تجمع حوامل وامهات قطر لشهر ربيع الاول لعام 1432ه؛ الموافق لشهر فبراير لعام 2011م

هيبة
الف الف مبرووووووووووووووووووووووك حبيبتي
وربي يتمم لج ع خير

بنات قبل كم يوم طبخت واخيرا خخخخخ
كب كيك خذت الطريقه من شمس قطر وطلع وااايد حلو بنقله لكم

كب كيك التمر والجوز

المقادير:
1كاس ونص دقيق..
ثلاث ارباع كاس زيت ..
نصف كاس شوفان..
ثلاث ارباع كاس سكر..
علبه قشطه..
3 ملاعق كبيره حليب بودره..
ملعقه صغيره فانيلا..
2ملعقه كبيره باكينج بودر..
ملعقه صغيره قرفه..
3 بيضات
جوز مجروش طبعاَ الكميه حسب الرغبه..
كاس تمر خلاص منزوع النوى ومنقوع بكاس ماء مغلي ونضيف له ملعقه صغيره من البيكربونات ..

الطريقه:
في خلاط الكيك
نخلط الزيت والسكر ونضيف له البيض والفانيلا
وننخل الدقيق والقرفه وذرة ملح والباكينج بودر

ثم نضيفه الى الخليط وراح يتكون عندنا مزيج ثقيل

نضيف له نص كاس من ماء التمر
ونخلطه بالخلاط
واخر شي نضيف له التمر والشوفان والجوز

ونحركه بالملعقه ونصبه في في صينيه الكب كيك
وتدخلينه الفرن نص ساعه تقريبا
تخلينه يبرد وتصبين عليه التوفي وتزينينه حسب الرغبه
راح يطلع لك احلى كوب كيك بالتمر
طبعا هاذي المقادير تكفي 24 حبه
واليكم الصور





( انا ما ضفت بيكربونات الصوديوم ولا الحليب ولا القشطه )

كامي

شكله الكب كيك حلو ؛ يبي لي يوم أسوي شي جذي ؛ بنتي هالأيام متولعه في كبك كيك الشوكليت.

ليله
جربيه بس انا ما حطيت جوز

والتمر والشوفان خلطتهم بالخلاط مب بالقفشه حق بناتي اسهل عليهم

حلوة الطريقة كامي
احب كب كيك التمر و الجوز

كامي
بجربها ان شاءالله وبقوولج تجربتي

صباح الخير

أبي قهوه أبي أرقد ، أخيراً اليوم الخميس.

صباحو بنات
اخ زين يه الخميس نرتاح شوي

صباح الحب والامل
صباح الخميييييس

دقت ساعة الراحة
دقت ساعة الوناسة
دقت ساعة جمعة الاهل

الى الامام
الى السيتي
الى الحياة بلازا
الى فيلاجيو

فارفلا وأم شيوخ

شخباركم؟

صباح الخير

ولدي طاب الخميس ومرض الاحد لقط له فيروس ثاني وانا الثلاثاء تسممت من هارديز وصادتني نفس الحاله ترجيع واسهال لا والدورة وياهم ويضرب القولون بعد ويومين ماكنت راقده وصداع وريلي مسافر وقاعده عند امي شوي تجابلني وشوي تجابل ولدي اعتفست هاليومين

الحمدالله الحين احسن .. عاد اختي الصغيرة لقطت الفيروس الله يعين

ولدي رد على حالته يقوم من النوم ويبي بارني لما خليته ينام ند امي قعد ونام مره ثانية بس ماصاح يبي التلفزيون لما نام عندي رجع مره ثانية يصيح ويبي التلفزيون عطيتها اياه مره ثانية وسكت ونام

ابي اعرف ليش العيارة عندي انا بس

لو اخليه يصيح بيصيح لي الصبح ولايسكت شسوي لاتقولون طنشيه لاني جربت اطنشه ومافي فايده

هيوبه: الف مبرووووووووووووووووك حبيبتي والله يثبته ان شاءالله

هيبة
الف مبروك والله يتممه لج على خير

اليجنت
ماتشوفون شر ... كل اليهال جي عند الام يحنون ويصيحون ..لا تعطينهم ويه

ليلة حب
الحمد لله
كويسة
بس شغل ودراسة وعيال
جهاااااد مو طبيعي
اليوم مارحت الدوام
راسي متسندر حدددده

اليجنت
واعلية ماتشوفون شر
عيارة اليهال مالها حل
يبيلها متخصص
اذا تقدرين توصلين حق د. ابراهيم الخليفي
يساعدج

وهج : ماعطيه ويه واخليه يصيح عقب اخاف لانه يتم يصيح وايد ويكح وهو اصلا مريضا واخاف يزوع عشان جذي اطاوعه

فارفلا : وين يشتغل دكتور ابراهيم الخليفي وهو مختص في شنو؟

صباح الخير

شخباركم ؟
واخيرااا الويكند جااااا :)


لولوة الدوحه وينها مابينت من كم يوم ؟؟

فارفلا

الله يعطيج العافيه ويقويج


اليجانت

الله يعينج ، أنا بنتي جذي تسوي لي قصه قبل لا ترقد كل دقيقه تذكر شي تبيه إلا لعبتها إلا حليب إلا مادري شنو ، وحزات أعطيها ويه وحزات لا ، صار لي يومين ما ترقد إلا 1 ونص في الليل ووراي دوام.

ليلة حب والله الحمدالله بس مادري مزاجي من الصبح كان اوكي اي شي اشوفه او اسمعه يخرب مزاجي على طوووووووووول صايره غريبه من صج بسرعه يتقلب مزاجي ليش مادري...
اليقنت انا ولدي نفس الشي عياااااااااااار خليفه يقعد يصيح لين يرجع الي بجبده كله والحين صاير اول ماحطه في سريره وارجع انام يقعد يصيح يذبح عمره ويشاهق ويقعد ريلي يقولي لاتخلينه يصيح شيليه على طول شاسوي ماقدر اروح فيه الصاله ماعندي مكان

صباح الوردات

اليقنت


ماتشوفون شر


وعن ولدج مثل الحاله انا قمت اكره ااكل ريمي تقعد اتدلع وتلعب وترفع ظغطي
بس اذا حد غيري اكلها شحلآتها تهبل تاكل ‏‏
هم يسوون هالحركان عشان احنا معطينهم فيس ‏

صباح الخير

صباحكم الورد
اليجنت
مايشوف شر حبيبي
نفس ولدي شفى الخميس ولقط فيروس ثاني الاحد
وهاذانا مع الادوية ..