مخمليات;14629351:هلا حبيبتي,,
شوفي اذا 1700 حقج وبدون التصوير بيكون التقسيم كالتالي:
اولا: الملابس الداخليةو اقمصة النوم والبيجامات والفساتين حق قعدات العصر تحتاجين مب اقل من 300 دينار وتقسمينهم كالتالي:
4 ملابس داخلية قطن حلوين تاخذينهم من ماركس اند سبنسر او لاسنزا او ويمنز سيكرت او اويشو او بيكوكس
4 ملابس داخلية مميزين وفيهم حركات مثل دانتيل وبوش اب وبوش اب بلكوني والاندر وير يكون بيكيني او فيه حركات حلوة من ماركس او لاسنزا او بيندون او بيكوكس او اويشو
5 اقمصة نوم تكون مميزة وجذابين وفيهم حركات رهيبة والقماش والالوان يكون مختلف عندج لاسنزا او اويشو او ويمنز سيكرت او بيكوكس او خديجة للأزياء اللي بجد علي
5 اقمصة نوم ناعمين ومرحين للنوم وفيهم حركات نعومية عندج نفس الاماكن اللي كرتهم وفوقهم جيكي "المريح"
5 بيجامات حلوين ومختلفين من بنطلون وشورت وميني وفانيلة جاينيز او سليف لس, عندج لاسنزا , ويمنز سيكرت , اويشو وعندكم بعد بنات حق اللي تبي تقتصد في هالجانب تروح مشوار بصراحة عنده ستوكات دبنهامز وفيكتوريا سيكرت وويمنز سيكرت وانا ياما تنبط جبدي اشتري البيجاما بالمبلغ الفلاني والقى نفس الماركة بس مب نفس البيجاما عنده يعني مروا عليه عنده اشيه حلوة وخاصة اذا تمرين من فترة و فترة
5 فساتين حلوين ونعومين ,, وانا اكثر فساتيني خذتهم من فور ايفر 21 بصراحة عجيبين
ثانيا: ملابس الطلعة وملابس القعدة والاحذية و الشنط والعبايات خلي لهم 400 دينار وتقسمينهم كالتالي:
5 ملابس الطلعة خلي لهم 120 دينار, طبعا المحلات عندج زارا , مانغو , اتش اند ام , تراديفيا ريوس, فور ايفر 21, كوتن, بيرشكا , بول اند بير, فيرو مودا
5 ملابس للقعدة يعني مثل ليغينغ مع توبات او جينز مع بديهات او تنانير قصيرة وخلي لهم 80 دينار ونفس المحلات اللي فوق بس اكثر شي ركزي على فور ايفر 21 , سبلاش بعد تحصلين هالاشية , وعندج بعد فيرو مودا
6 احذية متنوعة من نعال عزج الله وصندل وجوتي و3 شنط خلي لهم 100 دينار , وعندج محلات وايد بس انا بذكر لج منهم , الدو, ناين ويست , تشارلز اند كيث, فينشي, كيرت جايجر
و للعبايات لازم على الاقل تفصلين 2 وحدة زاهية مالت عروس والثانية تكون ناعمة بس نفس الوقت راقية وتخصصين لهم 100 دينار
ثالثا: الميكب والعطور
الميكب حطي له مب اقل 130 دينار واهم الاشية انج تاخذين:
1 فاونديشن حلو ويسوي البشرة مخملية عندج ,ماك "ستيديو فيكس", استي لودر "دوبل وير" , ايف سانت لوران " مات تش" , وعندج بعد كلارنس "ايفر لاستنغ فاونديشن"
1 بودرة وعندج من الماركات الحلوة على الويه, ماك " ستدويو فيكس", ميكب فور ايفر, جيرلان, شانيل, ومالت البودي شوب رخيص وقوي على قولتهم :lol:
2 بلاشر واحد مايل للوردي وواحد مايل للبراون او البرونز وعندج ماركات واااايد حق البلاشر بس انا شخصيا افضل ماك و ايف سان لوران , وجيكي بعد برجوا وااايد حلوة الوانهم واسعارهم حلوة بعد
1 مسكارا وعندج اللي اسعارهم حلوة ميبيلين ونيفيا و1 اي لاينز عندج ماك وحتى الماركات اللي في سنتر بوينت شوفي الاغمج واخذيه لانه انا شخصيا استخدم اي لاينر تبع محمود سعيد اللي في السعودية من بعد ما استخدم معظم واغلى الماركات من لانكوم وديور و شانيل وميكب فور ايفر وماك , بس بصراحة مال محمود سعيد يفي بالغرض وسعره رهييييب بـ 1.500 بس!!
4 ارواج من تدرجات الوردي والخوخي والاورنج والاحمر و4 غلوسات من نفس التدرجات وعندج , ايف سان لوران , وديور, ماك, وبودي شوب, ونيفيا, وبرجوا
نجي للعطور وحطي لهم120 دينار :
2 طققم حلوين ومميزين
3 طقم من بودي شوب او لوكسيتان, او بوتيغا فيرديه , من شاور جل على بودي لوشن على سبراي للجسم وعطر
رابعا: الفستان
الحين نجي للفستان وانا انصحج تفصلينه احسن ويكون موديل راقي ومب مبالغ فيه بس في نفس الوقت زاهي للعروس واذا بتفصلينه في احد هالاماكن : احلى الوصايف, ميللي, الاولى , تارا, وايت لليلي وهما اسعارهم تبتدي من 250 او 300 وزيدي عليهم 150 للقماش يعني بيطلع عليج الفستان بـ 450 دينار
خامسا: الميكب والشعر
المكيب والشعر حطي لهم 150 دينار وطبعا اختيارات الميكب والشعر موجودة في موضوعي "ملف هام للبحرينيات" بس ضيفي عليه لاني نسيت اذكرها سميرة الشكر للشعر
سادسا: الحنة
الحنة خلي لها 50 دينار
سابعا: الباقة خلي لها 40 دينار
وفي النهاية بعد بتظل عندج 60 دينار زود خلي 50 على فلوس الفستان يعني كمل للفستان 500 دينار وزيدي الـ 10 على الميكب والشعر ويصيرون 160 وبهالطريقة انتي وزعتي الـ 1700 من دون ما تخلين ولا فلس :lol: وعليج بالف هنا وعافية F:
وهاي التقسيم انا تعبت عليه بتوضيحه بهالطريقة عشان كل عرايسنا الحلوين يستفيدون منه,و كل وحدة على حسب ميزانيتها تقلل او من عدد الاشية على حسب رغبتها ويا ربي اكون افدتكم وانا حاضرة لكم لاي استفسار ولا تنسوني بالتقييم يا حلوين :o
تسلمين مخمليات والله وفرتين علي تقسيم ميزانيتي بهالخطوات ذي كلها >> ميزانتي موقد هذي بس عجبني التقسيم يعني موشرط اروح ذي الاماكن :o اهمشي اشتري الاشياء والتقسيمات اوكي وحلوة
ع ـذبة المشاعر;14630894:
مرحبا بنات
امممم
اني واختي خططنا او تقريبا قررنا
انه نسوي جلوة مع بعض عقب اسبوعين ..
اني خاطري البس ساري هندي لاني في الخطوبة لبست اوف وايت
واختي بتلبس فستان اوف وايت لانها ما لبست قبل ..
فاحس السالفه مو راكبه ويه بعض :lol: انتو شرايكم شنو البس ؟؟ البعض نصحني البس ابيض بس احس صور الخطوبة ما بتفرق عن الجلوة
شوروا عليي
امم انزين اقتراح ليش ماتسوون لكم ثنتينكم ساري تلبسونه وتكشخون ويجلونكم مع بعض
ويوم ثاني هي تلبس فستان اوف وايت وتروح تصور
او ان عقب ماتخلص الجلوة تبدل وتروح تصور او قبل الجلوة تلبس الابيض وتصور ويا زوجها وعقب تبدل تلبس الساري ويجلونكم ويا بعض ..
اتمنى فهمتي علي وموفقين F:
اني من زمان كنت اتمنى ان اسوي عرس ويا وحدة من خواتي" بنات عمي/ خالتي " بس الله ماكتب ..> ماعندي اخت بقدي :D