¦¦§¦¦ تجهيزات عرائس " مملكة البحرين " لشهر ربيع الأول 1432 - 2011 م / الجزء :74 ¦¦§¦¦

هلا حبيبتي مونزي افا عليج حاضرين لكم,, وبالنسبة لعذبة انا ما ذكرت لها ماركات غالية متعمدة لانها تبي في حدود ميزانية معينة يعني مونت بلانك و إس تي ديبونت ولويس فيتون وبالي وشوبارد كلهم فوق وما عندهم سيل الحين

عروساات بالتوفيق لكم

اني كنسلت حفل الزواج ..

بالمعنى ان كان خاطري البس الابيض ..
بس يالله الله مو كاتب

الحين قررنا نسافر .. بس للحين ما حددنا التاريخ ..
ما ادري متى متحيرين بسبب الاوضاع ..
وان شاء الله اذا سافرنا
رجعتنا الماما راح تسوي لينا حفل استقبال ..
بس برايكم شنو البس يومها ؟؟

وسؤال ثانيي
ستوديو سكوب اذا احنا حاجزين يصير نكنسل ؟؟

سمرة;14564281:
عروساات بالتوفيق لكم

اني كنسلت حفل الزواج ..

بالمعنى ان كان خاطري البس الابيض ..
بس يالله الله مو كاتب

الحين قررنا نسافر .. بس للحين ما حددنا التاريخ ..
ما ادري متى متحيرين بسبب الاوضاع ..
وان شاء الله اذا سافرنا
رجعتنا الماما راج تسوي لينا حفل استقبال ..
بس برايكم شنو البس يومها ؟؟

وسؤال ثانيي
ستوديو سكون اذا احنا حاجزين يصير نكنسل ؟؟

ميدو العروسة;14563296:

للحين شاك؟!!!
اني أأكد له انج مب صاحية :lol:

[/CENTER]

ع ـذبة المشاعر;14563322:
بالنسبه لي اول ما انخطبت شريت لي الاساسيات فقط من فاونديشن وبودره وكحل قلم وسائل ومسكرا وحمرتين وقلوز اثنين << محتويات الشنطه يعني

طلع عليي تقريباً بحدود 55 دينار

الفاونديشن والبودره من ماك ..

ومن لايف ستايل :

الماسكرا من برجواز
والقلوزات والروجات من nyx

..

واذا انتي ما تعرفين تحطين شدوو تدربي من الحين لو تحطين شي ناعم ;)

Moonzy;14563362:

روحي و روحك الله ييسر اموورج انشاءالله

F:

persian_moi;14563338:

بنوتات

اليوم رحت اجيك الفستان عقب ما ضيجوه

ماشاءالله وايد طلع حلو ومضبووووط

راوتني الطرحة اللي مفصلينها بصراحة شغل نظيف حتى امي وايد عجبتها الطرحة

بس باقي السوارفسكي ناقص في ربع متر من الطرحة وفي الفستان لانه تقول راعية المحل صادتها حالة وفاة (ام ريلها ) حتى بنتها مسكينة تكنسل عرسها .. قالت لي انشاءالله السبت بالكثير الاحد فستانج جاهز

اي والجوتي سوو له الاضافات طلع انيق وراقي

بعدين رحت اسوي لي باقة في عليا فلاورز بس احترت بصراحة .. انا كان خاطري في الروزة العودة لون فوشي بس عندي صورة لباقة اوروبية تناسب فستاني اكثر والوانها هادئة .. رجعت البيت قلت باجر بروح اسوي اوردر لانه يم بيتنا .. قالت اللي الباقة بـ 30 دينار .. تتوقعون السعر معقول او وايد ؟

مخمليات;14563696:

هلا حبيبتي روحي وروحك,, عاااد انتي اليوم جيتي وسئلتي السؤال اللي انا حد امي وابوي خبرة فيه :cool:لانه ما ظلت ولا ماركة تخطر على بالج الا وجربتها لحب التغيير و " التفلسف" >> عبالها خبيرة تجميل :lol: ووايد احب اتبحث في سوالف الميكب وفي العيلة اي وحدة تبي تشتري ميكب ترجع لي :thumbs_up: ,, المهم بالنسبة للاستخدام اليومي بطرح لج عدة خيارات اللي اهما التوب طبعا:
اولا: للفاونديشن عندج حابة تستخدمين ليكود فاونديشن من افضلهم : استي لودر " دبل وير لايت" لاحظي الاسم لانه حق الثقيل في نفس الماركة بس الاسم غير هذا عظييم ويغنيج حتى عن البودرة في معظم الاحيان, ايف سان لوران "مات تاتش" هذا فظييييع جدا خاصة اذا انتي بشرتج مختلطة والحلو فيه انه اويل فري واذا تحطينه ويهج يصير مخملي وما يكون طبقة ثقيلة ونفس الوقت بتاتا ما تحتاجين تحطين بودرة حتى لو كان ويهج دهني, ماك " ستوديو فيكس" وااايد حلو بس مناسب للي بشرتهم جافة الى عادية يعني اذا انتي مختلطة او دهنية ما بيصلح لج وايد مع انه عجيب على الويه

ثانيا: نجي للبودرة للأستخدام اليومي:ماك "ستوديو فيكس" هذي اللي تغنيج عن كل شي وفظيييعة حق كل المناسبات بس هي ترى متوسطة يعني مب خفيفة ولا ثقيلة وايد , "جيرلان" طبعا بودرتهم تهبل وخفيفة ونفس الوقت تعطي رونق للويه مو طبيعي وتخليه دايما مشرق, شانيل وااايد حلوة بس الدرجات المتوفرة عندنا صايرة تناسب الحنطيات ونازل يعني اذا انتي وايد فاتحة يمكن ما تحصلين اللون اللي يناسبج

نجي الحين للأستخدام الثقيل او بالاحرى للمناسبات:

أولا: الفاونديشن: طبعا انا مستحيل استغني عن الـ 3 إن 1 مال "كريولان" اتعب وانا اقول رهيب لانه فيه 3 درجات تتحكمين فيها للفاونديشن والكونسيلر وحتى لتحديد الانف والذقن و خالتي ورفيجتي وعمتي واخت زوجي خذوا منه من كثر ما يعجبهم مكياجي في المناسبات, ماك "ستوديو فيكس" لانه يناسب الثقيل والخفيف بس الثقيل اذا بتحطين فوق بودرة طبعا, عندج استي لودر " دوبل ويير" هذا رهييييب جدا ككريم اساس لمكياج مناسبات ووايد ناس تستخدمه

ثانيا" نجي للبودرة حق المناسبات:

عندج بودرة "ميكب فور ايفر" روووعه اذا تحطينها ومن تحتها الفاونديشن المناسب, ونفس الشي حق "ماك" اذا كان من تحتها الفاونديشن الصح, وعندج بعد اذا تبين بودرة بماي "كريولان" روووعة وعندج جريماس كأنه هذي اللي تستخدمها شريفة فولاذ واذا تبين تقدرين تشترينها من عندها امي شرت من عندها وحدة

وعندج طبعا حق البيس اللي قبل الميكب واللي ما في عليه مال ايف سان لوران "تينت بارفن اويل فري" رهيييب وفي منه درجات انا احط منه وما احط لا فاونديشن ولا بودرة على طوول بلاشر وروج طبيعي واحط منه حتى تحت عيوني وريلي وااايد يحب هاللوك حق كل يوم او اذا مستعيلة ,يحس اني طبيعية بس بشرتي تكون ناعمة ومخملية, وعندج بعد البيس مال جيرلان حلو , وبعد البيس مال ماك بس انا اشووفه وايد يدهن بالويه

وبالنسبة حق البلاشر في بلاشر وردي حق ايف سان لوران ياااااااااااااي رهيييب رقمه "14" وفي منه على درجة برونز او براون بس ناسية الرقم انتي جيكيه هناك اذا استخدمتيه ما بتقدرين تستغنين عنه وعندج اذا بلاشر برونز جيرلان عندهم وااايد حلو وحق البلشر الخوخي عندج ماك

وبالنسبة حق الاي شادون لاتعورين راسج ما في على ماك اخذي لج الباليت اللي بو 15 لون ومب شرط تعبينه كله مرة وحدة وكل ما عجباج لون حطيه فيه لانه هذا تشترينه بروحه بـ 7 دينار كأنه والالوان بـ 6 اذا في الباليت يعني ارخص لج من انه تشترين كل واحد بروحه

وبالنسبة حق الارواج هم نفس الشي لا تعورين راسج روحي ماك وطبي وتخيري حق الاستخدام اليومي او المناسبات فاتح غامج كله هناك بس اذا تبين التغيير عندج اللي اراوجهم حلوة ايف سانت لوران, جيرلان, ديور, شانيل بس اللون الاحمر اما الباقي عاااادي جدا

الماسكارا: ايف سان لوران تهبل للاستخدام اليومي, لانكوم حلوة ومشهورة بس انا اشوف انا في ماركات طلعت عليها وما ظلت هي التوب, ماك وايد حلوة, انا الحين توني طابة على اكتشاف الماسكارا الجديدة مالت استي لودر بصراحة كأني مركبة رمووش تكثف, تطول, تقوس, فرشاتها رهيبة اسمها " تيربو"

ياربي اكون افدتج وافدت كل البنووتات اللي عندهم استفسار عن الميكب كأني كاتبة لكم موضوع بكبرة :D, يالله عااد كل وحدة تقرى وتستفيد تاخذ الماوس وتضغط على الميزان عشان انا معنوياتي ترتفع وافرغ كل ما في "جعبتي" :cool: ترى وايد استانس على التقييم احس كأني في المدرسة وانه لازم اطلع الاولى يالله معلماتي قيموني:lol:

مخمليات;14563831:

حبيبتي روحي وروحك,, الميكب حطي له ميزانية من 150 الى 200 دينار واشتري مرة وحدة لانج كلها شهرين وبتعرسين يعني ما عندج فجة فعشان جذي اخذي كل شي الحين

متضايقه وايد :( امي قالت حق خالتي عن الي تقدم لي هو حبيبي بس ماتدري اكيد الاتقولها خالتي توها صغيره وانا عمري 19 بس امي قالت لها الي الله كاتبه بيصير وهذا نصيب في نهايه
:( ادعو لي بناات

fatema 27 عظم الله اجرج اختي

قهوه ساده;14565146:
متضايقه وايد :( امي قالت حق خالتي عن الي تقدم لي هو حبيبي بس ماتدري اكيد الاتقولها خالتي توها صغيره وانا عمري 19 بس امي قالت لها الي الله كاتبه بيصير وهذا نصيب في نهايه
:( ادعو لي بناات

بنات باقولكم موقفي مع الجلاية
طبعا الجلاية معروفة بس ماابي اقول اسمها
اتصلت لها امي حجزت عندها تاريخ 2-3 ورحت انا اكدت الحجز ودفعت لها 50 دينار
واكدت لها ان التاريخ 2-3 قالت لي انا للحين ماسويت دفتر للسنة الجديدة بس راح اكتب في دفتر قديم وبعدها انقله
قررت اسوي العرس عقب الاوضاع والجلوة بتجلى في البيت
اتصلت لها قلت لها ابي ااكد الحجز قالت لي انتي حجزج بتاريخ 4-3 انا قلت لها مايصير معقولة مابعرف تاريخ جلوتي
قالت هذا المكتوب عندي مني مناك قالت انا اصلا محجوزة 2-3 برى البحرين
انزين ابي 3-3 قالت احتمال للحين مارجعت من السفر
زين ابي فلوسي تقول مالج فلوس وانا متاكده مليون بالمئة انه عطيتها التاريخ عدل في وحدة ماتعرف تاريخ جلوتها خصوصا اني حاجزة صالة بهالتاريخ
وامي قبل عطتها نفس التاريخ
الحين واحد من اثنين اما انها يوم تنقل التاريخ من الدفتر نقلته غلط
او انه بروحها بدلت التاريخ يوم حصلت عرض من برى البحرين

وفي كل الحالتين مو غلطتي قلت لها ابي استرجع الفلوس مو راضية بعدين قالت لي تعالي اخذيهم وانا مو راضية
لو مو متأكدة 100 % من اني عطيتها التاريخ صح كان ماكنت بخذه لأنه اكره شي عندي احط شي بذمتي واظلم احد
شي يقولي خليها لاتاخذين الفلوس
وشي ثاني يقولي حقج وانتي محتاجه هالايام كل دينار

قهوه ساده;14565146:
متضايقه وايد :( امي قالت حق خالتي عن الي تقدم لي هو حبيبي بس ماتدري اكيد الاتقولها خالتي توها صغيره وانا عمري 19 بس امي قالت لها الي الله كاتبه بيصير وهذا نصيب في نهايه
:( ادعو لي بناات

اهم شي امج وابوج نفس ماقالو لج
ودايما ادعي يارب اذا فيه خير لي يقربه لي واقتنعي بهالسالفة انه اذا ربج يعرف انه راح يسعدج راح يقربه لج
الله يوفقج يارب وويسر امورج