ما اعرف شو اقول بس ابااا نصيحه

السلام علكيم ورحمة الله وبركاته



بسم الله الرحمن الرحيم



لا اله الا انت سبحانك اني كنت من الظالمين



قصتي قصة وحكايتي حكايه..

المهم بحكيلكم قصتي

انا من كم سنه انخطبت وكنت خايفه من القصه يعني من داخلي احس بخوف . المهم استخرت ورقدت ويوم نشيت كنت عادي يعني احساس الخوف راح عني قلت ها من الاستخاره المهم بعدين وافقت ..
وبعد ما ملكنا يوم كلمته ما عيبني وايد.. حسيته مب الشخص اللي كنت احلم فيه يعني صفاته غير .. المهم كنت عادي وياااه احسه طيب وزين وشعوري اتجاهه عادي يعني لا حب ولا كره..

بس بعد فتره قصيره ما ادري انقلبت وكنت ما ادانيه وكنت مرااات اكرهه وايد ..مع انه وااايد طيب وياي بس ما كنت اداني طيبته كنت انفر منه..ومرات استوى بينا تتش وكنا بنطلق بس بتدخل الاهل اتصالحنا..

المهم يوم اتزوجت قلت خلاص انا بتقبله وكان شعوري اتجاهه عادي .. بس هو ما قربني منه احس من تصرفاته بعدني عنه اكثر لانه من كثرما يباني احبه.. لانه يعرف اني ما احبه..بس انا قلتله الحبما ايي غصب ويمكن مع الايام يتغير شعوري بس هو ما صبر وبصراحه كرهت تصرفاته..وخلاص كرهته كله على بعضه وانفر منه حتى والله مرات اتمنى انه يموت... والله يا بنات غصب عني ما اعرف ما ادانيه ... وفي مرات اقول حرام هو طيب بس ما يتغير شعوري.. وصلت لحد خلااااااااااااااااص كرهته..وكنا بنتطلق وهو اللي فكر بها الشي بس بعد تدخل الاهل ما اطلقنا..

المهم بعدين حملت وخلال فترة الحمل كنا بعاد عن بعض وبعد ما ربيت بفتره قصيرة تطلقة بسبة وحده من الاهل هيه شعلت الفتنه.. وانا كنت فرحانه لاني بفتك منه... وصدق الفررحه ماتسدني.. وبعد الطلاق هو تزوج.. وانا بفتره طويله حسيت اني ابغيه واني متعلقه فيه..بعدما كنت عايشه حياتي مرتاحه ..بس فجاه ياا على ابلي واشتقت له..استغربت من شعوري
المهم اللحين مر ع ها الشعور شهور وانا اباااه يرد لي ولبنتي اللي ظلمناها حنا الاثنين.. بس بعد ما يفوت الفوت ما ينفع الصوت..

بس قريت بمنتديات عن الدعاء والاستغفار والاصلاة عن النبي وقيام الليل ..

وانا دعيت انه يرد لي .. بس هو متزوج اللحين والدعاء اللي ادعي يمكن مب زين لانه يمكن يعتبر من خراب البيوت وبيرد علي.. بس انا ما نيتي شي غير انه يردلي..وصدق اباااه يرجع لي ولبنتي... حتى لو متزوج..


بنات شو هل ادعي بنية انه يرد لي ولا ها الشي يعتبر انه بخرب بيت لا سمح الله وهل الدعاء بها الطريقه مستجاب .. والله مااعرف مرات اقول لا مب زين لانه متزوج خلاص ما راح يرجع لي..


اذا وحده عدها تجربه فلا تبخل علي.. ولا تنسوني من الدعاااء ..