الرئيسية ركن الشات والمواضيع الترفيهية والألعاب شات عروس بيتنا العاشر.. ربات بيوت متفائلات ونشيطات و مفرفشات لشهر ربيع الاول

بيتنا العاشر.. ربات بيوت متفائلات ونشيطات و مفرفشات لشهر ربيع الاول

انثى ذوق 04-02-2011 1,125 رد 73,442 مشاهدة
ج
جداويا يا ابويا
عروس مبدعة
04-03-2011 | 02:05 AM
مساء الخيرات

كيفكم جميعا

اليوم العصر خرجنا رحنا الدانوب لعبنا البنات لما المغرب

و اخذنا فشار و ذره و زوجي راح يصلي و بعد الصلاه رجعنا

اتقضينا للبيت اخذت شوكليت و حلويات بالهبل قد قلت لزوجي

النزله هذي حقت مزاجي ههههه و شفت حلاوة ماكنتوش و تذكرت روز

و اخذت علبه صغيرونه عشان اذا تقهويت اتخيل اني معاك يا روز ههههههه

و اخذت جكات و كاسات و طقم مناشف و مريله و بيزات للمطبخ

و رجعنا عالعشا و عملت العشاء برجر دجاج و تعشينا و رتبت الاغراض

و ريحت شوي و قمت غسلت النحاس و مسحت الطاوله و الكاونتر

و لميت الزبايل الله يكرمكم و كنست و بخرت و اخذت لي برجر من باقي

العشا و عصير و اكلت و عملت لي كابتشينو على طريقة فوفو و البندق

لذيييييييذه يافوفو ربي يطمن قلبك و جلست مابيت تي في و جوال

و لعب و بس..
س
سلخير
عروس نشيطة
04-03-2011 | 02:09 AM
مره سويت هالقبعه لولدي ولا حبها بتاتاُ :( مع ان شغلها متعب:(


وهذا باترونها


بوريك بلوزه لولدي كنت وريتك اياها بس حسيتها مابينت
هذي بلوزه ساده من ماركس سبنسر قبل:

وهذي بعد:

استخدمت باترون دميه محشوه والخامه جوخ وصار دودي يحبها ويسميها بلوزه الوحش خخخخخخخ
هذي شنطه لاب توب لأختي:

وهذا شال سويته لعمتي:

صوره من جوجل اوضح للشال:

وهذا كعبول واوريو خخخخ:

والحين مالي خلق امسك سناره!! تجيني هفات عليه قليله فترت همتي مااااااااره
يلا سي يو
.
..R O S E..
عروس مشرقة
04-03-2011 | 02:51 AM
مساء الخير..

سلخير.. لييييه مالك مزاج ؟!! بالعكس..الحين عندك بنوته..

تفنني لها بالربطات والجزم تكرمين..

يختي اشوف جزم اطفال تااااخذ العقل...تمنيت ان عندي طفل عشان اتفنن له..






البنات مجالهم اوسع من الاولاد..

الحين بين الشال ابو ورده..ذيك المره ما فهمته..

وناويه ان شاء الله اسوي لي زيه..

الحين قاعده اسوي ورد..بسوي ربطات شعر..

جوجو.. ليتنا نتقهوى مع بعض صدق مش خيال..

عاد اليوم مشتاااااهيه اسولف..

قطو..
.
...جالكسي...
عروس جديدة
04-03-2011 | 07:30 AM
بنات انا مسجله في موقع تحميل الصور ايمج شيك >>اظن اسمه كذا
بس الصور تطلع عندي ضفادع لييييييييييييييييش مره مقهوره ودي اعرف اذكرك ياروز سويتي عن هالموقع
موضوع بمنتدى سنعات كنتي تمدحينه ومن يومها وانا سجلت فيه
.......................
امس رحت لهلي ومريت السوق معهم وشريت لي مفرش النفاس ومريت الماجد ولقيت مدخنه تهــــــــــــــــــبل ماقاومتها واخذتها
ولعبت ولدي 4 لعبات خخخخ كنت محددة له من البيت مااحبه يلعب من ندخل الين نطلع ابيه يصير قنوع والى بطاقته مليانه
وتعشينا وسولفنا وعقبها دقينا على السواق ومشينا وجاني رجلي وخذني من عندهم الساعه 1 تقريبا
بنات وش رايكم بهذا اتوكل على الله واطلبه مالقيت لبس استقبال للبيبي صاحي وماعندي زود ميزانيه اشتري من العيسائي وطقته
حامت تسبدي


رايكم يهمني قبل مااتهور واطلبه واذا عندكم محلات فيها ملابس استقبال للطفل حلوه وناعمه وماتتعدى 400 او 500 خبروني
S
Still Ambtion
عروس مشرقة
04-03-2011 | 08:00 AM
رزو وسلخير حمستوني للكروشيه هل كنتم موهبتكم من قبل ولا تعلمتوها قريب

روز اللي قالي امي عن طريق اقاربها
وقالت لي جاتري
وقالت لي زميلتي من منطقه بعييييييييييييده عنا يعني الخبر منتشر
S
Still Ambtion
عروس مشرقة
04-03-2011 | 08:01 AM
لمسه امي تقومي بالسلامه

جالكسي ماعرف شي انتم بالطايف صح شوفي جاكادي اذا عندكم عنده شي خيااال للمواليد بس غويلي
ا
ابتسامة بدلع
عروس مبدعة
04-03-2011 | 10:55 AM
صباح الخييييرات
شذاوي
مبرووووووك البيبي والحمدلله على سلامة مامته ويابخته بهالعمه;)

عروس
هلا بيك نورتينا

خوخـــــه
يعطيك العافيه
وبالنسبه للحرمه نفس الشئ حصل معانا
جارة ماما عزمتنا باليوم الي جابو فيه
جهاز عروستهم وطبعاً دخلونا نشوف جهازها وماشاء الله كل شئ حلو
وبعد فترة زارتنا وتشكي من لبس زوجة ولدها ونفس الشئ ماتعرف تلبس
والعروسه طيبه وأنا فبالي أن هذا شغل حموات فقط لاغير

جوجو
الحمدلله راضاك تصدقي قبل يوميين حصل بيني وبين زوجي تتش
ودخلت التجمع وأشوف الكل زعلان ضحكت :lol::lol:من قلب الظاهر فايروس جديد
لأن صديقتي نفس الشئ بس الحمدلله
رجعت المياة لمجاريها

لمسة أمي
الله يتمم لك وتولدي بالسلامه وتبشرينا يارب ولاتنسني دعواتك لي وقت الولاده:o

جالكسي
الله يتمم لك ماعند فكرة:rolleyes:

مهاوي وفوفو
طمنونا عليكم
ج
جداويا يا ابويا
عروس مبدعة
04-03-2011 | 12:14 PM
صباح الخير و الرضا من رب العالمين

امس ما نمت الا الساعه 5 سهرانه العب و متطمنه

انه بيتي نظيف و ما عندي شغل الحمدلله,,

و اللحين افطر على كيك و كوب نسكافيه ,,

تصدقون يا بنات و خاصه بنات ليبيا احنا مضغوطين جدا

و امس لما غيرت جو حسيت اني فكيت شي من القلق اللي فيني

فنصيحتي لكم بعد التوكل على الله و الدعاااااااااء اقول سلوا نفسكم

انا ما اقول اخرجوا لا بس لا تجلسي تتابعي الاخبار السياسيه

طول اليوم بتسبب ضغط رهيب افتحي لعبه بتحبيها و العبي صدقيني

بتحسين انك فرغتي شحنات سلبيه انا امس جلست العب بهذه



والله ادري انكم مو فايقين بس جربوا بترتاحوا ان شاء الله



الموقع تبع الصور اللي اعرفه انه متعطل


روز
رايقه صادقه اخوان زوجي في الشرقيه و سمعنا الخبر
منهم اللي يعملوها شيعه و مطالبهم سياسيه الله
يرد كيدهم في نحورهم و احنا لنا يومين نسمع فوقنا
طائرات حربيه مرتين كانت قريبه مرررررره و صوتها
مخيف جدا ,, الله يكفينا الشر جميعا..



جالكسي
والله بصراحه ما اقدر افيدك احنا نلبس البيبي لبس عادي
حلو و مرتب و بس و لا عندنا تجهيزات استقبال و مدري ايش
يمكن لانه انتم بتخصصوا ايام معينه تستقبلون احنا
ما نخصص ايام الزياره مفتوحه و اللبس لونه حلو
بس ماني عارفه كيف موديله الصوره مو واضحه
اذا عاجبك توكلي على الله و خذيه...
ع
عروس نجدية
عروس مبدعة
04-03-2011 | 12:25 PM
مساء الورد حبيباتي
البارح بعد ماكتبت ردي نمممممممممممممت من التعب وتو ماصحيت تقل ه ولقيت زوجي طالع للمسجد وافشيلتاه هههههههههه:o
المهم امس كان عازم اصدقائه وتعبت تعب الله لايوريكم من طبخ وتنظيف ومواعييييييييييييييييييييييين بهالبرد اللي عيا يطلع استغفر الله وكملتها بنتي شكلها تسنن كل شوي تسرب وانتم بكرامه والغسيل مكوم
.
.
مابديت باليوميات للحين
بقوم اغسل رضاعات بنتي واغليهن واصلح قهوة واطلع باقي حلا البارح وابسوي شاي وفطور خفيف ( المحروس يسوي رجيم :badly:) وابقوم بنتي العجازه اللي للحين مامشت ههههه:D اغير لها واشغل لها التي في
وبرضو مقرره اليوم ابخصصه للغسيل والكوي ( ملابس بنتي وزوجي ) ان شاء الله



بنات ضيقتوا صدري بالمظاهرات
أسأل الله ان يحفظ لنا الامن والامان وحسبي الله عليك ياسعد الخبيث الله يشغلك بنفسك عن السعوديه
يارب يارب احفظ لنا بلادنا من كل كيد خائن وحاسد
قولوا اميييييييين
وان شاء الله مايصير لنا الا كل خير لان غالبية الشعب يحبون الملك عبدالله فديته :o

شذو وابتسامه وفيه وحده كمان ردت
الله ينور قلوبكم بطاعة الله

روز
للحين ماتعلمت الكروشيه :o بس حمستوني هههههه:lol:
اخبار الجو عندكم ؟؟

خلود
قريت امس انك رحتي لحياة مول مع اهلك <<<مانست السالفه هههههههه
بس بسألك اخبار البضاعه للكبار والاطفال
بنتي ماعندها ربيعي ابددددددد ولا صيفي :confused:

يالله يابنات ان شاء الله (بيتنا الخامس عشر) من هالتجمع الاكثر من رائع يعني بعد 4شهور بإذن المولى
ارجع للاستقرار ونترك هالقريه المعفنه من غير شر والله يكتب لزوجي النقل للي نتمناه يااااااااااارب ياكريم ورحيم الطف بحالنا ويسر لنا

البارح لما صحيت الساعه 5ارضع بنتي اصوات الكلاب تخوف :hysterical:



ع
عروس نجدية
عروس مبدعة
04-03-2011 | 12:29 PM
جالكسي
انا العام فريت الرياض كله عشان لبس البيبي واخر شيء ولدت وانا احوس ههههههههههه ولبست بنتي لبس عادي
بس حلو هذا من وين ؟؟؟
توكلي على الله وخوذيه
الله يهون عليك


جداويا

منوره ياعسل


بييييييييب خروج بخلص شغلي

اشوفكم على خير
#
##خــوخــه##
عروس مبدعة
04-03-2011 | 01:07 PM
مساكم الله بالخير ,,

جالكسي ,,

صورتك موب واضحه ,,

روحي للبديعه مول ,,عندهم محلات كثيره للمواليد وشي فخم وموب ذاك الغلا ,,بحدود ال400 ,,300

وعندك بعد الرياض الدولي فيه محل نونو ,,حلو شيهم ,,

الله يهون عليك وكل حامل ,,
.
..R O S E..
عروس مشرقة
04-03-2011 | 01:16 PM
صباح الامن والامان وطاعة الرحمن..

توني مفتحة.. افطرت وجيتكم..

عندي غسيل امس ما بعد سفطته..

وباقي لي كم دفعة تنتظر دورها بالغسيل..

بطلع لحم يذوب للغدا.. وبطلع الخبز اللي بالفرن.. ابسوي بقسماط..

وبغسل المواعين..


swansea


1°C
الحالي: غائم
الرياح: شمال-شرق بسرعة 23 كم/ساعة
الرطوبة: &#1640;&#1639;&#1642;



[COLOR=darkorange]______________[/COLOR]

عروسة.. الله يعجل بنقلكم من غير شر..

بنات.. كل المصادر اللي قلتو عنها..هي من وكالة يقولون..

وانتشار الخبر لا يعني صدقه..هذا حال الاشاعة ما فيه مثل سرعةانتشارها..

انا طبعا ما اكذبكم..لكن املي بالله كبير..انها مجرد كلام فارغ..

والله يكفينا شر الشيعة.. يكونون 15% من سكان السعودية..
#
##خــوخــه##
عروس مبدعة
04-03-2011 | 01:46 PM
بنات.. كل المصادر اللي قلتو عنها..هي من وكالة يقولون..

وانتشار الخبر لا يعني صدقه..هذا حال الاشاعة ما فيه مثل سرعةانتشارها..

انا طبعا ما اكذبكم..لكن املي بالله كبير..انها مجرد كلام فارغ..

والله يكفينا شر الشيعة.. يكونون 15% من سكان السعودية..[/QUOTE]

المطالبه بالمظاهرات من سنين ,,وأنا سامعتها بإذني ,,من مصدرها ,,

آمين الله يكفينا شرهم ,,هذا مخطط الدوله الفارسيه المجوسيه ,,

لكن رجالنا قدها ,,

,,,,,,,,,,,,,,,,

كتبت ردي لجالكسي وانا عند أهلي من شوي ,,

وألحين وصلت بيتي :L:,,

مسخنه مكرونه ,,وأنتظرها ,,بنتغدى عليها ,,

وبرسل لأخت زوجي أعلمها إني وصلت بيتي ,,كانت بتجيني أمس وتعذرت ,,

الحلى جاهز من قبل أمس في الثلاجه ,,والبيت نظيف ,,بس باقي مسح السيراميك

والغرف ,,

___________________

عروس نجديه ,,

حياة مول يفتح النفس ,,حسيت بالفرق بينه وبين بضاعة المولات اللي بالسويدي ,,

البضاعه أحلى وأرتب ,,


.
...جالكسي...
عروس جديدة
04-03-2011 | 02:37 PM
رايقه انا من الرياض يالغاليه
جوجو حنا عندنا عيب نحدد زيارات بس اهل زوجي لهم يومين بالنفاس يجون يوم التمايم ويوم الاستقبال عشاني ببيت اهلي يستحون يجون كثير اما لو كنت ببيتي كان كل اسبوع اما خالاتي وعماتي والجيران يجون بكل وقت عادي فهمتي
خلود انا مريت البديعه مول قبل فتره كل شي اقل من عادي ابي الوان فاتحه سكري والى ابيض مااحب اللبس الرسمي للطفل يكون ملون
.
..R O S E..
عروس مشرقة
04-03-2011 | 03:24 PM
عند الاشارة تكون الساعة 12:19


سفطت الابيض اللي غسلته امس..

طلعت الخبز من الفرن وطحنته وحطيته بكيسه.. واخيرا سويت بقسماط..

غيرت للصغيره وعطيتها رضعتها..

حطيت دفعة وردية بالغسالة..

و كلت تشيبس مع اميراتي..

ودي اغسل المواعين عشان ارتاح نفسيا.. واغير بجامتي..

عند الاشاره تكون الساعة 12:24
ع
عروس نجدية
عروس مبدعة
04-03-2011 | 04:23 PM
باااااااااااك رجعت لكم
افطرنا وجلست اشوق برنامج (كل دقيقة يولد طفل) بقناة زون ريالتي وتذكرت الولاده:struggle:

بس ماغسلت المواعين وماغسلت الغسيل برررررد:o
وغسالتي تجيب المرض ياحلاااااااااااالي ياغسالتي ذيك احط الغسيل واذا خلص احطه بالمجفف اما ذي اغسل واصرف الماء واشطف بيدي وارجع للنشاف ترفع الضغط:mad:
بنااااااااااات بقولكم موقف يضحك
زوجي مسوي رجيم يعني تخفيف
المهم البارح سويت شعيرية بالخضار وملفوف
يوم حطيت العشا طفشتني ييونه وتعيي تأكل يوم التفت لزوجي قال الحمدلله وقام وانا بطبعي لما احد يرفع يده من الاكل اقوم مثله ماحب اجلس لحالي بس هالمره جوعااااااااااااانه وماتغديت وكل يومي كرف بكرف ..... ولما قام قلت ابكمل للييونه الاكل واشيل المواعين قال خذي راحتك وانا عاد يوم طلع حطيتهن بالصنيه الكبيره وقمت على ركبي يوم شفت بنتي تبربس (يعني تمطرس :lol: امممم بإختصار تحوس) صرت زي المفجوعه ابلع حبة الملفوف كامله اخاف يجي مادريت الا اللي واقف فوق راسي يقول وراك تاكلين كذا اجلسي وشوي شوي :o
تفشلت هههههههههههههههههههههههه بالرغم اني امون عليه بس عند الاكل للحين استحي غريبه انا صح :| !!!!!


خلود
بروح له لما اجي بإذن الله للرياض مشتهيه اتسوق واشتري واشتري واشتري :p لحد ماشبع من زمااااااااااااان ماشريت لنا انا وبنتي
معي 2000 ريال وفرحانه فيهن ههههههههههههه:lol:

بقوم اتنشط واخذ لي دش واتسنع ((ودااااااااعا للكسل ))
.
..R O S E..
عروس مشرقة
04-03-2011 | 05:00 PM
عروس.. انا كنت مثلك..

امون عليه وجريئه بكل شي..الا الاكل!!!!

واذا قام اقوم..حتى لو ما شبعت!!!

بس مع هالبنات الله يصلحهن.. اقعد اقطع لذي واوكل ذيك واظرب يد هذي اللي ما تمد الا اليسار..

خلاص..ماعاد يهمني قام والا قعد.. اكل لين تنسد نفسي من البنات..
.
..R O S E..
عروس مشرقة
04-03-2011 | 05:50 PM
باك.. غسلت المواعين.. ومسحت الكاونتر..

وطلعت الوردي عالنشاف..وحطيت دفعة ملونه بالغسالة..

ونقعت يانسون لروفه.. وتبدد بعض اليانسون.. وقلت لجود تجيب مكنسة اختها وتكنسه..

واثناء ما انا اعلم جود الطريقه الصحيحه للكنس..

ما دريت الا روفه جايه طاااايرة وتفحط عندنا.. ومعها مكنسه وقعدت تحوس اللي جمعناه بزعمها تساعد..

يا حلوها وهي تركظ...متحاااامسة..

والحين قاعده امخمخ على كوبتشينو مع كتكات بالشكولاته الغامقة..
#
##خــوخــه##
عروس مبدعة
04-03-2011 | 05:57 PM
بنات تدرون من سمعت صوته قبل شوي ,,

مها عبدو كلمتني ,,تسلم عليكم ,,وهي بخير ,,

النت مقطوع عندهم من أمس,,

ياحلو صوتها فيه بحه هههههه

وشكلي روعتها بصوتي خخخخخ
#
##خــوخــه##
عروس مبدعة
04-03-2011 | 06:07 PM
اليوم إدهرت بعمري شوي,,

قبل لايجي الغالي :L:,,

مرخت جسمي بفازلين وزيت زيتون وجليسوليد ,,

ويديني ووجهي سويت لهم خلطه ,,

عسل وسكر وملح وزبادي ونشاء وحليب سايل وزيت زيتون

,,وفركت وجهي بها شوي شوي ,,

ويديني فركتها بقوه ولبست قفازات ,,

وقعدت ربع ساعه وفصخت القفاز وفركت يديني بليمون وغسلتها ونشفتها ورطبتها بكريم ,,

ووجهي غسلته ونشفته ,,

وحسيت إنه منور <<الله ينور وجيهنا بطاعته ,,

نومت عيالي وجيت بنام الا الغاليه مها تدق ,,

ماتوقعت أبد إنها هي ,,

لأننا يوم تبادلنا الأرقام بداية مشكلة ليبيا

ماضبط معنا الإتصال وفقدت الأمل إني أسمع صوتها ,,

ألحين بروح أصلي المغرب,,

وأزين لي قهيوه وآكل معها الحلى ,

محدن بيجينا تعذرت أخت زوجي ,,

والعشاء إن شاء الله بحفظ بناتي السوره اللي عليهم ,,يارب تعطيني الصبر عليهم,,
X