استقبال لضيوفي ..
اهلك على عيني وراسي مكانة اهلي واكثر ..
بس ماتوصل معاك لدرجة انك تلغي اهلي وتحطني في بيتكم وتقولي هذولا اهلك كفاية عليكي !!
ودحين عندك ولادة وبهذلة ويبغاكي تجلسي اربعينك عند اهله؟؟؟ سلامات !!! يستهبل هذا ؟؟
خلي امه تجلس معاه تفهمه ايش يعني ولادة ...
والا تدري ؟؟؟؟؟
امسكيه انتي اشرحي له بالتفصيل ايش يعني ولادة ... هذا شكله غبي ومايعرف ان فيها تقطيع وشق وخياطة و اوجاع وحالة مايعلم بها الا ربك
انا اسفة بس فيه كلمة في قلبي ابغاكي تقوليها له ... قولي له جربت البواسير ؟؟؟
<<< عصبت :039:
لا من جد قولي له جربت البواسير ؟؟؟
لو جاك الم بسيط فيها تمشي وكل رجل في جهة وتسوي ازعاج في البيت كأنك ولدت بخمسين ولد
البواسير ولاشي جنب الولادة ياحبيبي
وانت بتسوي لي زحمة كرامة ولكاعة وقلة حيا ولاتفكر في آلامي وتعبي ؟؟
لا اعرف امشي زي الناس ولا اتحرك وعندي مولود يبغاله مراعاة وشيل وحط تبغاني ارميه على امك طول الوقت ؟؟؟
معليش امك على عيني وراسي بس امك مابتستحملني زي امي ...
لاااااااا والحلو في القصة هذي كلها اخوان زوجك داخلين خارجين عليكي ....... ايش هذاااااااااا ؟؟؟؟؟؟
يا اخي استحي على دمك وخلي عندك شوية خجل الحرمة وقت ولادتها تدور الستر
ماتبغى تتألم قدام احد ولا تبغى تمشي مشية تعبانة قدام الضيوف
ومرات صدرها يدر حليب ولبسها يتبقع هذا غير الحمام كل شوية رايحة جاية تحتاج تغير لوازمها وتخاف يبقع شي في لبسها ...
وانت تدور كشف الحال قدام رجال عشانهم اخوانك ؟؟؟؟؟
وربي مرررررررررة عيب اللي بيصير
خلي امه تكلمه يابنت .... واذا مانفع الكلام كلمي ابوكي ياخذك من المستشفى على بيت اهلك وخليه يصقع راسه في اكبر جدار ...
اعذريني بس من جد زوجك مايستحي ولازم يتربى ...

تسلم يدك كتبتي كل اللي كان في خاطري
حبيبتي باختصار تأكدي تمام انك لو جلستي في بيت اهل زوجك راح تمر عليك لحظات تكرهي فيها زوجك وانانيته
لاتفرطي في صحتك عشان خاطره لانك لوحدك اللي بتدفعي الثمن الشغله فيها سهر واكل ودخول حمام كل شويتين وخياطه صدقيني من الحين بقولك راح تنفك لو جلستي في مكان
فيه حموانك الحياء ماراح يخليكي تفكري في الجلسه اللي تريحك
وربي مجربه الموقف عصب عني لظروف اهلي وقت نفاسي ورغم طيبت ام زوجي وخواته
وكنت في بيتي كمان مو في بيتهم رغم ذلك بكيت كثير وتألمت اكثر
البكريه مالها الا امها والله لو بس جلوسها قدامك يكفيك