¦¦§¦¦ تجهيزات عرائس " ليبيا " لشهر ربيع الأول 1432 - 2011 م / الجزء : 20 ¦¦§¦¦

لؤلؤة سرت;14407154:
سؤال مخالفة لفيكي ولكل البنات الللي عندهم خلفية عليه..
اول شيء نبي نسال على شارع تكلمتي عليه يافيكي اسمه الاستقلال في تركيا
وشكرتيه حابة نعرف لو مشيتله نلقى فيه اللي نبيه وحاجاته حلوة اولا
ثاني شيء اللي تعرف عن سوق للجملة هوا التجار امتاع المحلات ياخدوو منه وقالوو يفتح يوم الاربعاء
نبي نعرف وين الشارع هادا وشنو اسمه وهل هوا في اسطنبول؟

رد مخالفة للؤلؤة

بالنسبة للاستقلال حبيبة فيه اغلب المحلات اللي ليها فروع في تركيا بالنسبة للملابس بس مش بالجملة..ومحلات الجملة موجودات في عصمان بيه واغلبيتهم في الزناقي مش في الرئيسي وفي منطقة ميريت mereter اغلبها محلات جملة ومنطقة لالالي حتي هي وفيه سوق اسمه محمود باشا في امينونو اني مش ماشيتله لكن سامعة بيه هادم اللي عندي فكرة عليهم بالنسبة للجملة بس السوق اللي تحكي عليه حبيبة ماعنديش فكرة عليه

dr princess;14406184:

سؤال مخالف:

نبي نسألكم شن نحط لخطيبي في ردة السوابيت ومنوين!!حايرة على فكرة 13 سابات نخمم فيهم شن بيعبيهم بس

رد مخالفة
اول مرة نسمع ان العروسة مفروض ترد كل السوابيت اللي جابوهم حوش العريس؟
اني نقولك على تجربتي وتجربة اختي وشن ردينا
اني بياني كان تلبيسة في موسم فماكانش فيه هلبة سوابيت نردهم يعني جابولي زوز سوابيت بس وسفرة دهب..ورديتهم وزدت سابات عليهم..وحطيت بدلة رجالية كاملة مع كندرتها ولوازمها وملابس داخلية وشخاشير ستة من كل حاجة وفيه اللي يحط في 12 ..وبيجاما معاها روب وشبشب وروب حمام ..وست عطور وساعة وسفرة بكلاوة تقريبا هذا اللي رديته وكان زدت اتذكرت تو نكتبلك
بالنسبة لاختي بيانها كان كبير وجابولها هلبة سوابيت مش متفكرة عددهم وطبعا سوابيت حوش العريس خدوهم طول تاني يوم لانهم ماجرات
فاختي ردت بعدها في سوابيت تانيات وحطت حتي هي بدلة كاملة بكندرتها ولوازمها وملابس داخلية نفس العدد اللي رديته اني وساعة وسيت عطور وبيجاما بروبها وشبشبها وروب حمام وسفرة بكلاوة و زادت سابات حطت فيه سورية عربية وعباية بالبلغة متاعهم وحطت معاهم سبحة ومصحف وعطر شرقي
لكن كان بتعبي 12 السابات معناها بتشري حتي لبس كاجوال ولا اكتر من بدلة رسمية لو عريسك يلبس فيهم

لؤلؤة سرت;14407154:
سؤال مخالفة لفيكي ولكل البنات الللي عندهم خلفية عليه..
اول شيء نبي نسال على شارع تكلمتي عليه يافيكي اسمه الاستقلال في تركيا
وشكرتيه حابة نعرف لو مشيتله نلقى فيه اللي نبيه وحاجاته حلوة اولا
ثاني شيء اللي تعرف عن سوق للجملة هوا التجار امتاع المحلات ياخدوو منه وقالوو يفتح يوم الاربعاء
نبي نعرف وين الشارع هادا وشنو اسمه وهل هوا في اسطنبول؟

فيه سوق لقيته في منتدي اسمه سوق الجمعة في منطقة اسمها فندق زادة وللامانة مانعرفاش اصلا وكاتبين انه رخيص ويفتح للسبعة العشية
وفيه مول اسمه اوليفيوم مول في منطقة زيتون بورنو قدامه في محلات رخيصة هلبة وحتي هو اني مش ماشيتله

رد للى يسألو على المزينات ...

يا بنات راهو حظوظ ... والله مرات تمشى لاى مزين وتطلعى تهبلى ومرات تمشى لاحسن مزين وتطلعى مش حلوة نهائى ..

بس المهم واحد يكون مرتاح نفسيا وحيعكس على وجه ..

انى فى حفلتى مشيت لننادية والحق طلعتننى قنينة ... بس حسيت مازال نطلع احلى (على اساس هههه)

ويوم محضرى كنت حاجزة عند نجاة النجار ايمات كانت مش معروفة هههههه فى السياحية تخدم بحدا حوشنا المهم كلمتها الصبح يوم محضرى قتلى راجلى مريض فى المستشفى وانى اسفة تخايلوا .. طبعا مكانش عندها الا انى لان مكانتش مشهورة اساسا .. المهم مشيت لمزين مش معرووف نهااائى فى بن عاشور مبيتش حتا نقول ان محضرى قلت مرات ميقبلونيش .. خشيت قلتلها انى عروسة ونبى ندير مكياج وتسريحة وخلاص .. وفعلا خشيت مكيجتنى طووول ودارتلى تسريحة وانى جايبة معاى قفطانى طبعا قلتلها عادى نلبس عندك قتلى عادى لبست على اساس عروسة قفطان كبير .. وجانى راجلى ومشيت بكررررى وفعلا والله طلعتنى احلا بسيت الف مرة من يوم الحفلة وخلصت 60 بس ههههههه .. ونجاة كنت حاجوة عندها ب 150 وقتها ..

يعنى المهم وحدة تهىء نفسها وترقى روحها وتهمت بروحها وببشرتها وشعرها وجسمها من توا وبادن الله حتطلعوا حلوات كلكم هههه

مصراتية .. كان قابلونى بادن الله مش حننساك

سؤال مخالف:من يعرف محل متااع تغليف هداايااا فى طرابلس
ارجوووكم ردوو عليااا فى ااسرع ووقت

شدى الاحساس;14410167:
من يعرف محل متااع تغليف هداايااا فى طرابلس
ارجوووكم ردوو عليااا فى ااسرع ووقت

رد مخالفة
الهرم متاع الهدايا في بن عاشور

يسعد مساكم
سؤال مخالفة
من مجربةاقراص فيتامين... ماركة سوبرادين supradyn?

رد مخالفة :
الدغري يغلف في تغليف ايهببببببببببببببل

السلام عليكم


سؤال المخالفة :


بنات ياريت لو في حد عنده صور للفساتين باقمشة الردى الليبي تحطولي قاعدة ندور في النت بس ملقيتش



بليييييييييييييييييييييييييييييييييييييييييييييز

(جواب مخالف)

انا نجاة النجار طلعتني في بياني وطلعت راضيه علي روحي الحمد لله بس كان المكياج هادي مش متع عرس لكن كل من يشوف الصور يقولي اتغيرتي




(سؤال مخالفه)
حتي انا حائره عند منو نحجز مره نقول نجوي التليسي ومره نقول ناديه ومتلخبطه مش عارفه والعرس قريب ونبي نحجز وفاطمه متخدمش يوم الاثنين يا بنات رشحولي مزينه ومتنسونيش نبي اراء هلبا

فيكي 1;14417337:



سؤال مخالف
اي افضل لتقشير المنطقة الحساسه المنياكا ام بيكربونات الصودصوم وكيف تكون الخلطة وكم مره بالاسبوع وهل اضع بعدها خلطة التفتيح ولا نستنى يوم او اكثر
رد مخالفة
هي نفسها حبيبة ..واللي نشري فيها اني ماركة فوستر كلاركس نخلط فيها بمية ورد والتقشير عموما بالكتير مرتين في الاسبوع لانه التقشير اكتر من اللازم يزيد السواد وبعد التقشير تقدري طول تحطي خلطة التفتيح

رد مخالف:

كيف الطريقة ممكن التوضيح


ونبي الالة امتع ازالة شعر الانف وين نلقاها في طرابلس زي الصورة جابوها في برنامج التفاح الاخضر

ونبي الالة امتع الزمالطوا اللي ادير في رسمات حلوة

حلا 2011;14413083:
رد مخالفة :
الدغري يغلف في تغليف ايهببببببببببببببل

سؤال مخالف:

لو سمحتى وين مكانه الدغرى بزبط

عروسة ليبيا;14414645:

لعيون شيمو حبيبتي والله حملتهم لعيونك من جهازي

بس انتي خوذي منهم افكار وتقدري تصممي حاجه احلا

سؤال مخالفة لــــ اسامة عمرى ...
من وين خديتى الظلال الجاهزة لو سمحتى ..؟؟؟
سؤال مخالفة لـــــــــــ فيكى ..
كم سعر العطور اللى حطيتهم لية الايام اللى فاتو ...
Versace Crystal Noir
غيرلان انسولانس
ديور اديكت
سؤال مخالف لـــــــ موريناا ...
عطر بلاى بقداش حتى هوة ؟؟

رد مخالف لغراء:
الدغري يجي وانتي نازله من جزيره الفرناج لزناته علي ايدك اليسار
بعد مستوصف الحريه ومحلات السجاد

رد لجموله:
انا من راي توكلي لنجاة النجار مكياجها حلو
لاكن اختها كريمه مازاااااااااااااااااال احلي بهلبه

انا مروحه في مطار فيه بنوته واضح انها تجهز لي عرسها وشنطاي مشاء الله كبيره وثقيله
وعارفين كل شنطه ضروري تكون وزن معين مثلا خطوط الافريقية الوزن كل شنط يكون 24 كيلوا بس

والحق مش حلو منظرك وانتي فاتحه شنطه وتوزعي الوزن علي الشنط تانيه


نصحيه للكل بنت تسافر تشري ميزان الشنط وتشوف كل شنط كم وزنها قبل تطلع مطار
ع اقل تعرف لو فيه وزن زياده او لا :D


صور الميزان

مبروك التجهيزات الجديدة وكل شهر وانتم طيبين

جواب المخالفة لمصراتية

عطر بلاي جاني هدية..بس اعتقد 75مل ب95 دينار او حاجة هكي لاني مرة ساومته ومش متفكرة بالزبط