خطيبي لا يبالي بي..((مشغوول)) + ((طنااش))

والله ياديور مااعرف ايش اقولك

دوبي اتصل وعاملي فيها حنوون وطيب وانا اقنع مامتك لا تخاافي ..
بس في نفس الوقت مايقولي احبك دي الكلمة لو ماسمعتها احس اني حنفجر

بس حسيتو مشغووول وبصرفني ولمن خلص من شغلو قلي ابى انااام ..

قوليلي رأيك ديور عااادي

مو عارفة اسيبو او مااسيبو

المشكلة اني متعلقة رغم اني شايفة كل الهبل الي بسويه معايا ولا هو كدا عادي اي واحد يسوي كدا مع حبيبتو ؟؟؟؟؟

RooZ123;14453703:
والله ياديور مااعرف ايش اقولك

دوبي اتصل وعاملي فيها حنوون وطيب وانا اقنع مامتك لا تخاافي ..
بس في نفس الوقت مايقولي احبك دي الكلمة لو ماسمعتها احس اني حنفجر

بس حسيتو مشغووول وبصرفني ولمن خلص من شغلو قلي ابى انااام ..

قوليلي رأيك ديور عااادي

مو عارفة اسيبو او مااسيبو

المشكلة اني متعلقة رغم اني شايفة كل الهبل الي بسويه معايا ولا هو كدا عادي اي واحد يسوي كدا مع حبيبتو ؟؟؟؟؟

اول شي نبغى تنفق على نقطة مهمة ...
انتي تعرفي خطيبك تمام ؟؟
تعرفي انه قد المسؤولية ورجال ينشد فيه الظهر ؟؟
ماتقدري تجاوبي على هذا السؤال الا في حالة وحدة ...
حالة انه حصلت مواقف اثبت لك فعلا انه كذا ...

تحبيه ويحبك من جد ؟؟ والا لأنه اول رجل يظهر في حياتك وتعلقتي فيه وبس ؟
يحبك لأنه يعرفك ويعرف انك تستحقي تكوني ام اولاده وزوجة المستقبل اللي بتعيش معاه على الحلوة والمرة ..
والا يحبك عشان انتي كيوت وامورة و عسولة ودمك خفيف وبتعطيه جوه وانتي تسمعيه كلام حلو يرضي غروره كرجل ؟؟
فكري في الاجوبة وردي على نفسك وعلى اساسها قرري ..

الكلام اللي قلتوه لبعض واللي كان بعيد عن اللياقة المفروض انه مايحصل مهما كان بين اثنين مخططين انهم بيقضوا باقي حياتهم مع بعض ..
وبصراحة دورت لكم عذر وقلت لسه صغار و بيستهبلوا
ومع هذا .. اتوقع منك تصرف يوقفه عند حده ساعة ماقالك المرأة زبالة .. واقلبي وجهك .. والكلام اللي قبله واللي ماحبيت اسوي له اقتباس
ساعة ماقالك هذي الالفاظ تقولي له عفوا ياتاج راسي .. شكلك معصب وانا ما احب اجادلك وانت كذا عشان مانغلط في بعض .. وترخي معاه على طووووول
وان كان الكلام على الماسنجر تسوي له نسخ وتحفظيه عندك وتقفلي معاه في ساعتها ..
سيبيه يقلب الكلام في راسه ويعرف انه غلط ...
اذا كان مستوى الحوار بينكم وانتو لسه في احلى فترة في حياتكم بهذا الشكل
بعد الزواج حتضربوا بعض وتهينوا بعض واخرتها ترجعي بيت اهلك وجهك شوارع و ووجهه حفريات !!!!

سبق وقلت لك اللي يصير هذا ما اسمه زواج ... اسمه لعب عيال .. طيب؟
ولما انتو ناويين تقضوها مضاربات وتهريج وطولة لسان .. يابنتي روحوا الملاهي ابرك لكم من الجنان هذا كله ...
والله لا انتي ولا هو تنفعوا للزواج وانتو كذا ..

ماما حبيبي اسمعي مني وركزي في اللي بقوله .. والله انتي في مكان اختي الصغيرة
واذا تبغي مكان بنتي .. عمري يسمح لي اعتبرك بنتي وبكلمك من هذا المنطلق ..
تعرفي لو بنتي تجيني تقولي قلت لخطيبي وقالي و وصفت لي الكلام اللي صار بينكم ايش اسوي ؟؟
ارفع السماعة على خطيبها واقوله اجلس في بيت اهلك لين تكبر شوية .. انت عيل ومحتاج تفهم ايش يعني زوجة وايش يعني احترام ...
الاسلوب اللي تتعامل فيه مع بنتي عشانك اتعودت تتعامل به مع اصحابك تنساه والا لاتورينا وجهك ..
بنتي تنشال فوق الرس .. بنتي ابغالها رجال ..
مو عيل ناقص يمشي في الشارع حافي ويلعب كورة ويمسح خشمه بكم الفلينة ويتروش من غبار اللعب بعد ما امه تديه علقة ...
وانتي امسكك من اذنك وادخلك المطبخ اكرفك كرف لين تقولي حقي برقبتي
برضك انتي يبغالك تكبري ياعيلة :039:
يطول لسانه عليكي ويقل أدبه وتروحي تجاريه في كلامه وتردي عليه بنفس المستوى ؟؟؟
وبعدين قولي مايحترمني
طبعا مايحترمك طول ماهو شايفك تتقبلي منه الكلام الاهبل اللي يقوله

عييييييييييييييييب .. انتي بنت ... مفروض ماتقبلي احد مين ماكان يكلمك بهذي الطريقة
وعيب اكثرررر ان زوج المستقبل يكلمك كذا وتمرري له الكلام وتقلبيها مزح ...
تعرفي ايش مستقبلك معاه اذا استمر على هذا الحال وانتي ماسويتي شي يوقفه عند حده ؟؟؟؟؟
والله يجيكي طفشان ويستنى لك الكلمة عشان يطيح فيكي كفوف ...
وحتسكتي وتروحي لامك تبكي وحتقولك تستاهلي محد قالك ماتسمعي الكلام
انا لو بنتي جاتني تبكي وحالها كان نفس حالتك وربي اقولها اشربي من البحر تستاهلي ...

وربي ترفعي الضغط ... دحين كل البلاوي هذي وانتي ماهمك الا يقولك احبك؟
ياقلبي افتحي لك موقع اغاني واسمعي اغاني حب لين تقولي امين .. :039:
ايش الفايدة يقولك احبك وهو مايحترمك؟؟؟
يخرب بيت الحب هذا ما ابغاه اذا مافيه احترام ..
والله شي لطيف .. بكرة النهار يمد يده عليكي ويجيكي بعد ساعة يقولك احبك
وانتي زي الهبلة وجهك مشلفط وعيونك مورمة وتضحكي له فرحانة بكلمة احبك
ياخراااابي :047:

يابنتي ... حياة بين اثنين متزوجين مافيها احترام عمرها ماتنجح ..
الرجال اذا مايحترم المرأة من اصله ومن تربيته .. عمره مايتعلم هذا الشي اذا ما انحط في مواقف تحدد مصيره مع خطيبته ..
يا اما تعليمه الاحترام و تتاكدي انه حفظ الدرس تمام .. وساعتها تكملي معاه
والا اسمعي كلام امك اللي تعرف اكثر منك وشايفة اشياء اكثر من اللي قلتيها بكثير وماقالت لك سيبيه الا وهي عارفة فين مصلحتك ...
وقوي شخصيتك سيبيكي من حركات الاطفال .. ترى حالتك هذي ماينفع لك تتزوجي واحد بينك وبينه فرق بسيط
يبغالك واحد اكبر منك بعشرة سنين عشان يستوعبك ويتحملك و يرضيكي ..
اما اللي انتي معاه دحين .. مرة ماينفع للزواج ويبغاله يكبر كم سنة ويعقل ويتعلم وقتها يبدا يفكر في الزواج :057:

انتو اطفاااااااااااااال .. واطفال مجانين كمان .. :039:

نصيحة خلاص اتركيه الي ما يعطيك قيمة انتي كمان لا تعطيه قيمة

الرجال كثار راح تلاقي بيوم الي يقدرك وحتتفكري كلامي

الوقت يناسي ويصير في خبر كان

تبيني كرامتك انسيه كل الكلام الي قال وصبرتي له يالله كبيرة لما يوصل الحوار الي سب وكلام حقير الاحسن تتركيه وتجي منك وتكون كرامتك فوق كل شيء

احبك في الله

ديوور : والله شجعتيني انتي اسيبه بس قبل مااسيبو لازم اقولو كلمة اخيرة .. ايش هي ؟؟

كلامك صح الولد عمرو 23 وداخل هندسة بس الله يهديه ولد شوارع يحب يضاااارب مايشوف شي الا بالضرب

كان يضربني وانا صغيرااا حتى ..

وهوا حبني عشان شكلي وقالها بنفسو انتي لو وحشة ابلغ البليس عنك مددري اعتبرها مزح ولاايش .. و قالي يهمني تكوني حلوة ومتعلمة ومرحة ..

طيب ليش في البداية كان عثــــل ودحين سار مجنون وماينطاق لييش اكيد انا غلطانة في شي مو ؟؟

والله لمن عرفت انك اكبر مني خلاص بعتبرك زي ماما .. وبالنسبة لكلمة ماما مني قادرة ااقولها دا الكلام اخاف تفصلنا منجد ..

بس الي قهرني صح حاول يرجعلي وقلتلو طيب ياحببي بس كان مررة مو مهتممممم ويسوي انو كلامي مابيوصلوا وفي النهاية قال بنام وحط اواااي وبعدها بقترة خرج يعني باين انو نااام ..

ودحين بجاوبلك على اسئلتك ...

انتي تعرفي خطيبك تمام ؟؟
لا ليا 4 شهور معااهـ بس اسمع عنو انو مطفش امو مايحب ياكل اي شي او يلبس اي ماركة .. ودا يحسسني انو نضيف في نفسو.
تعرفي انه قد المسؤولية ورجال ينشد فيه الظهر ؟؟
ايوا عندو مسؤلية يحب يودي ويجيب في مرة قبل ماننخطب شافنا تايهين محد يرجعنا قام رجعنا بيتنا كبر في نظري ..و لمن كنت ضايعة في الدراسة كان يروح البعييد ويجبلي ملخصات ويساعدني ..بس والله اسمع انو عندو مسؤولية .
ماتقدري تجاوبي على هذا السؤال الا في حالة وحدة ...
حالة انه حصلت مواقف اثبت لك فعلا انه كذا ...

تحبيه ويحبك من جد ؟؟ والا لأنه اول رجل يظهر في حياتك وتعلقتي فيه وبس ؟
انا كنت مو مرة مقتنعة فيه بس الايام حببتني فيه .. لمن بدأنا نضارب حسيت اني احبو ولا انا مو بدي السرعة حبيتو وهو عارف عشان كدا مقهور مني وبعمل دي الحركات يرجعلي نفس الاحساس الي كنت احسبو .. بس مو او ل ولد احبو ويبادلني المشاعر حبيت مرة وحدة ..
يحبك لأنه يعرفك ويعرف انك تستحقي تكوني ام اولاده وزوجة المستقبل اللي بتعيش معاه على الحلوة والمرة ؟؟
دي ماااعرف كيف اعرفها ..بس يحسسني اني دلوووعة بزياادة و مهملة واظنه عارف هو وامو اني مهملة شكلو عاجبو كدا عشان يعمل حساب يأدبني بعدين.
والا يحبك عشان انتي كيوت وامورة و عسولة ودمك خفيف وبتعطيه جوه وانتي تسمعيه كلام حلو يرضي غروره كرجل ؟؟
هوا دا صح .. مرررة



وتعرفي ايش مشكلتي اني عارفة انو حيكون عصبي حتى عندو قولون عصبي و حيجنني بس مدري ليه قولت اقرأ كتاب المريخ والزهرة يساعدني .. واني واثقة اني حغير نفسي بعد الزواج واحترمو واقدروا بس ياخوفي يتزوج عليا ازا شافني مررا معطيتوا عيني رح اديهـ من وقتي كلو الا وقت الدراسة .. بس دحين وقت الخطووبة كدا مخليتها .. وترا اول مرة اتعامل مع ولد احس اني بغلط كتيير هو كان كويس بس بسببي سار يشيل عليا حاجات عشان كدا تعاملوا اتغير ..يباني ازيد في حبي والمشكلة اني بعصب منو وبسبو اقولو مع نفسك مثلاً يقوم هو يعصب ويا نفكها خناقات يا يقولي اسلوبك زفت ونكمل كلام عااادي بس الخناقات القوية دي بدأت من ايام ماقلتلو ماما استخارت وماارتاحت واتسامحنا والمرة التانية عشان اتكلم كتيير على ولد خالتي الي عامل حادثة وراح المستشفى اسبوع وانا حاطة صورتو في الفيسبوك وسطح المكتب والايميل والجوال فهوا غيران من دا الشي .. اقولو دا زي اخويا مايفهم .. وانقهر لمن قلتلو هو مسك يدي ويدنا كلنا قبل العملية ترا كان مستحمل وهو اسمع احسب انو مابيزعل ولا هو يشيل في قلبو .. بس والي سار وكيف بدأنا سب لمن هو مايرد على مكالماتي بدأت استفزوا واتريق عليه كأني ة منجد واقولو فين عقلك و ومني عارفة ايش بعدها سبينا بعض وساار يقارني بمنى امارشا وفي النهاية هو استسلم وقلي تحبيني قلتلو لا قلي انا احبك يامدلعة ... بس لاتجيبي سيرة ولد خالتك او اي ولد لأني اغااااااار وقلتلو وعد ..
وبعدها بيوم جبتلو سيرة انو انا اركب مع ولد خالتي بفلوس .. قام قلي انا اوديكي وترجعي بتاكسي انتي ووجهك ودي المضاربة كانت قوية هي الي آخر وحدة
وسرت احاول اعتذر منو مو راضي وبعدها سرت اتريق عليه قولت لمن يشوفني استقويت عليه يرجع يسامحني وفعلا رجع بنفسو يكلمني ويتصل عليا وتصالحنا شوية ولمن اتصل عليا قلتلو كرهتني قلي شوية ..

وبس دا الي بيسير معانا

مين الغلط انا ولا هوا ؟؟

صحراوية وافتخر;14456733:
نصيحة خلاص اتركيه الي ما يعطيك قيمة انتي كمان لا تعطيه قيمة

الرجال كثار راح تلاقي بيوم الي يقدرك وحتتفكري كلامي

الوقت يناسي ويصير في خبر كان

تبيني كرامتك انسيه كل الكلام الي قال وصبرتي له يالله كبيرة لما يوصل الحوار الي سب وكلام حقير الاحسن تتركيه وتجي منك وتكون كرامتك فوق كل شيء

احبك في الله

كلامك صح بس انا دوبي كاتبة كلام فوق اقرئيه وشوفي مين الغلط فينا انا تعبت ..دا قبل مااسيبوا

نصيحتي نفس كلام ديور اسمح لي انتي بعده تفكيرك تفكير طفله وهو نفس الشي افسخي خطوبتك وكملي دراستك والحياه بتعلمك كذا مابينفع اش هالتهريج هذا سبني واسبك وبعدين معامله الخطيبه او الزوجه غير عن معاملته لا اصحابه وانا اقرا كلامك اتنرفز من رده فعلك ليش انتي مستسلمه عزي نفسج ولا ترخصينها واللي جابه جاب غيره انتي يبي لج رجال مو مراهق هو بعده صغير وتفكيره محدود مشكله البنات يتسرعوا بقرار الخطوبه والزواج ويندموا بعدين ومايفكرون ان الزواج مسؤليه مو لعبه لازم الواحد يتصرف بعقل وحكمه لا شد واحد الثاني يرخي الحياه الزوجيه مبينه على التفاهم والاحترام احلا ايام الخطوبه وهذا كلامه وهذي افعاله وش تنتظري منه في الايام الجايه يظربك لو انا مكانك لا هو ولا غيره اسمح له يقولي هالكلام لعبه عنده انتي تعيشي بييتك اهلك مدلله ومعززه ومكرمه اخرتها يجي واحد لا راح ولا جى يهنيني على ايش وليش اسكت عنه المره والثنين اسمح له يهنيني واظحك له بوجه واقوله برافوا عليك زيديني هذا مو منطق ولا تفكير عمر الزواج ماكان بها الشكل هذا ولو انتي كملتي معاه راح تعانين من كلامك كان غير والحين غير لانه من طريقتك بالتعامل معاه اشباب يحبون البنت القويه اللي لها شخصيتها المستقله ما يحبون اللي تطول وقتها تصيح وتقول له كلام حب يحبون اللي تتمنع وتتغلى وتكون ثقيله

شووو اقول هالوضع غريب بينكم وطول

بس اختي مو حلو تقولين له ابن خالتي ومسك يدي وهذا وداك مو حلوة حاولي ما تتكلمي عن عائلتك قدامه او قدام رجل تاني تحبيه في المستقبل تفاديا للمشاكل


اتمنى ينصلح الحال وتعقلوااا شوي


احبك في الله

شــكلي بـــرضي أمــي وبفــسخ خطبتي

قيد صــحبتي وعدتني بعريس لقطة الله يسخرة لي قولوا آميين ..بالنسبة لدا مايستحقني مهمل مهمل في مشااعري مدري هو انا السبب ولا هو ..المشكلة اخاف اكون ظالمتوا لو سبتوا وفسخت عنو الخطبة ...شايلة هم اكون انا السبب وعشان كدا هو اتغير

لو انا رح اضل معاهـ ..بس لو هوا حسيبو ؟؟ انتو ايش شايفين ؟؟؟

:031: باللهي انتي خايفه عليه وعلى مشاعره مدري شقولج بعد هالكلام اللي قلناه ياماما انتي الحين ادرسي وبعدين فكري بالزواج مو يمكن لا نخطبتي قريب تعيدي نفس الشي والله انتي محتاجه دروس مكثفه دور كفت ووفت شكلها اخر شي بتشد شعرها من كلامك واذا بتفسخي الخطوبه لازم تفكري هذا في صالحك مو عشان ترظي امك ولا ابوك وش هالكلام تراني اتنجنت وانتي لازم تغيري تفكيرك خيييتو لا تتسرعي لا بزواج ولا خطوبه هذي الشي مافيه سرعه وعجله كل شي بالتروي وعلى ايش مستعجله نصيبج واحلى منه بيجيج

الاخوات ماقصروو

بس مدام هو مشغول ومايسال

لان هو يشوفج انتي تتصلين فيه كل شوي وكل وقت

خليه براحته لما هو يحتاجج يتصل فيج
والرياااااااال مايحب وحده تتحكم فيه او يمل بعدين ويتضايق

خليه براحته وهدي بالج وخففي اتصال

وممكن بين فتره تبعثي له مسج للاطمئنان عليه او دعاء بالخير له

واشغلي نفسج باشياء ثانيه

والله يسهل اموركم ان شاءالله

Dior Me;14440189:
والله ياقلبي انا معاكي 100% لو كان زوجها مهتم فيها ويراعي شعورها
وتروح تقابله بتصرفات بايخة هنا اقولك كلامك صح صح صح صح
بس لمن يتصرف بالطريقة اللي قالت عليها !!
لازم تقرص اذنه شوية
الحب اخذ وعطاء .. ماينفع طرف يعطي كثير وطرف ياخذ كثير
اللي يعطي محتاج من الطرف الثاني عطاء في المقابل
لانه لو اكتفى بالعطاء بدون مايلاقي نفس القدر من العطاء من الطرف الاخر بيتعب
وبيجي عليه وقت مايقدر يعطي لان اللي عنده خلص ..
وبيدخل في مرحلة العذاب والقهر .. ويلوم نفسه كثير
والطرف الثاني اللي اتعود ياخذ من غير مايعطي ...
مجرد مايلاقي انه مو لاقي شي ياخذه
حيدور على غيره عشان ياخذ منه زي ما اخذ من الاولاني ..

المسألة مو مسألة امسكي زوجك وحافظي عليه ولاتخليه يروح لغيرك ..
لازم يكون هذا الاحساس عند الاثنين .. عنده وعندها
زي ماهي تحرص على انها ماتفقده .. المفروض هو كمان يحرص على انه مايفقدها
لو فهموا بعض وحبوا بعض و حرص كل واحد انه يرضي الثاني ويراعي احتياجاته
عمره مايفكر لا هو ولا هي في البحث عن شخص آخر

الرجل اللي يفكر بأنانية ومتوقع انه المفروض انه ياخذ فقط لانه رجل ..
يعتبر عبء ثقيل على المرأة
ضروري يفهم انه زي ماياخذ لازم يعطي
لو مافهم هذا الشي مستحيل الزوجة تحس بالأمان معاه ..

منطقك جميل .. و اقدّر وأحترم طريقة تفكيرك و رأيك جدا
بس في حالة كان الزوج يعطي ..
اما يستخف بزوجته ويتعمد ينرفزها ويفكر انه بطريقته بيعودها على اسلوب التطنيش !!
مشكلة والله ..
حلو انها تجرب كل الطرق طبعا من غير ماتبالغ .. عشان تعلمه ان لها كيانها
و صعب تقبل قراره الغير معلن في انه يمشيها على طريقته الخاصة ويلغيها ..
خصوصا انهم لسه في مرحلة ماقبل الزواج ..

حبيبتي انتي متزوجه؟؟

الريااال ما ايي بالشده
لو شنوو مستحييل تقدرين تعدلينه لو ييتي بالشده
الريال مثل الياهل...انتي الياهل لو شديتي معاه يعصب ويكسر ويضرب ويصارخ فمابال ريال له شخصيته وكلمته ومايحب حد يحط راسه براسه اهو فمابال زوجته
تاخذينه بالسياسه
وبالهدوووء
والتطنيييش وقت مايقط الحجي
وحتى لو يقط حجي قلبيه على اساس ان اهو حلوو اهني يسكت
عسى يقولج قولي له يكفيني اني احبك وانه يمك
كل بنت وسياستها ويه ريلها
لو سوت جذي طول عمرها مابترتاح وياه

هذا ريلها جنتها ونارها ومالها غنى عنه
انتي بكلامج خيتي تحرضينها على الاثم
بدال لا تتقرب حق ربها وتدعي وتقرا سوره البقره وربي يفرجها لها

خيتي صاحبه المشكله خلج وياه وقومي بواجباتج وياه وخلج رسميه ردي على اتصالاته بحدود ابتسمي ((طبيعه المره صاحبه قلب كبييير تحمل كل شي وربي يعوض الانسان مو انتي تعوضين))
واخذيها مني نصيحه عشان تمشي حياتج ويه ريلج او غيره
تعلمي سالفه الاعذااااار
عشان تقدرين تعيشين عذري الكل
حتى لو تقصين على رحج عذري قولي يمكن جذي ويمكن جذي ويمكن جذي
صدقيني بترتاحين
بس لو سويتي كل هالاعذار بتتعودين على النمط وكل بتعذرين ولا بتشيلين مشكله
لا تشدييين عشان ماتنكسرييين ولا تلينين عشان ماتنعصرييين
خلش وسط وحكيمه بالتصرفات

ربي يوفقج
ومسامحه لو كلامي يزعلF:

قلبووووو;14462689:


حبيبتي انتي متزوجه؟؟

ياحبيبتي انا متزوجة وعيالي كبار ماشاء الله
ماني طفلة ولاني طايشة انا تعديت الثلاثين وافهم واعرف ايش قاعدة اقول وبأي منطق اتكلم
انتي لو قريتي كلامي في كل الردود بتعرفي اني ماقلت ولاجبت سيرة الشدة و الدفاشة في التعامل ..
بالعكس في موقف من المواقف لمتها على سوء تعاملها معاه وقلت لها مايصير كذا لازم تكوني جادة و تفكري بعقل في تصرفك ..
بالله ارجعي لكل الصفحات واقري كل الردود شكلك ماقريتيها ولاقريتي كلام صاحبة المشكلة والتطورات اللي صارت معاها
الرفق مطلوب واللين حلو والكلمة الطيبة تفلق الصخر وتلين الحديد
انا عارفة هذا الشي تمام المعرفة وحياتي كلها قائمة على هذا المبدأ
بس لازم تكون متبادلة بين الطرفين ..
وما اعتقد انك تخالفيني الرأي لو قلت ان علاقة الزوج والزوجة لازم تكون فيها توازن واحترام
عندي قاعدة ولاممكن اغير رايي فيها
حياة زوجية مافيها احترام متبادل هذي حياة فاشلة فاشلة فاشلة بكل المقاييس
ومحاولات انعاشها من طرف واحد فقط في الوقت اللي فيه الطرف الثاني معاند وراكب راسه ومايحاول يحسن من نفسه
اعتبرها محاولة انعاش انسان ميت دماغيا واستمرار حياته بالاجهزة مابتغير من واقع موته شي

الريااال ما ايي بالشده
لو شنوو مستحييل تقدرين تعدلينه لو ييتي بالشده

لا ياقلبي الرجال يتعدل لو كان يحب زوجته مايحتاج للشدة اساسا عشان يتغير
بس لاتتوقعي ان التصرف بسذاجة وتسامح زيادة عن اللزوم بيغيره
ضروري الزوجة تاخذ موقف بعقل وحكمة وتعرف نفسية زوجها وكيف تتعامل معاه ..


الريال مثل الياهل...انتي الياهل لو شديتي معاه يعصب ويكسر ويضرب ويصارخ فمابال ريال له شخصيته وكلمته ومايحب حد يحط راسه براسه اهو فمابال زوجته

اكبر غلط انك تتعاملي مع رجال بكامل عقله و قوته على انه طفل
ماتعاملي الرجال على انه طفل الا في حالة كان مريض وعقله مو في راسه .. يعني مو صاحي ..
لااحط راسي براسه ولا شي .. الدنيا تفاهم ..
هذا زواج مو حرب وروس تناطح روس يا اختي ..
والله لو يضرب ويصارخ ويقل حياه علي انا شخصيا ما احتاج رجال كذا
يروح يسوي هبله بعيد عني .. وحقي بطلعه من عيونه ..
لعبة الدنيا يمد يده علي؟؟؟؟؟ خييييييير ؟؟

تاخذينه بالسياسه
وبالهدوووء
والتطنيييش وقت مايقط الحجي
وحتى لو يقط حجي قلبيه على اساس ان اهو حلوو اهني يسكت
عسى يقولج قولي له يكفيني اني احبك وانه يمك

يوه !!!
يقل ادبه علي ويحذف كلام ماله داعي واقوله يكفيني اني جنبك واني احبك ؟؟
لا والله لا احبه ولا ابغى اشوف وجهه اذا مايعرف يعتذر ويحترم نفسه زي ما انا محترمته ومسوية له هيبة ..
ماجابني من الشارع عشان يعاملني كذا !!
اعامله بالطيب وبالتفاهم والسياسة ايوه .. بس لو عاند وانا معاي الحق استسلم ؟؟
لا طبعا ..لازم اسوي كل الطرق عشان اخذ حقي ..

كل بنت وسياستها ويه ريلها
لو سوت جذي طول عمرها مابترتاح وياه

يعني تخلي نفسها ملطشة وبترتاح ؟؟؟
والله مهي صاحية اللي ترتاح بالمرمطة والسكوت
على الاقل تبين انزعاجها وتحاول تخليه يصلح طريقته في التعامل
اما يغلط ويتفرعن و لا عنده احترام لاحد وهي تقابل اطباعه هذي بالرضى والسكوت !!
اسمحي لي ما اقدر استوعب ان ابتسامة الرضى في حالة زي هذي تصرف سليم ..

هذا ريلها جنتها ونارها ومالها غنى عنه
انتي بكلامج خيتي تحرضينها على الاثم
بدال لا تتقرب حق ربها وتدعي وتقرا سوره البقره وربي يفرجها لها

شفتي انك ماقريتي الموضوع كامل ؟
لو قريتيه بتعرفي انهم مخطوبين
حتى لو مملكين احنا اهل الغربية كذا الملكة عندنا اسمها خطوبة ..
كل منطقة لهم طريقتهم ... انتو عندكم تقولوا زوجها .. عندنا اسمه خطيبها
المهم ..
ترى امها مهي راضية عنه عشان تكوني في الصورة بس
امها رافضته لانها شايفة فيه اشياء تخليها تخاف على بنتها منه رغم كل مواصفاته الحلوة . وهي اللي متعلقة فيه ..
وانا قلت لها اسمعي كلام امك .. امك ادرى بمصلحتك .. انا غلطانة ؟؟؟
لاحرضتها على الاثم ولا هم يحزنون..
لسه ماراحت بيته ولا جمعهم سقف ولا دخلوا في الاثام والذنوب ...
هذي المرحلة اللي هم فيها مرحلة تعارف واختبار لبعض ..
مشي الحال بينهم كملوا .. مامشي خلاص كل واحد يروح في طريق ..
لاتكبري الموضوع اكثر من اللازم ..
اقتباسك لكلامي اللي تقصدي انه تحريض انا ما اشوف انه تحريض نهائيا
نظرتك لرأيي بررت لي كلامك السابق عن شخصية الرجال وانه مايحب احد يحط راسه براسه والرجال طفل والذي منه ..
وانا احترم رأيك جدا رغم مخالفتي له ..
لكن انا رأيي .. الحياة الزوجية اذا مافيها اخذ وعطاء ماتنفع ..
رجال مايحترم خطيبته اللي بتكون زوجته مستقبلا مايستاهل تكمل معاه حياتها
رجال زي كذا محتاج وحدة متربية في بيت عايشة فيه على الاهانات وتشوفها شي طبيعي
واحد يقول لزوجته الفاظ ماتنقال الا في الشارع الله يعز مقامك بالله هذا يستاهل ؟؟
صاحبة المشكلة واضح انها مابتتحمل كذا حياة والا ماكانت عرضت مشكلتها وانزعجت من اللي يصير معاها ..



خيتي صاحبه المشكله خلج وياه وقومي بواجباتج وياه وخلج رسميه ردي على اتصالاته بحدود ابتسمي ((طبيعه المره صاحبه قلب كبييير تحمل كل شي وربي يعوض الانسان مو انتي تعوضين))

صح ترد على اتصالاته وتكون رسمية انا أأيدك في هذي مليون في المية وهذا اللي مفروض يكون
بس في السطر الثاني ..
ياخراااااااابي ..
انا مستغربة من منطقك ياقلبي .. كيف المرأة تتحمل كل شي ؟؟
يعني عشانها انثى ؟؟
والانثى لازم تدفع ضريبة انها انخلقت انثى بالتالي تتحمل كلللل شي ؟؟؟؟؟
والله ماتجرأ بعض الرجال على قلة الاحترام والخيانات والمصايب اللي تصير الا بسبب هذي الفكرة ... المرأة تتحمل كل شي ...
هذي سلبية ياقلبي والله سلبية تجيب وجع القلب ..

واخذيها مني نصيحه عشان تمشي حياتج ويه ريلج او غيره
تعلمي سالفه الاعذااااار
عشان تقدرين تعيشين عذري الكل
حتى لو تقصين على رحج عذري قولي يمكن جذي ويمكن جذي ويمكن جذي
صدقيني بترتاحين
بس لو سويتي كل هالاعذار بتتعودين على النمط وكل بتعذرين ولا بتشيلين مشكله
لا تشدييين عشان ماتنكسرييين ولا تلينين عشان ماتنعصرييين
خلش وسط وحكيمه بالتصرفات

كيف لاتشد كثير ولا تلين وانتي قبلها بسطرين تقولي لها اتعلمي سالفة الاعذار !!
اذا تعلمت سالفة الاعذار بالطريقة اللي قلتي عليها( تضحك على نفسها ) معناته لازم تكون على طول لينة وتنسى الشد ..
التماس الاعذار له سياسة لازم تنفهم صح قبل اعتمادها طريقة
التماس العذر لشخص تعودتي منه الكذب أوالخداع أو طولة اللسان وانعدام الاحترام .. هنا اسمه سذاجة ..
لمن يوعدني يسوي شي وانا اصدقه وانا عارفة انه ماراح يوفي .. انا في هذي الحالة عبيطة وينضحك علي ..
لو واحد متعودة منه قلة الادب واروح التمس له عذر يوم مايسبني اقول مايقصد ..
اكون ساذجة واستاهل اللي يجيني عشاني سكت له وعطيته مجال يكرر اللي سواه ..
والعكس ..
التماس العذر لشخص تعودتي منه الوفاء بالعهد والادب في الحديث لو طلع منه تصرف طارئ ..
هنا اسمه عقل وحكمة لان العادة منه الوفاء بالوعد والادب في الكلام والاحترام وووالخ من اخلاقيات حلوة ..
لو طلع منه شي خارج عن المألوف وقتها التمس له العذر ولو سويت غير كذا اكون غلطانة

ربي يوفقج
ومسامحه لو كلامي يزعلF:
لا ياحبيبة قلبي مافي شي يزعل .. انتي اعذريني لو ردي زعلك صدقيني ما اقصد والله .
هذا رأيك واحترمه وعلى راسي من فوق بس حبيت اوضح لك وجهة نظري
عارفة انك يمكن مشغولة ومالحقتي تقري كل الموضوع فحبيت اوضح لك قد ما اقدر من خلال ردودي على كلامك جزء جزء

يسعدك ربي ياقمر :083:

;) هههههههههه اختي dior me عصبت :-#


شوفي اخواتي كل واحدة منكم لها تفكير مختلف عن التانية في نساء تشوف ان تتعامل مع الرجال بطريقة معينة حتى لو على حساب كرامتها ..وهذا خطااااا كبير


اساس كل زواج الاحترام والحب المتبادل والاهم الاحترام وان الزوج يعرف مشاعر زوجته ويحس فيهااا

والكلام نفسه للزوجة ويحاولون دائما يتناقشون في كل المشاكل الي يتعرضون لها ويلقون حل وسط يرضي الطرفين .

الاحض في اختي ديور انها ما بتحب من الزوج يتعدئ الخطوط الحمراء واذا اتخطها ياويله هههههههه 8o|
يدل هذا ان شخصيتها قوية .

لكن المهم تكون تعرف كيف تتعامل مع الرجال في كل الضروف وهذا يدل على امراة سياسية تعرف تتصرف في كل الامور وهذا جيد.


عن اختي صاحبة الموضوع الي كتبت لها كثير نصحها الاغلبية انها تتركه

الحوار بينهم غير جيد كيف هي تتحمل هذا الوضع حتى ديننا دين العقل والوضوح.

هي يلزمها تجارب في الحياة بعدها راح تعرف الصح من الغلط وانا لا اقول ضض الزواج من رجل صغير في العمر لكن من الاحسن يكون اكبر بسنوات يكون شارب عقله وعارف كيف يتصر كرجل حقيقي ..


واتمنى منها اختي الفاضلة تقرر بنفسها وتتحمل القرار هذا .


احبكم اخواتي جميعا اسعدني التواجد في هذه الصفحة


احبك في الله

الله يصلح لك احوالك

اتقلى عليه شوية ياجميل

up up up

كـــلكم يابنااات كلكم اشكركم من اعمااق قلبي وفعلاً انا صغيرا ويلزمني تجارب في الحياة .. اتكلمت معاهـ بعد كل هالمشاكل الي بيننا وكانت حتكون آخر مكالمة

وضحنا لبعض الامور وسبب اختلافاتنا ..

قلي انا احبك بس انتي شويتين عنيدة في الحب ماتتفاهمي دايما مضاربات
وعاداتك وتقاليدك غير عندكم انفتاحية
عشان نكشف على اولاد خالاتنا يعني
يقولي انتي تتدلعي .. ولد عمي يحبني ..بااين من نضراتوا .. واحد عاااكسنيي ..الاولاد يحبووني ..بعدين قلي خلااااص كفففاااية ..يقوولي دايمن تحسسيني انو في فرق بيننا ..انو انا انافسك في الدرجات وفي نفسك .. وتحسسيني اني بتريق عليكي ... وانو انا مااثق فيك .. انا مو مقتنعة فيك .. انا امي ماتبغااك ..انا مسكت يد ولد خالتي وهو مريض .. وحاطة صورو خلفية في حوالي ولابتوبي و فيسبوكي ...انا ابى استخير فيك وامي استخارت فيك وماارتاحت ..ولد خالتي بكلمني .... يقول عزبتو كتيير في دي اللحظات قلتلو ماكنت احسبك تزعل ..يقول بلاهي اي حب داا انا سكتلك كتييير ....ورغم دا متمسك فيكي واحس اني ابغاكي والله لو اي احد تاني كانت سبتوا ...


صــراحة كلامو صح كل دا انا سويتو وهو متزكر مو ناسي ولا حاجة ..

والمهم رجعنا لبعض شوية قلي انا اوعدك ارجع رومانسي زي اول ماعرفتيني بس توعديني ماتتكلمي عن اي ولد لأني غيووور بالألف ..


المهم ورجع رومانسي رسلي رسالة حب ..

ايش رأيكم ارجع ولا اسيب ؟؟؟؟

ايش رأيكم ارجع ولا اسيب ؟؟؟؟

الراي مب راينا حنا حنا مارح نعيش معه ولا راح نجيب منه عيال وحتى لو قلنا لك من اليوم وبكرى مارح نعرف لزوجك كل واحد وطريقته حتى لو حطو لك كم حل
مافيه وحده راح تجيب لك الحل الصح الحل الصح عندك انتي لانه زوجك انتي انتي الي تعرفين شلون تكسبينه او تخسرينه :)
الراي الاول والاخير لك انتي .. انتي افهمي وشوفي وش المناسب وسويه ..
هو وضح لك كل الامور وانتي تضغطين بصراحه عليه بعذره , الرجال مايحبون الي يناكفهم ..
ولاتغلطين زي الغلط الي سويتيه وتقعدين تسبينه ترى كل ماقلتي كلمه مب حلوه صغرتي بعينه اكثر
لين مايختفي اثرك من عينه !!
حطي عقلك براسك حبيبتي واعرفي خلاصك عمرك 20 منتي صغيره امهاتنا تزوجو واعمارهم 14 ومشو حياتهم عادي ياربي لك الحمد :)
اتمنى لك التوفيق ولاتستعجلين بالفسخ .. وبعدين المفروض انتي الي تستخيرين مو امك انتي الي بتتزوجينه :)

يطنشج طنشيه :)

Dior Me;14434229:
سمعتي بالمثل اللي يقول الثقل صنعة ؟؟ :095:
اثقلي عليه وغيري طريقتك
لاتقولي ما اقدر اثقل عليه عشان مايزعل
خليه يزعل وايش يعني؟؟؟ تخرب الدنيا اذا زعل ؟؟
يزعل اليوم بكرة يرضى وانتي ترضي
اما يرضى وانتي تزعلي !!
كذا انتي زعلانة وهو راضي ... ايش استفدتي ؟
زعلك خلاكي توصلي للحد اللي حسيتي فيه انها مشكلة ولازم تنحل
معناته الحل زعلني وازعلك وراضيني واراضيك :02:
مسألة الرنات ورا بعض ورا بعض هذي انسيها
عشان من جد شكلك بااااااايخ في نظره لمن تسويها
لاتجري وراه سيبيه
متى ما اتصل يتصل واذا ما اتصل بسلامته
اجلسي كم يوم وريه الثقل على اصوله
ولاتكثري كلام الغزل لاتصيري مدلوقة عليه قد كذا :039:
اصلا المفروض كلام الحب والغزل يجي من الرجال مو من البنت
هو اللي يبدا فيه وانتي دورك تتفاعلي وتتدلعي
مو تشوفيه جامد معاكي وتبدأي انتي بالكلام الحلو :057:
افرضي كان طفشان وعنده مشكلة ... انتي عارفة كيف تفكير الرجال اصلا؟؟
لمن يكون طفشان يبغى زوجته او خطيبته تسمعه اكثر من انها تتكلم
وتنقي الكلام المناسب في الوقت المناسب
الحب والغزل مو في كل وقت
كثرته تفقده قيمته يصير مع الوقت شي عادي ومايأثر ..
من دحين ابتدي معاه اللعب الثقيل :011:
اول شي موضوع التليفونات ..
مو هو مرات يرد عليكي ببرود يحسسك انه مشغول؟
ومرات يوعدك يتصل ويطنشك ؟؟
طاااااايب ...:038:
سوي نفس الحركة .. مرة ردي ومرتين ثلاثة لاتردي ..
فينك ماتردي؟؟؟؟ والله مشغولة معليش اعذرني كنت اسوي تشقير لحواجبي :054:
المرة اللي بعدها كنت ابري قلم الكحل يوووه مرة بايخ دا القلم يبغالي اجيب غيره ..:095:
المرة اللي بعدها ردي زي عوايدك بس خليكي هااادية في الكلام ولاتبدي بالرومانسية وتحسسيه انك مصروعة عليه:031:
انتبهي لاتخربي الدنيا..
اتكلمي عادي واذا بدا في الكلام الحلو اسكتي لاتردي على طول
ولمن تكوني تتكلمي ويقاطعك زي ماهو متعود ..
اقطعي الكلام وقولي له لازم اقفل معاك كلمني بعدين امي تنادي .. وقفلي طوالي ..
لاتستنيه يقولك ليه واشبك ومدري ايه
قفلي على طول
حتى لو منتي متعودة على هذي الحركة ابغاكي تسويها
ارفعي ضغطه شوية :014:
خليه يحس انك متغيرة ..
وانك لك مزاجيتك ..
ولك ظروفك اللي ممكن تشغل بالك وتخليكي باردة في الكلام ...
ولك ام تناديكي لمن يقاطعك في الكلام :094:
خليه يستناكي مو انتي تستنيه ..
خليه يدور وقتك الفاضي مو انتي تحطي يدك تستني متى يحن عليكي ويتصل
الاخ مسوي لك عصبي ويزعل من الاستفزاز ؟؟؟
اشتغليه استفزاز بأسلوبك الجديد وخليه يعصب ويتجنن ..
اصصصصحك ترجعي زي عوايدك ترمي نفسك عليه
ولااااااااا تعاتبيه ولا تبرري له التغيير اللي صار وتقولي له انا صرت كذا عشانك كذا وكذا
حتى لو سألك اشبك متغيره ؟؟ قولي ابدا .. فين متغيرة ؟؟ ماتغيرت ولا شي بيتهيألك :095:
خليه من نفسه يعرف السبب ... وهو اكيد عارف السبب
الرجال فيهم لعانة يفهموا البنت ويستهبلوا
خليه يسوق الهبل وسوقي العبط انتي جننيه لين يستعدل
اصلا انتي المفروض تستلذي بملاحقته .. مو انتي تلحقيه وتعذبي نفسك :039:
افهمي ياقلبي .. الرجال هو اللي يبادر بالكلمة الحلوة ..
يكون جنتلمان ويحترم انها بنت وانه عيب يخليها تستناه سواء اتصال والا موعد والا أياً كان نوع الوعد ..
ومن صفات الجنتلة الحلوة اللي مفروض تكون فيه انه من نفسه يهدي خطيبته في المناسبات من غير مايوعدها ..
لازم تكون مفاجأة .. مو يوعد ويطنش ...
ولمن تتكلم خطيبته يتعلم يسمع لها ويسكت زي ماهي تسمع له وتسكت
يكون عنده دم وشوية ذوق ومايقارن خطيبته او زوجته بأي وحدة في الدنيا
لا فنانة ولا حتى أمه اللي هي في نظره اعظم امراة في الكون ..
لازم يحترمها ويقدّرها ويعرف ان لها كيانها وشخصيتها وعيب يقارنها بأحد حتى لو بالمزح
المزح لمن يتعدى حدود اللياقة يكون مزعج والمفروض الطرف الآخر ياخذ موقف عشان مايتكرر المزح البايخ مرة ثانية ..
وحطي في بالك ممكن يسوي عليكي ثقيل الفترة الجاية كردة فعل لحركاتك
اصحك تتراجعي وتبكي وتسوي فيها المنهارة اللي ماتقدر على بعده
هو قدر على بعدك ؟؟ خليه يبلط البحر ...
لو يحبك لازم يرجع ويتنازل ويسيب العنطزة اللي فيه ..
ولو مايحبك ساعتها امور كثيرة بتنكشف لك وبتعرفي ايش احساسه الحقيقي تجاهك ..
هل صحيح يحبك ..
والا بس كان بيستمتع بتعذيبك وحبك له
وهو ماعنده استعداد يحبك بالقدر اللي تستحقيه ..

الله يوفقك ويسعدك ياحلوة :083:

:thumbs_up::thumbs_up::thumbs_up::thumbs_up::thumbs_up::thumbs_up::thumbs_up::thumbs_up::thumbs_up: