¦¦§¦¦ تجهيزات عرائس " سوريا " لشهر ربيع الأول 1432 - 2011 م / الجزء : 2 ¦¦§¦¦

شوفي بوح
هاد الموديل نحنا عاملينه بيجي حلو مع الكورنر
بس أكيد الخيار إلك




بس طبعاً شوفي الألوان


هنودة الحمد لله على كل حال
هالجامعة شفت غرايب عجايب
بالسنة التانية مرض أخي ضل 3 ايام بالعناية المشددة وكان وقت الفحص رسبت على مادة
بالسنة التالتة ماما عملت عملية وأصلاً السنة التالتة صعبة فرسبت
بالمرة التانية للسنة التالتة بابا مرض وبعدين اكتشفنا أنه معه سرطان وتخيلي الوضع بالبيت (الحمد لله هلأ طاب )
لما صرت سنة رابعة انخبطت قصدي انخطبت بالفصل الأول الله يسامحه ما خلاني قدم فحص وعملت تأجيل لوقت صار الفصل التاني كان فسخت خطبتي وروحة محكمة ونفسية زفت

والحمد لله هلأ لقدرت ارفع راسي وكل مادة عم رفعها كأنها عيد عندي
صرت استحي من كتر ما بتسألني العالم عن تخرجي بس اللي بيعرف بيعرف واللي ما بيعرف بيقول هالبنت كسلانة ههههههه
هلأ مدري ليش حطيت قصة حياتي ههههه بس فشة خلق

مرحبا صبايا شو اخباركم
بوح حبيبتي قماشة البرادي احسها جايه مع الصالون يعني اوكي الالوا ن الي اختريتهم بس اقترح عليكي انو تاخدي غطا للتكيات قريب من الوان البرادي حتى شوي تعطي حركة للكنبايات
وكمان لو البرادي مايكونوا لون واحد ممكن يطلعوا احلى وفيهم حركه وكل صور البرادي الي نزليتهن حلووين والالوان الي اخترتيهم كمان حلوين

سسسن شاااين يعطيكي العافيه يارب
والله الله يكون بعوونك ع كل الي مريتي بيه كويس الحمدلله انو لسه الك نيه تدرسي الله يوفقك يارب وتبشرينا بخطوبتك قريبا

يااحلى الحلوات هنوده قبل سنتين خطيبي كان طالب باخر سنه طب فمكان عنده امكانيه انو نتزوج لهيك قررنا نخطب واطلع مع اهلي لكندا وان شالله بعد مانتزوج نقرر وين بدنا نستقر

اميرة حياته;14524595:
يااحلى الحلوات هنوده قبل سنتين خطيبي كان طالب باخر سنه طب فمكان عنده امكانيه انو نتزوج لهيك قررنا نخطب واطلع مع اهلي لكندا وان شالله بعد مانتزوج نقرر وين بدنا نستقر

ايه احسن ماتكونو هون هيك بتشتاقو لبعض يارب تفرحينا بخبر زواجك

SuNSh!Ne;14522914:
شوفي بوح
هاد الموديل نحنا عاملينه بيجي حلو مع الكورنر
بس أكيد الخيار إلك




بس طبعاً شوفي الألوان


هنودة الحمد لله على كل حال
هالجامعة شفت غرايب عجايب
بالسنة التانية مرض أخي ضل 3 ايام بالعناية المشددة وكان وقت الفحص رسبت على مادة
بالسنة التالتة ماما عملت عملية وأصلاً السنة التالتة صعبة فرسبت
بالمرة التانية للسنة التالتة بابا مرض وبعدين اكتشفنا أنه معه سرطان وتخيلي الوضع بالبيت (الحمد لله هلأ طاب )
لما صرت سنة رابعة انخبطت قصدي انخطبت بالفصل الأول الله يسامحه ما خلاني قدم فحص وعملت تأجيل لوقت صار الفصل التاني كان فسخت خطبتي وروحة محكمة ونفسية زفت

والحمد لله هلأ لقدرت ارفع راسي وكل مادة عم رفعها كأنها عيد عندي
صرت استحي من كتر ما بتسألني العالم عن تخرجي بس اللي بيعرف بيعرف واللي ما بيعرف بيقول هالبنت كسلانة ههههههه
هلأ مدري ليش حطيت قصة حياتي ههههه بس فشة خلق

يعلي عليكي كل هاد صاير فيكي والله برافو عليكي

ليكي طولي بالك وان شاء الله هالسنة بتتخرجي وبتلحقيني عالقصر العدلي

وبتتزوجي موبس تنخطبي :L:

اميرة حياته;14524578:
مرحبا صبايا شو اخباركم
بوح حبيبتي قماشة البرادي احسها جايه مع الصالون يعني اوكي الالوا ن الي اختريتهم بس اقترح عليكي انو تاخدي غطا للتكيات قريب من الوان البرادي حتى شوي تعطي حركة للكنبايات
وكمان لو البرادي مايكونوا لون واحد ممكن يطلعوا احلى وفيهم حركه وكل صور البرادي الي نزليتهن حلووين والالوان الي اخترتيهم كمان حلوين

اهلين صبايا شو اخباركم؟
ممكن اسالكم شو احسن الصالات للاعراس بدمشق يعني الصالات الي انتو شايفهن وكانوا مرتبين وحلوين
وياريت تكون صغيره لانو مارح يكون عندنا معازيم كتاار شو رايكم اي صالات وشو الاحلى وعنوانيهم اذا ممكن

تسلموا حبايبي
الحمد لله على كل حال
ويلاا الواحد بيتعلم من تجارب حياته

بوح يا عسل شو صار معك قررتي شو الجلايل اللي حتجيبيها

أميرة حبيبتي في ميزانية معينة ؟؟
يعني في صالات غالية وفي صالات رخيصة
فأنتي شو بدك وتكرم عيونك

اهلين اميرة

متل ماقالت فوفي حسب الميزانية منقلك تكرم عينك

مرحبا بنات
سامحوني تاخرت شوي بالرد عليكن
يعني مافي ميزانيه معينه بس بدنا شي مرتب وحلو وكمان معقول مو كتيير غالي بدي اعرف انتو اي صالات شفتوها حلوة وكمان معقوله
اه بنات خبروني سيتات النوم ولانجريز في موديلات حلوة بسوريا منها وخاصه الي قماشتهن ستان ع سيتات النوم
ووين الاقيهن انا مابعرف عن سوريا غير لما زرناها مرتبين الصالحيه والحمرا وسوق الحميديه شو رايكن هلاماكن كويسه ممكن الاقي فيهن ولا في اماكن تانيه؟
يااارب يوفق كل وحده فيكن ويسعدها بالدارين سامحوني عم تعبكن

هلا بالعروس أمورة
أول شي بلاها هي كلمة عم عزبكن ولو نحنا أخوات ان شاء الله

شوفي يا ستي
في عندك صالة الليدي بالاس هي صالة أحلامي هههههههه للخطبة ان شاء الله
بتساع بين 200 و250 شخص
على الشخص الواحد بتكلف 400 ليرة مع الضيافة والتصوير
بس يوم الخميس والجمعة بتصير 450 عالشخص الواحد
وهلأ ممكن توصل ل 500 ليرة عالشخص حسب نوع الضيافة

مع التصوير والكاتو والضيافة
وكمان الكروت من عندهن بس بصراحة ما بعرف إذا السعر لحاله ولا لاء

مكانها بالعدوي عند وزارة النفط


هلأ في عندك الصالة البهية راقية ومرتبة
فيها 3 صالات أصغر وحدة بتساع 200 شخص مقطوعة بتكلف 125 ألف ليرة
مكانها بتنظيم كفرسوسة


في صالة الجلاء الفضية هي بصراحة موقعها حلو بس ديكورها مو حلو وغالية عالفاضي يعني عالشخص 700 ليرة
هي على اتوستراد المزة

صالة الليوان
الصغيرة مو حلوة بس الكبيرة حلوة بس بصراحة ما عندي فكرة عن الأسعار
هي موجودة عند ملعب الفيحاء بركن الدين تحديداً شارع برنية

هلأ يوم الأربعاء عندي حفلة خطبة رح شوف الصالة ما بعرفها
ويوم الخميس عندي عرس بصالة نقابة المعلمين كمان حشوفها ما بعرفها
وبجي بقلك عنهن

هدول بصراحة اللي بعرفهن
وهنودة ان شاء الله بتكملك الباقي بتعرف أكتر مني


بالنسبة للانجري

بالحمرا والصالحية في شغلات حلوة
في محل اسمه السرمد بالصالحية
في محل اسمه تاجي كامن بالصالحية
وفي محل اسمه ستارز دريمز بشارع الحمرا
صاير عند فندق البلو تاور

المحلات اللي بالحميدية في عندهن شغلات حلوة
والأسعار مختلفة في الغالي وفي الرخيص يعني انتي شوفي اللي بدك ياه
ان شاء الله كون ساعدتك
أي طلبات تانية يا عسل من عيوني تكرمي

سؤال بدك تخيطي بدلة العرس خياطة ولا بدك تشتريها جاهزة ؟؟

ياعمري عليكن يالسوريات شو تنحبوا وطيبات
تسلميلي حبيبتي يااارب يرزقك باكثر من الي تتمنيييه يااااااااارب
الف شكر ع المعلومات الي عطيتينياهن احنه باذن الله معازيمنه بالكتيير بالكتيير حيطلعوا 100 فيمكن افضل لو نختار صاله تحسب ع الشخص
وحده صاحبتي تزوجت بسوريا السنه الفاتت وشفت فيديوا العرس تبعها كان حلو بس كانت الكوشه مو حلووة بنوووب
طيب بما انك شايفه الكوشات بالمحلات الي حكتيلي عليهن خبريني شو كانوا حلوين وكيف تفصليتهن اذا تتذكري خاصه بالليدي بلازا (حبيت هلصاله شكلي مثلك)

يعطيكي يارب الف عافيه
سجلت اسماء المحلات الي كتبتيلياهن انا اخذت من هون كم قطعه من لاسنزا ولا في ان روز بس ماعندن شي مميز للعرايس كلها بسيطه كتيير وعاديه

بالنسبه لبدلة العرس باذن الله رح اشتريها وبالاغلب رح اخذها من كندا لانو الوقت الي قبل العرس يادوب اكمل فيه الاواعي الي وقمصان النوم وتعرفي اختيار البدلة ياخذ وقت وطلعه ومحلات

انا شفت هون كم موديل عجبوني رح نزللكن صورهن واسعارهن وانتو شوفوهن وانصحوني
ااه امي ذكرتني بحاجه حتى اسالكن عليها
فيه توزيعات للاعراس عندكن بسوريا حلوينن
التوزيعات هي سلال فيها علب صغيره مرات فيها شوكلات ومرات فيها عطر وتتوزع ع المعازيم ومكتوب عليها اسم العريس والعروسه ويوم العرس ان شالله عرفت اشرحلكياهن
يارب ينولك الي ببالك ويسعدك ياعروس الاكسسوارات
هنوووده مس يو وبوح كمان ماطليتوا اليوم

هلأ بالنسبة للكوشة تبع الليدي بالاس أنا محتفظة بصورتها من الجريدة
ان شاء الله تكون الصور واضحة
هي ألوانها موف وأبيض

هي الطاولات


هو الكوشة



هي صورة عامة للصالة



هي المدخل بس من جوا




التوزيعات بتلاقي منها بمحلات الشوكولا

أو بتنزلي عالحميدية وهونيك في سوق كله بشتغل بتوزيعات البيبيات والأعراس بتوصيه عالطلبية بيخلصها لك عل%

اهلين امورة

حبيبتي وانا اشتقتلكن والله شوفي هلق فوفي ماقصرت الصراحة بالصالات وانا امبارح حضرت عرس بصالة اسمها جودي
الصالة مرتبو وحلو وبتسع 100 شخص يمكن ومتاكدة انها رخيصة لانها ببيلا وهنيك الصالات رخيصة بس مشكلتها فيها اعمدة وكوشتها حلوة ومرتبة

ايه في صالة قصر فالانسيا هي كمان بتسع شي 200 بالمزة بمدينة الشباب هي كمان مرتبة وحلوة بس مابعرف الاسعار

اختي الجمعة رايحة على خطبة كمان بقلك ك اذا الصالة حلوة وبسالك عن الاسعار
اممممممممم والله في صالات كتير
ايه صح هي تبع نقابة المعلمين حلوة ومافيا ولا عضاضة ومرتبة ورخيصة وبتسع شي 200 او 250

في صالة المجد بباب مصلى كمان مابعرف السعر بس حلوة وبتسع لشي 100 شخص ههههه هي تابعة لنادي المجد يلي بيلعب
فيه خطيبي ومنتسب الو




وفي\ صالة لازوردي في صغيرة وكبيرة

هي صورة الكبيرة ماننزلت عندي غير صورة الكبيرة وهي 400 للشخص الواحد انا عجبتني كتير بس يمكن مااقدر ساوي فيها لانو مابتناسبنا بالسعر
وقال بتسع 600 شخص مابدك ياها هههههههههه شوفي الصغير ة بس نفس السعر هيك قلي لمن اتصلت








هي بنوتة اسمها بيرو صحيح وينها ماعد طلت علينا المهم هي يلي عطتني الرابط للصالتين





لحظة انا كل ماانعزم على عرس بخبي الكرت بقا انتظريني حتا روح اتذكر الصالات وبرجعلك اوكيه

بعدين شو عذاب عادي حبيبتي انتي بس فرحينا بزواجك الله يتمملك على خير صحيح سؤال مع انو غريب ليش انتو بدكون تعملو العرس بسوريا انتو مو من ليبيا وخطيبك هنيك

ايه في كمان صالات المزة للافراح اول طريق داريا

هدون في 3 بس الاحلى هنن الماسية والمرجانية اما الدهبية كبيرة بس ديكوره قديم مابعرف اذا هلق جددوه بس اانا برايي احلى شي المرجانية مرتبة وع فكرة

اكبر شي الدهبية بعدين المرجانية بعدين الماسية يمكن بتسع شي 100 شخص والاسعار مابعرف بس كمان مو غالية كتير

في مجمع قصر البتراء انا بعرف الصالة الماسية مرتبة هي عبارة عن طابقين اول طريق المطار مفرق الاندلس مقابل جامع الخير

وكمان الذهبية حلوة ومرتبة وبتسع متل مابدك 100 ا و150



وفي الصالة يلي عملت فيها اخت خطيبي عرسها:p اولد هاوس حلوة ومررتبية بس بتسع شي 250 مابدك ياها وهي كمان ببيلا


في كمان صالة الجلاء يلي قالت عليها فوفاي هلق في 2 القاعة الملكية رقم 1 والملكية رقم 2
الاولى كتير حلوة بتجنن وفخمة بس غالية وبتسع 500
التانية كمان فخمة بس صغيرة ومرتبة ومافيا عواميد بس كما ن غالية بس عنجد حلوة كتير وبتسع 100 ل150


في كمان الليوان كمان قالت عليا فوفي بس والله الفضية الصغيرة انا حبيتها يعني مرتبة بس فيها اعمدة بس ديكورها حلو


في كمان مجمع قصور البدر انا بس بعرف الملكية هي صارت فيها خطبة اخت خطيبي حلوة ومرتبة وبتسع 200 ل250 ويمكن 50 الف اجارها
وهي كما ببيلا طريق السيدة زينب

في صالة اورينت بالاس اول طريق السيدة زينب يعني ماشي حالها واذا بدك في الها مو قع عالنت هلق اذاا قدرت بحطلك صورها تكرمي او الرابط وكمان هي بتسع بس
شي 250 شخص يعني مابدك

صالة ديليس في قاعتين يمكن انا ماشفتون بس بيقولو حلوة ومرتبة ومو غالية هي بزملكا


في صالة قصر النعيم هي حلو ة ومرتبة والمسرح بيرتفع لمن بيرقصوا العروسين وموغالية كمان هي بزملكا بس بتسع اكتر من100 يمكن شي 200

المهم هدون يلي حضرت فيون اعراس وشفتون بقا انتي تعي لسا في كتيررررررر صالات مو شايفتون ولا سمعانة عنهم

بالنسبة للتوزيعات متل ماقالتلك فوفي بتلاقي بسسسسس مافهمت عليكي كيف يعني سلة وبقلبها علبة

هلق شغلة الاسماء عرفتها اذا قصدك هيك


سوري مو كتير واضحة الصورة

هون مكتوب ذكرى ولادتي وتحتها اسم المولودة وتحت التاريخ

اذا عندك صورة توضيحية حطيها او شبيها الها للفكرة واذا بدك
انا بعملك التوزيعات لاني شاطرة ببهالشغلات وحابة اشتغل فيها لهي الشغلة

وانا عملت هدايا وعلب وتوزيعات بس كلون ببلاش مجانااااااا لانو كلون بعرفون

وهون بالمنتدى حاطة توزيعات شون ذا شيب رح حطلك الرابط عملتون بعيد ميلاد ابن اخته لخطيبي مع الستاند تبعون يلي هو عبارة عن مزرعة
مع انها مابتستاهل بس يلا كرمال خطيبي


تنظيمي لحفلة ابن اخت خطيبي الاولى بثيم شون ذا شيب(مع بطاقات وتوزيعات)شغل ايديي

تغليفي بخلفية هلو كيتي الزهر لهدية مولودة بنوتة عطوني رايكم

وشو مابدك انا جاهزة والله يتمملك على خير يارب ويعجلي زواجي ويفرج همي
انتي ايمت عرسك

يعلي عليكي يابوح ليش هيك انا رايي اعملي العرس واخلصي قبل مايموت خالو بلا مايتاجل عرسسكم نصيحة مني مابدي ياكي يصير معك متلي

وهلق عم تزداد المشاكل الله الوحيد يلي قدران يفرج همي وهم خطيبي الله يساعد

صباح الورد احلى صباياا
هنووده ماشالله كفيتي ووفيتي الف شكر حبيبتي طبعا انا حفظت البيج عندي والمعلومات كلها تقريبا نزلتها الحمدلله ريحتوني انتي وفوفايه الصالات حلوين الي منزلين صورهن حبيتهن وحتى ماما شافتهن حلويين بالرغم من انو معازيمنه قلالال ان شالله

تسلمو حبيباتي ياااارب يفرج همك انتي وفوفايه ويحققلكم الي ببالكم عاجلا غير اجلا يااارب
اي هنودتي فهمت عليكي ع التوزيعا ت اي مثل ما بالصوره انا قصدت انو كيف يقدموهن للمعازيم يحطوهن بسلال وتكون مزينه مثل التوزيعات رح ننزلكن صور التوزيعات هون بكندا كيف شكلهن

واخيرا قدرت نزل الصور
يمكن شكلها مثل الي بسوريا هي علب وبداخلهن شوكولا وعليهن من بره بيطبعوا اسم العريس والعروس وتاريخ العرس وفي منن اقل من 52 ليره ع القطعه وفي الي اقل من 100 ليره