ساااااعدوني محتاجتكم

السلام عليكم ورحمة الله وبركاته :L: وبعد:L:

ليه يادنيا التعااااسه اخذتي مني اللي احبه
وافترق دربي ودربه ليه يااااااادنيااناااااا
من يسليني بيومي منهو اشكي له همومي
من سوااااتك فيني والله شيبت والعمر بدري..................الخ F:

بديت معاااناتي بها الابيات واتمنا من كل وحده تدخل تقراء للأخر وترد لو بدعوه ماهو لازم تكتبها تدعي لي بقلبها بلفرج لعل الله يتقبل من أخت تدعيها لي بقلب
أبدا بسرد معاناااتي وبختصرها لكم نشأت طفله محرومه:I: من اأمي بحكم الطلاق وما يحتاج الحرمان معرووووف نتايجه بس الحمد لله كنت مجتهده بدراستي وما يشغلني غيرها وفقدان امي المهم كبرت مع عوامل الزمن ومعانات زوجات الأب ودسايسهن بختصر كبرت وتزوجت بأبن عمي وماكنت اميل له بعكسه بس السنه الأولى خلافات مرت وتعلقت به كان الصدر الحنون اللي لي بها الدنيا لان حتا الأهل ما عندهم غير الماااده وبس ما كانو يفكروو بي وكنت لو اختلف معه ازعل ببيتي وما يعدي يوم الا نصطلح المهم كااااااااااااانت اياااام تقولو ليه كاااانت

انا اقول لكم ومثل كل يوم ودعني نور عيني راااايح لشغله مثل كل أسبوع بس كانت ظمته غييييير نظرااااته غير حظنه غييييير ورااااح وطلعت لشغلي وتفاجئت بأتصاااله تريدين شي وكأن صوته مخنوق فيه بكوه ودموع قلت لا ياعمري قطع الخط بينا وطبعا شغله مافيه شبكه مر يوم ورى يوم وجااا موعد رجوعه انتظرته الا بأخوي يدق الباب وقال بنطلع البر تمشين معنا قلت لأ الغاااالي بيرجع بعد ساعتين قال ما عليكي بيلحقنا اصر علي ورحت معه بدون نفس ومعي أولادي بس دخلت لبيت اخوي وما شفت احد زوجته مدري وينها قلت اكيد عندكم هوشه دخلني لغرفته وقفل الباب علي وانا اقول وش تريد فك البااااب وكأني بختنق قااااال بقولك ان ؟؟؟؟؟؟؟ ان وش فيه شي قال كلام ابعد من اني اتصوره زوجك عمل حاادث قلت اهم شي ما به شي لووو متكسر ابغاه رد علي اخذ يبكي ويقول زوجك مااااااااااااااااااااااااااااااااات ويا كبرها من مفاجئه اخذت ارجف واصرخ وما ادري وش صاار بعدها قمت بعدها بيوم وقلت لاااازو اودع اعيونه لازم اشمه واضمه لو ما وديتني له بموت ياخوي اخذوني له بمنطقة اهله وش اقولكم شفت ملااااااااااك بفراشه مات وهو مصلي الجمعه وبدون سبب بكيت حظنته شميته لمسته شفت كيف غاااابت اعيونه عن الوجود وكيف صار جسد بلا روووووح وودعته الله يرحمه ويصبرني

المشكله بداأت بعد موته قعدت ببيتي وبجنبي اخوي بنفس الحاااره واللي متزوجهاا اخت زوجي ومرت اخوي الثاني اخته بعد وكلنا بنفس المنطقه اكيد تقولون وش الغريب الغريب ان اهله ما يسألون عن اعياااله واذا جو لعندنا جوو لبناتهم وامرهم ساعه وعليها ويقعدون يومين بأشغالهم ومع بناتهم ويحز بنفسي ها الشي وانا لو برتاح عند ابوي كان رحت عنده المهم مشكلتي مع خوااات زوجي مع اني طيبه معهم فوق الخياااال وصادقه معهم ما يواصلوني ودايم مع بعض حتا لو جتهم اخت زوجي الثالثه او الكبيره ما تجيني بس سهرات مع بعض وانا بغربه لحالي حاولت اعاتب مانفع بلعكس تقلبه مرت اخوي زعل ولا تقولن طنشي صعبه حنا اهل وبغربه وللأسف حتا زميلات العمل لاهيات مع اهلهن ديره خااايصه وطبوعهم غريبه المهم اخواني ما فيهم طب ماكني اخت لهم لا سؤال ولا كلام وان جانا الكبير اخذ عيالي لبيته يلعبون عند اعياله وانا مالي أي اعتبار بس ودي بحل جذري او نصيحه او دعوه محتاجه لها لاني احس اني بدنيا لحاااالي وتعبت من الوحده وخصوصا" بلأجازات مع اني اروح عند اهلي بس ما ارتاح عشان عيالي وافضل بيتي انتظر ردودكم