At3bny '3rory;14456921:
انه عندي شريفة احلا من شيماء بو جيري
يعني جفت من اللي مكيجتهم بالنت مو ذاك الزود مكيااجهااا و خصوصا رسمة الكحل و مو زاهي ذاك الزود مكياااجها
يعني شريفة احلا بوااجد و عايشة الريس عادي توهقج ع اخر لحظة و تسافر عنج
س سؤال ؟!.. :o
هل شفتِ أو سمعتِ من أحد إن عايشة سافرت عنه في يوم الحفلة و وهقتـه ؟!..
للأمانة هـ الماكيرة .. تعجبني وايد
أخلاقاً قبل كل شي وايد أخلاقها رفيعـة
أنا ما بـ دافع عنها , لا والله :hysterical:
بس من فترة توفت أم زوجها وما قامت تمكيج وهذي ظرف طارىء ومحد يقدر يتحجى عليـه
الكل جا وقال وكتب إنها توهق ؟!!!!!!!!!!!!!!!!....
مع إنها توقفت عن التمكيج بس أسبوع أو أسبوعين :thumbs_up:
حالياً إهي مسافرة
مسافرة 3 أو 4 أيامـ بس
وكل إلي حجزوا عندها يدرون إنها مسافرة مؤقت وبـ ترجع ;)
قالوا تسافر وتوهـق !!!!..
أو بعض إلي دقوا يحجزون لـ ربيع قالوا عنها بتسافر وكل العرايس إلي حجزوها خافوا
مع إن مثل ما قلت سفرة مؤقتـة
يعني بـ غض النظر عن كل شي
ومو بس كلامي عن عايشة
قبل لا نتحجى عن ماكيرة معينة ونقول إنها تسوي
لازم هـ الشي يكون معروف عنها :rolleyes:
وعايشة ملتزمـة وايد بـ مواعيدها ما مرة سمعت إنها هدت كستمر بحرينية و وهقتها وسافرت علشان كستمر برى !..
ولا تتحسسين من كلامي حبوبة بس حبيت أوضح لج هـ النقطة يمكن إنتي نفسج غافلة عنها
عموماً
منهي إلي سآلت عن ( عايشة الريس , شريفة فولاذ , شيماء بو جيري ) ؟!.. :D
أبوي هذيلا الماكيرات كل وحدة لها ستايلها
عايشة .. تحط الستايل الوسط , ناعمـ بس فيه فخامة وزهوة
وتحط 70 للعروس
شريفة .. تحط الوسط الفخم وايد يميل شويه للثقيـل بس شي راقي ما فيه دفاشـة
تحط للعروس بـ 70 أو 100
شيماء .. ناس تمدح وناس تذم أنا ما أقدر أفيدج عنها ما قط شفت شغلها بس صور شغلها منتشرة في النت ما شاء الله
تحط للعروس بـ 90
أنا عني أرشح لج (شريفة أو عايشة)
وشوفي الشغل بـ عيونج قبل كل شي
|||
أجاصة;14456964:
اتصلت لشيماء الي تشتغل في الرونق وكلمتني بالانجليزي
هل هي يعني مو بحرينيه وله شنو؟؟
شنو ستايلها في الميك اب؟؟
وهل مكياجها احلى من مكياج شريفه ؟؟
مع اني ما أبغي مكياج ناعم وايد كأنه مكياج لبناني
ادري سئلت وايد
أي افضل اني البس فستان أبيض أو (لؤلؤي وصدفي وهالالوان يعني )؟
في خطوبتي لبست فستان تقريبا ذهبي على أصفر خفيف كلش
ما تبين ميك آب لبناني ؟.
أبتعدي عن شيما ماك
لأن بنات ماك عموماً ستايلهمـ كل أبوهمـ لبناني ناعمـ :thumbs_up:
|||
persian_moi;14457006:
بنات لا تنسون سؤالي ضروري
امي تبي الرونق وياي حق عرسي عند من احجز لها المكياج والشعر؟
ابي تفاصيل بليز
إنتي مدحتي شيما ماك صوح ؟!..
طيب ليش ما تحجزينها لأمج ؟.
لأن الرونق ما عندهمـ للميكاج إلا نهاد
وتحط للعادي من 35 وما فوق
والحين تقولون إن عندهمـ شيما ماك
يعني عندج خيارات للمكياج
والإثنين يحطون اللبناني الناعم :biggrin:
وبخصوص الشعر للعادي عندج : في , حسنا , بدريـة
:thumbs_up:
|||
أم كشكوش;14457422:
بنات
رحت نظارات احسان
دبحت روحي ابي اجرب العدساات ما قدرت ألبسهم
كلش اخاف اقربهم من عيوني
وحاولت الفلبينية تلبسني اياهم بس بعد اخاف اقوم ارجع راسي ع ورى
شسوي ؟؟ شالحال؟؟!
أغير رايي وما ألبس يعني؟؟ بس شلون في الحفلة ما اشوف؟؟!
خبروني شلون لبستونها أول مرة؟؟!
,,
شيء ثاني
رحت صالون آن سويت فيشيل
كللللش رووووووعة الصالون
حسيت براحة فضيييييييعة
وشغلهم عال العال
ومعاملتهم حلوة
,,
أممم
رحت ادور استاند للذهب
رحت مزاهير ما عجبني شيء
رحت سلطانه اللي في سترة شفت اثنين احليوين بس واجد كبار
قال لي في فرع مدينة حمد أكثر
اتصلت للؤلؤة بيضاء قالت ما تشتغل يوم الخميس والجمعة
وقالت لي في صور في الفيس بوك
بس ما شفت !!!
واحين ماادري من وين آخذ؟؟!
ساعدوني :(
:lol: :lol: :lol: :lol: :lol: :lol:
ويلي عليج بس ,
لهـ الدرجة العدسة تخوف ؟. :|
ترى والله ما تعـض
وأقولها لج بـ حكمـ التجربـة
أنا العدسات كل يوم في عيني
من الصبح للمغرب
تعودت عليهمـ .. صاروا صديقاتي ههههههه :lol:
ماكو أي آلمـ ولا عوار ولا أي شي :-#
يمكن مجرد تدمع عينج
فقط لا غير
لبسيها ببساطة
لبسها ما يحتاج تعليمـ أو أم وأبو :worn_out:
فتحي يعني على الآخر ومسكيها بيد (فتحي العين بيدج يعني)
باليد الثانية وتحديداً بالصبع السبابة
حطي العدسة على عينج .. حطيها عدل ثبتيها
صكي عينج ثواني ولا ربع ثواني
فتحيها وقعدي رمشي هههههه علشان تتجنبين الدموع
وخلااااااااااااااااص
أول لبسة بتشوفين الدنيا ضبابية شويونه بس
كأنه شي جدام عينج
شي طبيعي بسبب اللون
مع الأيام بتصير وجودها والعدم واحد
الإلتهابات في العين ما تجي بسهولة
تجي بسبب الإهمال في نظافتها وتعقيمها
أو إن العدسة أو السلوشن منتهيـة صلاحيتـه
وحتى الإلتهاب مب ذاك الشي الجايد ,
أزيد من جذي تفاصيل ؟!.. شتبين بعد يالحلوة :lol:
ويالله لا تخافين وتوكلي على الله
وإذا وايد وايد أستصعبت عندج الحالة
أشتري لج عدسات النظر الشفافة اليوميـة
هذي تنلبس لبسة وحدة وتنقط
يعني ما راح تتعبـج ولا حتى في اللبسة تتعب لأنها أسهل
أقلها علشان تقدرين تشوفين , :confused:
مو لازم ملونة
|||
ستاند الذهب .,
أرشح لج وبقوة ( أم محمود ) من الدراز إلي هي = لؤلؤة بيضاء
أسعارها مناسبة وايد
وشغلها روعة ونظيف ومثل المحلات
وتعاملها وايد راقي
تعاملت عندها في مناسبات عدة
وتقدرين تروحين أي وقت بيتها تشوفين شغلها
:thumbs_up:
مب شرط الخميس أو الجمعة يعني ,
وسلطانة ..
يمر علي الأسمـ بس أمانةً
ما قط يعني شفت شي من شغلهمـ
ومزاهير .. إذا بتسوينه ورد طبيعي :adore:
أنصحــــج ,