بيتنا العاشر.. ربات بيوت متفائلات ونشيطات و مفرفشات لشهر ربيع الاول

سلام ..

كيفكم..
الله يطمنا عن اخواتنا في ليبيا ويزيح الغمة..

يومياتي..

صحيت 5 ونص صباحا..ولعبت رياضه ع الجهاز لمده 15 دقيقه وصليت وفطرنا وطلعناا..
ورجعت نمت ساعه وقمت غسلت كلل الغسيل الحمدلله وغسلت دورات المياه..
وسويت الغداء صينيه خضار بالدجاج مع رز ابيض..وبعد الغداء ذاكرت لعيالي..وكلمت امي وخالتي وصاحبتي وسلفتي ههههه
وسويت شاي ومكسرات وتققهوينا والحين بروح افرش اسنان عيالي وانومهم واكوي ملابس بكره واقعد ادرس شوي ..
بكره ماني مداومه عند بنتي حفله في المدرسه وبحضر ربي يحفظها..:015:

مساكم سعاده
الله يطمنا ع الغوالي الليبيبات ويلطف بالجميع
خلود قهر الماركات ناس تاخذه بذيك القيمه وناس تاخذه برخص التراب قهر انا من النوع اللي اكثر شي انتظر التخفيض
اشتري بكل راحه خخخخخخخ
جداويا والله مدري لكن بتصبغي انتي ولا مشغل اذت انتي خذي الكتلوج حق الصبغات ودوري نفس اللون بس مدري اتوقع لازم تسحبي اللون الي بشعرك والله اعلم
حبيبة زوجها نفس الشي بعد ماطهرت فتره ونزلت علي دم مع اني اكل المانع ناس تقول اخت النفاس وناس تقول بقايا النفاس
عاااااااااااااادي نفس وضعك

السلام عليكم ورحمة الله وبركاته .. مساكم الله بالخير

يومياتي

صحيت 5 وربع صحيت اولادي ورحت توضيت وصليت الصبح

وتوجهت للمطبخ سويت للاولاد فطور صامولي وبيض مقلي

ونسكافيه وحليب وفطروا في اثناء ذلك جهزت فطور للغالي

ورحت بنام وصادني قال وين اجلسي شوي قلت طيييييب

جلست شوي معاه وبعدها تسهل وراح ع شغله وانا رحت نمت

صحيت 11:55 ع جوالي رن زوجي في موضوع شاغله وكل شوي

يستشيرني وانا ارد واحسب اني احلم بعدها نزلت فطرت جايعه

مرة وصليت الظهر ونزلت كيس كشنه ( رااااااحه) وسويت معكرونه

وقليت لهم فرايز وقطعت سلطه وسويت كب كيك وجو اولادي عطيتهم الغداء

وانا شبعانه مسكت المواعين لميتها رميت بقايا الاكل بكيس النعمه وجمعت

كل المواعين وبخيتها بمستر مصل وعبيت طاسه مويه حاره وصابون موبي

وبديت رحلتي الممتعه في غسل الاطباق والاكواب والقدور والصواني وخلصت

رحت لميت سفرتهم ونفضت الغبار من الطاولات وجلست شوي ع النت واذن

العصر رحت صليت ورجعت ادور لي موديلات لزواج اختي يارب يسهل امرها

وبعد كذا رحت صلحت قهوة المغربيه وجهزت التمر ع اساس زوجي جاي

ولا جاء الا 9 الا ربع تقهوى وطلب عشاء عشيته وراح نام ع 11 تقريبا

وانا جيت لكم اكتب يومياتي علها تكون سبب لتحريك المشاعر المتجمده :)

تحياتي للجميع مافيني ارد

احد يطمنا على خواتنا اليبيات


رهف وينك طليتي يوم واختفيتي

بنات انا اكتب لكم وبنتي جنبي ترقد ع السرير الابيض لها اسبوع وان شاء الله يكتب لها خروج الدكتور بكره الله يشفيها اكثر شيء تعبتني عنده ابرة الوريد جننوني الممرضات فيها كل يومين يغيرونها الله المستعان والحين انا حابستها بين مخدتين عشان ماتتحرك
كرهت المستشفى من قلب
امي بعدها بنتي الله المستعااااااااااااااااااااااااااااان

ادري غياااااااااابي كثير بس الحمدلله على كل حال

بنااااااااااااات ودي افضفض لكم بشيء خاااااااص جدا واستشيركم اللي حاسه نفسها رايقه ولها نفس تفكر بحل لمشكلتي تقولي عشان اكتبها لكم
والله نفسيتي زفت مرررررررررررررررررررررره طلبتكم لاتخلوني

الف الف سلامه على بنتك ياعروس
نجديه وحنا خواتك فضفضي ياقلبي

حالكسي ...جوجو ياقلبي الله يسعدك شكرا لسرعة ردك
زوجي ملتزم الحمدلله ويخاف ربه بس اليوم جاب لي اللاب توب تبعه وانا جالسه افتش محرك البحث عباطه اشوف وش اللي يهمه لقيت كلمة sexمن ضمن الاشياء اللي سبق و بحث عنها صراحه انصدمت ومن المغرب وانا متضايقه وواصله حدي احس لو بشوفه ابنفجر عليه بس اخاف يقول هذي تراقبني ويصير يخبي علي
بصراحه مو اول مره يوم كان لنا نفس الجهاز لقيت كاتب كلمات اباحيه توقف شعر الراس بمحرك البحث بس كنت وقتها حامل بالشهر التاسع وقلت يمكن لاني بعيده عني بعلاقتنا الحميمه الشيطان وزه وقال له ادخل ومن بعدها نسييييييييت السالفه او تناسيت بس اذكر وقتها قلت له ان صديقتي تشكي من زوجها يدخل مواقع اباحيه وقام ينصح مكأنه دخلهن انا هنا انصدمت قلت يمكن محرك البحث يطلع لي اشياء زي كذا من نفسه بس الحين تأكدت انه هو يدخل مادري وش اسوي اخاف اقوله واواجهه يحط حاجز بيننا ويصير يخبي حتى اغراضه واخاف اسكت يتمااااااااااااااادى
هو محترم ويفرض احترامه احس مو مصدقه نفسي انه يدخلهن انا وش ناقصني رايح يدوره عند هالحيوانات استغفرك يارب

انصحوني ووجهوني تعبت والله مو كفايه بنتي اللي جنبي وحالتها حاله !!!!!!!!!!!!!!!!!!!!!!!!!!!!!

عروس نجديه /

الله يفرج همك وهمي
يا أختي تعوذي من الشيطان وأهم شي حالياً صحتك وصحة بنتك الله يخيلها لك
ما أدري وش أقول لكن عليك بالدعاء أن ربي يعافيه مما أبتلاه فيه
وحاولي قد ما تقدري أنك ما تحرقين دمك >> أدري صعب بس وش ونسوي غير كذا

الله يهدي أزواجنا ويسخرهم لنا ويسخرنا لهم

عروسة.. يا قلبي اهدي وتعوذي من ابليس..

و احيانا كثيره لما تكتبين في قوقل..يكتب لك الاشياء اللي تبدأ بالحروف اللي كتبتبها..

بس مو معناتها ان فيه احد طلبها..

وذكرتيني بنفسي اول..كنت اشط بعمري واتظايق اذا حسيت والا شكيت انه شاف شي بالنت..

والحين اظحك على نفسي.. واقول يااااا حليل النت.. بينهم شاشة..

الحين ما بينهم شي !!!! الله يستر عليه.. ويحفظه لي..

ويسخر لك زوجك ويجعله ما يشوف غيرك..

خلود..

تصوروا الأندر وير كان سعره ب105

وبعد التخفيض ب10 ريال ,,بالله مو حرام ,,

بالعكس.. هم بعد ما كسبو منها ودخلو المبلغ اللي يبونه من وراها..خفضو عليها.. عشان تخلص..

وينزلون غيرها جديد..

قهرك من اللي غالي..ويدخل الربح المطلوب..ويبتل غالي!! طمع وجشع!!

بنات انا بخير وبارك الله فيكم
النت كان مفصول

محتاجين دعائكم هلبة

مهاوي
يا هلا بهالطله
الحمد لله أنكم بخير
الله يطمنا عليكم جميعاً

طمنينا كيف الأوضاع عندكم ؟؟؟

والله يفرج همكم وينصركم على من عاداكم

صباح الخير يومياتي السبت كتبتها امس والموقع معلق حفظتها وتو تذكرت احطها حصل خير
الله يطمنا ع بنات ليبيا يارب ويهدي الاوضاع بجميع البلدان
شروق الله يشفي اختك ويعافيها يارب
خلووود النك حلو لكن الاول غي ر خصوصااني عرفتك فيه في حواء وعروس احس له رنه
جوجو اخبارك ع اي جوال رسيتي انا ودي تشتري الايفون انا ماتصفح كثير جوال زوجي اخاف اكره جوالي جوالي E72
مع انه يعجبني بس مافي مقارنه بينه وبين الايفون
الباااقين حبي لكم
السبت قمت الساعه 3 وع طول غسلت وجهزت اغراض سارونه وصحيتها ارضعها ورتبت كراكيب بالملقط
ودخلت المطبخ جهزت الغداء كبسه دجاج وسلطه بس
لاني بروح لوحده العصر جهزت غداهم وغسلت الاواني الي استخدمتها ماحب اطلع وفيه قرابع بالبيت قدماقدر احافظ عليه خصوصا زوجي بيرجع بعدي البيت احبه يلاقي كل شي نظيف ومرتب
خلصت المطبخ وبديت اتجهز تظبط وجهزت شنطتي وحطيت اغراض سارونه معي ماحب اشيل شنطتين يالله اشيل نفسي خخخ
خلصنا وطلعنا ع 5 ونص تقريبا رحت وانبسط تقهوينا وتشهوينا وحلينا واكلنا فطاير وفشار وكل شي رجعت 8 الا وبديت اجهز لللاولاد العشاء تعشوا واخذو شور وانا غسلت مكان غداء زوجي وغسلت كم قطعه بسيطه وكنست البيت ورتبت غرفتي والحمد لله راضيه عن نفسي وبيتي عن بيتي 90 % بس عن نفسي لا لاني اهملتها لاخلطات ولا محافظه ع الريجيم ولا شي مدري شاستنى خصوصا اني مسافره لاهلي ع اخر 4 ابيهم يشوفوني خاسه شوي بس كيف والعزيمه مو زي اول يارب تقويني
وهااااااذي يومياتي وسلامتكم