¦¦§¦¦ تجهيزات عرائس " مملكة البحرين " لشهر ربيع الأول 1432 - 2011 م / الجزء :74 ¦¦§¦¦

ام ليال91;14590969:
في حدود م عيسى .. وصال في جد علي

نــــــــوارة;14590646:
بنات كلت اناناس من الصبح عورني بطني واحس باعراضها والحين ابي اسوي لي دارسين بس ماعرف

persian_moi;14589184:

أم ليال

انا رحت المحل كانت الفلبينية موجودة لو هي كانت هناك اكيد كنت بسألها

بس بصراحة أسعارها جدا مبالغ فيها وكلما اقولهم هالحجي يقولون لانه من امريكا انزين خير يا طير!!

روحي و روحك

الفستان واااايد حلو وناعم انا تعجبني حركة اليد 3 ارباع وايد تعطي نعومة وانوثة كنت افكر افصل لي بس بعدين جفت السالفة عوار راس ومصاريف فـ رحت للجاهز

بنات حدي منبطة جبدي من اوضاع الديرة

تخيلو كان موعدي العصر في صالون ألور حق واكس و اظافر

السيدات ضاربة في الهاي ويه وكل شارع مسدد مادري شسالفة رديت رجعت مايسوى انقع في السيدات وانا وراي مليون شغلة

قلت بروح باجر الصبح للواكس الصالون اللي متعودة عليه

والاظافر محتارة بين بيرفكت نيلز وبين senses اللي في سند

وباجر خذيت موعد على الـ 11 حق ليزر الويه عند حنان معرفي

وانشاءالله مايكون في شي هناك لانه صج اذا ماقدرت اسوي ليزر بنتحر

وايد متضايقة من الوضع قاعدة احس روحي كلش مو عروس ومو قادرة اخلص اشغالي تعبت

سويرة وبناتها;14588718:

ماشاءالله وااااااااااايد حلو وناعم

واكيييييييييييييد انتي اللي بتحلينه :thumbs_up:

فاطِمة;14588758:
:adore:نعوووومي وااايد
والقالب غالب طبعا:thumbs_up:

شوشو 87;14588848:


ماشالله نعوووم وروعه الستايل ، تلبسينه بالعافيه أن شالله ..

مكانك في عيوني;14589115:


حلوو و ناعم الله يهنيج يا ربي و نجوفج بهالفستان F:


[/CENTER]

ميدو العروسة;14589771:

حلو وناااعم ,, عليج بلعافيةF:

persian_moi;14589184:

روحي و روحك

الفستان واااايد حلو وناعم انا تعجبني حركة اليد 3 ارباع وايد تعطي نعومة وانوثة كنت افكر افصل لي بس بعدين جفت السالفة عوار راس ومصاريف فـ رحت للجاهز

persian_moi;14589358:

مشكورة اختي F:

المشكلة انه اعصابي فلتانة اليوم

مابقى احد ماتهاوشت معاه

وايد ضغط جذي وكريه لين وحدة ماعندها خوات يساعدونها :'(

يلا الله كريم انشاءالله كلشي يمر على خير ويصير مثل مابي

متۈآضعه ۈآڷڪبر ڷڷـﮧ;14588904:
روحي وروحك مشكوره اختي ع الرقم
وتسلمين

ام ليال91;14591080:
الف مبرووووكـ

عن التاريخ اول شي حددي تبين يوم اجازة ولا عادي ‘

مثلا 5/5 حلو ويوم خميس وليلة مباركة للزواج.. بس مادري انتي زواج ولا عقد ،، لان كانه في اختلاف

persian_moi;14583932:

هلوووو بناااات

اليوم انا وخطيبي الله يحفظه وايد أنجزنا من الصبح طالعين نخلص امورنا

اول شي مريت عليا فلاورز و قلت له يسوي لي الباقة واخترت الالوان وكلشي بعدين اتفقت معاه انه يبزها الساعة 4 ونص قلت بخلي خطيبي اييبها لي الصالون او رفيجتي لانه في الرونق وبين الرونق و عليا فلاوزر بس شارع .. سووها لي بـ 35 بس المشكلة ماسوت لها اضافات لانه مو عارفة شنو اشتري بالضبط عشان يناسب الفستان .. فستاني فيه دانتيل و سوارفسكي شنو تقترحون علي ؟ تتوقعون عادي لو خليت الباقة بدون اكسسوارات ؟؟

انزين بعدين رحنا المنامة كان عندنا شغلة واحنا في الدرب اتصلنا في الايام قالو لنا البطايق تجهز على الـ 1 الظهر حدي استانست لانه وايد متفشلة على سالفة البطايق عرسي مابقى عنه شي وانا للحين ماوزعتهم .. رحنا بيت خطيبي حق الغدى عطينا امه بطايق وبعدين ييت عطيت امي البطايق .. تخيلو اتصلنا حق حسن راعي الصالة عشان نعطيه باقي المبلغ نطرناه من 4 لي 4 ونص او اكثر! تخيلو بنات حتى وهو محتاجنا قاعد يذلنا ويلعب بأعصابنا لا ومجذب علينا يقول انا توني توني طالع من الصالة 10 دقايق ويايكم بعدين قلت حق خطيبي احسه جذاااااب مو قادرة اصدقه في شي جان خطيبي يروح يسأل الهندي الا تخيلو الهندي يقول اصلا هو يومين ما طب الصالة! والله بنات هالصالة من ناحية معاملة كلش كلش ماتسوى ولو ينعاد الزمن ماسوي عرسي فيها هي حلوة اي بس على الفاضي معاملة زفت :thumbs_down:

المهم بعدين يينا البيت وعطيت امي البطايق سيده طلعت رحت صالو الور كنت حاجزة حق حمام كليوباترا بحط لكم تجربتي في الرد الياي

اممم وبعدين ييت البيت الا امي مخلصة الكتابة على البطايق ووزعت على الناس الجريبة وانا باجر بوزع على اللي من صوبي .. بعدين رحت سكوب دفعت لهم باقي المبلغ لانه مكتوب في الرصيد قبل 5 ايام من العرس لازم يندفع والا يعتبر الحجز ملغيا شدعوة :worn_out: اي وقلت لهم كل ملاحظاتي اللي ابيها وطمنوني

persian_moi;14583950:

بذكر لكم تجربتي عن حمام كليوباترا في صالون الور مثل ماوعدتكم

اول شي جهزت لي جو الحجرة اضاءة خفيفة وموسيقى هادئة بعدين ابتدت تحط لي خلطات على جسمي بيدها وكل خلطة تخليها 5 دقايق تقريبا وتيي تنظفها بماي وفوطة .. وخلال ذي تيي تسوي مساج حق الويه وبعد تحط خلطات .. بعدين تبرز الجاكوزي صج صج جو عجييييب في حمام الجاكوزي شموووع واضاءة خفيفة ورغوة فوقها ورود احس فن حق متزوجين :adore: وعصير الفراولة الفرش على صوب هههه سيده تذكرت مخمليات
خلتني اتنقع وبعدين ياتني فركتني بالليفة المغربية وغسلت شعري وخلصنا :D
النتيجة رووووعة بنات انصح كل عروس او حتى مو عروس تجرب اللي انا جربته وايد يسوى الحمام
رجعت البيت خطيبي صار جذي اول ماجافني :adore: يقولي ويهج منور ويدج كلها نعومة :o صج بنات تره لاحظت الفرق في ويهي وجسمي من اول مرة وباجر انشاءالله موعدي حق الواكس والاظافر :D اي و سويت الحمام اللي بو 30 دينار هو في من 10 لي 70 والفرق طبعا في الماسكات والخلطات .. قالت لي انه خلطاتهم من المغرب او جنوب افريقيا وكلها طبيعية مستحيل تضر وفعلا انا بشرتي حساسة وايد واجوف روحي استفدت واكيد بكرر التجربة

وبالنسبة لسؤالج ام ليال كلش مانصحج تسوينها في العادة لانه بتقعدين في الجاكوزي

لا تنسون التقييم :o

persian_moi;14583986:

ام احمدي

انا ابوي قاعد يجوف لنا حجز الفندق مع نوفوتيل قالو له بنخليهم لي 3 او 4 بس بعد بيحاول وياهم هاليومين

[CENTER]