تراجي ام الزين كله;14450655:
على طاري العروس وهالسوالف
بنات شصاير في بعض الشباب
لي تقدمووا قالو مانبي البنت تشتغل؟؟!!
واحد حرني يقولي انه زوجتي ابيها ربه بيت قلت اوكي ودراستي ومستقبلي
شاللي يضمن لي انك بتم معاي العمر كله؟؟
شوي الا مطلقني؟؟
وجم بتعطيني كل شهر؟؟قد مابحصل من راتب؟؟
واليوم مسكينه رفيجتي مكملين وقصوووا المهر
واخر شي تتصل اخته بكل بروده اخوي راجع نفسه مايبيها تشتغل لان دوامها لي العصر!!@@
ورى لعبه اهي
سوري بس شي يحر من قلب
صادفكم جي؟؟
الاخ مضيع شكله ,, الناس تدور ع بنت تشتغل وهو يبي ربة بيت:!!:
بس حده مو شي المفروض يفكر قبل ما يقررون ويقصون المهر,, زين انه تكلم قبل ما يرتبطون وتتوهق البنت ,, و الله يرزقها بلي احسن منه :)
I am alonely;14450731:
بنات احد يوصف لي بالضبط في وين محل مدهش اللي يبيعون فيه اكسسورات ؟؟
تتوقعون احصل فيه اكسسورات حق حفلة خطوبة اختي بسعر مناسب؟؟
اذا تبين الي في جدعلي ,, خلي ديسكافري على يسارج وروحي سيدة ,, المحل يصير على يدج اليسار بعد,,
عنده وايد اكسسوارات حلوة واسعاره مناسبة,,
مخمليات;14451152:
سويت بيرشيان,
بيرشيان موي,
ميدو العروسة,
عليكم بالعافية مقدما ومبروك لكم ولباقي العروسات ولا تنسونا بالتقارير والتقييم ;)
الله يعافيج والله يبارك في حياتج:o
خل يمر عرسي على خير وانزل لكم احلى تقرير:D
بحرينيه وكلي فخر;14451495:
مرحبا عرايس
امس كانت ملجه رفيجتى
العروس كانت رايحه شعر الرونق ومكياج عند فردوس صالون ايلاف
لبست هندي لونه تركواز
العروس ككل طلعت حلوه شعر وميكب وفستان
سفرتها كانت من المحل الى ايام المعرض حاطين اعلان عنه اسمه زهره فنان ولا ورده فنان اظن شي جذي ما اذكر بالضبط لانه امس بعد كان مدخل الصاله كانوا حاطين نفس الاعلان
السفره كانت حلوووه الوانها بالضبط نفس لون مكياج وفستان العروس
كانت وايد راقيه ومرتبه
الملجه كانت في قاعه الدانه شارع البديع العيب انها كانت ملجه ومب عازيمين ناس واااايد يعنى الاهل وصديقات العروس وبس الكل تقريبا 150 شخص كل الى فى لقاعه والقاعه كبيره على ملجه تحسين المكان فاضي
ما قدرت اصور لانه رحت متاخره:)
ان شاء الله الخطوبه تاريخ 15 بصور وبحط لكم تقرير مصور
:o:o:o
10/2 عيد ميلادي اليوم كبرت سنه
الف مبروك لرفيجتج و الله يتمم لها ع خير,, وترى وردة فنان اهو حسين الشجار,, حجزت سفرتي من عنده ,, حبيت شغله ;)
وكل عام وانتين بخيييير وعقبال المليوووون سنةF:
persian_moi;14451668:
الله يسلمج حبيبتي
انشاءالله زواجي راح يكون في برستيج :o اتمنى تطلع الصالة بعد التعديلات مثل اللي في بالي
بنات اليوم رحت قايست فستاني لانه مثل ماقلت لكم حاجزته قبل جم شهر مقاسه اكبر مني .. الصلاة على النبي شكلي انترست وصاير بس يبي له تضييج شويونة :o شعور لايوصف بنات يوم لبسته وكنت اطالع روحي كان خاطري ماطلعه يارب انك ماتحرمني ولاتحرم اي بنية من هالشعور .. تخيلت نفسي بالتسريحة والمكياج والطرحة احس ليلتها بصيح .. الله يوفقني ويوفق كل البنات انشاءالله ويرزق كل بنية
صدق حده شعووور عجيب:adore: كل بروفة انتظرها بفارغ الصبر,,
واحب افهي واااااااااايد عشان اتخيل شكلي في كل ليلة بتعدل فيها:o حالتي صعبة ,, ان شاء الله يمر عرسي بسرعة قبل لا استخف:lol:
وعليج بالف الف عافية ,, وليلة العرس من تحسين الدمعة بتنزل تذكري المكياج ووقفيها:D
صار خاطري اشوف فستانج من وين شاريتنه؟؟
روحي وروحكـ;14452570:
كل عامـ وانتي بألف خير وصحة وسلامة ياقلبي F:
على فكرة وردة فنان أهو نفسهـ حسين الشجار اللي من المقشع :thumbs_up:
اسمـ اللهـ عليج ياقلبي وعقبال ماتصيرين أحلى عروس وتتهنين بعرسج وبحياتج الياية
بناااات اللي ويانا في التجهيزات مو الحين كل يومـ ويا بعض ومن تعرسون اسمـ اللهـ عليكمـ مانشوفكمـ صج تعودنا على بعض وبتوحشونا واااايد
وإذا عن الصياح أنا لحد الآن محترمة نفسي بس أمي مسكينة كلما تتذكر اني بسافر عنها تقعد تصيح تعور قلبي عقب تقول أحلى مافالموضوع اني بفتكـ منج بيصير البيت هدوء <=-- مو من قلبها فديتها ههههه
عقب العرس بنتجمع في قسم الحوامل:lol:
اني سالفة اني بعرس وبطلع عنهم اتوقع عادي عند الكل:!!:
تعودو اني اكون مسافرة عنهم لشهووور ..
بس اني متأكدة ان ليلة عرسي امي بتصيييح واني بصيح وراها:-#
من زمااااان وهي تتمنى تشوفني عروس ,,
في بيت أبوي;14453843:
ترجية مشكورة حبيبتي انت وكل البنات اللي دعوا لي لما كنت بقدم مشروع التخرج ابشركم قدمته وحصلت فيه A وقلت لازم ابشرج لانه صج دعوتج فرحتني
الف مبرووووووكF:
أمــاني;14454759:
مرحباااااااا بناااااااات
ماصدق ان دوور اليووم بيكوون عرسي بإذن الله :o
اليوووم اتصلت فالرونق عشان ااكد الحجز ومرة وحده قلت لهم ابي
اجدم موعدي لان اهو الساعه 3 اخاف اتأخر :worn_out: فقلت لها ابي قبل
قالت تعالي 11 عشان يبدون فيج 12 وشي لأن قبلج 3 عرايس :hysterical:
ماشاءالله تبارك الله ... وقلت لها وحيده الثبح اوكي تقول هالوقت 6 عرايس :|
هههههههه خلنا على فتحيه وان شاءالله 11 الا بكوون عندهم :o
الله اييسر اموووري واموووركم ياربي ويتمم فرحتنا على خير :L: ...
اليوم بوزع البطايق على ربعي
وبروح اييب جلابياتي من محمد الياس وعندي دفه بعد برزت باخذها
وبروح احجز نوال الضاري حق شعري حق الحفله اللي بتكون في بيتنا قبل العرس
بيووم وميكياجي عند صابرين كمال مدري اخليه ولا اخذ وحده ثانيه عندهم ماعرف
اسمها جنه عبير مب متأكده ..
:L:
موفقة حبوبة ,, و الله يتمم لج ع خير,,
****
وين اقدر احصل شموع للجلوة حلوين غير هوم سنتر؟!
اني حاجزة مرمريز 3 ,, شرايكم بنات اغير المسرح او اخلي المسرح مثل ما هو وازيد عليه ورد طبيعي وازين الممر بورد بعد؟؟ ميزانيتي تسمح لواحد من الاثنين بس:!!: