¦¦§¦¦ تجهيزات عرائس " مملكة البحرين " لشهر ربيع الأول 1432 - 2011 م / الجزء :74 ¦¦§¦¦

بحرينيه وكلي فخر;14425902:
بكره ملجه رفيجتى

شريت لي مينى جلابيه

امس اكلمها قالت انه بكون ستايل الملجه هندى بتلبس والكل بيلبس هندى انا ما كان عندى علم من وين بدبر لي لبس هندى لازم تفصيل ما بلقى خياط يجهز لي فى يوم واحد:hysterical: هندي عندي بس واحد ولابسته من قبل

شي ثاني تاريخ 15/2 بتكون حفله خطوبتها

يصادف يوم دوام وانا بكون الى الساعه 6 عندي دوره تدريبيه ومستحيل بقدر اغيب لانه غايبه من قبل وااايد

عطونى ااسامى صالونات اقدر اروحها لشعر ومكياج مره وحده بعد الساعه 6 :hysterical: اكره شي لين عندج حفله ويكون يوم عادى الكل مرتبط بدوامات ولين رحتى متعدله بروحج بيزعلون ربعي واعرفهم

صار من قبل زواج وحده من ربعنا يوم جمعه كل البنات راحوا صالونات ساريح و ميكب ولبسوا فساتين

يوم صار عرس وحده ثانيه من ربعنا كان يوم عادى راحوا البنات كاشخين بروحهم رجعتهم من الدوامات زعلت العروس قالت حق فلانه تقدرونها وانا لا:badly::badly:

انسه اناناس;14426468:
بنااااااااااااااااااات امس رحت اسرار الفراشه الي عند السلمانيه

يعني مادري شقول
خامين جلابيات المعرض والميني جلابيه من المعرض وضاربينهم في 2 ويبيعونهم

الجلابيات الي خذناهم ب 19 من عندهم الحين اقل وحده على 35
الميني جلابيه الي خذتهم من عند لبناني في المعرض..على 25 وبدون مقاصص وجاكيت ب30 صارو احين ب 55 و50

كنت رايحه ويا رفيجتي اهيا ماكانت رايحه المعرض انا حمدالله رحت وخممت لي جم شغله لاني عروس ان شالله ...امس طلعتها من المحل قلت لها يالله يالله لاتشترين شي

رمشـ «;14426594:
*
*




عَرأأأأيس

’’

الحمد لله مَلجتي تمت أول أمس عَلى خيييير :o

أدعوو لي الله يتَمم على خيرْ ~


وعقبأل بأقي البَنأت :o

أميرة الواحة;14420615:

مرحبا عرايس


شلونكم شخبار التجهيزات



مجنونة الحب ,, فديتج ما قصرتي على العزومة ولله يطرح البركة وييسر لج امورج


ام كشكوش ,,ألف ألف مبروك والله يتمم عليج بالخير وييسر لج امورجF:F:


ام ليال صج الموقف محرج:lol::lol:,,, الصراحة الواحد صج في البداية واااااايد يستحي ههههه صج مواقف لا تنسى

بنات ,, امس رحت نجمة العرائس وفساتينها واااااااااااااايد حلوة عجبوني عدل ووعجبني واحد شكلي برسي عليه

بس بعد بفتر في خاطري اجيك ام حسين وبختار الاحلى


بنات شرايكم لو سويت لي باقة حمرة كاملة بصير فن؟؟

لو لازم ادخل وياها ألوان؟؟

محتارة حدي^o)^o)


وين حلم مختفية ما بينت اليوم وامس؟

M!ss CoLoRz;14421004:

بنات ما عليكم أمر

خففوا سوالف

ما شا الله الصفحات تركض وكلها سوالف في سوالف واللي تسأل سؤالها يضيع ولا أحد ينتبه له

في موضوع للشات والسوالف في قسم ثاني

إذا كلامي غلط سامحوني

=====

سؤال ... مين أحسن وحدة في الرونق للشعر حق العادي من الفلبينيات؟؟؟

روحي وروحكـ;14421464:

بنات اللي سألوا عن Health Watchers


يبت لكمـ شوي معلومات عنهمـ واعذروني على القصور


عندهمـ برنامج بو 15 يومـ بـ 125 دينار

برنامج بو 30 يومـ بـ 250 دينار


رسومـ التسجيل لأول مرة 15 دينار


طبعاً يوصلون الوجبات كل يومـ على مدار الأسبوع حتى في الويكند


واللي تبي رقمهمـ للإستفسار أو لحجز موعد تخبرني على الخاص

مخمليات;14423973:

مساء الورد بنات

للي يسئلون عن واااكس عجيب وما يأثر على البشرة وخصوصا للعرايس.. عندكم صالون اللور على اسم العطر اللور شانيل على شارع الجنبية :D واااكسهم فظيييع وحتى المكينة اللي فيها الواكس ماشفت نفسها في صالونات البحرين وانا بشرتي وايد حساسة وشلت في عرسي جسمي كامل الحمدلله النتائج كانت مبهرة وبالنسبة للمنطقة الحساسة انا وايد كنت احاتي انه اشلون اشيلها في الصالون!!!! استحي طبعا بس عندهم حركة حلوة لهالشي يلبسونج اندر وير خاص يستخدم لمرة وحدة وينرمي في الزبالة عجيييب ,, وبالنسبة حق الحمام اللي عندهم ما يعتمدون على الحمام المغربي اللي في كل الصالونات! لا عندهم نظام الماسكات للجسم كامل اسمه " حمام كيلوباترا" ومن بعدها تتحممين في جاكوزي ويبوون لج عصير ستروبروي والموظفة تفرك فيج وتنظفج ياااااااااااي تحسين انج مثل الياهل دلع في دلع وطبعا واااااايد اثرت فيني ماسكاتهم لاني اخذت باكج العروس الكامل لمدة شهر وزوجي واااايد انبهر فيني وقال لي لازم كل شهر تروحين تسووين حمام كيلوباترا عندهم واسعار الحمام عندهم تبتدي من 20 الى 50 واذا بس جاكووزي وتفريك بـ8 دينار طبعا الفيشل مالهم فظيييييع عندهم ماركة من جنوب افريقيا طبيعية 100% ومن الريحة تحسين الوحيدين اللي يستخدموون هالماركة في البحرين وانصحكم بالحلاوة والفيشل تسونه عن وحدة اوروبية اسمها تانيا والحمام وحدة متخصصة بس لهالشي ناسية اسمها وعندهم وحدة جنوب افريقية متخصصة بس حق اظافر فنانة كل ما اروح اشووف الاجانب يسوون عندها اظافرهم لانه التركيب مالهم واايد حلو واتمنى اكوون افدتكم..

3athba;14426565:
مخمليااات
وش اسم الصاالون وووين يصير بالظبط
وصااحبة الصاالون بحرينيه؟؟

انسه اناناس;14426620:
بنات ابي احجز ام يقين حق جلوتي بس للاسف طلعت مشغوله في نفس التاريخ
عطوني اقتراحات
من من المصورات نفس مستواها؟؟

ام يقين كانت عسل وطيبه وتصور بضمير وابداع ما شالله عليها

مجنونة الحب (2);14424694:
السلام عليكم بنات

:sick:

شلونكم :sick:

وحشتوني

احم فديتكم كلكم معزومين في بيت ابوي حياج تعرفي علي

عاد اي احد ايي يقول لي انا فلانة ونكي هلون عشان اعرف ههههههههههههههه

وتراجي حياج الله ابوي في اي وقت البيت بيتج والمكان مكانج

وحي الله كل البنات الي قالوا بييون جلوتي او عرسي ينورون المكان

بنات مزكمة ومصخنة شوي وحالتي حالة وعرسي ماباقي عليه شي الحين خشم مسدود وخشم مفتوح

طبعاً رغم المرض سافرت اليوم السعودية وخلصت كل شي بحمد الله

من اكسسوارات للعرس والجلوة والصباحية والنعل والجواتي كرمكم الله حق الجلوة والصباحية بس باقي انركب اكسسوارات الجوتي مالت الجلوة والحمد لله اليوم رحت حجزت الباقة عن روانا حجزت المون على شكل قمر بس عدلنا عليها شوي

بنزل لكم صورة فستان صباحيتي باجر لاني نسيت انزله من السيارة مع الاكسسوارات والجوتي كرمكم الله

:sick:

رمشـ «;14426594:
*
*




عَرأأأأيس

’’

الحمد لله مَلجتي تمت أول أمس عَلى خيييير :o

أدعوو لي الله يتَمم على خيرْ ~


وعقبأل بأقي البَنأت :o

At3bny '3rory;14418236:
العفراااااااااااااااااء مكيااجهم يسووون الوحدة طبشووووووووووور و لوحة رسم مشخبطة

X شكبررررررررررررررررررررررررررها ع مكياجهم ما عمري جفت عروس مو مطيرين حواجبها يناسبها او ما يناسبها يطيرونها من الحواجب و التصبيغة ينعرف مكيااجهم

يا روح روحي;14418502:
معاج بهالنقطه

عمات خطيبي وبناتهم راحو الصالون يوم خطوبتنا

مكياجهم مب حلو بدال ما يحلونج يكرهونج

At3bny '3rory;14418561:
ااييييي مرة عمي ملامحها حلوة في خطوبتها راحت لهم مسوينها شريرة ويا الحواجب يعني لو مسوين لها جاينيز بو كسرة بيكون احلااا بوااجددددددد

مخمليات;14425043:

هلا حبيبتي روحي وروحك

ولا يهمج حبيبتي انتي تدللين اهم شي العروس تهتم بنفسها وبالنسبة للمنطقة الحساسة ما راح تحسين اصلا بالفشلة لانها تباعد الاندر وير على الجنب وتشيل وبعدين تباعد الجنب الثاني وتشيل واخر شي تشيل لج من فووق يعني الاماكن المحرجة ما تشووفها اصلا وهاي ميزة الاندر وير اللي تلبسينه من عندهم واحلى شي انه بو لبسة :D وحتى لما تسووين البديكير ومسوية كولور او فرنج في ريلج يلبسونج نعال فلين تتطلعين فيه وتركبين السيارة ويجف على راحته انا اذكر في يوم الحنة لبست النعال عزج الله ورحت حفيت فيه حواجبي وقضيت اغراضي من السوق وسويت شعري وهو علي هههههههههه كان اشكره يبين علي عروووس متدودهة وبالنسبة للفيشل كاامل مع شي اسمه هاي فركونسي بـ25 بس فظيييع ان شاء الله اذا رحتي تذكريني وادعي لي :) وهذا الهاي فركونسي هو عبارة عن جهاز قبل ما تستخدمه تحط لج فيتامين إيي وهاي جدا مفيد للبشرة وبعدين تمرر الجهاز هذا عشان كل الفيتامين تمتصه بشرتج بعمق وشوفي ويهج من بعد اشلون مورد والهاي فركونسي بروحه بدون الفيشل بـ10 وانا اسوي كل شهر وبصراحة انا الحين صرت احط البلشر مع روج ومسكرة بدون ما انه احتاج حق فاونديشن حتى زوجي ملاحظ الفرق في نضارة البشرة وترى عندهم كريمات فظيييعة انا السن بلووك مالي من عندهم تخيلي ريحته حلييب وحتى طريقة حطته على البشرة غير اذا رحتي خلها تشرح لج مالت الفيشل اللي اسمها تانيا وعندهم فيتامين إيي انصحكم عروسات مفيييد جدا للبشرة عبارة عن كبسولات تحطينها على ويهج كل ليلة وبسرعة يخلص من عندهم عليه طلب من الزباين انا الحين استخدم كبسولات التفتيح حوول العين او اي بقعة في الويه واايد نافعني وان شاء الله اواصل عليه واي استفسار انا حاضرة وبالتوفيق يارب

Miss faty;14424944:

ام كشكووووش
الللللللللللللف مبروووووك حبيبتي
وخليناا نشوفش ونبارك لش في الكلية :P

بنت التـــاجر;14427175:

مشكووورة وايد على هالمعلومات المفيدة.... صار حددددددي خاطري اروح...خوب ذبحتي هالسوالف.....

تم التقييـــــــــــــــــــم.. F:

عاد سؤال خاص...من بعد الواكس و خصوصا الظهر و البطن و هالمناطق ...ما يطلع حرار او يبقع الجسم؟؟؟؟؟؟؟؟

ضروري اعرف....صج الوحدة تصير ملسة و شي جميل لكن عندي اتم هلون و لا اتغربل عقب بالحرار :confused:

بحرينيه وكلي فخر;14425902:
بكره ملجه رفيجتى

شريت لي مينى جلابيه

امس اكلمها قالت انه بكون ستايل الملجه هندى بتلبس والكل بيلبس هندى انا ما كان عندى علم من وين بدبر لي لبس هندى لازم تفصيل ما بلقى خياط يجهز لي فى يوم واحد:hysterical: هندي عندي بس واحد ولابسته من قبل

شي ثاني تاريخ 15/2 بتكون حفله خطوبتها

يصادف يوم دوام وانا بكون الى الساعه 6 عندي دوره تدريبيه ومستحيل بقدر اغيب لانه غايبه من قبل وااايد

عطونى ااسامى صالونات اقدر اروحها لشعر ومكياج مره وحده بعد الساعه 6 :hysterical: اكره شي لين عندج حفله ويكون يوم عادى الكل مرتبط بدوامات ولين رحتى متعدله بروحج بيزعلون ربعي واعرفهم

صار من قبل زواج وحده من ربعنا يوم جمعه كل البنات راحوا صالونات ساريح و ميكب ولبسوا فساتين

يوم صار عرس وحده ثانيه من ربعنا كان يوم عادى راحوا البنات كاشخين بروحهم رجعتهم من الدوامات زعلت العروس قالت حق فلانه تقدرونها وانا لا:badly::badly:

حلمـ .,;14427241:
إذا كان شعرج وايد خفيف وما يبيـن .,

أنصحج إنج ما تشيلينه خير شر .. خليـه

:)