بيتنا العاشر.. ربات بيوت متفائلات ونشيطات و مفرفشات لشهر ربيع الاول

سلام حبيباتي
لمسة امي حياك يا قلبو ربي يقومك بالسلامة
لقيت رقمك حبيبتي معليش كنت نايمة
اليوم تعبانة
عندي صداع رهيب
دعواتكم ..
( إِنَّمَا أَشْكُو بَثِّي وَحُزْنِي إِلَى اللَّه )

مساء الخير..

مها ..وفاء.. ان شاء الله تتعدل اموركم قبل تتدخل امريكا..

الله كريم وقادر على كل شي..

جوجو.. مشكوووورة عالروابط..

انا بحثت قبل اسأل بس كل اللي لقيته كلامهم متشابه ومختصر..

عكس اللي حطيتي..الله يعطيك العافية..

شذى.. ما اتوقع انك اغزر مني شعر!!! انا لو اخليه كان علوم..

بس اشيله اول باول قبل يتلاحق ويسير متعب ومؤلم..

محلاي وانا انام جنب زوجي وسيقاني شعر!! كني قرد!! اسم الله علي..


وانتي..عسى منتيب تخلينه عند زوجك؟!!!؟

_____________________

يومياتي..

روشت جود ولولو.. وحطيت لهم الشامبو اللي شريته.. مع انهن مش بحاجته..

بس اقطع الشك باليقين.. لبستهن واستشورتهن..

ويطلع دخااااان من شعرهم!! وشكله مزيت!! الظاهر انه زيت موب شامبو!!!! يا ليل..

وانا دخلت غرفتي وكملت حف..و خلصت ..كللليش..

وتروشت واستعملت السكراب الجديد.. موب مره خشن!!!

طلعت الملابس من النشاف وحطيت الدفعه الثالثةبالنشاف..

وسفطت الملابس وعلقت اللي يتعلق..ورتبتهن بالدولاب.

و الحين اشرب شمر.. واكل شابورة.. وبقوم اركب عالغدا..

قطو..

خلود
لو يلف الدنيا ما يلاقي مثلك .. واستودعيه الله .. ويرجع بالسلامة إن شاء الله

وتر /
الله يوسع خاطرك ويسهل أمرك
ويا رب يخلص شغل بيتكم على خير وتفرحون بالنتيجة

رووز /
سجود الشكر اللي أعرفه بدون وضوء بدون أي شي على طول أسجدي واحمدي ربك واشكريه
ذكرتيني بسجودي لما طلعت نتيجة إختبار الحمل .. خريت ساجده في صالة المستشفى
ما أحلها وما ألذها من سجده الحمد لله

جوجو /
الله يفرح قلبك .. ويسهل أمورك دنيا وآخره
ويخلي لك الأميرات ويصلحهم وينفعك بصلاحهم ويسخر لك زوجك يا رب

خلوددددد
ولا تقهري نفسك ولاشئ معقوله تغاري من ذولا
زي ماقالت جوجو خليك واثقه من نفسك وأكيد مايملى
عينه غيرك ياعسسسل

دعواتنا لاهل ليبيا يارب انصرهم
البارح فجرا قمت ع المطبخ كملت ترتيبه من غسيل ومسح مروحه الشفط وترتيب الدوالايب وبعدها استغليت نوم ساره واخذت بليدج والابواباللي نستخدمها يوميا مبقعه مسحتها ودخلت دوره المياه تكرمون وغسلتها بفلاش وتايد وطلعت تلق مسحت مرايتها
ورحت للجزامه وهاتك يافرز اغلب الجزم مانلبسها بس كذا ماخذه مكان ع الفاضي
رتبتها ورحت غرفتي شيكت عليها ورتبتها لان زوجي نام بالمجلس وانا وسارونه بالمقلط خليتها مرتبه وشغلت الفواحه وطلعت
وماكان باقي لي الا الكنس بس بيزعج الاقمار اجلته لليوم او ماقشعت من النوم ع المكنسه وحسيت بررراحه
الثلاثاء قمت صليت وسخنت مكرونه امس لبدر
وتغدا وانا كليت كب كيك لوزين وعصير فراوله ونمت الى 3 العصر قمت حطيت طلعت الدجاجه تذوب وتو تعشينا تغدينا ع المباراه
غسلت الاواني الحمد لله ومسحت الفرن البارح لبسته قصدير اريح للشغل
وشغلت المروحه عشان تنشف الاواني بسرعه
ويارب لك الحمد ماعندي شي تذكرت البارح كويت ملابس زوجي الداخليه
شذى الف مبروك المولود واكيد احلى عمه بتكونين الا وش سميتو العريس الله يحفظه
وتوره الله يعينكم ع البويه تكتم بس يقولون حطي بصله بالغرفه تشفط الريحه
وسمعت بعد بالفانيلا
خلود ياقمر استودعيه الله وماعليك انتي قمرهم كلهم يارب مايشوف الا انتي وبس والباقي خس
روز سجود الشكر الي اعرفه ماله تسليم
البااااااقين حبي ومودتي
بنات ليبيا كل ماتقدروا طلو علينا :L::L::L::L::L::L:

يومياتي
صحيت ونزلت بسرعه اشغل الفرن بسوي كب كيك
مع قهوة زوجي ورتبت المطبخ من امس محيوس
ورتبته وفي اثناء ترتيبه سويت فطور حبايبي وتسهلوا
نزل زوجي الغالي وفطرته وتسهل وجلست ع النت راااح
وقتي لحد 1 !!! وجاني نوم غريييييييييب ورديت باب الشارع
لأولادي ورحت سحبتها نومه لحد 4 و10 وصحيت نزلت غسلت حمام
الملحق مغببببببببببر (في الحوش) وركب ع قهوتي وجاء زوجي تقهوينا
وحطيت لعيالي صدور دجاج وبطاطس وخيار لانهم يوم جو من المدرسه
كلوا خفايف وبعدها كدست المواعين مالي خلقها اعوذ بالله تتولد كل ثانيه
ورحت تمرنت شوي وناموا اولادي وزوجي سولفت مع صاحبتي ساعه
والحين جيت ع النت .......


بنات
صديقتي ماشاء الله كامله والكامل الله
تقول زوجها غاثها بسالفه العرس تقول مرة زودها
متضايقه انا قلت لها اللي كاتبه ربي بيسير والرجل
ليس اخر الدنيا لاتجعلي امالك كله فيه استعيني بالله
لن يخذلك واهم شئ انه طيب معاك وكريم ويخاف ربه
وش رايكم وش انصحها هذا اللي قدرت اقوله لها تكفون
اعزها وودي افرحها بنصائحكم هي تقريبا عجبها كلامي
بس تقول ودي اعرف كل الرجال كذا وايش هدفه وليش يحب
يعكر علي تقول ماودي اتضايق قدام بناتي :(

انتظركم لاتبخلون

[YOUTUBE]ji6vxCNTqpI[/YOUTUBE]

لي عوده

وتوره /
أخبارك ؟؟
وكيف النفسية إن شاء الله تمام

جيت أطل ع المنتدى وبحاول أنيم أورح العيال لأني طااافيه من التعب

بنات ياحبي لكم ,,جعلكم تسلمون F:,,

كلامكم يطيب الخاطر ,,الله لا يحرمنا من بعض ,,
,,,,,,,,,,

صباح الخير بنات قمورات البارح كلمتني صديقتي وقالت لي سجلي بخدمه اعانه العاطلين عن العمل لان لنا مكافاءه شهريه لمده سنه من الملك طبعا الخريجات حلاتنا فمدري زوجي يقول لا فهمت غلط مو لكم ومدري من منكم عندها الخبر اليقين عشان ندهر نسجل اسمائنا حنا الخريجات مع وقف التنفيذ