بيتنا العاشر.. ربات بيوت متفائلات ونشيطات و مفرفشات لشهر ربيع الاول

ما يمدحني لقب.. ظاق صدري عليك..

تأكدي انها شدة وتزول.. وادعي ربك في سجودك..

لكن فيه شي مستغربه منه في كلامك!!!

تقولين هربت مع زوجي !!!!!!!!!! والله لو انه صديقك عشان تهربين معه!!!!!

هذا زوجك.. وانتي رحتي معه..مو هربتي معه!!

انتي مجرد انك حاطه في بالك انك هاااااربة من اهلك..راح يصعب عليك طريق الصلح..

سبق وقلتي هالمصطلح عن ام زوجك!! انها هربت مع زوجها!!!! من ذاك اليوم وانا متعجبه!!

شذو.. من كثر الكلام اللي ودي اقوله مدري وش ابدا به!!!

شوفي.. وسعي صدرك..وانبسطي..

من الناحيه النفسية..

لا تفكرين بزوجك ابد..ولا تهوجسين وتتساالين وش يسوي وش يشوف!!؟

لأنك بتتعبين نفسك عالفاظي..

كل يوم استودعيه الله " اللهم اني استودعتك قلب زوجي وفرجه وبصره وسمعه وعقله ولسانه فحفظه لي يامن لاتظيع ودائعه"

وثقي ان الله خير الحافظين..

اشغلي نفسك دايم.. لا تقعدين لحالك بغرفتك .. عشان ما تفكرين..

من الناحية العاطفية..

التفتي لعيالك.. اغرقيهم بالحنان..وحطي حرتك فيهم..

العبي معهم..سولفي عليهم..

فيه بجرير كتاب قصص للاطفال.. فيه 365 قصة..

يعني كل ليله قصه جديدة لمدة سنة..

و اهتمي بتغذيتهم..

انا اشوف انك تسمنين عيالك اهم من انك تنحفين..

من الناحية الصحية..

اهتمي بنفسك اثناء الدورة.. واشربي شمر..والهمي رشاد..

ولا تجوعين ابد.. ولا تمشين حافية..

هذي الامور بترجعك عروووس.. تخلي زوجك يطير فيك..:thumbs_up:

كولي فواكه وكثري شرب الموية.. عشان وجهك ينور..

من الناحية الجمالية..

شوفي وش الخشن بجسمك واشتغلي عليه.. صنفرة وتقشير..

وسوي لك روتين يومي من ترطيب يدين ورجلين.. وتنظيف وجه..

اذا كعب قدمك خشن.. انصحك بصنفرة بودي شوب الخشبية.. رووووعة..



انا استعملها مره بالاسبوع بعد ما اتروش.. ورجليني ناعمة ما شاء الله..

ولا عاد استعمل ذيك الحصاة السوداء.. اللي شكل البلا كله منها..:|

وش بعد بقول لك؟؟ بقولك اللي انا سويته لما كنت عند اهلي..قبل ياخذنا زوجي..

هذا المقشر استعملته .. وجاب نتايج حلوة..ما حطيته على وجهي..

بل على المناطق الخشنة من جسمي.. مثل وروكي..

الله يجزاها خير غزال الحور هي اللي ذكرته لي..



وتمنيت اني باديه فيه من بدري.. انا قعدت عند اهلي ثلاث شهور.. ولا ادهرت بعمري الا اخر شهر...وهذا غلط..

و استعملت هالصنفرة..حلوة..وريحتها رايقة.. مره بالاسبوع..





واستعملت ولا ازال استعملها.. الصابونه المغربية.. مره بالشهر..



ادهن جسمي فيها وافركه بيدي..ثم اشطفه بالموية..

وبالليفه الخشنه افرك جسمي لين يقلب احمر..

طبعا الليفه تكون ناشفه..ما ابللها قبل استعملها.. و يتبدد مني الخلايا الميته..

وش بعد!! حاولت اتعلم رقص مصري.. بس ما عرفت:worn_out:

اهتميت باظافري اهتماااااام..الكل لاحظه.. كنت ابردها فرنسي..والمعها بالمبرد الملمع..

بس من كثر استخدامي له سارت اظافري رهيييفة..وتتشقق..

المفروض مره بالشهر..وانا كنت كل اسبوع او ثلاث ايام!!!:|

كل يوم ادهن ركبي واكواعي بجوليسوليد.. واقلل قعدتي عالارض..عشان ركيباتي تتفتح..

وجهي كنت انظفه يوميا قبل النوم باسكينول..



مررره مناسبني.. عكس اختي.. حرق بشرتها!!!

هذا اللي اذكره..

بس اهم شي اهم شي.. اهتمي بنفسك اثناء الدوووورة..

وقطو..

ذكرت شي..

من الناحية العقلية..

اذا فيه امكانية تاخذين لك دورة.. انقلش او حاسب..

اي شي يفيدك.. فرصة اولادك فيه من يظفهم كم ساعة..

انا ندمااانة اني ما فكرت هالتفكير..

كنت منشغله بالتجهيزات للسفر.. وبنتي ودراستها وتقييمها اللي كان قبل زميلاتها..

روز ماشاء الله افكار حلوةوتشجعية

نجي الحين لليوميات..

بعد ردي اللي بالظهر.. دخلت المطبخ..

وجمعت المواعين جنب المجلا.. وقطعت البصل وسويت غدشانا كبسة دجاج مع شوبة ماشروم.. وسلطة..

قصرت عالطبخة وركبت عالقهوة..

وقعدت اغسل مواعيني.. ومسحت الكاونتر.. جا زوجي ومعاه اميراتي..

تقهوينا..ثم تغدينا.. ثم ظفيت السفرة وغسلت المواعين..

وكنست حول طاولة الطعام.. ولميت الزبايل -تكرمون-

وطلعتها برا..يااااازين الجو.. قعدت اتبيصق وانا برا ما ابي ادخل..خخخخ

الشمس توها غايبة.. وفيه رش خفيييف..منعش..

دخلت ورقيت لغرفتي.. وعبيت البانيو موية دافيه تميل للحرارة..

و بالفتره اللي انتظر البانيو يمتلي بردت اظافري..ولمعتها..

وفرشت اسناني.. وزيت شعري..

وغطست بالبانيو المغطى بالرغوة.. وحطيت الساعة قبالي.. عشان اعرف كم قعدت..

بعد ربع ساعة من الاسترخااااااااااء.. صرّفت الموية وقعدت ادهن جسمي بالصابونه المغربية..

ثم شطفته..ثم فركته بالليفة.. لين قلب لوني احمر..

تروشت وليفت جسمي بجل استحمام بالعسل.. وبعد ما طلعت..دهنت بعض من جسمي بالفازلين..

والباقي بكريم جاي مع جل الاستحمام..برضو بالعسل..

حطيت على خشمي اللزقة اللي تنظف المسامات..

فركت اقدامي بالمبرد الخشبي.. ثم دهنتها ولبست شراب..

لبست ملابسي.. ونزعت لزقة الانف.. ودهنت وجهي..

كل هذا استغرق مني ساعة الا عشر تقريبا..

نزلت.. ركبت على الشاي..

بعد ما روقت لحالي..جا على بالي اروق مع اسرتي..

سويت بيزا.. وحطيت مكسرات وتشيبس وبساكيت..



و الحين.. اميراتي نايمات.. زوجي طلع وشكله رجع الحين..

و بقوم اغسل مواعين الشاي..

وقطو..

عفريتين حوامل
جيبات حمل

ترجمي يافوفو
وبالنسبه لعزوز سمعت بس ماجربت ياكل قبل النوم خبز مثل التوست
او غيره هذي مشكلة بنت اختي لين صار عمرها 8 سنوات ان شاء
الله يكبر وتخف الحاله معه.
,,,,,,,,,,,,,,,
خوخه
يووووووووه عطر كلينك هبي له ذكرى خاصه
ايام الثانوي ريحته حلوووووووه وان شاء الله نجرب الميبولبابي.
,,,,,,,,,,,,,,,,,
أحبك الهي
نبتون يجنن كانه ريحة نظافه
وبرضو ذكرتيني بايام الجامعه.
,,,,,,,,,,,,,,,,,
زهرة حياتي
الله يخلي لك زهرات حياتك وابوهم احلى نصيحه واالله
لا تواخذيني ياالغلا .
,,,,,,,,,,,,,,,,,
مايمدحني لقب
حسبي الله ونعم الوكيل رددي دائم آية (اللهم إني مغلوب فانتصر),
أهم شي طمنينا عليك والله دايم ندعي لك
ماقصرو البنات تمسكي ببيتك وعيالك شده وتزول بإذن الله.
,,,,,,,,,,,,,,
روز
قولي آمين
الله يجعل لك من كل ضيق فرجا
ومن كل هم مخرجا
ويسخر لك زوجك
ويجعلك احب نساء العالمين إلى قلبه
ويجعلك القمر والملاك بعيونه
ولا يشوف غيرك
ويهديه ويكرهه باللي تبينه يكرهه >>خخخ
ويحفظ لك اميراتك
ويهديهم ويبلغك فيهم وتشوفينهم بإذن الله عرايس
ويرحم والديك ويطول باعمارهم
ويردك لديارك سالمه غانمه
كفيتي ووفيتي يالغلا نصايحك بإذن الله راح اعتمدها
ولاول مره بحياتي أغسل الموعين بقفاز اليوم خخخ
كود هاليديات تزين شوي..
وبالنسبه للدوره محتاااااره مره وفكرت ادخل دار العصر
باشوف وش ربي يريد.
,,,,,,,,,,,,,,,,,,,,
كل اللي ردو علي بخصوص ابوي:L: الله يوفقكم ويسعدكم
وراح اجرب اللي قلتو عليه
راحمته ياعمري الله لا يوريني فيه مكروه.
,,,,,,,,,,,,,,,,,,,,,

ما يمدحني لقب فعلا زي ما قالت روز اللي ما يعرف ايش قصتك بالضبط يقولي هي هربت مع صديقها وبعدين تزوجت
حبيبتي انت بعدتي عن اهلك انت وزوجك تجنبا للمشاكل ومش هربا لانك مع ولي امرك الجديد والانتقال معاه مش هرب
يعني لازم توضحي الفكرة عشان ما يصير سوء فهم للموضوع من قبل اي حد يقرا كلامك ويظن بك ظن سيئ
وربي يقويك وينصرك
واللي صاير لك لان اهل زوجك مستوطيين حيطك لانك متزاعلة مع اهلك وما لك سند في الدنيا غير زوجك وعيالك ربي يحفظهم لك ويجعلم بارين بك
وبيتك لا تطلعين منه لانه ملكك انت وعيالك
وكمان مرة بانتظارك لا تطولين

روز والله كلامك اثر فيني كثير وحمسني اني اهتم بنفسي
بس طبعا لابد من شوية تسويف
يعني على قد ما تحمست ورغبت اني نعمل بنصائحك بالاهتمام شئ في داخلي يقول خلي هذا كله بعد النفاس
وانا مستغربة من نفسي ليش ما ابدا من اليوم
يمكن لاني تعبانة من الحمل والخمول بسبب قلة الاكل وكثرة الاستفراغ
الله اعلم بس المهم اني تحمست ومحتاجة منك انك تعيدي هالكلام كل فترة وفترة عشان يتجدد حماسنا وما نكسلوا

شوشو اهم شئ ثقتك بنفسك وبان زوجك يحبك انت مش غيرك
ربي يرده لك بالسلامة

وفاء الف لاباس على اختك
العسل وحبة البركة ممتازين لفقر الدم بعد الولادة
تطحن حبة البركة وتخلط مع العسل وتؤكل
وعندك رب التمر اللي نحطوه مع العصيدة
واكيد بما انك مصراتية عندكم العصيدة بالكمامين تهبل اتدير لي فيها ماما وناكل منها وما نشبع
حتى في نفاسي كل اللي يذوقها عندنا يستغرب في الاول من لونها بعدين ياكل منها وينهبل عليها
وعندكم عجة البيض بالكمامين حتى هي تهبل وعلى قد ما ناكل منها ما نملش
طبعا اني ماما مصراتية هذا باش عارفة عادات مصراتة

زهورة حتى لو كانت الواحدة واصلة بينها وبين اهل زوجها للشيطان الرجيم فمافيش داعي انها تجيب سيرتهم بكل وقت وعلى الطالعة والنازلة ولاي حد مهما
لاني برايي لما تحكي عن اهل زوجها وعيالها وتطلع قصصهم للعالم فمستحيل اتوقع انها تحفظ لي سر وتستر على عيوبي قدام الناس

سلخير واحبك الهي يعطيك العافية يارب

جوجو وينك ووين الغيبة

صباح الخير
قاعدة بروحي في الملف وفي 2 مخفيين الصراحة خفت خخخ
اليوم صحيت 10 ونص كسلانة زي العادة واطنان من المواعين تنتظرني واكوام ملابس تبي تطبيق وكوم صغير يبي غسل والعيال يبوا تحميم
قلت ناخذ شحنة من حبيباتي ونتطمن على مدنونة
والصراحة قلقانة على ام عروسة نجدية معاش دخلت تطمنا عليها تمنيت عندي رقم تلفونها
وغيمة وفا برضو اخر مرة كانت متضايقة ومتزاعلة مع زوجها
ان شاء الله تكون امورها تحسنت ..
..شوشو كيف حرق البابا ان شاء الله تحسن
بالنسبة لعفريتة الحمل هي فستان حمل عادي بس بسيور ويلتبس تحته بدي
بس نحن نقولوا له عفريتة من وين جت التسمية الله اعلم
وهذي صورة قريبة للوصف مالقيت غيرها خخخ بس من تحت تنورة مش بنطلون

والجيبة هي التنورة العادية بس بتاع حمل يعني من فوق استك علشان الكرشة ..
...
روز خوذي رد شوشو عليك وانسخيه واعتبريه موجه مني لك ..
على فكرة عندي منك طلب
حابة اسمع كم نصيحة منك يعجبني اسلوبك في الكلام في النصح في الشرح
واكيد كلنا نموت فيك انتي عارفة لابق لك والله
انصحيني يا روز وضعي حاليا ملخبط نتيجة الحمل والكسل
ومهملة نفسي وزوجي على الاخر
بنات رجاءا لا تقولوا باب النجار مخلع
يعني انا ننصح في البنات وانا محتاجة للنصح
انا بشر ولكل بشر هفوات وفترات ولكل جواد كبوة وانا فترات حملي ونفاسي هي الكبوة بالنسبة لي يجيني كسل وخمول واكتئاب
علشان هكي اكيد ملاحظين اني ليا فترة ما نتفلسفش عليكم خخخخ
لان فاقد الشيء لا يعطيه
بلييييييز روز وكلكم اليوم خلوني موضوع الحلقة وانصحوووووني
يعني عطوني برنامج روتين افكار للبيت لنفسي
اي كلام يحمس يخليني نحس على دمي شوية ونهتم في بيتي ونفسي
كارهة غسل المواعين والكوي وتطبيق الملابس وهذا اساس شغل البيت
وحابة بس الجلسة على الكمبيوتر والتي في
لدرجة اني حاسة ان مؤخرتي كبرت خخخخخ من كثر الجلوس !!!!

سلااام بنات كيفكم..

اول شي برد على مايمدحني لفب/اسال الله العظيم ان يفرج عليكم وييسر عليك ويرزفك ويحنن قلب زوجك ويهدي مابينكم..

ماراح ازيد شي على كلام البنات ماشاء الله بس صدقيني راح تنفرج وتتيسر باذن اللي عينه ماتنام..

وفا...الف حمدلله ع سلاامه اختك وربي يشفيها ويقومها بالسلااامه ..ومن زمان ابي اسالك مره قريت انك تتكلمي مع استشاربه ..كنت بسالك كيف عرفتيها وعن ايش تتكلموا يعني ؟؟؟نفسي نكلم استشااريه واجلس اتكلم معااااها وترد علي رد يريحيني وترفع من معنوياتي..

روز..الف سلااامه علييك وماشاء الله الربييييييع يجنننننننن في بريطانيا ازرعي لك ورود ,,ونعناع ..اه الا ليت الزمان يعود يوما
اشتقت مررره لبيتي وصديقاتي ....انا كنت في ليستر ماادري هي قريبه منكم..
اش هو سر الغموووض؟؟؟؟اللقافه اشتغلت

شروووق..
ياااقلبي الف سلااامه على ابوووك والله ماللي خبرره بس يوم قلتي فكسسس اححح الله يشفيه شفاااءا لايغادر سقماا..

جالكسي..
الحمدلله على سلااامه ولدك والله لايفجعك فيه ياااارب.

كواامن..احبك الهي..بناتي..عساااكم ع القوه يومياتكم مشجعه..

الباقين مختفييين جوجو..رايقه..وتوره...

يومياااتي...

امس الثلاثاء..

صحيت الساعه 10ونص فطرنا كلنا ولبست علي ونوني وجلست عند التلفزيون شويي ورجع زوجي ينااام وانا جهزت الغدااء

سليق وتغدينا على 3 ونص وماغسلت الموااعين رحت السوق اليوم عندناا عزيمه وابي لبس..ورجعت البيت ع المغرب نزلت اوالادي تخت عند خاالتي وشغلت محاااضره اسمها لازم تنجحي تجنن وتحمس ..ورتبت المطبخ وغسلت الحمامات وغسلت الملابس وجات الساااعه8 ونص ريحت على التي في لين 9 ونص ولبست ونزلت عند خالتي وسولفت مع حمواتي اليين الساعه 2 وطلعنا لبست الاولاد وفييني نوم وزوجي لسه برا واخذت مفتااح الشقه وخبيته براا في المدخل عشان اذا جاء مايدف جرس ويصحييييني لكن الساعه 4 وهو فوق راسي قومي ناكل ..وقمت اكل معاه وفيني نوووم كم مره اكون بكب البيبسي شوي وقالي خلاص روحي نامي بس...هههههههه

اليوم..صحيت الساعه 11 وسويت فطور وافطرنا وجيتكم والغداء بنطلع برااا وبرجع العصر واتحمم واحمم العياال واتجهز للعزيمه عند خالتي بمناسبه العروسه سلفتي..

بناات افيدوني

بلوزتي شيفون نقشتها زي جلد النمر وفخمه فيها فصوص اش البس معاها تحت(بنطلون جينز _تنوره اسود_بنطلون اسود)

وبسسسسسسس

هلاياغيمة بنطلون جينز وخلي الاكسسوار ناعم مادام البلوزة فيها صوص والمكياج ترابي ناعم وان شاء الله تنبسطي بالطلعة.......

لا مها موش قصدي انها تطلع اسرار بيتها بس الوحدة مرة مرة تحب تتفضض لصاحبتها يعني في حاجات تحسي تقدري تحكيهن لصاحبتك الانتيم وما تقدريش تحكيهن لا ختك او امك يعني تفضض لصاحبتها موش قصدي تبقي تحكي لكل من هب ودب ياريت فهمتي وجهة نظري ووصلتلك المعلومة والباقي نرد عليكم بعدين مازالت ما درت الغداء وزوجي يبي ايروح بدري يستر الله

رووز كلامك يجنن وحلو انا مثلك احب اهتم بنفسي بس حكايه البانيو ذي لازم لها قعده..

وفاا..

انتي اللي تمري بييه طبيعي كله بس المفروووض انك ماتستسلمي لنفسك وللكسل

شوفي اول ماتصحي حاولي تلبي طلباات الاطفال ويعدين تلبسين لبس حلو مريح وترفعي شعرك على فوف وتحطي طوق حلو..وشويه بلشر وجلوس..وتبدي تشغلي اي محاضره وتشتغلي بهدوء ..وحاااولي ماتعملي الا اخفيف والعميق لوقته..
صدقيني انا من النووع الي تنفتح نفسي ع الشغل اذا لبست قميص قصير ورفعت شعري وبديت انظف
دايما ابدأي في المطبخ غسلي الموااعين وبعديين الصاله والغرف واخر شي الحمامات الله يكرمكم..
ويعدهاا يخور وفوااحه وياااسلام استرخي ع الكنبه مع كوب كابتشينو قطعه كيك وجو غاامض
صدقيينني ان البيت اذا مو مرتب والملابس مكومه تااثر عالنفسيه وعلى الجسم
في دراسات تاكد هالشي انتي تعبانه ومكتئبه لان البيت مو مرتب ولاهو بالمستوى اللي انتي تبغيه..
واذا رتبتيه راح ترتاحي جسديا ونفسيا وراح تتحمسي للشغل وصدقيني العلاقه طرديه بين الشغل والنشااط ..
كل مارتبتي بيتك وشفتيه حلو تنشطتي زياده..
وبالنسبه لنفسك انا احب الحاامل تهتم بنفسها لانه كله ينعكس ع البيبي وعلى وجهك..

ان شاء الله تكوني استفدتي وادعي لي اتخرج بسرعه نفسي احمل ياااارب لاتحرمني بنتي عمرها 5 سنوات واشتقت لحس
الصغاار في البييت,.

اخر شي خلاص هههههه عندي موضوع حلوو يحممس عن شغل البيت لكن باللهجه المصريه تبغيه والا لا ؟؟يعني هو من منتدى مصري بس صرااحه مرره حلو وانا دايما اقررأ فيييه..

اخر شي.. توكلي على الله قبل كل هذااا

جبتلكم شويه رواابط وهذا مخصص للحوامل

تألقي في ايام نفااسك
http://go.3roos.com/3aatycpfnrj


كيف تعملي نيولوك
http://go.3roos.com/8vxula80tu8

بناتي ..تسلميلي ياارب خلاص بحط مكياج ترابي وروج لحمي وبلبس بنطلون جينز..
الله يسلمك ياااااارب..

يا صباح الورد..يا صباح الياسمين..

شذو..آآآآآآميييين.. ولك بالمثل..

يا حبي لك بس..لو تشوفيني وانا اقرا ردك...البسمة شااااقة من الاذن للاذن..

اسعدتيني على هالصبح..الله يسعدك..

وفاء.. يا ملحك بس.. ابشري بسعدك..

انا الحين مستعجله..بس ما حبيت اطلع بدزن ما ارد عليكن..

لكن بقولك شغله دايم تنفع معي..

اذا كان الشغل كثير ومتراكم..ومالي خلقه..

اقول: بنظف هذا وهذا بس..والباقي بعدين..

انظفهم..بعدين اقول..وهذا بعد..شوي..وذاك..وهذاك..

شوي شوي..الا خلصت شغلي كله بدون ما احس!!!

خلاص مراح اعيد الرد :mad:
جلست ساعه ونص اقراء اللي فات وساعه الا ربع اكتب رد كبر راس بليس واخرتها يروح كل شي
اذا فضيت اليله برجع اكتبه والله قهر قهر قهر بروح اصلي تاخرت بعد :(