التجمع السابع لحوامل شهر فبراير

فتون11;14429458:
بتجيني جلطه واني ارتب الكبت ...
مقاسي من قبل سمول ومديم ..اما الحين لارج واكس لارج
فرق شااسع ..

عندي قبل اقمصه مقاس 12 وكانوا واسعين و حاليا البس 18 او 16 يووووووووووه بموووت .. ارتفع ضغطي ... ما اقدر استحمل ..خخخ
بطلت اكل كيفه الصغير الا ببطني ..:'(

اليوم بولد من الصدمه العاطفيه:I:

فيض الحب;14429684:
اسفة ع اللقافة
بس حبيت اسلم عليكم انا جارتكم بتجمع ابريل <<حلفت لا قهوة و لا شاهي
الله ييسر لكم الولادة و يجعلها سهل من شرب الموية
بس هي سهله صابونة و تتزحلق <<احلفي
الا ما احد و لد منكم بعد؟ انا انتظر التجمعات اللي قبلنا تتقفل حتى يوصلنا الدور و نفتك
دعواتكم

حلوة الخليج;14429942:
يبي لنا عقب ماانولد نفتح تجمع ريجيم الكرووشات بعد الولادة ههههههههههههههههههههه

فتون11;14430364:
حلوه / فرقد ..
ههههههههههههههههههههههههه
احنا نهدر والكروشات يبغون يكملون الصفحات عشان يردون و مو قادرين

الفرقد 23;14430382:
هههههههههههههههههه خلينا نجننهم كل ما يبون يخلصون تزيد الصفحات ههههههههههههههههه

سقاني من قربه الالم;14430405:
خل اسولف عيل قبل لا تزيد علي الصفحات لووول


شخباركم

حلو الخلييج .. لااا من اقول اه قال قعدي نامي لاتعبين روحش ،،نروح المستشفى،، لاتمشيين من قاص عليش ههههههه.. هو يبيني اولد بس خايف هههه

جمال الزهره;14433642:
هلااااااا يا طويلات العمــر
شخباركم وشخبار كروشاتكم إليي بتنبط :lol: << افتكيت من كرشتي ولله الحمد

قصتـــي وما فيهــــا ,,,
كان عندي موعد في السلمانيـة يوم الاثنين 31 / 1 , وطبعاً من الاسبوع اللي قبله عاطيني عشان اروح لتخطيط في مستشفى جدحفص , ورحت مره يوم الخميس وكان التخطيط تمام
ومره ثانيــه رحت ليلة الإثنين عشان قبل الموعد بيوم ,,
كان أبوي توه جاي من العـــراق ليلة الأحد وهدوي كان شوي مسخن , فليلة الاثنين المغرب خليت هدوي عند ابوي ورحت المستشفى عشان التخطيط , واتصلت لأختي وقالت لي انها جايه في الطريق هي وزوجهــا عشان يسلمون على ابوي , قلت لها تتحمل بهدوي ..

كنت في السياره آكل كاكو واشرب عصير والكتكوتـــه ترافس في الدبــه وكل شي طبيعي ,
ولما وصلت المستشفى وانسدحت على السرير ما قامت تتحرك <<< تعاند
نص ساعه على هالحال , قومتني النرس وقالت لي روحي اكلي وتعالي نعيده التخطيط
قمت اكلت وكنت ماابي ارجع واقول لزوجي روح جيب الكارت مالي وخلنــا نمشي البيت مللونــي والجاهل مريض ماأبي اتأخر
ما رضــى , قال لي روحي وما في رجعه إلا اذا خلصتين
رحت عادوا التخطيط ونفس الشي ما تتحرك ودقات القلب صايره واجد مرتفعه وسريعه :(
ساعه إلا واني على اعصابي ,, بعدين قالت لي النرس لازم الدكتوره تشوفش , ولازم الحين تبدلين ثيابش عشان ندخلش جناح الولاده لان الدكتوره هناك والجهاز اللي عندهم غير
اهني اني دقات قلبي وقفت لي في حلقي , وهي تشرح وتشرح الحاله
وتقول لي دقات قلب البيبي سريعه وانتي مبديه عليش سخونـــه وعشان يسون لش ألتراساوند ,:'( اتصلت لأبوي اقول له بالسالفه واني اصيح
قلت له بوقع وبطلع وباجر عندي موعد في السلمانيــه ,, اخاف يسوون فيي شي . إهي إهي :'(
زوجي قال لا اهم شي البيبي نتطمن عليه وقالت لي النرس إذا كل شي اوكي بنطلعش ما في رقاد ان شـــاء الله
,, وفي غرفة التخطيط جابو لي ثياب الرقاد وبدلت ثيابي وقعدوني على ويل جير ودزوني لداخل جناح الولاده :confused: حسيت بموت من الخوف وإني ما بطلع من ذاك المكان , غير صراخ اللي يولدون , المكان صج مخيف <<< مع إني شايفتنه من قبل بولادتي بهدوي
لكن الخوف كان سيد الموقف
ودوني حجره بروحي فيها وركبوا جهاز التخطيط , وسيلان وجابو لي بخار لأن فيني كحــه
والألتراساوند , بالعربي الفصيح شربكوني بوايرات وحاله
وعطوني مضاد , شوي وقامت الكتكوتــه تتحرك :D قلت الحمد لله جانا الفرج وشوي وبطلعوني وبروح بيتنـــــا ,,
والدكاتره والنرسات رايحين جاين ,, صارت ساعه !! صارت ساعتين !! :rolleyes: وش فيهم مطنشيني ما ظلت آيـــه ما قريتها ما ظل نذر ما نذرتــه
شوي وجات الدكتوره وقامت ترطن وفهمت منهـــا
دقات قلب البيبي مو راضيــه تنتظم وصايره سريعه وخايفين ان البيبي فيه شي
والماي زايد أصلاً ,, إضافةً إلى ان راس البيبي صاير تحت في الحوض بس اعوج شوي
ويعني حتى اذا السالفه فيها ولادة طبيعيــه بتصير صعبه والسبة ان الراس مو سيده صاير
والبيبي حجمه عود << لازم عمليـــة :confused: :confused: وكأنه صابين عليي ماي بارد
قمت اصيح قلت لهم كول تو ماي هازبنت << اتصلوا في زوجي
قالوا لي اتصلنا وهو جاي في الطريق !!
شوي ووصل زوجي وياه عمتــي ( أمــه ) من شفته بدأ الفلم الهندي دموعي اربع اربع واقول له أبي أمـــي ,, تخيلوا ان امي بعدها مسافره وما ترجع إلا الجمعه ,, يعني بولد وامي مو وياي
شوي إلا جايه نرس بحرينيه وأكدت الكلام اللي قالته الدكتوره الهنديه , اتصل زوجي في أبوي وحتى أبوي واختي دخلوهم لي غرفة الولاده حضنت ابوي وقمت اصيحوهو يسكت فيني واقول له أبي امي إهي إهي ,, واني على ذاك السرير وابوي يقول لي توكلي على الله وش بتسوين بعد ,,
والنرس تقول لازم ما نتأخر اكثر واتصلنـــا في السلمانيه وعطيناهم التقرير وقالوا حتى لو رحتين لهم بعد عمليه :thumbs_down: يعني لامفـــر
توكلنــا على الله ووقعنـــا اني وزوجي الاوراق
واني اصيح :badly: طلعوهم بسرعه كانت الساعه 11 ونص تقريبا
شالوا جهاز التخطيط وركبوا لي هوز البول عزكم الله وعطوني دواء قبل العمليه وجهزونـــي كامل وجابوا لي السرير اللي بودوني عليــه المقصب << حجرة العمليــات
وكل شي صار سريع سريع ,,
دخلت حجرة العمليات نقلوني على سرير العملية الرئيسي واني مو في دنيـــا , احس إني ما بطلع من ذاك المكان ,, جات دكتورة التخدير وقعدونـــي وضربتني الأبر في ظهري وحسيت بالتنميل في النص التحتي من جسمي , ركبوا تخطيط القلب والسيلان في الإيد الثانيـة
حطوا ستار فوق صدري عشان ما اشوف وش يسوون :!!:
وهم يبنجوني كانت قدامي الصينيه اللي فيها المقاصــه وكانوا جايبين سطل عشان المشيمه وفوط واجد وطاوله عليها اغراض واشياء واجد ,, كنت اطالع في الأغراض وقلبي يرقع

المهم ,,, كنت احس بضغط على الدبـــة وكل شوش تجي الدبه صوب << وهذا شي طبيعي في العملية القيصريه
احس بضغط على الدبه بس مااحس وش قاعدين يسوون , وحطوا علي الاكسجين واني اسوي روحي شجاعه اقول لها لا ماابي , وشالته
بعدين حسيت بتعب واني دايخه وبيغمى عليي , قلت جاك الموت ياتارك الصلاة خخخخخخ
خلاص بموت وبسرعه حطوا الاكسجين واني مستسلمه واني في العمليه اقول لهم ابي امي
قمت اهلوس من السخونه والصياح :p
وسمعت جهاز تخطيط القلب يطلع صوت غريب , قلت خلاص بموت ما بطلع من ذاك المكان إلا جثـــة وما بفرح ببنتي وولدي المسكين صغير ,,
واني بين الهلوسات سمعت ................................. واااااا وااااااا واااااا
طلعوا بنوتتـــي :adore:
قلت لهم بشوفها ونظفوها بفوطه بس وجابوها عند راسي , مااقدر امسكها بس قلت للنرس قربيها ليي ببوسهـــا وقمت ابوسها وهي ماسكتنهـــا , وقالت لي خلاص بوديها اهني برد عليها المكيف شغال وحتى النرس تقول لي شوفيها تشبة اخوها , لأنها شافت هدوي برى وياهم وفعلاً اول ما جبتها كانت كوبي من هدوي :lol::lol:
علما خلصوا خياط وتنظيف طلعوني بعدين وودوني غرفة الانعاش ودخلوا لي زوجي وعمتي وابوي واختي وهدوي , اخوي و زوجته وعمتي وبناتها وبنت عمي سألتهم عن اخوي الثاني قالوا لي انه في الشغل زام آخر ليل وما قدر يطلع ويجي
كل هذا واني امي في بالــــي :'(
ابوي كان طول العملية يحاول يتصل لها وما حصل خط قام فطرش لها مسج كتب لها زهره ولدت وجابت إبـــاء وهم ثنتينهم زينين ,,,, بس عمليه
امي انصرعت نص الليل وقامت تصيح وما صدقت تطلع الشمس طلعت من الفندق واتصلت لأبوي تسأل عنــا وهي تصيح ,,


بعد ما تطمنوا عليي أهلي وشافوا الكتكوتــه طلعوا من عندي الساعه 2 الفجر وظليت في غرفة الانعاش للملاحظه إلى الساعه 8 الصبح , بعدين ودوني غرفتـــي والحمد لله على كل شي
والحين كلما أشوف بنوتتـــي في حظنـــي اقول كل شي يهون واهم شي هي سالمه
طبعاً القصه فيها حذافير واجد بس وش اكتب وش اخلي

رخصونـــي يوم الخميس ويوم الجمعه جات امي من العراق ,, ولكم أن تتخيلوا اللقــــاء :badly::badly: , حضنتهـــا واني اصيح وهي تصيح وتقول لي خلاص حبيبتـــي اني جيت
حسيت اني بعدي طفله ومااقدر استغني عن امي واني مهما كبرت ولو صرت ام لعشرة جهال بعد بظل احتاج امي في كل صغيره وكبيره في حياتــــي
الخمسـة أيام اللي مرت عليي من ولدت ليما وصلت امي كانت صعبه بالنسبة لي
نفسيتي زفت , مع ان الكل ما قصر وياي
بس مكان الأم محــد يسده


و توته توته خلصت الحتوته
والحين جينا للسهر والصياح
خخخخخخخخخخخخخخخ ,, الله يهديها ويبلغني فيها
هدوي مستانس ودايماً يبي يخليها في حضنه ويبوس فيها ,, الحمد لله ما يغار منها

والله يردكم سالمين وتقومون بالسلامة ,, وتشوفون بيبياتكم وتقرون عينهم بشوفتهم سالمين

أريـــن;14433906:
ياااااكثر الواجب كثرااااه
جمال الزهرة الحمد لله على السلامة
ياقلبي عليك قصتك رعب
ذكرتني بولادتي لعبودي بس انا مارضيت اسوي عملية وطلعت مرتين على مسؤوليتي
الله ييسر كنها امس الولادة
حتى انا خايفة اولد وامي مو عندي مسافرة
بس اساسا مانويت اقولها الا بعد مااولد عشان تعبت معي بعبودي مررررة لدرجة اني وانا ادفع تدفع معي الله لايحرمني منها ويخليها لنا
بالولادة هذي افكر اخذ ابرة الظهر ان شاء الله
مشيت &#1635; ايام متقطعين كل مشية كيلوين وشي
الا امس مشيت &#1635; كيلو
لان سالاني الدكتورة قالت تمشين قلت مشيت ووقفت قالت ليه
قلت اخاف اولد وامي مسافرة
قالت بشيك عليك اذا راس الجنين بالحوض لاتمشين الا اذا جت امك
واذا لا لازم تمشين
عاد ماصار بالحوض ومشيت &#1635; كيلو
ترى السواليف هذي لكم كلكم يابنات بس جمال افتتاحية هههههه

Ms.Sugar;14439643:
حلو الخلييج .. لااا من اقول اه قال قعدي نامي لاتعبين روحش ،،نروح المستشفى،، لاتمشيين من قاص عليش ههههههه.. هو يبيني اولد بس خايف هههه

هههههههههههههه عند رد فعل معاكس ..
كله من الخووووف ..

ههههههههههههههههههههههههه يضحك زوجج ms sugar

هنووف جم وزنج؟؟

فتون11;14438426:
ملللللللل اليوم ما فيه احد
لا يكون ولدتون كلكم واني ما ادري:p

الهنوف ما بينت يمكن ولدت.. :thumbs_up:

حلوة الخليج;14438531:
الهنووووووووووف يمكن ولدت

العروسة الناعمة;14438781:
اي هنوووووف شكلها صدق ولدت .. يومين مادخلت ولا بينت
ان شاء الله يارب ولدت .. عشان يجي دووري !!

عااد الليلة عيد ميلاد زوجي 9/2 .. اقووله الباارحة خلااص باجر بروح اولد الليل

اهئ اهئ .. قعدت اليووم مافي اي بواادر ولادة .. وخلاص طاار اليووم

مافي امل يصير نفس تااريخ ابووه ..

فتون11;14439431:
لاااااااااااااااااا هنووووووووف لا تقرأين
اول قولي ويش اخبارك .. فيك اعراض او ولدتين ..او ما زلتين صامده طمنينا

حلوة الخليج;14439469:
هنووووف ظنيناااااااج ولدتي

فتون11;14439472:
بروح اكمل شوربتي على ما ترد الهنووووف وبرجع بعد شوي خخخ

فتون11;14439531:
حلوه تعالي تعشي معاي ..
اكو حطيت الشوربه على النار عشره دقايق وبتستوي
وفيه دجاج مدري ويش اسوي فيه شكلي بسوي شاورما;)

ايه اليوم يوم الملل العالمي ..احس الكل ضايق خلقه

Ms.Sugar;14439562:

هنوف طمنيناا

حيااكم اشرب كااستررد

حلوة الخليج;14439872:
ههههههههههههههههههههههههه يضحك زوجج ms sugar

هنووف جم وزنج؟؟

يتصفح الموضوع حالياً: 5 (5 من الأعضاء و 0 من الزوار) ‏هنوف المملكه, ‏حلوة الخليج, ‏فتون11, ‏العروسة الناعمة, ‏عروس08

اووهووو هنووووووف لوويش دشييتين .. قلنا ولدتييييييييييييييين !!!

شقوورة : ترى كللهم جدي الرجااال .. ما يحبوون سوواالف البنات وتوزيعات وهرراااار :(

لكن ماعليينا منهم ... :) خلنا نعييش انووثتنا ههههه

يتصفح الموضوع حالياً: 6 (6 من الأعضاء و 0 من الزوار)
‏أم الأقمار الثلاثة, ‏Ms.Sugar, ‏العروسة الناعمة, ‏فتون11, ‏هنوف المملكه, ‏حلوة الخليج

متجمعين عند النبي إن شاء الله

طالعة السوق اتمشى

نشوفكم بعدين

هنوف ان شاء الله اليوم ولاده باذن الله بعد الخروع والمشي طياري للمستشفى وتقومين انتين والنونو بالسلااااامه ..

العروسه .. مو راضي اجيبهم !! ميبس راسه قلت له عن سالفة توزيعات الى ربعه قال بيقسم عليهم كاكو هههه هم ماعندهم هل سوالف قالو يبون كارتون سنكرز وبس

اليوم سحبت ولد اختي
وتمشيت معاه في الفريج
ورحت الصالون حفيت مرة ثانية
ورجعت
وللحين مافي اعراض ولادة :(

الله يساعدش عروسه .. اني بكره موعدي بشوف شخبار النونو .. وببدا مشروعي باخد لي غرشه زيت الخروع وعصير برتقال وبشرب يوميا ملعتين خروع مع كوب عصير برتقال وبشوف النتائج .. طبعا اليوم بجرب الانانس وبخبركم .. ساعات احس بولد خلاص وساعات احس بعدهاا وقت .. مدام تنظفنا زين لازم نسرع الولاده ..

ابشركم ولد العم يقول بكره العصر بنخلص كل امورش .. حدي مستانسه طلعت منه بدون حننه شفق عليي شكله خخخ

مبرووك مس شووقر واخيرااا شفق زوجج ههههههه

اني قاعده انظف المطبخ من بعد الطباخ
بس قاعده اشووووف ردكم بعد شوي بجي خخ

بهدر عليكم

فتون الله يسمع منك يارب
ميقات العمر / ام ملاك / هنوف المملكة
ياقلبي عليكم
موجودة واقرا تجمعاتكم احيانا
بس ماادري تجيني انتكاسة للنت
اصير. اكرهه ومالي نفس افتحه
واذا فتحته دورت لي مشروع خخخخ صايرة بزنس
ومن عندي راس مال صغير وودي استثمره قبل يطير كل شوي ساحبه منه شي
ومشاكل اختي مع زوجها مضيقة صدور العائلة ككل
يالله الله ييسر الامور

قعدت ارتب شنطة بودي فتحتها وحطيت كل الدولاب مالي خلق انسق
ان شاء الله افكر المولود الثالث في بيتي اريح لي ولاطفالي

هههههههه زيين شقوورة اخيرا ..

اني عندي زيت الخرووووع بس كلش كلش مو طاايقة اجرررربه كلما اتخييل احس روحي برجع
مع ان الدكتورة قالت لي لازم من الاسبوع 38 مو قبل .. وخلص الاسبووع ولا شرربته .. خاايفة منه خخخ

انشا الله تولدي هنووف بسرعة

مرررحبن \\ اليوم اني هايتة عنكم خخخ
معزومة على غدى ورحت ومارجعت الا ويا اذان المغرب ,, ويا رجعت زوجي من الشغل ..
وبعدين رحت اشتريت لي عصاير حق الثلاجة ماعندي شي خخخ وجيت وسويت العشا وتعشيت وتوني قاعده خخخ
اليوم بنام في بيت ابويي زوجي سبقني راح ينام واني للحين قلت اطل عليكم وتملله انام مع ان فيني نومة ..!!

اليوم رحت موعدي الصبح ,, قاسو ضغطي قالو اوكي و وزني خخخ وصل 67,300 ما ادري شكلي بوصل 70 هههههههههههههههه والله لو تشوفون جسمي ما تصدقون هههههههههههه اني مو مصدقه ان هاذا وزني احس الميزان جذاب ,,
وبعدين دشيت على الدكتورة ,, وسمعتني نبض البيبي وسالتني جم سؤال عن حركة لبيبي واذا كانت عندي افرازات فيها ريحة او حكة او شي ومن هالاسأله وبس !!
وطلعت عطوني موعد تاريخ 22 \2 واجد بعيد ,, اقول ان شاء الله مايجي هاليوم الا اني ولدت ههههههههههه عشان ما اروح ههه ,,

اليوم واجد احس ضهري يألمني والم في بطني يروح ويرجع \\و الم تحت احس صدق قاعد ينزل البيبي تحت ويالمني عدل \\ !!
ويش سالفة زيت الخروع ؟!
اني عندي زيت الخروع بس ما ادري نفس الا تقصدونة لو لا ؟!

ويش يسوي يعني هااذ؟!