التجمع الثاني لحوامل شهر اغسطس *8* 2011 ‏ ‏

شجن الشجون;14821667:
نبغه الريحان و ام رحيق

كيف رحتوا المحلات لتجهيزات؟

SomeOne1;14821603:

اهلين شجونة

يسلمووووووووووو

احلى سوزااااان
تسلميييييييييييييييييين
اي آنه بعد صغيرة كلش لدرجة محد يقدر يلاحظ اني حامل لكن احسن جذي :)

بعد بنات شو اخباااااااركم

بنات ما قلت لكم شنو صار فيني قبل يووووووومين

العصر نزل زوجي المحل تبعه عنده محل الكترونيات تحب البيت مباشرة
نزل العصر وآنه عطيت مريومة المرضعه ورحت البلكونة علشان احط الملابس في الغسالة
وحطيت الملابس وخلصت
جيت ابي اطلع ابي ابطل الباب ما ينفتح :( يا لهووووووووووي
احاول واحاول قلت يمكن الباب شار وبيفتح اكيد
لكن هيهاات قمت ارافس بريلي عل وعسى ينفتح لكن ابد
ياربي خفت خصوصاً ان مريومة برى بروحها
قمت اطل من البلكونة على برى الشارع هدوء ماكو احد واصلاً حتى لو بانادي على احد من الشارع ما بينسمع ان البلكونة ما تطل ع الشارع مباشرة صايرة داخل
قمت اوسوس ياربي شنو باسوي زوجي تحت
وهو اذا راح المحل ممكن ما يجي إلا مع الاذان علشان يصلي
وممكن ما يجي بعد ويروح يصلي في بيت ابوة لانه تحت بيتنا
وآنه كل شوي اطل من البلكونة وارجع ارفس في هالباب ع وعسى ينفتح
شوي إلا بصيحة مريومة مسكينه خلاص ملت بروحها وخافت من صوت الشدخ ع الباب خخخخ
واهي تصيح وآنه احاول اكلمها لكن ابد ضلت تصيح وتصيح
لين طليت من البلكونة على جهة تحتنا بيت الجيران كانت طالعه الشغالة تشيل لهدوم من الحبل جان اناديها ابيها تروح لزوجي وما فهمت قلت لها نادي ماما
راحت نادت لي ريال
وقلت له اخوي زوجي في المحل قولة يجي يبطل الباب لانه تسكر علي
وآنه كنت اصيح خايفة على مريومة لانه ظليت فترة يمكن نص ساعه او اكثر وآنه برى واهي مسكينه تصيح
الموهيم وصل زوجي وبطل البااااب
تخيلو كان الباب مقفول من برى بس مادري شلون لما طلعت للبلكونة انفتح !! مع انه كان اوردي مقفول في المفتاح بس من برى ما ينفتح
وطلعت لمريومة كانت مسكينه تصيح وتصيح وحتى لما سكتت تمت تنافخ وتتنفس مادري شلون من الخوف عطيتها ماي وغسلت وجها بماي بارد علشان الخرعه تروووح وآنه اصيح خخخخخ
زوجي يقولي شفيج تصيحين خفتي
قلت له اي اكيد خفت وخفت اكثر على مريومة لانه تخيلت ان لو ما حصلت احد وظليت هني لين الليل ومريومة بروحها شنو بتسوووووووي
والحمد الله عدت على خيررررررر

والحين تووبة اذا اطلع البلكونة احط شي تحت الباب علشان ما يتسكر لانه خلاص خفت خخخخخ

وبس هذي كانت قصت الاكشن خخخخخخخ

شرااااااااااايكم .......

طولت عليكم وايد :)

وبعد شووو اخبااااااااااااااركم شمسووووووووويييييييييين

*بنوته عسل*;14821749:
صباح الخير بناات
شخباركم جميعا

الدنيا احنا بخير الحمد الله بس الصباح ومن اجي الليل جا الرعب من الدبابات والمدرعات

سم ون الحمد الله عدت على خير ولاتعيدينها مرة ثانية ذبحتين الجاهلة من لصياح <<<<< ماتقدر تسمع جاهل يصيح او تشوف احد يضرب جاهل عاد بس البريئين الشياطين حلال عليهم الضرب خخخخ

فروشة ان شاء الله تتطمنين على البيبي وطمنينا عاد اذا بنت حجزتها لولدي من الحين

شجون شخبار الوحام عندك ؟؟ اني للحين ماطلعت تسوقت الله يفرجها علينا خب بالنسبة للملابس عندي وقالوا لي لاتكثرين فما بشتري ملابس بشتري بس الاشياء اللي ناقصتني

امس رحت موعدي عند الدكتورة وبالزور قدرنا نطلع من الديرة وبعد ماوصلنا بطلعة الروح سالتني سويتين الاشعة قلت لها لا موعدي افتر تمورو الا تقول يعني اليوم مايحتاج تجين وجن زوجي قال شلون يوم جينا قلتوا مايحتاج احنا اليوم طلعنا ماندري بعد بكرة نقدر نطلع او لا ويوم اللي مايحتاج ليش اتصلتون قلتون عندكم موعد اليوم وووووو....................
عصبت السستر وفلتت الفايل
واحنا نتناقش جات الدكتورة وقلنا لها الوضع عندنا بالديرة واذا في مجال تسوي الاشعة اليوم قالت مافي الا اذا قابلة برجال يسويها لج قلت اوكي قالت بحاول مع قسم الاشعة وحاولت معاهم ودخللوني بعد ساعة يمكن والحمد الله تطمنت على البيبي كله تمام مافيه اي تشوهات كنت مستانسة افكر الاشعة ملونه طلعت لا مو ملونة قلت له ابي اشوف الفيس راوني اياه وسوا الصورة باللون البني بس بعد ماكانت الملامح واضحة لانه بعده صغير وزوجي من شافه قام يضحك يقول يشبهني عاد يحرني انه يشبه
ورجعنا بالسلامة البيت

ايه عطتني كالسيوم زيادة على الادوية اللي عندي وباقي 5 ايام وادش السادس الله يثبت حملي يارب واشوف ضناي

فراشه&#1633;;14816742:
مساء الخير اليوم رجع زوجي من السفر وحجزت بكره عند الدكتوره وأن شاء الله أعرف جنسه بكره متشوقه والي يجي من الله حياه الله أشوفكم بكره على خير