¦¦§¦¦ تجهيزات عرائس " مملكة البحرين " لشهر ربيع الأول 1432 - 2011 م / الجزء :74 ¦¦§¦¦

persian_moi;14617028:

واخيرا خلصت الصفحات اللي فاتتني

بناااااات وحشتوووووني وااااايد :'(

انا داخلة اسلم عليكم قبل عرسي

بالنسبة للحنة كلمة روعة قليلة عليها الكل استخف على الحنة وخذو رقم الحناية " زينب مدينة حمد "

حتى مساعة يوم رحت اسوي مساج الفلبينية مرتين قالت لي حنتج حلوة

دقيقة وناعمة بالضببببط نفس اللي احب

المهم بنات ماطول عليكم

ياية اشكركم وحدة وحدة بدون استثناء

كنت معاكم على مدى 4 شهور تقريبا سولفنا وتسألنا ضحكنا وتهاوشنا

حسيتكم مثل خواتي مع انه ماعندي خوات

بغيت استسمح من اي وحدة غلطت في حقها بكلمة جرحتها بقصد او بدون قصد

ماقصرتو معاي ساعدتوني وايد والله لو مو هالتجمع جان انا مادري شبسوي في روحي

سامحوني بنات انا انشاءالله عقب باجر مسافرة

وانشاءالله اجوفكم عقب ما ارجع من شهر العسل

محتاجة دعواتكم بنات ادعو لي الله يسهل علي ويسر امور زواجي ويوفقني وياه

فيني الصيحة :'(

يلا مع السلامة F:

ميدو العروسة;14617578:

ما ادري شلون صايرين بعد:!!:
ذكرتيني بسالفتي وي الحناية,, اتصلت عشان بأجل لي شهر 7,, قالت لي وايد بعيد وانها مو ماخذة عرايس عقب شهر 3 لانها شاكة انها حامل وللحين مو متأكدة!! واذا طلعت حامل يعني اكيد ما بتحنى وهي اساسا ماخدة عربون.. اقول لها انزين رجعي عربوني بما انها هي الي بتكنسل الحين مو اني,, قالت ما اقدر ومن وين ادفع جمعيتي الي ب100 دينار:badly: عاد تقول لي اتصلي فيني ع شهر 6 وشوفي اذا كنت حامل او لا:sick: متخيلين الموضوع:celebrate:

الف مبرووووووووك حبيبتي,, يا رب تيسر لج امورج ويعدي يومج ع خير.. وعليج بالعافية ع الحنة.. وزينب خياري الثاني اذا الاخت طلعت حامل:-#
[/CENTER]

داري بلا أحباب;14618734:

صبـــاح الخير

عندي مشكلة يالله اقترحو لي الخطيب المستقبلي ميزانيته محدوده وانا خاطري في صالة حلوة و ابي اغاني المشكلة لي عنده 3500 ثلاثة الاف و شوي الحين اسوي بس ملجة و اخلي لحفلة حق العرس نص من عندي و ونص من عنده ايه مع العلم ان باخذ عليه المهري بس الف دينار و قلت له الطايح 800 بس لا تدفعها الحين قريب نعرس ادفعها

داري بلا أحباب;14618759:

اختي ام ليال استفسار كم اخذتي صالة و شنو فيها يعني بوفيه او دي جي و هل يسمحون دي جي اغاني يعني عطينا من المعلومات ربي لا يهينج و يخليج

داري بلا أحباب;14618734:

صبـــاح الخير

عندي مشكلة يالله اقترحو لي الخطيب المستقبلي ميزانيته محدوده وانا خاطري في صالة حلوة و ابي اغاني المشكلة لي عنده 3500 ثلاثة الاف و شوي الحين اسوي بس ملجة و اخلي لحفلة حق العرس نص من عندي و ونص من عنده ايه مع العلم ان باخذ عليه المهري بس الف دينار و قلت له الطايح 800 بس لا تدفعها الحين قريب نعرس ادفعها

أميرة الواحة;14619406:

صباح الخير عرايس

شلونكم ؟؟

امس رحت حجزت لي فستان من نجمه العرائس وحدي طحت في غرامه وصاحبة المحل حدها اخلاق وذوق;)

ميدوو.. نفس الحجي اللي قالته لي ام سجاد لما قلت لها احتمال أأجل قالت ما تقدر لان بتكون حامل .. وبصراحة قاهرتني اقول لها انا غيرت رايي بسوي حنتي في ماتم جان تقول لي لا ما اقدر ايي هالمنطقة لان اخاف يطلعون مسيرات ويعطلوني وبعدين اتأخر .. الحين في ذمتكم شدخل ؟؟ واصلا ما يطلعون مسيرات في الليل وتقول لي انا عرايسي كلا صبح ما احني ليل وانا جم مرة اتصل فيها في الليل وتقول لي انا قاعدة احني عروس:| وبعدين قلت لها بس خلاص مشكورة وبندته وانا حدي مقهورة والحين محتارة اتحنى عند من ^o) افكر في زينب م حمد بس ابي اجوف صور حنة يديدة لان اتوقع الصور اللي في النت قديمة وما ادري شسوي الحين ويا هالحيرة:( وبعد امس رحت ابو قاسم للمسارح اللي في كرانة وعنده جلسات وايد حلوين حق حنة صج عجبوني عدل بس الميزانية ما تسمح :thumbs_down: كانو على 100 دينار والحين بنات طلبتكم ساعدوني في اختيار الحناية

ام ليال .. بصراحة موقف الملاية لا تعليق عليه

قهوة سادة .. بالتوفيق حبيبتي والله يقدم اللي فيه الخير

دااري .. ولله انا اجوف من رايي بما ان الميزانية مو وايد ان تسوين لج في ماتم ملجة وبعد جم شهر تسوين عرس عود لان اذ 3500 ومهرج بالطايح 1800 بيبقى عندج 1700 ما راح تكفي حق حفلة وفستان وصالون وصالة ووووو الخ ,, بس عاد انتي وراحتج واللي تجوفينه ولله يوفقج يارب

بيرشان موي .. فديتج .. الف مبروك ولله يسعدج ويهنيج وتستانسين في شهر العسل عاد ما اوصيج على الصوغة:lol:

وبس ما ادري من برد عليها ونسيت

اذ تذكرت برجع لكم :thumbs_up:

مكانك في عيوني;14619714:
يؤ عذرها كلش مو مقبول .. وصج مو انتي اللي رح تكنسلين اهي اللي كنسلت المفروض ترد لج فلوسج .. انتي جم دافعة لها عربون ؟!!

مكانك في عيوني;14619714:

3500 ما بتكفي كل شي من مهر وحفلة واغراض شخصية لج .. انا اقتراحي مثل اقتراح أميرة الواحة .. سوي لج حفلة بسيطة الحين و بعد كم شهر سوي لج عرس عود ..

سوري ام ليال برد عليج باللي اعرفه .. صالة ناريمان تقدرين تاخذينها بالبوفيه او بدونه و تقدرين تحطين اغاني بس ما عندي فكرة عن سعرها ..

أميرة الواحة;14620054:

لا انا ما دفعت لها العربون لان قلت لها انا ماقدر لان وايد وايد ابعيد علي وقالت لي اوكي

انا بعد كان خاطري في حناها بس خلاص هونت عنها

ومن شوي اتصلت في زينب م حمد علشان احجزها وتوها من شوي متصلة فيني وقالت لي اوكي في مجال

M!ss CoLoRz;14619855:

بنات في وحدة منكم قالت بعطيني على الخاص ايميلها عشان أطرش لها شي

مو ذاكرة من والله... جنه جنه جنه مكانك في عيوني

فبغيت أقول ترى انا للحين ما استلمت الايميل

ميدو العروسة;14620004:

دفعت لها 20 دينار .. البيزات مو شي بس حدها قهرتني وي هالعذر؟؟ تدفعين جمعيتج من بيزات غيرج؟؟كنت بقول لها ما تبيني ادفع ال100 كاملة:| بس اني سكت عنها ولا ناقشتها وايد لاني خاطري في حناها وقلت يمكن تطلع مو حامل:worn_out: