تجمع بنات مصر لشهر ربيع اول 1432ه للاستفسارت عن الميك اب

kanzy1;14594048:
انا بشرتى مختلطة بس مش عايزاه موس لا عايزة فلويد
طيب كده انا محتارة بين كريم اساس فلور مار وجولدن روز وبرجوا
او عندك فكرة قوليلى
ونيفيا سمعت انو خفيف
والبودرة خلاص هجيبها ماكس فكتور
بس انا مش عارفة جوردانا بتتباع فين فى القاهرة؟

انا مجربتش بتاع جولدن روز اللى بفيتامين e انا جربت العادى اللى فى التيوب و ما عجبنيش
وجربت الستيك هو هايل لو استخدمتيه كونسيلر
فلورمار جربت منها الباودر بس
برجوا فيها 3 انواع كريم اساس واحد اورجانك طبيعى من غير كيماويات وده
وحش و البنات الاجانب محدش قال عليه كلمه عدلة بيقولوا عامل زى ماسك الطمى اسمه
bio detox
وفى ال 10 hours sleep effect
وده للبشرة الجافة
و ال healthy mix
للبشرة المختلطة و العادية الكل بيشكر فيه بس فى بنوتة قاالتلى انه درجاته مش فاتحة
فى واحدة فى فتكات مختلطة بتشكر فى كريم اساس lasting finish بتاع ريميل و عموما
ريميل اسعارها معقولة اوى
و lasting performace بتاع ماكس فاكتور
عموما ممكن تروحى فيسز او مزايا و تجربى هناك الماركات براحتك

أنوش;14589470:
بالنسبة للفاونديشن

ليه تشتري هاي كوبي ب 40 جنية وانتي ممكن تشتري اوريجينال موس فاونديشن من اماندا ب 35 جنية
وبيدي نتيجة طبق الاصل جولدن روز اللي ب 90 :)

طيب هو الدرجه دى كام وتغطيتها عامله ازاى ولو تصوريها على ايدك يا جميله ممكن
وكمان اشرحيلى تغطيته بيحتاج بودر فوقه مثلا كمان لو ختى بالك من الصورة الى منزلها هل هو تقيل كدا زى الوريال

nado44;14589509:
ده شوكلاته ولا ايه انا عاوزة اكله مش احطه في وشي:lol:

اتفضلى هو فعلا يتاكل هههههههههه

ميااااااده;14591432:
اسمه ايه الكحل ده يا صوت


غاليه انك تجيبى فرشه ب 40جنيه من راى تجيبي مجموعه فرش بتاعت فولمار افضل هنا بلمصرى ب 60جنيه اكيد في قطر ارخص بتهيقلى اوفرلك بكتير

بصي يا صوت انتى ممكن تجيبي فونديشن بنفس سعر اليه هتدفعيه في حاجه كوبي
عندك موس اماندا ب 35جنيه انوش جيباه وعندك موس ماركه اسمها اسينس ب 49جنيه وفي فونديشن جيوردانا الامريكى سعره رخيص وهو اويل فريه وفي كزا بنوته بتشكر فيه

الكحل اسمه كريستال بيوتى


هشوف ان شاء الله تسلمى

nado44;14590841:
ايه ده يعني ممكن استخدمة بدل كريم النهار والصن بلوك
وبما اني بقتنع برايك اوي فياويلك من كتر اسئلتي لاني بعيد عنك شبه جاهلة شوية بعرف اختار اللي يناسبني اه بس من كتر الانواع تعبت فممكن تديني رأيك انا قررت امشي علي روتين يومي لبشرتي غسول الصبح وتونر وقبل مانزل كريم النهار وبعد مارجع غسول وتونر ولوشن وقبل مانام غسول وبعدها كبسولة فيتامين eعلي وشي وجيل علي عنيا*انا عندي هالات خفيفة* ممكن تقوليلي رايك في الانواع انا حاطتها قبل كده بس هاحطهالك تاني معلش
\الغسول:
clean &clear
غسول دووف للتطيب
جونسون للبشرة الحساسة
نيفيا فيزاج
avon 3 in 1
olay
ايفون بشجرة الشاي ده وحده قالتلي عليه كويس

2\ التونر:
clean&clear
ديوور
اسكينول الشفاف
facial toner
سيباميد كلير فيس
نيفيا فيزاج
قابض يومي من ايفون وده كمان بتقولي كويس
olay

3\واقي من الشمس:
فوتوديرم
v e moisture cream من بدي شوب
المجموعة الخضراء من ايفون سوليووشن
اوبتيمالز الاخضر نهاري وليل من اورفلام
*ممكن استخدم اللي انتي قولتي عليه(ماجيكس المصحح)بدل دول

4\كريم حول العين:
جيل صبار من اوريفلام
جيل من ايفون
كريم من اوريفلام

5\ سكراب:
اصالة
ستيفز بالمشمش

6\ ترشحيلي لوشن ترطيب للوجه ايه؟!!!

وممكن البيس اللي انتي قولتي عليه احطه من غير الفونديشن وانا خارجة الصبح لاني مش دايما بحط اه صحيح وكمان ممكن يتحط بالليل ولا ايه؟!!!
اوعي تدعي عليا دانا لسة مسألتش غير اسئلة بسيطة ههههههههههههههه

ههههههههههههههههههههه
اسأل على راحتك يا معلم
بوصي حبيبتي بالنسبة لمنتجات البشرة كان ليا موضوع قديم حبة كنت كتبت فيه تجاربي مع الغسولات والمنتجات اللي جربتها هنا

http://forums.3roos.com/showthread.php?t=495614

وطبعا انا جربت بعدها حجات اكتر فا هقولك ملخص التجارب بتاعتي

اولا بشرتي بتتغير بفصول السنة وبحسب اهتمامي بيها يعني هي من الاطراف عادية لكن الجزء اللي فالنص او ال T ZONE دي بئه بتتغير لو اهتميت بيها تبقى زي الفل لو اهملتها فالصيف تدهنن وتزيت وفالشتا تجف وتقشر وعشان كده كل مرحلة في فصول السنة بستخدم منتجات مختلفة عن المرحلة اللي قبلها

فالشتا اللي هو حاليا بستخدم غسول دوف المرطب لان بشرتي لو سيبتها هتجف فا بلحقها بالترطيب وبالغسول الكريمي بتاع دوف بالتبادل مع غسول ايفون ال 3×1 وعلى فكرة الغسول دا لو بشرتك دهنية مش تستخدميه لانه بينضف اه لكن بيرطب تحسي اكنك حاجة كريم على وشك فا لو بشرتك دهنية هتدهنن ومش هتتقبل اي كريم بعد الغسول دا وبالنسبة للتونر بستخدمه بس مش يوميا ممكن مرة كل يومين او لما اكون خارجة ورجعت البيت عايزة انضف وشي كويس من الميك اب اروح مستخدماه وحاليا عندي بتاع سكينول بالبابايا وكويس

فالربيع والخريف بشرتي بتكون متوازنة حبه فبخاف استخدم غسول مرطب اوي تقوم تدهنن او استخدم غسول قوي تقوم تجف وتنشف فا بختار غسول متوسط المفعول وافضل غسول متوسط المفعول استخدمه كان من اوريفليم اوبتمالز الاخضر سواء الغسول او التونر ممتازين

فالصيف بئه وشي بيجيب بترول بعيد عند فا منفعنيش غير حاجتين
اما الصابون الطبي زي سموث فيس او الصابون التجميلي زي اليوكو البمبي
او الغسول وكان افضل غسول نفعني هو كلين اند كلير شاين كونترول ممتاااااز بيخلي وشي نضيف ومش مدهنن لساعات
التونر بستخدمه يوميا بعد كل مره بغسل وشي ومش لازم ماركة محدده الموجود يسد بس ابعدي عن تونرات كلين اند كلير تماما لانها كحول مركز وبتأذي البشرة

بالنسبة لنيفيا فيزاج ميادة كانت جربت منها قبل كده وشكرت فيها وانا نفسي اجرب الغسول والتونر ودايما بينزلو بعروض في كارفور وان شاءالله فالصيف هجيب منهم بتاع البشرة الدهنية لان عندي قناعة انهم مش هيكونو اقل من بتوع اوبتمالز اوريفليم

الواقي من الشمس

الحقيقة المره بئه ان المفروض حتى واحنا فالبيت نستخدم صن بلوك يعني مره شوفت لقاء في 90 دقيقة مع دكتور مشهور اوي اسمه عاصم فرج قال ان اضاءة شاشة الكمبيوتر للي بيعدو ادمها فترة او اضاءة الغرف القوية زي الاستوديوهات دي كفيلة انها تسمر البشرة زي الشمس بالظبط ونصح ان المفروض في كل وقت نحط صن بلوك او عالاقل نستخدم كريمات فيها صن بلوك فا عشان كده تلاقي اغلبية كريمات النهار فيها صن بلوك عشان لو استخدمتيها فالبيت بردو تحمي بشرتك بس خدي بالك معامل الحماية 10 لحد 30 دي تناسب بيت مش اكتر من كده يعني اوعي تستخدمي كريم مرطب وتنزلي الشارع وانتي مقتنعة انه هيحميكي من الشمس لان شمس مصر اساسا حامية طول السنة فالمفروض فالشتا متقلش الحماية فالشارع عن 30 وفالصيف 50 وطالع حسب حساسية بشرتك من الشمس
فا لو هتستخدمي الماجيكس اوكيشن بس متعتمديش عالحماية بتاعتة فالصيف لانها صفر عالشمال انا كنت بستخدم حماية 50 ووشي اتبهدل وفضلت اتدرج لحد ما وصلت لدرجة 80 واحتمال اكمل لل 100 لان الشمس بجد رهيبة عندنا والرطوبة بئه والكلام دا
واشهر نوعين صن بلوك هتسمعي اسمهم في مصر هو فوتوديرم 100 او uve block 80
والتاني هو اللي جبته ملون بيدي نور للوش بسيط كده وبيحمي كويس وسعره 64 جنية انما الفوتوديرم ب 105 على ما اتذكر

الكريمات المرطبة

بجد بجد في كريمات فعلا بتمتص الدهون صراحة انا زماان من كام سنة كده مكونتش مقتنعة ان لما بشرتي تدهنن احطلها كريم عشان تبطل تفرز دهون بس بعد تجربه تيقنت ان الموضوع حقيقي والعلم بيتطور :lol:
تجربتي كانت مع الجيل الليلي بتاع ايفون سولوشن خطيبة اخويا جابته في اواخر الصيف وانا اخدت منه اد معلقة اجربه ههههههههههههههه
بجد الموضوع مختلف لان طبيعة بشرتي لما اصحى من النوم الاقيها مزيته ومدهننه لكن مع الجيل دا اختلفت تماما بشرتي عادية اه فيها دهون بس طبيعيه يعني بشكل مقبول مش بالكمية الرهيبة اللي كنت بصحى الاقيها وعشان كده ناوية عليه فالصيف ان شاءالله لان اللي وصلني من الناس اللي جربت ان مع الاستخدام المنتظم بيحسن من مظهر المسام وبيساعد البشرة على افراز الدهون بشكل مناسب مش عمال على بطال بس المشكلة بئه لو اهملتي وكسلتي هترجع تاني زي الاول فا عايز انتظام

تجربتي التانية مع الكريمات المرطبة كانت مع كريم طبي اسمه bio max الكريم طبي ب 35 جنية وهتلاقيها بالتفصيل الممل بالرابط دا وللعلم انا فضلت استخدمه 4 شهور متواصلة بدون انقطاع يوم واحد في خلال الفترة دي بشرتي كانت نضره جدا وملمسها تحفة بس معملش حاجة فالبقع ولا اثار الحبوب بس هو كا مرطب فوق الممتاز

هنا تفاصيل الشراء و اول استخدام والمكونات بتاعته

http://forums.3roos.com/showpost.php?p=13097218&postcount=321

وهنا شرح لتجربتي بعد مرور شهر والنتايج دي فضلت مستمره لحد ما خلص

http://forums.3roos.com/showpost.php?p=13182892&postcount=111

تالت تجربة ناجحة مع كريمات الترطيب كانت كريم ترطيب اصاله ممتاز بردو ميزته مش بيزيت بالعكس لو وشك مزيت وحطتيه هينشفها متقوليش ازاي بس والله هو كده وحلاوته انه طبيعي 100%

رابع تجربة كانت مع كريم اولاي دا بئه حبيب قلبي والحته الجوانية ههههههههه
افضل كريم تفتيح ممكن تستخدميه ممتاااااز بس لو تتاكدي انه اصلي يعني تشتريه من برا لان للاسف فالصيدليات بيبيعو المضروب ابو 10 ج ب 55 على انه اصلي

الاسكربات

مجربه كذا نوع ستيفز - اصاله - كلير سكين من ايفون - جونسون - كلين اند كلير
افضل نوع كان اصاله بدون منازع بيدي نضاره وبينور الوش والاهم من كده تحسي ان البشرة نضيفه اوي ونقيه رائع
كلير سكين من ايفون بردو ممتاز في حتت انه بينعش البشرة زي النعناع وكلين اند كلير عندهم منتج كده بردو بس مش بيعمل حاجة اكتر من انتعاش للبشرة
والمفاجأه ان اصاله نزلت سكرب تاني غير العادي اللي في برطمان بيجمع بين صفات الاسكرب العادي وبين الاسكرب المنعش عشان حطوله منتول فا بئه يدي النتيجتين سوا فا بجد رائع

كريمات العين

دي حسب المشكلة اللي بتواجهك

لو عايزاه مجرد نضاره وانتعاش يبقى جيل الالوفيرا من اوريفليم حطيه فالتلاجة واستخدميه وهو سائع هيرطب بشكل ممتاز ويشيل الانتفاخ لو موجود

لو عايزة منتج طبيعي لعلاج مشاكل زي الهالات يبقى كريم اصاله اللي بجنين القمح

اما لو في خطوط رفيعة يبقى كريم اوريفليم وانا بستخدمه بئالي شهر مش بانتظام ولسه مش حاسه منه بمفعول يعني هو ترطيب ونضاره لكن كا مفعول في الهالات او الخطوط الرفيعة محصلش

مجمل الكلام

الغسول لو بشرتك دهنية اوي يبقى اما كلين اند كلير شاين كونترول او صابونة
لو بشرتك دهنية معتدله يبقى اوبتمالز اوريفليم او نيفيا فيزاج

التونر هاتي اوريفليم او نيفيا او سكينول لو قدرتي تجيبيه

كريم البشرة هاتي جيل ليلي سواء من ايفون او من اوريفليم عشان يقلل من افراز الدهون وبالنهار هاتي كريم ترطيب فيه معامل حماية ممكن تختاري اما مجموعة سولوشن الخضرا من ايفون او اوبتمالز الخضرا من اوريفليم

الاسكرب اصاله سواء البرطمان او التيوب

الصن بلوك فوتوديرم او يو في اي بلوك من ايزيس فارما

كريم العين حسب احتياجك وان كنت بعد تجارب كتيره معاهم اغلبهم مش بيعملو حاجة مجرد ترطيب وخلاص فا اي حاجة مش هتفرق

F:F:F:

صوت العيون ʚϊɞ ṨỠЙḍỠṧ ʚϊɞ;14595261:
طيب هو الدرجه دى كام وتغطيتها عامله ازاى ولو تصوريها على ايدك يا جميله ممكن
وكمان اشرحيلى تغطيته بيحتاج بودر فوقه مثلا كمان لو ختى بالك من الصورة الى منزلها هل هو تقيل كدا زى الوريال

الفاوندشين 5 درجات ترتيبهم من الافتح للاغمق
1 - 2 - 4 - 3 - 5
انا جايبه رقم 4 وهي نفس لون بشرتي بالظبط لما حطيته اكن مش حاطة حاجة
ودي صورته على ايدي بس انا وشي افتح من ايدي عشان كده باين التفاوت لكن على وشي مش باين نهائي



بالنسبة للتغطية من خلال تجربتي ل 3 انواع موس فاونديشن وهم مايبلين الامريكي الاصلي و جولدن روز التركي واماندا المصري استنتجت ان مفيش موس فاونديشن بيدي تغطيه حتى هو مكتوب عليه soft powder finish
يعني مجرد كريم بيديكي ملمس بودره لكن تغطيه نو نو نو
فا مش يعتمد عليه في سهرات او مناسبات مستحيل يادوب بس يتحط الصبح فا بدل ما تحطي كريم مرطب وفوقه بودره لا تستخدمي الموس على طول منه كريم ومنه بودر في نفس الوقت
ودا بيختلف عن الكومباكت فاونديشن لان الكومباكت فاونديشن بيكون فعلا تقيل وليه تغطيه لكن الموس فاونديشن ملوش اكنك حاجة بودره خفيفة على وشك وبس
وهو بيستخدم لوحده من غير اي بودره لانك لما بتحطيه بيتحول ملمسه للبودره ومينفعش بشره جافة او فيها قشور تستخدمه هيباان فورا وتحسي اكن شكل الوش فيه خريطة عشان زي ما قلتلك هو زي البودره فا البشرة الدهنية او العادية اللي مفيهاش اي قشور نهائي هي اللي تستخدمه غير كده لا

F:F:

شكرا ليكي يا انوش ياحبيبتي بس اسئلتي سلسلة ما بتخلصش :lol:

انا بشرتي تقريبا زيك بس في الصيف مش فاكرة بس انا فاكرة انها كانت بتبقي متبهدلة وعرق وعذاب المهم انا قربت استقر بس ساعديني علشان انزل اشتري بقي

الغسول اجيب اوبتيمالز الاخضر سعره كام؟
مقولتليش رأيك ايه في غسول بشجرة الشاي من ايفون

التونر هجيب اوبتيمالز برده وهو اسكينول مش متوفر ولا ايه يعني هو احسن وسعرهم كام؟

وصحيح انا دخت جدا يعني انا اجيب كريم نهار وصن بلوك وماجيكس بيس كده مش كتير ولا ايه ولا انتي قصدك لو مش هنزل استخدم كريم النهار ولو هنزل استخدم الصن بلوك؟
وبالنسبة لماجيكس هو يستخدم بالليل ولا لا ولو هجيبه احطه فوق الصن بلوك؟!

الكريم المرطب اسعاره ايه في ايفون وبرضه اوريفلام

انا قريت ان سكراب اصالة حامي قوي عالوش ولا ايه؟

الماسك هجيب كلاي ماسك ايفون سعره كام؟

وانا عنيا يعني هالات بس خفيفة صحيح انا سمعت ان الكريمات مش كويسة لكن الجيل عادي الكلام ده صح ولا ايه يعني اجيب الجيل بتاع اوريفلام احسن سعره كام؟

معلش اختك غلبانة واول مرة تهتم بنفسها ومامتي مابتصدق ان ااجيب حاجة وتتطلع وحشة وتقولي مانا قولتلك كل ده كلام فاضي اهي فلوس وبتترمي وخلاص علشان كده انا حوشت بقي ولو التجربة نجحت هحصلهم منها بفواتييييير:D

ميااااااده;14591432:

ممكن ارد عليكى على بال ما انوش ترد انتى بشرتك مختلطه مايله للدهنيه
يبقي غسول نيفيا وتونر نيفيا فيزاج هينسسبوكى ممتازين وبيصفوا البشره الاتنين مع بعض
او ممكن تستخدمى غسول اوبتمالز وتونر اوبتمالز من اوريفليم المجموعه الخضرا بتناسب البشره الدهنيه ولو في الصيف وبشرتك بتبقي مزيته جامد او دهنيه جامد غسول كلينا كلير الاخضر كنترول شاين هتلاقيه كويسه اوى برضه
وكريم الليل للبشره الدهنيه عندك بتاع اوريفليم الليلى اوبتماليز الاخضر حلو اوى انا مجرباه وافون سولوشن الاخضر الكريم الليلى حلو برضه وعامل زى الجل مناسب للبشره المركبه والدهنيه برضه للعين استخدمت جل الصبار مجرد ترطيب وفي من غارنيه استخدمت الرول اون حلو اوى و سعره ب 16 او 17جنيه وفي الكريم غارنيه للعين للهالات بنات شكرت فيه

شكرا يا جميل علي اهتمامك تعبتك معايا:L:

nado44;14600401:
شكرا ليكي يا انوش ياحبيبتي بس اسئلتي سلسلة ما بتخلصش :lol:

انا بشرتي تقريبا زيك بس في الصيف مش فاكرة بس انا فاكرة انها كانت بتبقي متبهدلة وعرق وعذاب المهم انا قربت استقر بس ساعديني علشان انزل اشتري بقي

الغسول اجيب اوبتيمالز الاخضر سعره كام؟
مقولتليش رأيك ايه في غسول بشجرة الشاي من ايفون

التونر هجيب اوبتيمالز برده وهو اسكينول مش متوفر ولا ايه يعني هو احسن وسعرهم كام؟

وصحيح انا دخت جدا يعني انا اجيب كريم نهار وصن بلوك وماجيكس بيس كده مش كتير ولا ايه ولا انتي قصدك لو مش هنزل استخدم كريم النهار ولو هنزل استخدم الصن بلوك؟
وبالنسبة لماجيكس هو يستخدم بالليل ولا لا ولو هجيبه احطه فوق الصن بلوك؟!

الكريم المرطب اسعاره ايه في ايفون وبرضه اوريفلام

انا قريت ان سكراب اصالة حامي قوي عالوش ولا ايه؟

الماسك هجيب كلاي ماسك ايفون سعره كام؟

وانا عنيا يعني هالات بس خفيفة صحيح انا سمعت ان الكريمات مش كويسة لكن الجيل عادي الكلام ده صح ولا ايه يعني اجيب الجيل بتاع اوريفلام احسن سعره كام؟

معلش اختك غلبانة واول مرة تهتم بنفسها ومامتي مابتصدق ان ااجيب حاجة وتتطلع وحشة وتقولي مانا قولتلك كل ده كلام فاضي اهي فلوس وبتترمي وخلاص علشان كده انا حوشت بقي ولو التجربة نجحت هحصلهم منها بفواتييييير:D
شكرا يا جميل علي اهتمامك تعبتك معايا:L:

شكرا ليكي يا انوش ياحبيبتي بس اسئلتي سلسلة ما بتخلصش :lol:

ولا يهمك يا جميل اسالي على راحتك :D

الغسول اجيب اوبتيمالز الاخضر سعره كام؟
مقولتليش رأيك ايه في غسول بشجرة الشاي من ايفون

منتجات ايفون واوريفليم ملهمش سعر محدد حسب العرض اللي نازلين بيه
لو معاكي عضوية اوريفليم تابعي العروض واشتريهم لما ينزلو ولو مش معاكي ابعتيلي خاص واقولك تعمليها ازاي
الغسول بتاع شجرة الشاي مش جربته بس اسمع انه قوي عالبشرة مش عايز بشرة حساسة

التونر هجيب اوبتيمالز برده وهو اسكينول مش متوفر ولا ايه يعني هو احسن وسعرهم كام؟

الاسكينول التاجرات بتبيعه ب 15 جنية
اوبتمالز زي ما قلتلك حسب العرض اللي نازل بيه الاسعار مش ثابته

وصحيح انا دخت جدا يعني انا اجيب كريم نهار وصن بلوك وماجيكس بيس كده مش كتير ولا ايه ولا انتي قصدك لو مش هنزل استخدم كريم النهار ولو هنزل استخدم الصن بلوك؟
وبالنسبة لماجيكس هو يستخدم بالليل ولا لا ولو هجيبه احطه فوق الصن بلوك؟!

بوصي دي الاساسيات في العناية بالبشرة

غسول - تونر - سكرب
ماسكات ( ممكن جاهزة او تعمليها فالبيت )
كريم ترطيب نهاري وكريم ترطيب ليلي او كريم واحد ينفع للفترتين
صن بلوك

ممكن تجبيها كلها او بعضها يعني حسب الروتين بتاعك بس دول الاساسي

الماجيكس دا بيس وهو منتج من منتجات المكياج مش للعناية بالبشرة
ممكن تجيبيه او لا بردو زي ما تحبي بس هو ميزته زي ما قلتلك مش مجرد صن بلوك لان الحماية اللي فيه مش عالية هو بيهيأ البشرة للمكياج وبيحسن من ملمسها وبيحافظ عالمكياج اطول وقت ممكن وبيعمل كا حاجز بين البشرة والمكياج وبيستخدم بليل وبالنهار وفي كل وقت ولو هتستخدميه بالنهار فالصيف يبقى حطي تحته طبقة خفيفة من الصن بلوك مش فوقه

الكريم المرطب اسعاره ايه في ايفون وبرضه اوريفلام

انا قريت ان سكراب اصالة حامي قوي عالوش ولا ايه؟

الماسك هجيب كلاي ماسك ايفون سعره كام؟

زي ما قلتلك الاسعار مش ثابته حسب العرض
الاسكرب بتاع اصاله مش حامي خالص بالعكس انا بستخدمه بئالي سنين ومريحني خالص وعلى فكرة مش غالي دا ب 10 ج يعني مش هتخسري حاجة لو جربتيه بس كل اللي اعرفهم جربوه قالولي انه حلو اوي وطبعا انا من اولهم
الكلاي ماسك حلو على فكرة بينعش البشرة انا بحبه وسعره لما بينزل بنص التمن بيكون بحوالي 20 جنية قبل الخصم

وانا عنيا يعني هالات بس خفيفة صحيح انا سمعت ان الكريمات مش كويسة لكن الجيل عادي الكلام ده صح ولا ايه يعني اجيب الجيل بتاع اوريفلام احسن سعره كام؟

لالا خالص الكريمات مش وحشة هي كلها مرطبات بتغذى المكان دا
مادام عندك هالات خفيفة يبقى هاتي كريم اصاله بزيت جنين القمح هو مرطب ممتاز وكمان بيشيل الهالات وسعره 15 ج تقريبا ..... الجيل بتاع اوريفليم مش بيعمل حاجة خالص بيرطب وبس وسعره لما بينزل فالعروض الجامدة بيكون حوالي 7 ج

معلش اختك غلبانة واول مرة تهتم بنفسها ومامتي مابتصدق ان ااجيب حاجة وتتطلع وحشة وتقولي مانا قولتلك كل ده كلام فاضي اهي فلوس وبتترمي وخلاص علشان كده انا حوشت بقي ولو التجربة نجحت هحصلهم منها بفواتييييير:D

هههههههههههههههههههههههه ربنا يخليهالك ويخليكي ليها
على فكرة اغلبية الامهات كده بس صدقيني بيفرق جدااا مع الاستمرار اهم حاجة تخلي بالك طويل وتستمري لانك مش هتلاقي النتايج من يوم وليلة خليكي مقتنعة انك بتعملي الصح ومادمتي بتختاري منتجات منسباكي يبقى اكيد هتفيدك ومش هتضرك F:F:

انتوا نسيتوا يابنات صنفره حراز اللي بلوز ديه حلوه جداااا وناعمه علي الوش وبتنظف

ثانكس يا انوش يا جمييييييييييييل انا سبتلك مسج عالخاص زي ما قلتي ياريت تردي عليا

انوش عامله ايه معلش انا مبدخلش اصلى تعبانه عشان الحمل وكده :)
بصى كنت بستخدم فاونديشن اوريفليم للبشره المركبه واخره خلاص وعايزه اغير بس عايزه حاجه بتدى لوك طبيعى
واولاد عليوه جنبى وعنده ستاند جولدن روز ايه رايك اجرب الموس فاونديشن وانا مايله للبياض اجرب الدرجات قبل مشترى؟؟
وهو سعره كام وتانى سؤال نفسى اعمل شعرى لون اصفر زى الرقاصات ههههههه طالعه فى دماغى اوى انضف ماركه ايه؟؟
قرفتك معلش

ساره افندي;14604740:
انتوا نسيتوا يابنات صنفره حراز اللي بلوز ديه حلوه جداااا وناعمه علي الوش وبتنظف

اه فعلا نسيتها وكمان دي جميلة :thumbs_up:

N O R Y;14604787:

ازيكو يا جمااااااااااااااااعه

وحشتوني اويييييييييييييي
يارب تكونو بخير جميعا
أنوش بالنسبه لغسول كلين أند كلير الاخضر كل مبغسل وشي بيه احسه انه مدهنن برضه هو العيب فيا كده ولا ايه وبقعد اشطف وشي كتير ولا الهوا ولا هو الغسول كده اصلا اصل بحس ان وشي ملزق:lol:
ومعلش حاجه كمان انا بقالي فتره كبيره مش بحط ميكب جبت فونديشن اوريفليم بيوتي والسبونج بتاعته مش عرفه طريقة التوزيع ياريت تفيدوني في الموضوع ده واحط كمان الكونسيلر الاول وبعد كده احط الفونديشن صح

اهلا ياقمر ويلكم باك :D
بالنسبة للغسول طيب ازاي ؟
انتي بتغسلي وشك بمايه سائعة اوي ؟
اصل مدام الغسول مش عامل نتيجة ممكن انتي بتغسلي وشك بمايه سائعة فا مش بينضف كويس .. بس الغسول دا المفروض انه قوي يعني حتى لو مش اكتيف معاكي يبقى عالاقل خالص ينضف
بالنسبة للفاونديشن الاول هتحطي الكونسيلر حوالين العين وبعدين هتاخدي من الفاونديشن شوية على ضهر ايدك و تقفلي الازازه اوك
بايدك اليمين الحلوة هتاخدي من اللي على ضهر ايدك الشمال نقطه وتحطي عالجبهه ونقطة عالمناخير ونقطه عالدقن وزيها عالخد اليمين والخد الشمال وتبدأي توزعيه بايدك باتجاه الخارج يعني الجبهه توزعي لفوق من الحواجب و طالعة لشعرك والخدود وزعيها لتحت بدايه من العين وانزلي لتحت وبردو المناخير والدقن وفوق الشفايف كله لتحت بعد ما تخلصي هتجيبي الاسفنجة وتمشيها براحة على كل وشك في اتجاه الخارج بردو هتلاقيها بتشيل اي زوايد للفاونديشن وبتخليه كله مايه واحده :thumbs_up:
لو في اثر حباية او بقعة واضح حطي عليها طبقة كونسيلر ووزعيها بطريقة التربيت او الطبطبة لحد ما يمتزج الكونسيلر مع بشرتك :adore::L:

nado44;14610071:
ثانكس يا انوش يا جمييييييييييييل انا سبتلك مسج عالخاص زي ما قلتي ياريت تردي عليا

عنيا يا قلبي معلش اتاخرت فالرد غصب عني هرد عليكي حاضر :adore::L:

honada;14611614:
انوش عامله ايه معلش انا مبدخلش اصلى تعبانه عشان الحمل وكده :)
بصى كنت بستخدم فاونديشن اوريفليم للبشره المركبه واخره خلاص وعايزه اغير بس عايزه حاجه بتدى لوك طبيعى
واولاد عليوه جنبى وعنده ستاند جولدن روز ايه رايك اجرب الموس فاونديشن وانا مايله للبياض اجرب الدرجات قبل مشترى؟؟
وهو سعره كام وتانى سؤال نفسى اعمل شعرى لون اصفر زى الرقاصات ههههههه طالعه فى دماغى اوى انضف ماركه ايه؟؟
قرفتك معلش

وحشاني يا نوووودي وربنا يقومك بسلامة يا حبيبة قلبي يااااااااااارب
بوصي الموس فاونديشن عامل زي البودر لما بتحطيه بيديكي تغطيه بودره مش فاونديشن خفيفة يعني وهو مش عايز بشرة فيها قشووور عشان هو هيبينها اكتر
الجولدن روز ب 85-90 بس في منتج زيه بالظبط من اماندا ب 35 ج انا شرياهم الاتنين وزي بعض وانتي اولى بفرق السعر اسألي عليه موس فاونديشن اماندا و اكيد لازم تجربي الدرجة على وشك مش ايدك واعتقد والله اعلم هيناسبك اما 1 او 2 او 5 ودي صورته


الصبغات بئه انا مليش فيها اي تجارب بس ماما جربت باليت وعجبتها واللي يفيدك اكتر هي ساره افندي :DF:F:

أنوش;14611937:





اهلا ياقمر ويلكم باك :D
بالنسبة للغسول طيب ازاي ؟
انتي بتغسلي وشك بمايه سائعة اوي ؟
اصل مدام الغسول مش عامل نتيجة ممكن انتي بتغسلي وشك بمايه سائعة فا مش بينضف كويس .. بس الغسول دا المفروض انه قوي يعني حتى لو مش اكتيف معاكي يبقى عالاقل خالص ينضف
بالنسبة للفاونديشن الاول هتحطي الكونسيلر حوالين العين وبعدين هتاخدي من الفاونديشن شوية على ضهر ايدك و تقفلي الازازه اوك
بايدك اليمين الحلوة هتاخدي من اللي على ضهر ايدك الشمال نقطه وتحطي عالجبهه ونقطة عالمناخير ونقطه عالدقن وزيها عالخد اليمين والخد الشمال وتبدأي توزعيه بايدك باتجاه الخارج يعني الجبهه توزعي لفوق من الحواجب و طالعة لشعرك والخدود وزعيها لتحت بدايه من العين وانزلي لتحت وبردو المناخير والدقن وفوق الشفايف كله لتحت بعد ما تخلصي هتجيبي الاسفنجة وتمشيها براحة على كل وشك في اتجاه الخارج بردو هتلاقيها بتشيل اي زوايد للفاونديشن وبتخليه كله مايه واحده :thumbs_up:
لو في اثر حباية او بقعة واضح حطي عليها طبقة كونسيلر ووزعيها بطريقة التربيت او الطبطبة لحد ما يمتزج الكونسيلر مع بشرتك :adore::L:

أنوش;14589470:
مش عارفة لما تيجي تقولي اذا تقصد فرشة واحده ولا كولكشن لان لو كولكشن اوكيشن حلو لكن فرشة واحده من elf ب 40 ج فا لا طبعا غالية

بالنسبة للفاونديشن

ليه تشتري هاي كوبي ب 40 جنية وانتي ممكن تشتري اوريجينال موس فاونديشن من اماندا ب 35 جنية
وبيدي نتيجة طبق الاصل جولدن روز اللي ب 90 :)

لو سمحتى لو انا بيضا
اجيب انهى درجة فية بيضا البياض المصرى

showme;14626630:
لو سمحتى لو انا بيضا
اجيب انهى درجة فية بيضا البياض المصرى

جربي 1 أو 2 ياحبيبتي هتلاقي طلبك فيهم ان شاءالله

بعد ما قررت اخيرررررررررا
انى هجيب كريم نيفيا وبودر ماكس فاكتور
رووووحت سمير وليم
سألت على نيفيا ايديال فينيش لقيت ب 92 بصراحة سعره حلللللللو اوى
بس ملقتش اللون ال انا عايزاه قالت هيجيى يوم الاربع قلت مش مهم استنى
فسئلت على البودر ملقتهاش
روحت مزايا ملقتهاش
روحت العزبى ملقتهاش

هنزل اسأل عليها اخر مرة فى فرع مزايا ال فى كارفور العبور النهاردة ويارب الاقيها
بس لو ملقتهاش حد يقولى بودر نيفيا اخبارها ايه؟
عشان بفكر اجيبهااااااااا بقى بالمرة الاسبوع الجاى مع الكريم

kanzy1;14638296:
بعد ما قررت اخيرررررررررا
انى هجيب كريم نيفيا وبودر ماكس فاكتور
رووووحت سمير وليم
سألت على نيفيا ايديال فينيش لقيت ب 92 بصراحة سعره حلللللللو اوى
بس ملقتش اللون ال انا عايزاه قالت هيجيى يوم الاربع قلت مش مهم استنى
فسئلت على البودر ملقتهاش
روحت مزايا ملقتهاش
روحت العزبى ملقتهاش

هنزل اسأل عليها اخر مرة فى فرع مزايا ال فى كارفور العبور النهاردة ويارب الاقيها
بس لو ملقتهاش حد يقولى بودر نيفيا اخبارها ايه؟
عشان بفكر اجيبهااااااااا بقى بالمرة الاسبوع الجاى مع الكريم

تجربتي مع نفيا في المنتاجات القديم الصراحه وكانت من ضمنها البودره وحسهااا خفيفه مش عارفه بقاااا الانتاج الجديد ايييييه

اسفه لما بتاخر عن الردود عليكم غصب عني والله وهحاول ارد فالتجمع الجديد هنا

http://forums.3roos.com/showthread.php?p=14640230

وكل شهر وانتم بخير