•• 4 تجمع أمهات نوفمبر 2010 لشهر ربيع الاول••

زهورة

ولا تخلين في خاطرش :lol: .. لبسيها البوت والبدلة ووديها الستوديو صوريها ..

خاطري اسوي حركة اني آخذ ثياب واجد الى ولدي واوديه الستوديو وكل شوي البسه لبسة واصوره .. لكن هو يعفس الدنيا وقت تلبيس الثياب واني ما ليي زاغر صياح وعوار راس خخخ .. فشلت الفكرة من بالي ..

يبغي ليي اقوم اصفي كبت ولدي

واشيل الثياب الصغار عليه

واغراض البيبيات الصغااار ..

وش بتسوون في ثياب الصغار على اولادكم ؟ خاصة الجدد او اللي ملبوسين على مرة لو مرتين بس ..

جحة حمرة;14578895:
احم احم خخخ

شحوالكم الم وزهورة وحبك حيااااتي ..

الم الزمااان .. الحمدلله على سلامة البنوووتة .. وشفتين ان كنتين مكبرتنها وشايلة هم وهي صغيرة وبسيطة .. الحمدلله

وسلمي على حمووود وقولي ليه بنات التجمع واولادهم يسلمون عليك ويردون سلامك :D .. بس مو توه صغير على الاكل ؟ اني خاطري أأكل ولدي بس احسه صغير :worn_out:

****

زهووورة .. ان شاء الله تروحين وي بنتش مسيرة النصر .. يوم اللي ننتصر ان شاء الله .. واهم شي انش شاركتين حتى لو مو في كل المسيرات ..

****

حبك حياتي .. الله ييسر الى مرت حميش وتولد بالسلامة .. وشخبار برهوووم اليوم خف عليه الم الاذون لو لا ؟

****

بالنسبة لتطورات ولدي :D ... يناغي ويصارخ .. واي شي يشوفه في طريقه يهبش فيه .. ما يمد ايده ويجود الشي لكن اذا صدفة يده خبطت في شي يتمسك فيه .. وشكلي بقرع بسبته لأن ما ادور الا شعري كله في ايده .. ويجود ثيابي واياديي ويحاول يجود المرضعة بعد لا تشرد عنه خخخ .. والريري حدث ولا حرج .. هالايام متعلم يقول ببببببببببببببب :lol: .. واذا شاف احد غريب يقعد يبحلق فيه ويخوزر عليه :worn_out: .. للحين ما ينقلب لكن اذا مبطوح على ظهره احسه يبغي يرفع روحه ويبغي يلف على جنب بس ما يعرف خخ

للحين يتالم مسكيين

ولدي للحين مايعرف للشعر
بس الريري سااعات يراري

ويحب يحرك رجاايله لين مبطل ويرفس

جحة حمرة;14579058:
يبغي ليي اقوم اصفي كبت ولدي

واشيل الثياب الصغار عليه

واغراض البيبيات الصغااار ..

وش بتسوون في ثياب الصغار على اولادكم ؟ خاصة الجدد او اللي ملبوسين على مرة لو مرتين بس ..

اني بعد كل مرة اسوي ليه تصفية خخخخ

واحس نص ثياابه صارو صغاار او قديميين

يبي ليي اروح اخذ له جدد

والثياب الصغار انقهر لين اشوفهم جدد ومالبسهم

قلت بخشهم للمستقبل خخخخخخ

وبشووف اي احد من اهلنا جابو ليه صبي بعطيه اياه

شكلي بسوي مثل ما قلتين و بوديها اصورها ابة عن خاطري
تدرين للحين ما وديتها اصورها في الستيديو و ما ادري ليش ما يجي في بالي كلششش
و التصفيات اني سويت مرة وحدة بس لثياب نيو بورن و الحين شكلي بسوي للشتويين
و حدي مو مفكرة اوزع ثياب بنتي بخليهم ليها لين كبرت تليسهم العابها ههه بس لحد الحين مخلية شنطة سفر و كل ما اكنسل ثياب اخليهم فيها

حبك حياتي

للحين تلفين ولدش ؟ .. خلاص كبروا العيال خليه مبطل على طول عشان يتعرف على ايده اكثر ويتفاعل وي المحيط الخارجي :lol: .. اني الحين بس وقت النوم بالليل الفه ومو كل يوم بعد .. واصلا ما الحق الفه الا وهو مطلع الرجايل والايادي خخ ..

وبالنسبة للثياب .. صدق اكثر شي استغليناهم ثياب البيت .. خاصة الافرولات .. وثياب الطلعة بعضهم ما انلبسوا حتى .. لكن عجيب اذا اشوف الثياب اللي كانوا كبار عليه الحين صاروا صغار استانس :lol: .. اطالعهم واقول ولدي كان هالقد صغنون وما شاء الله كبر وصار رجاال .. اني عندي اهم شي اول لبسة لبستها اياه بحتفظ بها للذكرى :cool:


****

زهوورة

على طاري توزيع الثياب .. اني مو في كل وقت احب هالحركة .. سواء اغراضي لو اغراض ولدي .. خاصة عاد لو كان شي عزيز وغالي عليي او حاجة مخذتنها غالية ومتحملة بها بعدين اعطيها احد واشوفهم هاملينها انقهرر .. عندي انها تخيس عندي ولا ان اعطيها احد ما يقدر قيمتها :hysterical:

سلام وحشتوني كلكم
جحة الحمد لله على السلامة
حبك ما يشوف شر برهوم وحمد لله على سلامة مرت حميش
ألم الحمد لله على سلامة البنوتة
زهورة وحشتيني وشخبار بدورة
عنوب شخبارش وشخبار تامي
أم شهد شخبار الجهال
ورود ظلي علينا شوي طمنينا عليش
تنهدات شخبار حمود
بقوي إليش فجه
صفوي إن شاء الله تشاركينا فرحة النصر
سامحوني إذا نسيت أحد
عن أخباري لاعت جبدي من الشغل واكوا يا الميدان يا الشغل واحين صايدتني بلاعيمي وزكام وحمود أخر تطوراته يحاول يقلب روحه ويحاول يهبش في الأشياء وثيابه كله في بوزه ويراري واجد
وعلى سالفة لثياب واجد ثياب عنده مو ملبوسين قلت بعطيهم أختي بتولد شهر خمسة وبتجيب إلينا صبي صعنون ادعوا إليها الله يقومها بالسلامة فقلت بعطيهم إياه لأن أدري أن بتحافظ عليهم فقلت بعطيهم إياه ويبغي إلي أخد ثياب لحمود لأن كله صغروا عليه لكن وين الواحد يشتري في هالأوضاع
المهم تحملوا بروكم

اني باااااك :lol:

حبك حياتي .. تستاهلين السلامة .. تتربى في عزهم ان شاء الله .. وما يندرى يمكن تصيرين عمتها خخخ :D ..

نور الامل .. الله يسهل على اختش ويقومها بالسلامة .. والله يساعدش على الشغل .. احس هالايام عشتون الايام التي لم تعيشوها من قبل من زود الشغل .. الله يعدي هالازمة على خير ..

على طاااري الثياب .. متعايرة اقوم اصور آخر دفعة ثياب اخذتهم الى ولدي .. اغلبهم ثياب بيت وثياب نووم .. بصورهم ان شاء الله بكرة وبنزل الصور >> يزعم عشان ننشط التجمع شوي كل وحدة تحط لينا صور ..

صباح الخير

نور حبيبتي.. انه وتامي بخير والله يعطيش العافية على هالشغل

جحة على طاري التصوير اني كل شي اخذه اصوره يا زعم عشان انزله في المشتريات

وبعدييين اتعيجزز انزل الصور في المنتدى ليما امسحهم

بحاول اتشييطر

زهوة حبيبتي صوري بدوور بالبووت :) كشووخي

تسجيل حضور عشان التجمع ما يصير تجمعنا مجهور

السلام عليكم

شخباركم ؟ اني جيييييييييييييييت :lol:

هلا عنوب ونور الامل .. صباح الانوار .. زين تسوون تجون تسجلون حضور :adore:

عنوب .. عجل تشيطري وحطي لنا الصور نبغي نشوووف .. اني من شوي قمت بصور وبس صورت صورة وحدة وخلص الجارج .. ومتعيجزة احطها على الجارج .. بحطها عقب شوي وبصور لكم :adore:

نور الامل .. شخبارش وشخبار حمود ؟ الحين قررتين خلاص تودينه حضانة لو غيرتين رايش .. واذا تودينه الى امش ما يغربلش في السيارة ؟ :hysterical: >> تصدقين للحين ما مرة طلعت وي ولدي بروحي .. سيارتي في بيت ابويي وللحين ما جبتها .. زوجي يوصلني بيت ابويي احط ولدي هناك واطلع على كيفي :D

سلااااام

شخبااااركم

جحة الحمدلله ع السلامة وتقبل الله .. والحمدلله ولدش ما غربلش واجد :adore:

زهورة اني بعد نفسش ، مشترية ثياب شكثر شتويين .. ومرة وحدة حل علينا الحرر .. :badly: .. لكن اني بعدي حتى البانكة ما اشغلها ،، اخاف على بتي .. لأن ما ينعرف ليها .. هي معرقة وهي في نفس الوقت تعاطس :study:

ابي اخرقها هاليومين ،، بس للحين ما قررت وين ... وحازبة شوي اكيد بتفزع ليي المكان على عمري :hysterical:
زوجي ضحكني يقول ليي في الخراق بعد يصخنون نفس التطعيم ؟ ههههههه :worn_out:

جحة حمرة كله بسألش ،، شلون قدرتين تاخذين اجازة من الشغل هالقد ؟ :lol: يعني من قبل كلش ما كنتين تاخذين اجازاتش وتجمعو لش ؟ ... وانتين وين مفكرة تودين ولدش اذا داومتين .. بيت ابوش ؟؟

اني اقول لامي لو احصل شغل الحين ، عادي اجيب لش فطوم تجودينها ! قال ايي اذا دوام حكومة .. بس اذا دوامين ما فيي شدة :lol:

هلا احبك والقمر يشهد :lol:

الخراق مو مشكلة كبيرة .. اهون من الختان خخخخ ..

وبالنسبة للاجازات .. في 2009 طلعت اجازة شهرين >> يزعم اجازة العرس .. وعقبها ظليت سنة واربع شهور بدون اجازات كلش ملش اللهم كم يوم على الطاير .. عشان جدي تجمعت ليي ايام واجد .. اقدر امدد اجازتي بعد لكن مخلية باقي الايام لوقت العازة :D

وولدي بوديه بيت ابويي .. عشان جدي حزبانة للطريق حد حدي .. خاصة ان مشواري من بيتنا للشغل 25 كيلو .. يعني تقريبا ثلث ساعة هذا اذا الطريق سالك وبدون اي زحمة .. لكن الحين بضطر اني انزل عند دوار مدينة حمد وهو الصبح زحمةةةةةةة .. يبغي ليي اطلع من البيت من خمس ونص :worn_out:

ضيفوني عاد في الفيس بوك .. :worn_out:

صايرة اعور الافاد .. حسابي الاولي كنسلته اللي فيه كلهم ثقال دم وكلهم حاطين صور الملك وربعه موالين يزعم .. هذا غير ان انباق الايميل ..

فألحين ما عندي اصدقاء :study: [EMAIL="[email protected]"][email protected][/EMAIL]

جحه ضفتش اسمش بحرف العين؟؟

هلا خيو جحة أني ولدي يكون عنده أبوه الصبح
بس يوم الخميس أوديه عند أمي لأن خواتي يخلصون من المدرسة ويجبون ولادهم ويتجمعون فأودي ولدي من الصبح الساعة تسع ونص لأني دوامي يبدي هالحزة وساعات مثلاُ أبوه يوديه بيت أمي وساعات مثلاُ في باقي الأيام أمر بيت أمي العصر فأكون وياه بروحي عاد قبل لأ أطلع وش أسوي أبدل حفاضته وأشربه مرضعه يعني يكون شبعان وأخليه في الكرسي ساعات يكون نايم لان شبعان ومبدله الحفاضة ساعات لا يكون مصحصح بس ما يأديني لأن شارب المرضعة
طبعا إذا بتودينه بيت أمش خيو برزي شنطته من الليل يعني حطي إليه الحفاظات ولثياب والحليب والأفضل خيو أن تخلين إليه جيس حفاظات وقوطي حليب في بيت أمش علشان ما تتغربلين يا موديه ويا جايبه المراضع خليهم من الصبح أول ما تقعدين في الشنطة وطبععا حتى الماي برزيه إليه من اليل خصوصاً إذا كانت دلتش مالت الماي ما تبرد وتحفظ الحرارة 24 ساعة وقبل لا تطلعين أعطيه حليب علشان ما يصرخ اليش في السيارة في بداية الأيام بتحسين روحش مغفوصة بس بعيدن بتتعودين
سألتين خيو عن شعوري أول أسبوع دوام طبعا أول يوم داومت فيه باقي شوي وأصيح وكنت كل ساعة أتصل أسال عنه وكنت أبغي أرجع بسرعة علشان أشوفه بس بعدين تتعودين بس دائما إذا أنتين في الشغل تذكرين وتقولين حبيبي ولدي وخصوصاً إذا طالعتين صورته في الديسك توب مال الكمبيوتر<<<< أني جذي خخخ بس صدقيني بتتعودين لأن هذي الحياة وكل أم تروح الشغل يكون شعورها جذي وخيو أني يوم أرجع الشغل كان عمر ولدي شهر ونص بالضبط لأن ما أخذت إجازة

خيو على سالفة الفيس بوك جحة الله يسلمش عندي بس ما أعرف إليه خخخخخخخخ كلش مو مالت تقنيات أنيي إذا عرفت بحاوس وبضيفيش خبرش مسوتنه جديد عاد إذا اتذكرت الباسورد<<<<< راحت علي

اني باااااااااااااك

صفاء .. اييي هذي اني :lol: .. وقبلتش في الفيس بوووك .. شكرااا ..

نور الامل .. يعني على هالحالة يبغي ليي اقعد من الساعة اربع الصبح :worn_out: .. على ما اجهز روحي وابدل حفاظته واشربه مرضعته ويمكن يزوع عليي بعد وارد ابدل خخخ وهذي سالفتي .. الله يعدي اول الايام على خير .. حزبانة حدي .. اكيد بروح الصبح متأخرة .. مع ان شغلتي المفروض اروح من وقت ومسئولة عن حضور وانصراف الموظفين .. ومن الحين اني اخلي له حفاظات وحليب وثياب في بيت ابويي .. لأن تعبت من كثر ما اودي واجيب في هالشنطة خخ .. شكلي حتى المراضع بشتري كم وحدة الى بيت ابويي احسن من اشيل واحط ..

**