【 تجمع أمهات وحوامل سلطنة عمان ♬

الحنين إلى الأمس;14579637:
:'( ما اقدر عندي عقده من السياقة

sounya;14582520:
بنات حبيت اخبركم عن معرض الاول في عمان
"انا وامي "
جميع احتياجات الام والطفل تحت سقف واحد

27-28 من هذا الشهر
من ساعة 9-1 صباح
من ساعة 5-9 مساء
في قاعة النور

بيكون مكان للالعاب اطفال ايضا

أميرة * A *;14572568:
السلااام عليييكم :D

الحمد لله أمس طلعنا أنا و خلودي بالسلامة و نووور علينا البيت :adore:
بس ما أدري شو كان فيني أمس ، ما كنت طايقة زوجي ارد عليه بعصبية ، و كل ما اجلس بروحي و اطالع في خلودي اجلس أبكي :'(
حسيت بإن خلاص بدت حياتي معه و أنا المسؤولة عن رعايته و تربيته ، ولاني قد تحمل هالمسؤولية :(
تمنيت ارجع اجلس في الحضانة عشان هم يهتموا فيه إلى ما يكبر و أنا علي الرضاعة و بس :hysterical:
و من صوب أمي تخاف تشيل و تحط فيه ما تعرف كيف تتصرف معه بسبب حجمه ، يعني عادي لو عشت بروحي ما تفرق كل شي أسويه بنفسي الحين :|
طول فترة جلستي في الحضانة ما شاء الله عليه أغلب وقته كان نايم بصعوبة كنت أصحيه عشان يرضع بس أمس يوم رجع البيت كل شوي كان يصحى و يقطع علي نومتي ، تمنييييييت أنام ساعتين متواصلات ، بس شكله من اليوم و رايح في الأحلااااام ... اهئ اهئ واااااااااع :hysterical:

الوان سحرية;14578325:

صباح الورد مرة ثانيـة

ام رمانة .. سلامتها الحلوة ..

ام وائل .. سلامته وائلي .. ما يشوف شر .. كيف يده الحين ؟؟ بطله عنه الجبس ؟؟

ام رهف .. صباحك ورد ..

ام راشد .. والله مو اقولك .. اذا ما عليها الا انها تدعى الله ليل ونهــار .. اذا اتصلت في ذي البنت وهدتها وراحت ممكن يحصل غيرها .. يعني كأنك يا زيد ما غزيت ..
فما لها الا انها تدخل اهلها واهله ذي المرة حكم .. وتكون الاخيرة .. وتطلب الطلاق وهي ع وشك الولادة والله صعبـة .. تدعى ربها ليل ونهـار .. وتكلمه كلام صريح .. تجلس معه وتكلمه وتخلي يوضح لها الاشياء اللي هي مقصرة فيه .. او يروحوا العمرة مع بعض .. يمكن الله يهدي ..

.
.
.

اخبركم عن عبدو .. يوم الجمعة صديق زوجي عازمنا ع العشا .. نحن وصلنا الساعة 8:15 عندهم .. وعبدالله متعود يتعشى من وقت علشان ينام ..
المهم جيت الساعة 9:15 ولين تو العشا ما محطوط .. وعبدالله كان يلعب بس بين فترة والثانية يجي يطل ع المجلس اللي جالسين فيه .. ههههه << يشوف اذا العشا جاء او لا .. المهم الولد شكله قال ماشيء فايدة .. وقف قدام البـاب .. وصرخ بقوة .. ماااااااااااما هينو عشا ..؟؟ واااابوي تعالنا شوفن شكلي ذيك الساعـة ..
والحرمة استحت وسامحيني وما اعرف ايش اكيد ولدك جوعان وعاد انا لالا هو ما يتعشى اصلا وانا شارية له زبادي .. لكن مو اقول عاد ..الحرمة نهضت تجيب العشا ..
وما شاء الله هم عائلة .. يعني اللي كانوا معانا في السفرة .. ام زوجها وحبوته و3 من اخواته .. وانا وهي .. المهم في السفرة .. حطيت عبدالله فوقي علشان أأكله .. وهو ترا ما متعود ع كذا يجلس وحده وفي صحن وحده يأكل .. يوم حطيته فوووقي .. صرخ ذيك الصرخــة زحفوالي .. فضحني فضحني فحضني .. والله حتى من الخجل استحيت أكل .. ويصرخ الحمـار بقوة .. زحفوووووووووووووووووووولي ..
بصراحة عمري ما سمعت عبدالله يقول كذا .. وتو عاد يوم ارجع بيت امي .. بسأل من هين جايب ذي الكلمــة ..

يوم ركبنا السيـارة .. حبيبي حط راسه ونــام .. وعاد انا طالعة ومعصبـة منه ومن ابوه .. ووارمــة ..