بيتنا العاشر.. ربات بيوت متفائلات ونشيطات و مفرفشات لشهر ربيع الاول

صباااااحالخييير..

:)الله يبارك فيكم جميييييــــعــــــــاً..:)

غيمة وفاء.. ويلز غااااصة بالسعودين..فما بالك بالعرب..

___________________

يومياتي..

امس رجعت للبيت الساعه ثنتين<< كنت مسيرة

وجا رش قوي وانا في الطريق..ثم على طول خف..وطلعت الشمس..

وقعدت اتلفت ادور القوس..تمنيت ان الكاميرة معي.. كان شكره وااااظح..

دخلت البيت وفتحت الشبابيك كلللها..اللي فوق واللي تحت..ما خليت شباك يعتب علي..

كان الجو برا منعش.. وحبيته يدخل البيت..

ثم دقيت على زوجي ابي اعرف نتيجته.. وبشرني بنجاحه.. ودرجاته اللي ماكان متوقعها!!!:biggrin: ماشاء الله

انا من الفرحه خنقتني العبرة..وحسيت نجاحه نجاحي..

هو كان يبي النجاح وبس..لأن قسمه صاااااااعب.. لكن الحمد لله.. ربي اكرمه..

كنت من قبل لا يختبر والى امس وانا ادعي له في سجودي.. انه ينجح بتفوق..

والحمد لله ربي استجاب لدعائي..

حسيت بشي مدري كيف اوصفه.. ودي اني عند الكعبه عشان ابوسها..

ابي احمد ربي واشكره من كل قلبي.. يااااااااه..ما اكرمك يا الله..

على طول سكرت السماعة ولبست جلالي وانا ابكيييييييي.. وسجدت سجود الشكر.. وصليت ركعتين لله..

الحمد لله..الحمد لله..


الدعاااااء الدعااااء يا بنات.. والله ان له تأثير عجيييب..

بس اهم شي..انك تدعين وانتي واااااثقة من الاجابه..

المهم.. كان قايل انه بيجي للبيت..

على طول شبيت البخور.. وركبت على القهوة..

وغيرت كيس المكنسه<< يعني فرغتها..

وكنست الصالة والسيب.. والمقلط.. ورتبت الصالة ومسحت الطاولات..

وجمعت الزبايل -تكرمون- وربطت الزباله وطلعتها..

زليت القهوة.. ودق زوجي يقوللي انه ناشب في تحويله ويخاف يتأخر على البنات..

فطلعت اجيبهم..بعد ما سكرت كم شباك من اللي تحت..

جبت بناتي وبشرتهم بنجاح ابوهن..

وحسستهم ان لهم فضل بعد الله بنجاحه..لأنهم دعو له كذا مره اثناء المطر..

<< مره من المراريت.. ابو جود طلب من لولو انها تردد وراه : يالله يارب انك تنجح ابوي..

قالت: بس يا بابا ما فيه مطره !!!:lol:

المهم..قعدت اسولف على جود واشرح لها عن الدعاء و متى ساعة الاجابه..

لييين وصلنا البيت..

دخلنا وكان زوجي واصل قبلنا.. وريحةالبيت فريش..

وركضو البنات يباركون لأبوهم..
تقهوينا ..ثم قمت سويت غدانا مقلوبة..

تغدينا وغسلت المواعين.. وشرفت الشيخه :badly:..عليها توقيييييت:thumbs_down:

اليوم.. قمنا الصبح ولبست لولو الويلش كوستيوم للمره الثانية.. ورحنا مع بعض للمدرسة بالسيارة..

كانت تمطر بقوة وهوا قوي..

دخلنا المدرسه.. بيعيدون الحفل وبنتي ملزمه على ابوها انه يحضر..

قعدنا بالصف الاول عشان تشوفنا.. وقعدت اصورها فوتو وفيديو وكل ابو شي..

و طلعت بنت لابسه لبس سهره وقعدت تغني..صوتها رهييييب.. كانها اصاله نصري..

جيت بصورها فيديو..بس روفه بكت..وانشغلت اسكتها لا تخرب على البنت..

دورت جود يوم جيت اطلع..ابي اصورها عشان ما تغار..بس كانت لاهيه تكلم التيتشر..

طلعنا بعد ما خلص الحفل.. حطنا زوجي انا و روفه بالبيت..وهو راح للجامعة..

حطيت دفعة غسيل غامق لزوجي..

بقوم اطلعه واحط دفعه ثانية..

وقطو..

خوخه
أبشري ياقلبو
خخخخخخخخخخخخ
ضحكت عليك كلن على همه السوق
هذا انتي واختي نحن على اخوي يودينا للسوق
وراح ينوم الله يصلحه.

....................................
روز
صدقتي والله ماالطف ربي وماارحمه علينا
صدق الواحد لازم يحسن الظن بربي.
.....................................

هذا برنامج كارتوني.. يجي على الـTV وبناتي استفادو منه كثيييير..

خصوصا بالقرائة..خلاهم يعرفون كيف يتهجون انقلش..

لقيته وانا افرفر وحبيت تستفيدون منه مثلي..

هذي الحلقه الاولى..كل حرف ينطق صوته

[YOUTUBE]UU4FKj0OmWs[/YOUTUBE]

هذي حلقه يعلمون كيف تميز بالنطق بين K و C

[YOUTUBE]NihoYsZ1vO4[/YOUTUBE]

وغيرها الكثير..

يومياتي
مافي شي جديد
من بعد العمال بيتي كله غبار وسخ وسراميك كله بقع
ابشركم الغساله شغلتها من بعد ماشريتها من شهرين واكثر
وخلصت ملابسنا
زوجي كان بياخذ عمال علشان تنظيف البيت وانا رفضت
قلت مارتاح لهم وماتوقع بيهتمون بتفاصيل التنظيف
طلع وجاب معها اسكور
حطيته على سراميك خمس او عشر دقايق مع مويه واحيان بدون مويه
والله يابنات انه فضيع بس لازم مايكون في البيت اطفال علشان رايحه
مثل الفلاش يتفاعل مع ترويبه السراميك كانت لونه غير والحين لونه مثل قبل ابيض ناصع
في السراميك بويه راح مع الفرك بمكنسه انا خفت منه عليه تحذير مايلمس الجلد بس كذا نقطه
جاتني اغسله بسرعه واطلع رجولي فيها تغير بس الحمدالله ماصار شي
يعني مثل الفلاش
بس انصح اي وحده تستخدمه تاخذ جزمه بوت وتحط قفاز علي يدها افضل
هذي يومياتي
باقي عندي المطبخ كله غبار
ومجلس الرجال والحريم وغرفه النوم وحمام الرجال والحريم وغرفه الطعام وغرفه المعيشه
ووووو
الله يكتب الاجر لي ولكم
زوجي اليوم مسافر الله يرجعه بسلامه
مابعد فرحت معه بيتنا:'(:(


دانة بقلبه كانت هنا

ابشركم رحت اليوم وسوو المقابله معي وقبلوني
في دورة الدعم الفني لاعطال الحاسب يعني بدرسه من جديد
بس على اطور

لي عوده باذن الله

يومياتي
مابين مساعدة امي وتلبية طلبات عيالي
وغسيل ملابسنا والكوي
ولا سويت اي اهتمام بنفسي
مدري متى ببدء
حتى الريجيم مابعد بديت
الحين زوجات اخواني عندنا وسويت لي كابوتشينو بالخفيه خخخخخ
ورقيت الغرفه اروق شوي باصلي العشاء وانزل معهم
ابشركم شريت كتاب بوصلة الشخصيه
وناويه اقراه واعرف كيف اتعامل مع زوجي واخواني
يقهروني الاولاد احس التعامل معهم صعب أقصد اخواني
سبحان الله الجيل هذا تعاملهم مع اهلهم ووالدينهم غيرنا تماما

...........................

F:السلام عليكم ورحمة اللهF:
برد بعدين يومياتي شذو ياقمر بندر لسى مادخلته اقصد مابدخله مره وحده السنه الجايه دراسه
احبك الهي اي والله رجال مهبل بالله وش دخلي لاتخاصم مع زوجي
جداويا ياعمري مابقدر اروح ان نادت لاني بحس انه مو مرحب بي من قلب وسبق ومنعها زوجها تناديني فبعتذرها بكل احترام:o
مهااااوي اخبارك وعلومك استاحشتك هلبه
سلخير اخبارك شكلك ماعاد تداومين صح؟
ماذكر من سئلتني عن شاي الاعشاب هو شاي اخضر وزنجبيل ونعناع وكمون اشربها بعد الوجبه
روووووعه للتنحيف والكرش

رايقه حلوه الكلمااااات خخخخ عجبتني ان طفلي لاصق بذيل فستااااني فعلا كذا الصغار ;)
دانه بقلبه قواك الله ع التنظيف ويعطيك العافيه
روز ماشاء الله اتخيل شكل بنتك ع خشبة المسرح وشعورك اكيد قلبك بينط من الفرح عقبال ماتشوفيها بالكوشه :adore:
اليوم ماقمت الا العصر الظهر انتظرت بدر وتغدى نجت وبطاطس
وكملت نومه للعصر والاخت مشرفه قمت اخذت دش دافي وجهزت لي كوب قرفه وقشر وكب كيك
وزوجي ناداوه العمل وجهزت له توست جبن وشاهي وراح الله يحفظه
وانا غيرت لسارونه ورضعتها وعطيتها العلاج
وقمت غسلت اواني بالمطبخ وحطيت كم قطعه لسارونه بالغساله
ودخلت دورة المياه غسلتها بالكلور والصابون وطلعت تلمع
كنست المقلط من فتات الشيب ومريت سريع بالمكنسه ع الغرف
ايه الفجر كويت كم قطعه لللاولاد وعلقتها
والحمد لله البيت مرتب واحس براحه لانه ماعندي اي شغل متراكم كل شي بمحله باقي الله يكرمكم الجزامه افضى لها يوم واسوي لها تصفيه الجزم فوق بعضها

السلام عليكم
كيف حالكم اخباركم ان شاء الله تمام

طبعا امس مانمت الى متاخره مررره جلست اراجع بعض الاشياء استعداد للمقابله:study:

ومانمت غير ساعتين وصحيت واخذت لي شاور ولبست ولدي وصحيت زوجي ولا

حطيت مكياج اللهم كحلت حواجبي وحطيت مسكره وقلوس ناعم وطلعت من البيت

الساعه 8 ونص وزحمه الطريق وموعد مقابلتي الساعه 9 وعلى اعصابي واخذت كتاب

حصن المسلم وقريت اذكاري وجلست استغفر واحس اني بديت اتنرفز من الزحمه

واحتريت ولا وصلت الى 9 وثلث ياربي رحمتك مابغيت اوصل والحمدلله اعجبت

المسؤله باجوبتي كنت اجاوب بدبلوماسيه وبثقه عاليه :thumbs_up: وعلطول حطتني في القائمه

بس في شهر 7 بتبدا الدوره يعني بعد ولادتي بشهر يمكن على اخر نفاسي وقالت لي

لازم اخذ دورة انجليزي وان شاء الله من هنا لولادتي يجيب الله مطر

ورجعنا البيت وولدي تعبااااان مانام زين وسوينا الفطور مساعدة زوجي وعفس لي

المطبخ كل شي يقطعه بسكين لحاله البصل قطعه ويوم خلص حط السكين وخذا جديده

للطماط ويوم خلص من الطماط خذا سكين ثانيه للفلفل خخخخخخخخخخ والملاعق نفس

الشي مر يحرك بالخشب ومره بالحديد وبربسته واجده ولا اقدر اقوله شي لاني كنت

منيب بحاله جوعانه مررررررره واخيرا خلص الفطور وافطرنا وجلسنا شوي الى

وياذن الظهر وولدي نام وبرضه زوجي طلع من الصلاة وعلطول عالسرير وانا تفرجت

عالتلفزيون ونمت وانا اتابع ماصحينا الى اخر العصر :woo: وصليت وصحيت زوجي

الله لا يعاقبنا فاتتنا الصلاة وعصرت لي عصير ليمون وجلست شوي اتابع التلفزيون

واذن المغرب وصليت وابتديت اسوي مكرونه وحمرت معها بطاطس وقطعت سلطه

وكنت امس لافه سنبوسه وحمرتها معهم واكلنا قبل اذان العشا وبعد الصلاة رحت اتمدد

احس فيني تعب وغفيت يمكن ربع ساعه وصحيت سويت لولدي شي ياكل وسويت لي

كوب شاي وجبته مع السنبوسه وجيت اشوف يومياتكم كود اتشجع وازين حوسة المطبخ :hysterical:

ــــــــــــــــــــــــــــــــــــــــــــــــــــــــــــ
والله ضحكت على امنياتكم وحده غساله مواعين والثانيه سوق كل في قلبه شقى اللي له هههههههههه اجل بلمح من الحين بغرفه لفوفو

روز ذكرتيني بروعتي بولدي تدرين من عقبها الى يومك مارحت لبيت اهلي كل ماتذكرت اللي صار دمعت عيوني غصب اذكر اني خفت خوف ماعمري خفت مثله وجلس يقرا علي رجلي من الروعه احس اني جلست كم يوم مفهيه وكل شوي احضن في ولدي :)

صادقه ياشذا الجيل هذا مدري كيف تعاملهم مع والدينهم
يقهروني اخواني اخوي اللي بثاني ثنوي صاير ينرفز بقوووووووووه
صحيح قلبه طيب ويحس بغلطه علطول ويعتذر واحس اني متضايقه لتغيره المفاجئ
وامي تقول كلكم مريتو بهالمرحله يعني هالفتره يحتاج طولة بال ولاحد يحتويه
والله يهديه بس

مساء الخير..

هذا رابط صفحة اليوتيوب اللي طلبتوه..

http://www.youtube.com/watch?v=UU4FKj0OmWs

وللللللللللللللللللللللللللللللوييش ولولولولولولولولوولولوولوولولوولووليش


ابشركم لقيت جوالي بعد مانعفس بيتي كل البيت فصفصته فصفصه مالقيت شي وبالاخير لقيت بالمستودع شكلها حطته بين العابها وطاح بالزاويه يارب لك الحمد والله فرحت يوم شفته اعوذ بالله احسني انقطعت عن العالم

يومياتي مانمت من الساعه 7 ونص سويت فطور لزوجي وراح العمل وانا مسكت البيت غرفه غرفه انفضها ادور فيها ثم ارجع ارتبها واكنسها وامسحها واستغرق هذا المجهود الى الساعه 2
الشي اللي استفدته بيتي ماشاء الله مرتب ويفتح النفس منظف عميق ونمت تقريبا العصريه وصحيت سويتلي تمريه >> قلت روز مهي باحسن مني خخخخخ

وقطعت باميه بسويها عشاء وعجنت خبزنا بروح اغير لبنتي وابتدي بعشانا

[جالكسي يارب يكتب لك الصالح وماشاء الله حلو لما الوحده تكون واثقه من نفسها
احبك الهي وربي فرحت لك احسه حوالي اللي ضاااع ياشيني بدونه احس اني مضيعه
حطيت قهوتي ع النار وانتظرها تخلص واتقهوى عسى يخف الصداع مرررره مكسله واحس الزكام ادهر تهي تهي