¦¦§¦¦ تجهيزات عرائس " مملكة البحرين " لشهر ربيع الأول 1432 - 2011 م / الجزء :74 ¦¦§¦¦

ع ـذبة المشاعر;14546180:
اي صح تذكرت سؤالي

بالنسبه لام حسام لازم اروح لعندها البيت واعطيها عربون ؟؟

متخييبه اروح ..

ابي الكيكة لتاريخ 6/3

M!ss CoLoRz;14546205:

اييي لازم عشون عيل!!

حق خطوبة صديقتي رحنا لها البيت ودفعنا العربون واهيه توصل لج الكيكة وترتبها بنفسها إذا في صالة بس في بيت ما عندي فكرة

عروسة غير;14543147:
بنات انا خلاص كنسلت العرس

وماردوا فلوسي كلها العربزون مال الصالة ما رضوا يردونه

متضايقة شوي وايد خسرت بدون فايدة

شتشورون علي بنات ؟؟؟
:(

persian_moi;14542552:

لا كلش ماعندهم احد متوفي ولا اي عذر

بس يقولون عشان الاوضاع
كسرو قلبي لكن بعد مرتاحة من قراري
الحين احتمال نسوي خيمة في ارض ابوي عنده قطعة ارض صغيرة في منطقتنا
مشكورة حبيبتي على الدعوة الحلوة تسملين يالغالية

persian_moi;14545543:

فاتي سفن

انا ادري انه الاوضاع هدأت بس شنسوي اذا الناس مب راضية تفهم

جنون العشق

الله يعينج بصراحة موقف صعب ربي يسر لج امورج .. اكره شي اذا الاهل مايتفهمون

بنات راعي الصالة مارضى يأجل ولا يكنسل بالمرة
يقول بروحه منضرب اللي يبي يكنسل واللي تأجيل
وكلش كلش مارضى مع انه حاولنا معاه اكثر من مرة
بس قال احتمال يراعينا اذا نبي عدد اقل

قلنا على باجر بنخبره

persian_moi;14544790:

اختي دام جذي السالفة

ليش ماتحجزين ع اساس انج عادي

تره والله حرام تدفعين على اساس عروس و محد بيجوفج

وصدقيني تره العادي وايد مقارب لعروس

تقدرين تقولين للماكييرة عرس اختي وابي اكون كشخة

خلنا واقعيين حتى التسريحات بالنسبة لي مو وايد تفرق

اتمنى تتقبلين رايي حبوبة وماتزعلين

مخمليات;14546263:

persian_moi حبيبتي,, شدعوة محد بييج لا إن شاء الله الكل بيونج وانا أأيدج على مسألة انه تقللين العدد لـ 200 شخص وثانيا حتى لو سويتي حفلة في الخيمة كم بتكلفج؟؟ يعني نفس الشي تقريبا انا انصحج ما تكنسلين,, بما انه الوضع مستتب وهدأ شوي اشرايج تقدمين الحفلة وتلحقين على روحج احسن يعني جيكي هالويك اند وعرسي خلاص دام كل شي ما راح تكنسلينه ماله داعي تنتطرين لين تاريخ 3 عرسي قبل وريحي نفسيتج وانا متأكدة انه كل الحجوزات متوفرة وتقدرين تقدمينهم وربي يوفقج..

':
[ أبيڪُ و ما أبيـهُـم ][;14546732']حسبي الله على بليسه هالعيار

كل يوم له حجوووه ما يثبت على شي واحد

بس حبيبتي توكلي على الله وسوييييييييييييييييييه

لان حرام بيزات ريلج اتطير على واحد ما يخاف الله و انتوا الخسرانين ترى ان ما سويتوه

الي بيي حياه الله و الي مابيي الله وياه اهم شي اهلج الجراب موجودين و اهله

اما الناس الباقيه ماعليج منهم

ميدو العروسة;14547064:

اني حاجزة مكياج عند ابتسام بو 40 ,, و الشعر عايدة ما رضت تقبلني عادي قالت يا عروس او معاي احد ,, عشان جدي قلت لها اوكي عروس ودفعت العربون من زماان,, الحين ما اقدر اغير شي:badly:

ام ليال .. خخخخخخ
انتي بعد نفس طختي

صار لي سنة و7 اشهر يعني قريب بكمل سنتين ويوم حجزت للعرس تغيرت اوضاعنا .. يلا ربج كريم واللي فيه الصلاح بصير

صج صج انا حاسة فيكم بنات وبشعوركم وصج شعور يحير ويخوف بس بعد الواحد شيسوي ,, خلاص توكلوا على الله وان شاء الله كل شي بصير اوكي ونكون بأحسن من هذا الحال .. ترى التفكير والمحاتاة اتعب وانتوا لا اتعبون روحكم ولا شي خلوا حملكم كله على الله وان شاءلله بيفرجها لكم

بنوتة فن;14546422:

ليييش كنسلتي..:study:

ع الاقل جان اجلتي افضل لج وتطلعين باقل الخساير,,:celebrate:

نصيحتي اذا تقدرين اجلي افضل سويها استقبال بعدين,,

او تقدرين تعرضين العربون للبيع,, صح بتكون بخسارة بس بتكون اقل من انج تخسرين كل شي :thumbs_up:

ع ـذبة المشاعر;14545390:
بالنسبه لي كنسلت حفله الجلوة ..

والحمد لله اني كنت مسويه حفله خطوبة ولبست اوف وايت فيها ..

على بدايه شهر 3 بشيل قشي وبروح بيت زوجي هههههه

ولييين كلش كلش هدأت الاوضاع بسوي عزيمة للأهل على عشى وبتعدل تعدول بسيط وبصور

^

اهي الفرحه للاهل

والله ييسر لكل وحده فيكم ..

persian_moi;14547097:

اها جذي يعني

الله يوفقج حبيبتي وتطلعين احلى عروس

اما عني شكلي من المحاتاة مابتيي ليلة العرس الا انا تحت عيني اسود من التفكير :worn_out:

ام ليال91;14547105:
لا وآنه احس حتى العايلة تمللو وآنه مخطوبة :celebrate:
بنت خالتي الي قدي .. كانت مخطوبة قبلي بشهر .. وتزوج وحملت ويابت بنوتة .. وآنه للحين حتى ما عرست :hysterical:

':
[ أبيڪُ و ما أبيـهُـم ][;14547212']‏persian_moi
اويا عليج حبيبتي كاسرين خاطري والله كلكم و انتي ماعليج من احد
سوي الحفله و استانسي يوم ف العمر ما يتعوض ولا يتكررر و يا حلو هاليو والله
توكلي على الله حبيبتي و ان شاء الله بيحضرون لج وزين سويتي و قللتي العدد

ميدو العروسة;14547236:

يا رب F:

اني خلاص صرت هيكل عظمي من التفكير :sick:
لا تصيرين نفسي ولا تفكرين وايد ,, انتي عروس ولازم تريحين روحش قبل الحفلة,, ونسيت اقول لج زيدي العدد 201 ,, لاني عزمت روحي:lol:

persian_moi;14547255:

انا شلي مصبرني غير ذي اليوم اللي احط يدي في يده واسافر وافتك من اوضاع الديرة المتعبة نفسيا

بس وايد قاعدة احاتي انه يخترب عرسي بسبب ظرف قوي .. ابي اغمض وافتح الا تاريخ 3-3 وانا في الصالة وياه

تره انا مو بس الحين سوو لي هالسالفة .. في الخطوبة يننوني !! حتى مالت مجيد للأفراح كسرت خاطرها وقامت كليوم تتصل وتتطمن علي وتهديني مع انه المرة ماعرفها من قبل .. واليوم اتصلت لي يوم قلت لها السالفة تقولي وانتي كلما بتسوين حفلة يقعدون يتمشكلون معاج!