بلبل حيران;14575765:
ازيكم ياقمرات وحشتووني كلكم امبارح بتاع الشحن صحاني من النجمه الساعه 8 ونص عشان يقوللي انه حيشرفني بالزياره الساعه 11 ونص وطبعا قلقت ومنمتش لحد ماجه المهم الحمد لله وجه في معاده والاوردر كان :
2 جيت فام وحشيلهم في الجهاز ومش حجيبها تاني ان شاء الله مش عشان وحشه هي عجباني جداااا بس خلاص كفايه 2
واحده برشيف رجالي لخطيبي عشان الفلانتيييييييين وعجبتني جداا راقيه اوي اوي احلي من ويلدرنش اللي جبتها لاخويا في عيد ميلاده
واحده برشيف حريمي وعجبت ماما جداا مع ان جيت فام عجباني اكتر ومش عجباها ماعلينا ازواق
واحده انكاندسينس وعايزه اقوللكم كل الكلام اللي سمعته من انوش عليها ومن كل البنات صح ومحدش يتردد ثانيه انه يجبها بجد جامده جداااااااااا وحكررها تاني شور لما تنزل تحفه من الحجات اللي معليهاش خلاف زي ليتل بلاك دريس
كده الاوردر عدي ال 200 بس موصلش ل 250 والا كنت خدت الهديه برفان سيمبل اليمنت الحريمي المنسقه كانت حتبوس ايدي عشان اخد اي حاجه كمان واكمله ل 250 بس انا سمعت منكم انه مش تحفه يعني فمرضتش ازنق نفسي والميزانيه مخرمه خلقه
المهم اوردري عامل 226 وربع والربع قبل ال226 وبالشحن 236 وربع برضه جالي هديه ال 200 وهي
كريم عين هيدرا راديانس ورول اون ريرجولد ماما خدت الكريم حتستعمله وانا شلت الرير جولد في الجهاز مع البرفيومز
تقديري للكريم انا حطيت منه امبارح يعني حسيت بشده كده في محيط العين والجلد بيشربه بسرعه بي قلت لماما لما يخلص جل الصبار بتاعي اوريفلام حكمل من ده عشان عايزه اعرف تاثير كل حاجه للاخر وان شاء الله حصورلكم الحاجه وانزلهالكم قريب انتظروووووني
سؤالي بقي ::
مفروض اجيب كام مجموعه كامله عشان اشلها يعني بالبودي كريم والسبراي وكده وايه اكتر مجموعات ريحتها زي بعض
ومفروض اجيب كام ازازه برفيوم اشلها وعادي اني اكرر والا لا؟؟
وايه رايكم في عرض سليبر الشهر الجاي والسكرت فانتازي واليتل وايت انا لسه حتجوز في شهر 10 لو حتنزل تاني بسعر اقل استني بس لو فرصه ومبتنزلش كتير قولولي وعموما كده ايه البرفانات اللي نازل اما سعرها ينزل وايه كمااااااان اه افتكرت لو ناويه علي عرض المجموعه كنت حجيب المسكرا بس خلاص انا جبت بتاعه جولدن روز فناويه علي البودي لوشن وحشيله لاني جبت الروز الشهر اللي فات وناويه علي السيرم وحستعمله بالنسبه للبرفيوم كده كده حشيله سواء تومورو او ليتل بلاك رايكم اجيب مين فيهم يعني مين مبينزلش عليه عروض كتير وريحه تمورو دي كويسه ؟؟؟ طولت عليكم بس ردوا عليا في كل حاااااااااااجه والا والله انتم حريييين
مباااااارك عليكي المشتريات كلها حلوة تتهني بيها ان شاءالله وعقبال ما تجيبي الاحسن
بوصي نصيحة متكرريش برفيوم لانك مش هتخلصيه بسهولة خصوصا لو عندك انواع كتيرة
وبدل ما تجيبي اتنين مكررين هاتيهم مختلفين خصوصا ان كل شوية العروض بتتكرر يعني مش لقطة ولا حاجة ممكن تجيبي واحد زيادة لما يكون اخر مرة ينزل لكن لما هو فالشركة يبقى خلاص متكرريهوش تاني حتى لو عاجبك لان مع تنوع البرفيومز هتلاقي نفسك بترشي منهم على فترات متباعدة ومش هيخلصو
تاني حاجة بالنسبة لسؤالك عن المجموعات اول مجموعة لازم تكمليها هي الرير جولد لانها قوية وريحتها واضحة وفالشتا بتكون رووووووعة والمجموعة بتاعتها تجنن يعني لما ينزل البدي كريم والبدي لوشن والاسبراي هاتيهم
كمان مجموعة الفاراواي لو انتي من محبيها هاتيها لانها قوية وبتبان طبعا انا بكرههااااا بس في ناس كتييييييييير بتحبها
ايه كمان ممممم الليتل بلاك بردو كريم الجسم بتاعها ممتاز
بوصي متكتريش من اللوشنات استني لما ينزل كريمات الجسم وهاتيها منها ترطيب ومنها ريحة وعلى فكرة كريم الجسم سيليبر ريحته تحفة بردو ونفس ريحة البرفيوم وبيرطب حلو اوي اوي
نيجي للشهر الجاي
اولا عروض ال 50% دي بتنزل كل شوية يبقى ركزي عالمنتجات اللي عروضها فوق ال 50% يعني الشهر يناير مثلا كانت الليتل وايت نازلة ب 55% والليتل بلاك ب 57% ودي كانت فرص هايلة
انتي جوازك في شهر 10 يعني ادامك حوالي 8 شهور ب 8 بروشورات متجبيش كله من دلوقت لان احتمال كبييير تنزل بخصومات احلى خصوصا فالعروض بتاعة النت
لو عايزة تجيبي الشهر الجاي يبقى اختاري برفيوم او اتنين كفاية وادي نفسك فرصة للشهور الجايه في عروض تانية
عرض المجموعات طبعا اختيارك للوشن الجسم والسيرم كان ممتاز البرفيوم بئه اختاري تومورو لانها غالية وعروضها نادرة عكس ليتل بلاك دايما بتلاقي عليها عروض كتيرة ولو عندك ليتل بلاك مش تكرريهاااا اكتفي بواحدة بس
ممكن تجيبي روليت منها تشليها بحيث تستخدميها للشنطة او فالسفر انما الازازه الكبيرة كفاية اوي واحدة
وهاتي من الروليت البرفيومز اللي انتي محتارة فيها يعني مثلا برغم ان بكره فاراواي بس يوم ما اتجوز ان شاءالله هجيب منها الروليت لان بحب التنويع وجايز جوزي يحبها فا انتي ممكن تجيبي روليتات من البرفيومز اللي مش بتحبيها اوي او اللي عارفة نفسك مش هتستخدميها كتير F::L:
