التجمع السابع لحوامل شهر فبراير

فتون

مشكورة يا قلبي وفي انتظار اسماء الاعشاب عشان اخلي زوجي يشتريهم لي

طوق الزهور - أم الشيخة حواري - زمردة - Om Bilar

الله يسلمكم حبايبي

أم الشيخة حواري

لازم على الأقل تنتقعي في ماي وملح عشان تتعقم المنطقة وتطيح الخيوط

ومطهر ببتادين ومرهم ميبو زي ما قالت فتون مرة زين للجرح


هنوف

جربي منقوع الزعفران ترى من جد مفعوله عجيب

هنوف المملكه;14463550:

ثانكس ام الاقمار

بس يعني آخذ زعفران واغليه في ماي ورد

وانطره لين يبرد واشربه

بس؟؟؟؟

أي بس وتقدري تحليه بعسل أو سكر على راحتش

انا نقعت الزعفران في ماي عادي حتى ما غليته :p

تسلملي ام الاقمار الله يسعدك ويخليلك الحلوين
بجرب الزعفران ويارب تتيسر
شكرا حبيبتي عالافادة

فتون11;14458627:
يووووووووووه تعالي خخخخخخ عروسه قلتين بتولدين تاريخ 11

واكو صار صدق هعععع

اني بعدك بولد 12 خخخخ

سقاني احجزي اليوم الا بعدي خخ

لا لا مابي

ابي تاريخ 14

عشان يصير العيد عيدين خخخخخخ

هنوف المملكه;14460210:

كتبت رد وش طووووووووله

وفي الأخير >>>> بح

المهم باختصار

رحت للدكتورة شريفة
وسألتها عن التوسعه
قالت .. آنه بآجوف الرحم شكثر فاتح ... وبآسويلج توسعه

جيكتني .. وقالت الرحم عندج ممتاز ومتهيئ
ومفتوح 2 سم

وآن بآسويلج توسعه يمكن يوصل 3-4 سم

بصراحة يعور
بس حاولت قد ما اقدر اني ارخي روحي

قالت لي بينزل عليج دم
حاولي تشربين خروع اذا تقدرين
وكثري المشي الليلة
واذا في مجال (( :oاحم احم )) >> بس للاسف ما كان في مجال

وانشالله منيه للصبح تكونين والده :thumbs_up:

طلعت من عندها ورحنا جيان نتسوق ونتمشى
تمينا يمكن ساعتين

بعدين ردينا البيت شوي
وطلعنا مرة ثانية الممشى
ومشيت نص ساعة عن خاطري

ورجعنا البيت

رحت الحمام الله يعزكم
الا والدم نازل علي :)
كنت بآطير من الوناسة بس يوّدت روحي

كليت تمر وشربت حليب
وقلت اكتب لكم تقريري عالسريع
>>
كان تقرير اطول واحلى وفيه تفاصيل حلوة واكشنات
بس للأسف شيّر الجهاز وطاااار التقرير
وهذا كتبته عالسريع .. والالم ذااااابحني
>>>>>
بآروح آخذ شور عالسريع وأحاول اريح شوي
مع اني ما اظن بأرتاح على هالالم :cool:
لأن اذا طلعت الدكتورة صادقة معناته وراي مشوار باجر

الله يستر ويعين
شكلي آنه وعروس بنولد مع بعض من كثر الحنه والزنه :p

ادعولي يا بنات
وانشالله ما راح انساكم بالدعوات الحلوة ...

اذا ما شفتوني باجر لين الليل عرفو انه تسهلت اموري

يالله
تصبحون على خير
:)

أحبكم كلكم والله

:adore::adore::adore:

ان شاء الله هنوف تقومين بالسلامه

يالله احنا بنتظار احلى خبر

الله يسهل عليج

هنوف المملكه;14463452:

مساء الورد كروووشات

ما زلنا صامدون :)

تقريري باختصار

كان الالم عندي طول الليل
ريلي كل شوي يقول لي اوديج المستشفى وأنه اقول له لا اصبر شوي تو الناس

وبعدين احنا كنا متوهقين في ولدي وين نخليه ؟؟؟
لين صارت الساعه 2 الفجر

انا اقول له بوديه بيت ابوي (المحرق)
وهو يقول لي لي بآوديه عند امي تحت >>> بس انه ما كنت راضية لانه الليله عمدهم عرس حماتي واكيد مشغولين

المهم منيه مناك
قال بيحطه عند اخوه تحت

انه قلت على ما يوديه بآريح شوي >> كانت الساعه 2
وما فتحتا عيوني الا الساعه 5

خف الالم شوي
قمت ادور في الشقة لين الساعة 7 الا

وريلي كل شوي >> يالله .. قومي .. امشي

وصلنا العسكري 7
دخلت قسم الولادة وعطيتهم اوراقي وعطتني جيس
قالت فصخي الدفة والاندروير واي شي خاص فيج حطيه في الجيس

انسدحت عالسرير وحطولي التخطيط >> فحصتني من تحت
سألتها جم >>> الا تقول 1.5 - 2

يعني ما زاد من امس حسب كلام الدكتورة:(

وقالت الطلق عندج كل 10 دقايق بس خل ننطر الدكتورة ونجوف شتقول
نطرت الدكتورة لين يات

قالت لي نفس الكلام .. وسألتني اذا بيتنا جريب من المستتشفى .. واذا في احد يجيبني بسرعه في حال زاد الالم
قلت لها بيتنا جريب والمواصلات موجودة
وعقب سألتني اذا ابغي اتم عندهم والا ارجع البيت

قلت لها .. لا .. اكيد ابغي ارجع البيت

الا تقول ... ايه احسن بعد ...لانه اذا تميتي يمكن تتعب نفسيتج من الاشياء اللي بتسمعينها اهني :)
>>> خبركم غرف الولادة كلها يم بعض

وبس .. رجعت البيت عالساعة9 تقريبا
تريقت وقلت اريح شوي

ونفس الشي >>> لما قعدت من النوم اختفى الالم
بس الدم مازال ينزل علي

وشكله يخوف >> قطع حمرا :(

مادري شآسوي
قالت لي الدكتورة اذا صار الالم كل 5 دقايق .. او اذا نزل عليج الماي تعالي دايركت

الالم خف ... والماي ما نزل ... والدم موجود

شآسوي ؟؟؟ :(

على فكرة لما كان التخطيط علي والطلق يجي ويروح .. دعيت لكم كللللللللكم
نفر نفر .. وبالاسم

جفتو اني احبكم :)

دعواتكم لي

++++

شسالفة منقوع الزعفران بعد ؟؟

علموني عليه عشان اجربه يمكن يفيد :)

واعليه عليج هنوفه تعبتي الله يقومج بالسلامه حبيبتي

هنوف المملكه;14464017:

الحمدلله وصل ماي الورد

غليته وحطيت عليه زعفران

بآنطر ربع ساعه وبآشربه

وانشالله خير :)

اي ترى الزعفران زين مرت اخوي مافاد معاها الا الزعفران

امي سوت لها حليب بالزعفران وشربته كانت يومين تروح الميتشفى يفتح بس واحد سانتي

بس عقب ماشربته وراحت المستشفى الا فاتح 6

نص ساعه الا هي والده

يالله هنوفه الفال لج ان شاء الله

الا بنات مافي اخبار عن عروسه

وش صار معاها ؟

ســلام عليكم شخباركم !!
للحين ماولدتون :p ,,
اني توه مرخصيني العصر من المستشفى ,,
برضع حسون قاعد يصيح وبجي بكتب اليكم الفلم الي صار ويايي :D !!

الله يسهل عليكم الولاده يارب
وتشوفوا عيالكم بصحه وعافيه

يالله فرقوده بنتظارج

والحمدلله على السلامه مره ثانيه

جيت الحين :D ,, ههههه كلكم متحمسين تبون تعرفون وش صار ويايي وشلون ولدت واني اخر السته ,,
:lol: اني اصلا مو مصدقه اني ولدت للحين ,, ههههه

اول شي العصر قمت اشرب عصير اناناس ,, ما كنت حاطه في بالي انه بيسوي ليي شي الان قريت ان مايسوي شي الا الطبيعي والمفروض ناكل 7 حبات ما ادري شنو يقصدون ب7 حبات \\ 7 اناناس مثلا ههههههه ,,

المهم ,, الوضع كان كلش عادي ,, جت المغرب واتصلت في زوجي قلت له خلني اروح اليلة امشي ,, جايني حماس للمشي وخاطري امشي ,, الا يقول لي لاا ما بنمشي الان برد كل مكان مايسوى نروح مجمع عشان تمشين وجدي ,, قلت اوكي خلاص مرة ثانيه ,,

رجعت الشقه على الاساعه 9 وشوي وصار جماع بيني وبين زوجي :o ,,
كل مرة اذا يصير جماع احس بألام تروح وتجي بس من تجي الصبح يروح الالم وساعات يضل ويايي الى يوم ثاني بي خفيف ويرد يروح عادي ,,

المهم ,, بعد ماخلصنا رحت سبحت وبدى الالم ويايي واني مو حاسبه انه الم طلق ولا شي ,, وكل مايجيني اتعصر وارد انام ,, بعدين كل ما له يزيد وما اقدر اتحمل ,, حتى ماقدرنا ننام لا اني ولا زوجي .. خلاص حسيت روحي بموت من الالم ,, وهو كل شوي يروح ويرجع ,, واني متصبرة اقول ماعليه بيرد يروح ,,

لمى صارت الساعه 2 وشوي او يمكن دشينا 3 بعد الصبح ,, وزوجي قال لي لا خلاص قومي اوديش المستشفى قلت له لاا عادي الالم بيروح ,, واني مو قادرة اتحمل ,,
لمى اذن الصبح ,, نطرت الالم خف عليي ودشيت اتمسح واصلي ,, توني واقفه اصلي ويرد يرجع الالم واني خلاااص بمووت ,,
وصليت بالقوة ,, وخلصت وجى الالم قووووووووووووي قووووووووووووي دبحننننني ,,
قال زوجي ما اخليش خلااص قومي المستشفى ,, قلت له اتصل في امي اول ,, لبست عبايتي واتصل في امي وقال اليها بنروح المستشفى ,, ومرينا عليها ورحنا على طول السلمانية ,,

واني طول السياره اصيح بمووت من الالم :hysterical: ,, وهو يروح ويرجع واني مو قادره حتى اقعد على الكرسي من الالم,,
وصلنا السلمانية وسيده دخلت قسم طوارئ الحوامل ,, ودخلوني الحجرة ولبسوني الاختراع مالهم المفتوح من ورى :worn_out: ,,

وانسدحت واني ماني قادره الالم يروح ويرجع وكل مايجي الالم تقول لي الي هناك اخذي نفس ,, وصدق اذا اخذ نفس يخف عليي الالم \\ لكن من الالم ساعات الوحده ما تقدر تسوي شي !!

وعلى طول جيكت جم سانتي مفتوح ,, الا اتقول لي 3 سناتي ,, ايدها كانت حدها خفيفه ,,
بعدين حطو عليي التخطيط عشان يشوفون الطلق ,, واني مو قادره الالم يروح ويرجع يروح ويرجع ,,

ولا ادري عن لا ساعه ولا عن ولا شي ,, ابي اعرف الاساعه جم ,, واني بروحي ,, ماخلو لا امي ولا زوجي يدشون ويايي ولا شي ,,

بعدين جابو ليي سرير غير وحطوني عليه ,, و دوني فوق \\ غرفة العمليات ,,
طلعت وامي وشفت امي اقول لها وين بيودوني واني اصيح :'( ,, اقول لي بيودوني حق الولادى خلاص واني مو مستوعبه الوضع :hysterical: ,,
ماحطيت في بالي اني بولد ,, قلت الم عادي وبيعطوني شي وبرجع البيت !!

واني رايحة الولاده مستانسه ونفس الوقت خااايفه .. واني مواصله ويا الالم الي ذبحني :badly: ,,

حطوني على سرير الولادة وركبو عليي تخطيط بعد ما ادري شنو ومهلت شوي واني مو قادره من الالم ,, وصلت الي بتولدني وجيكت جم مفتوح ,, اني في عز الالم واسالها جم وصلت :worn_out: اتقول لي 7 سانتي :| ,,

وقامت تبرز في اغراض الولادة واني بمووووووت واصارخ من قمة راسي :worn_out: ,,
اقول اليها بمووت خلاااص نفسي انقطع احس قلبي بيوقف ,, واحس ان بيطلع الراس واني مو قادرة ادفع ولا قادره اسوي ولا شي ,,

بعدين عطتني الاكسجين واني مو قادره استخدمة من الالم ,, بعدين قالت لي من تحين بالالد ادفعي ,, واني احاول ادفع وخلااااص بمووت مو قادره اقول اليها ما اقدررر سوي اي شي عطيني اي شي طلعيه ,,
واهي اتقول ماعليه انتضري انتضري ,, بعدين حسيت ان اغمى عليي من الاكسجين او انه خلاني اهلوس يمكن :worn_out: ما ادري ,, بس حسيت اني مو في وعيي ,, وبعدين ما شفت الا دكتورة اتقول لي يا الله ادفعي مثل اذا بتسوين خروج بأقوى ماعندش ,, واني مو قادره ,, اقول اليها ما اقدر ,, اتقول لي لا تصارخين وبتقدرين :lol: ,,

بعدين حاولت اني ما اصارخ واهي واقفه صوبي والي تولدني نتنضر يطلع الراس ,, واهي اتقول لي يا الله ادفعي الحين بسرعه ودفعت بقوة وخلاص حسيت اني بموووت ورد مره ثااانيه دفعت بقووووة والدكتورة اتقول لي ممتاز بعد اخذي نفس وادفعي بس اخر شي وخلاص بتفتكين ,, واني افكر اقول ابي اولد خلاص ما بصارخ وبدفع بقوتي ,, واخذت نفس ودفعت بكل قوووتي ويصرخه بعد هههه لازم الصراخ ,, وطلع نور عيوني :o وحطوة على صدري وقام يصيح ههه استانست عليه وبعدين شالوة من عليي,,
الساعه 8 و7 دقايق الصبح طلع

لكن من طلع حسيت كل الالم راااح وارتحت عدل ,, وشوي اتقول لي خلاص ولدتين ,, بس انتضري بطلع المشمية \\ وطلعتها واني ولا حسيت بشي ,,
بس اطالع في حسون وهو يصيح ,, صغنووووون عمري :o

بعدين دخلت يدلها :hysterical: اتقول لي بطلع الدم الي داخل ,, وطلعت دم واجد ,,
بعدين رفعت رجايلي اتقول لي الحين بخيطش ,,
:-o تخيطيني ,, متى انشقيت ماحسيت بشي ,, بعدين رشت ليي بنج وضربتني ابر وحطت لي بعد جل الضاهر كلهم بنج ,, وقامت تخيط واني ماحسيت شي ,, بس احس بحركة الخيط :hysterical: ,, وضلت تقريبا نص ساعه او اكثر واهي تخيط ,, واني كلحين اسالها ما خلصتين اتقول لا بعدي اخيط داخل باقي برى :confused: برى وينة بعد ,, وقامت تخيط تخيط ,, وسالتتها واجد صار الخياط اتقول لا عادي مو واجد ,, بس اني حسيت انها سوت واااااجد ,,

بعدين نضفتني وعقمت مكان الجرح ونضفت المكان ونزلت رجايلي ,, وقامت تفحص فيني ,, وارتفع عليي الضغط حزة الولادة ولا رضى ينزل الا بالابر ,,

وخلوني في غرفة الولادة وكلحين يجون يفحصوني ,, واني ولا ادري حق شنو ,, كل شوي يفحضون الضغط وياخذون دم ويضربوني ابر ومدري شنو ,,
واخذو حسوني ينضفونة وبعدين جابوة ليي ,, وقالت لي حاولي ترضعينه ,, بس مارضى يفتح بوزة ,, وراحت رضعته وجابته ,, اتقول لي ولدش واجد صغنووون وعطيناه حليب عشان ما يصيدة هبوط في السكر لو اي شي لا سمح الله ,,
قالت لي حاولي تنامين الحين ترتاحين ,, حاولت ماقدرت ,, كل شوي اقعد ما ادري اليش ,, وهم كل شوي يجون يجيكون الضغط ولا رضى ينزل ,, قالت لي بعطيش ابر عشان ينزل الضغط وعشان تنامين ,, وعطتني وتخدرت ونمت لي شوي وقعدت ,,

من قبل لا اولد وزوجي راح حجز غرفة ,, ولدت وخلصت وفحصوني وتطمنو عليي وعلى حسون .. و الى اذا المغرب بعدين فضت غرفة و دوني هناك ,,

وتوته توته خلصت الحتوته خخخخ :D ,, !!
:worn_out: يمكن نسيت اقول شي ما عليه ,, صار لي ولا ساعه كلحين اكتب شوي واقوم اشوف حسون شوي ,, ما ادري شفيه ما سكت ولا يبي يشرب شي :hysterical:

الحمدلله سهالات من رب العالمين


يالله الفال لنا ان شاء الله