تجمع حوامل وامهات قطر لشهر ربيع الاول لعام 1432ه؛ الموافق لشهر فبراير لعام 2011م

نور الحب

.. أنا يوم كمل ولدي 4 شهور وبنصيحة من اخصائية التغذية مالت الأطفال عطيته ميلوبا الأرز بس سبب له مغص وطول الليل يصيح ويحن وقفته عنه الحمد لله بدا يهدا وينام مرتاح وعقبها بفترة رحت عند مهند واستشرته بموضوع الاكل وقلت له عن ميلوبا الأرز وقالي هو فعلاً أحياناً مايناسب بعض الأطفال وقالي عطيه سيريلاك الأرز يعني أغير الشركة وبديت اعطيه من كمن يوم يعني يوم له خمس شهور وعشر أيام لأن عبودي كان مريض وماقدرت أعطيه أكل أول 10 ايام ... اتبعت طريقة مهند وهي :
10 ايام سيريلاك أرز وبعدين 10 أيام خضروات و10 أيام فواكه طبعا مب كوجبات كاملة لا بالتدريج يعني أخليه يذوقه عشان يتقبله شوي شوي يعني نص وجبة وأكملها بحليب لين يكمل ال6 شهور ابتدي فيها كوجبات أساسية .. أنا طبعا راحت علي 10 ايام من الشهر خليت السيريلاك أسبوع وبعدين الجزر 4 أيام واليوم بديت بالكوسا وكل صنف 4 أيام وبعدين أبدأ اخلط نوعين ليييين يكمل الشهر .. والافضل تبدين بالخضروات لانج لوبديتي بالفواكه وطعمها حالي يستحسنه الطفل وممكن مايتقبل الخضروات بعدها ..